رواية ميراث نور كاملة بقلم لينا بسيوني عبر مدونة دليل الروايات
رواية ميراث نور الفصل الثامن و العشرون 28
” أين شياطينك الآن؟!!! ”
رجعنا تانى على الكهف وجريت على سندس وأتفاجئت بيها لسه نايمه!!!
Lina Basyouni
حطيت أيدى على راسها لاقيتها سخنه جدا!!!
وسمعت صوت نصير بيقولى :
– متزعلش يانينو بس أنا خبيت عنك حاجه !!
قولتله:
– سندس مالها يانصير !!؟
قالى :
– الساحر الافريقى سحرها زى معتز بالسحر الاسود ومش هينفع تتعالج غير بالهبهاب النازف .
قولتله :
– وهجيبه منين ده دلوقتى؟ !!
قالى :
– ماهى دى الحاجه اللى خبيتها عليك !!
قولتله بعصبيه :
– أنجز يانصير , قول !!!
قالى :
– الجن المعالج اللى حضرناه يوم ما عالجنا معتز ماخدش غير حجر الهبهاب اللى أتحضر عليه بس , و الصراحه انا ضربت على الحجرين التانيين .
قولتله بلهفه :
– يعنى معاك حجر هبهباب ؟!!!
قالى:
– أها بس ماتزعلش منى يانور !!!
قولتله :
Lina Basyouni
– عالج سندس وانا مش هزعل يانصير أنما لو سندس جرالها حاجه مش هرحمك يانصير … فاهم .
قالى :
– ماتقلقش أن شاء الله خير .
وطلع حجر هبهاب ومد أيده وهو بيقولى :
– خد يانينو وحضر المعالج….
خطفت من أيده الحجر , وجريت كتبت أسم المعالج
وحضرته , فحضر
ونصير بدأ يتكلم معاه، شويه ونصير قالى :
– هيقدر يعلاجها من السحر وطبعا هياخد الحجر اللى أتحضر عليه .
قولتله :
– خليه ينجز يانصير !!
شوفت سندس وهى بتفتح عينيها فجأه و بتشهق شهقة طويله وبعدها نامت تانى .
شويه وحجر الهبهاب أختفى .
سمعت صوت نصير بيقولى :
– المعالج أبطل كل السحر المرضى , وعندى خبر ماعرفش هو حلو ولا وحش !!
قولتله بنفاذ صبر :
– نصير انا مدايق منك , فأنجز فى الكلام ومتنقطنيش !!
قالى :
– سندس ممكن تحمل , بس الطفل مش هيبقى طبيعى !!
قولتله :
Lina Basyouni
– مش هيبقى طبيعى أزاى !!؟
قالى :
– فى الغالب هيبقى عنده أعاقه أو تش…
قطع كلامه لما شاف سندس بتفوق , أول مافاقت قالت :
– سيدى !!! وحشتنى أوى .. انا حاسه أنى ماشوفتكش من سنين !!
حضنتها وعينى غرغرت وأنا بقولها :
– أنتى اللى وحشتينى أوى ياسندس.
حضنتنى وفضلت تبكى ..
قولتلها :
– بتعيطى ليه !!؟
بطلت عياط وقالت :
Lina Basyouni
– مش عارفه والله ياسيدى!!
وكملت عياط تانى !!
قولتها :
– طيب أيه رأيك نطلب سمك !!
نصير قال :
– طيب هستأذن انا بقى !!!
وأختفى ..
سندس قالتلى :
– اها والنبى ياسيدى, بس نجيب البت فردودس تاكل معانا !!
Lina Basyouni
قولتلها :
– فردوس !! أسكتى مش طلعت جنيه فى الاخر .
قالتلى :
– جنيه !!
قولتلها :
– لا دى حكايه طويله أوى حصلت وانتى نايمه , هحكيهالك واحنا بناكل !!
حكيت لسندس كل اللى حصل والحرب وشهاب !!!
شهاب !!
أستدعيت نصير لما أفتكرت حاجه !!
نصير جه فقولتله :
Lina Basyouni
– انت قولتلى انك معاك حجر هبهباب تانى صح !!؟
قالى وهو متردد :
– هو انا قولتلك أيه بالضبط علشان مش فاكر!!
اها أفتكرت انا قولتلك انى المعالج فى اول مره خد حجرين واتفضل حجر و…
قولتله وانا مضيق عينى :
– لا يانصه انت قولتلى انه اخد الحجر اللى اتحضر عليه بس , يعنى المفروض معاك حجر كمان .
قالى :
– طيب ماسندس بقت زى الفل اهيه وبتنطط فى الكهف , سيبلى بقى ده خليك جدع !!
قولتله :
– هات الحجر يانصه !!
قالى :
علشان خاطرى سيبهولى , ياخى اعتبره سوفنير (هديه ) تقديرا لمجهودى معاك الفتره اللى فاتت .
مردتش عليه وشاورتله بأيدى علشان يجيب الحجر.
أدهولى وهو مقموص , خدته من أيده وقولتله :
– انا فاكر انك قولتلى انى ممكن أستدعى أى مخلوق على الارض بالحجر ده !! صح ؟!!
