رواية نفوس مريضه (كاملة جميع الفصول) حصريا عبر دليل الروايات بقلم تسنيم حمدي
رواية نفوس مريضه الفصل الثاني 2
الوصيه
معتز شاف نورهان وشد كتف ياسين وهمس لي .. هو عمك خلف واد أمته
ياسين خبطه في على ايده .. سيب القميص و دي تبقي دكتوره نور بنتك عمك.....
معتز بصراخ :دكتورة المجانين
نعم..انت بتقول ايه : قالتها نور وهي بتبصله بتعالي وقربت منهم
ياسين همس ل معتز :أخرس
ووقف قدام نور وابتسم :مابيقولش حاجه.. ازيك يا انسه نور.. عامل ايه يا عمي
. نور تجاهلته واقعدت مقابل ليهم بغضب وبجورها اقعد ابوها ادم..
واتكلم بود : احنا كويسين يا ياسين انت ومراتك عاملين ايه
ياسين ابتسم بخفه :تمام يا عمي تسلم على السؤال
قالها وقعد جانب معتز :عجبك كده جبتلنا الكلام.. تعرف تخرس
معتز.. ما انا كنت نايم وساكت انت اللي صحتني
قالها وهو بيتاواب ورجع حط رأسه علي الطاوله من جديد
ياسين خبط على دماغه بياس منه وبص قدامه للمحامي اللي جاب الوصيه وقعد قدمهم
وبجوره صلاح.
مكرم المحامي.. اول حاجه حبب اقولها ان استاذ صادق ابوكم كان بجد بيحبكم وكان كاره بعدكم عن بعض انت و اخوك يا استاذ صلاح وحب يجمع مابينكم حتى بعد ما اتوفى عشان كده استاذ صادق قرر انه الورث هيتقسم مابينكم بعد سنه من دلوقتي وبعد ماتنفذوا وصيته
: يعني ايه بعد سنه الورث يتوزع دا فين الشرع مين دا
صرخ بيها صلاح بغضب
ليستيقظ معتز بفزع بعد صراخ صلاح :ايه هو في ايه
قالها ل ياسين بجوره.. اشششش
ادم بهدوء :ليه بابا وصي ان الورث يتوزع بعد سنه وايه هي وصيته اللي المفروض تتنفذ .. اقعد يا صلاح خلينا نفهم
صلاح بغضب : انا مش هفهم والوصيه دي ماتلزمنيش والورث هيتوزع حالا عشان كل و أحد يعرف حقه فين .. تلقيك انت اللي لعبت في دماغه يا آدم عشان تستولي على حقي قبل السنه
ادم بغضب مماثل :وانا اعمل كده ليه.. ما تبطل بقى حقدك وكرهك ليا وخليك مره واحده تفهم وتحس فيها اني اخوك الصغير
ليتافف معتز وهو يضع راسه علي الطاوله بيأس.. في كل مره يجتمع فيها عمه وابوه لازم يتخانقوا بنفس الطريقه
صلاح وقف بغضب :انا اللي بحقد عليك ولا انت اللي بتحقد عليا حاسس بالنقص مني ديما وطمعان فيا اكمن انك معرفتش تخلف غير بت واحده عمرها ما هتكون ليك سند
ادم: انت بتعيرني ان....
ازداد صوتهم العالي ليصرخ بهم معتز : خلااااص..ممكن تهدوه شويه نفهم.. وانت ياعم اقراء ام الوصيه علطول وخلصنا خلينا نروح ننام..
نظر له صلاح بغيظ
معتز : احم احم.. قصدي نروح الشغل.. ورنا اشغال مش فاضين احنا.. اقرء يا عم مكرم بسرعه ربنا يسترك.. وانت يا عمي حقك عليا ما تزعلش
قعد ادم مكانه وصلاح بغضب
وجلس معتز مكانه واغمض عينيه ليسترخي مره اخري
واتكلم مكرم.. يا جماعه ممكن تدوني فرصه اشرح قبل ما تتخنقوه كده الوصيه دي واجبة التنفيذ و استاذ صادق اعتبر اي واحد فيكم بيرفض تنفيذ الوصيه انه بكده بيتنازل عن حقه لاخوه
ياسين : وايه هي الوصيه دي يا استاذ مكرم
خرج المحامي ظرف : اهي الوصيه وعشان كل واحد ياخد حقه لزم بشرط بسيط ..إن معتز ابنك يا استاذ صلاح يتجوز من الدكتوره نورهان بنت استاذ ادم بس و..
قطعه معتز ووقف بصدمه : .. نعم مين دا اللي يتجوز
نور وقفت قصاده وبغضب :انت بتقول ايه انا اتجوز البني ادم دا
معتز بصلها بقرف وزعق : تتجوزي مين يا جعفر انت تحلمي اني ابصلك اصلا.. دا انا اول ماشوفك اتخضيت
نور : لا اوع انت بجمالك اللي عمي عينا.. انا اصلا اقرف لو بصتلي .. دا انا الدكتوره نور يا فاشل اتجوزك انت
معتز :انت فاخورة بنفسك كده ليه.. دا انتي دكتورة مجانين
نور :والله مافي مجنون غيرك يافاشل
معتز : انا بكلم مين مانتي تلقى مخك لسع من اللي بتتعاملي معهم
نور بقرف : مش احسن من اللي ماسك كاميرا وماشي يصور البنات في الشارع ويقول انا فوتوغرافي
معتز :انا برد عليكي ليه اصلا.. بص يا مكرم انا الوصيه دي ماتلزمنيش ولا عايز ورث ولا زفت
قرب معتز من ادم وسلم عليه وخضنه ؛
حلال عليك الورث يا عمي.. سلام
قالها وخرج من المكتب بسرعه
صلاح بغضب : شوف المت، خلف دا وهاته
قالها لياسين اللي جري وراه معتز
ياسين.. معتز استني هنا.. معتز يامعتز
معتز ماشي يبرطم : بلا معتز بلا نيلا انا ايه اللي جابني هنا اصلا.. هو الكل عايزني اتجوز ليه هو انا عانس.. دا انا مستحيل نفسي جبر خواطر اجيب واحده كمان تقرفني ومن مستشفي المجانين هو انا ناقص
معتز بقي بيكلم نفسه وهو خارج من المكتب بسرعه وركب عربيته بدون مايهتم لابوه و ياسين اللي خرجوا وراه و بينادا عليه يرجع
شغل العربيه وجري بسرعه
رجع صلاح وياسين للمكتب وبص صلاح ل ادم : لعبتها صح يا آدم.. وعرفت تضحك على