قالى :
– أها!!!
Lina Basyouni
قولتله :
– يعنى ممكن أستدعى شهاب نفسه ويحضر؟ !!!
خبط رأسه بأيده وقال :
– أخ !!! ازاى تاهت من دماغى الفكره دى , أها طبعا نقدر نتستدعيه ونستدعى نيللى كمان معاه !!
قولتله :
– حلو أوى !! لم بقى الجن اللى معاك , علشان هقولك هنعمل أيه بالضبط .
نصير واللى معاه حضروا كل حاجه زى قولتلهم بالضبط .
قعدت على الكرسى , وبدأت أكتب أسم شهاب على الحجر وسيبت مكان فاضى على الحجر علشان أبقى أكتب بعد كده أسم نيللى.
خلصت كتابة أسمه وقولت التعزيمة اللى قالى عليها نصير .
شويه وحضر شهاب، اتلفت يمين وشمال وهو بيحاول يدرك هو فين !!؟
Lina Basyouni
لقى نفسه واقف على صاج معدن مبلول و محبوس فى قفص حديد زى اللى كان حابس فيه قرين فردوس !!
بصلى برعب وبأندهاش , وبعدها بص على حجر الهبهاب , فعرف أستدعيته أزاى !!
تمتم بتعزيمات علشان يحضر الجن بتوعه ,فقولتله :
ماتحاولش ياشوشو , محدش هيجى ينقذك هنا !!
بص حواليه علشان يشوف المكان الواسع اللى فيه .
ضحكت على منظره وهو مرعوب وفتحت دراعاتى وانا بقول :
أهلا بيك فى المصنع بتاعى … هو اه لسه تحت الانشاء , بس أيه ظبطوا مخصوص علشانك.
شاورتله على مولد كهربا ضخم كان شغال و بيطلع صوت مرعب، كان متوصل بسلوك نحاس تخينه، متوصله بقضبان حديد .
قولتله :
ده بقى مولد كهربائى , بس أيه ياشوشو , حاجه عاليه أوى، من اللى بيشغلوا بيه المصانع الكبيره , مفيش جن عندك هيجرأ يدخل المصنع والا هيتصعق زى الناموسه ..
وطبعا ياشوشو أنا منسيتكش فى الحفله , ده انت ضيف الشرف !!
الصاعق ده متوصل بالقفص اللى أنت فيه والصاج المعدن اللى واقف عليه , فشار يا شوشو فشار هقليك زى الفشار .
قالى وهو مرعوب :
Lina Basyouni
نور … انا … جيتلك … ومديت أيدى ..
روحت ناحية سكينة الكهربا ,أترجانى وفضل يبكى و يقول:
أرجوك يانور … ماتموتنيش …. مش عايز أموت ..أرحمنى ..
قولتله وانا أيدى على سكينة الكهربا :
بتطلب الرحمه ياشهاب؟ !!
كنت رحمت زينة اللى دبحتها … كنت رحمت فردوس اللى طعنتها فى قلبها , كنت رحمت كل اللى قتلتهم .
أنت كافر ياشوشو ولو أطول أموتك مليون مره كنت هموتك … ودلوقتى السؤال المهم .
– أين شياطينك الان؟ !!
وبدأت أنزل سكينة الكهربا وازود فى فولت الكهربا واحده واحده.
نزلت بسكينة الكهربا لحد ماوصلت ل300 ملى أمبير
..وشوفته وهو بيتنطط على الصاج الحديد , مسك فى قضبان القفص وصرخ بصوت عالى من شدة الالم ,جسمه كله بيتنفض , عضلاته بدأت تتقلص ونفسه بقى بيطلع بصعوبه .
نزلت بالسكينه مره واحده على 10000 مللي أمبير بدأ جسمه يسود والسوايل اللى فى جسمه تنشف , وروحه خلاص كانت بتطلع .
فنزلت بالسكينه لاخرها وشوفت جسمه وهو بيتحرق من قوة التيار الكهربى ومبقاش فاضل منه الا هدومه اللى كانت مولعه .
Lina Basyouni
روحت قعدت على الكرسى وكتبت أسم نيللى على الحجر
وأستنيت !! وفضلت مستنى كتير !! , بس ماحضرتش!!
أستغربت وقمت من مكانى وروحت وقفت محول الكهربا وأستدعيت نصير .
نصير حضر وكان بيبص على محول الكهربا وعلى باقى شهاب اللى فى القفص وهو مرعوب , قالى وهو بيبلع ريقه :
– أوعى تكون هتكهربنى يانينو علشان خبيت عليك الحجر ؟!!
قولتله وانا بضحك :
– ماتنشف ياد كده , ركبك بتخبط فى بعضها ليه؟!!
Lina Basyouni
يانصير أنت بقيت أخويا اللى مخلفتوش أمى ولا أبويا , بس لو عملتها تانى هحطك مكان شهاب فاهم !!
هز رأسه فى عشم وقال :
– حبيبى يانينو !! و حياتك ماتحصل تانى .. أنت عارف الكيف غلاب!! وادينى اهو مكلتهمش مع انى كنت هريل عليهم بس حسيت اننا هنحتاجهم فى حاجة !!
قولتله :
– ماشى يا نصير, دلوقتى أنا بحاول أستعدى نيللى بس مابتجيش , هو الحجر اخره واحد ولا أيه ؟!!
قالى :
– لا طبعا الحجر ممكن يستدعى اتنين كل واحد لوحده .
قولتله :
– أمال مش شغال على نيللى ليه !!؟
قالى :
– معرفش يانينو .. زى ماقولتلك الحجر بيستدعى أى مخلوق على الارض فكده اما نيللى ماتت أو مش على الارض !!!
قولتله :
Lina Basyouni
– يعنى هتروح مننا فين .. ادى القفص موجود .. وأدى المحول موجود لكل من تسول له نفسه أنه يخونى .. واخد بالك يانصه !!!
بلع ريقه وقالى :
– حبيبى يانينو !!
معتز باشا رجع مصر واول مارجع الفيلا باعتلى أروحله على طول , حضنى جامد وهحكالى عن أسرته بره , وسألنى الدنيا كانت عامله أيه وهو بره , قولتله :
– الحياة كانت ممله اوى ياباشا ومفيهاش أحداث خالص , مفيش بس غير نيللى وشهاب اللى كانوا عاملين خيمه جمبنا والناس مبقتش تروحلهم وشكلهم هجوا وسابوا البلد خالص !!
قالى وهو متحمس :
– عندى ليك مفأجاه جباره !!
قولتله بفضول :
– أيه !!؟
قالى :
– أما كنت فى أمريكا , أتعرفت بالصدفه على مسئول دعايا وتسويق عالمى , قولتله على المصنع اللى بنعمله وشرحتله الفكره بتاعتك , ومكنش مصدق , وعرض أنه يمول معانا المشروع , بس انا رفضت , فقدم عرض أجمد .
قولتله :
– عرض أيه ؟!!!
قالى :
Lina Basyouni
هياخد المنتج ويسوقه على مستوى العالم , يعنى من الاخر يانور , أنت بعت قبل ماتصنع , شوف بقى الشهره العالميه اللى هتجرى وراك، لا تقولى بعثه ولا بتاع , انت ممكن تبقى زى ايلون ماسك الملياردير بتاع شركة العربيات اللى بتمشى بالكهربا .
قولتله :
– كل ده كلام جميل ياباشا , بس المصنع لسه مخلصش , ده غير المهندسين اللى المفروض هيبقوا معايا .
Lina Basyouni
قالى :
– بالنسبه لانشاء المصنع والمعدات دى امرها بسيط , المشكله هتبقى فى المهندسين , ممكن أخد وقت على ما أجيبلك مهندسين بنفس المواصفات اللى انت عايزها , عباقره يعنى .
سمعت صوت نصير بيقولى :
– المهندسين عليا يانينو .
قولتله :
– أيه !!؟
قالى :
– فاكر لما قولتلك انى هعملك مفاجاه لما تبقى ساحر قوى زى جدك ناير ؟!!
قولتله :
– اها !!
قالى :
– المفاجاه هى أن عندى 10 مهندسين من الجن حبايبى ويخدمونى برقبته، ومن غير فلوس ياسيدى .. أدينى بس حجر الهبهاب اللى معاك وهتبقى مرضيه خالص .
Lina Basyouni
قولت لمعتز باشا :
خلاص يا باشا لاقينا المهندسين , ماتشغلش بالك , هاتلنا انت المعدات وكمل المصنع .
سمعت نصير بيقولى :
– أيه هتدينى الحجر ؟!!
قولتله :
هو مش أنت قولت عاملهالى مفاجأه .. ازاى مفاجأه بمقابل يانصير !! يلا يانصه روح هات المهندسين وتعالا على المصنع بليل عندنا شغل كتير ومحتاج أقعد معاهم الاول .
قالى :
ماش يا نينو، بس خد بالك براحه عليهم عشان دول مش فى خدمتك اصلا !!
طلعت من فيلا معتز على الكهف , لاقيت سندس مستناينى وفى أيدها ظرف تحاليل , أول ماشافتنى نازل من التبه جريت عليا وهيا فرحانه وبتعيط من الفرحه حضنتى جامد وهى بتقول :
– ربنا أستجاب دعايا ياسيدى … انا حامل ياسيدى فى الشهر الثانى .
قولتلها :
Lina Basyouni
– الف مبروك يا سندس، انتى هبلة يا بت المفروض ترتاحى .. جايه جرى!!
شيلتها ومشيت بيها كانت متنحه فيا وانا شايلها ناحية الكهف , قولتلها :
– متنحه فيا كده ليه يابت ؟!!
قالتلى :
– بتوحم عليك ياسيدى .. عايزاه يطلع شبهك.
قولتلها :
– وانتى خلاص قررتى انه ولد !!
قالتلى :
– حتى لو بت عايزاها تطلع شبهك.
قولتلها :
– هاااح … أهم حاجه ماتطلعش هبله زى امها.
- يتبع الفصل التالي اضغط على ( رواية ميراث نور ) اسم الرواية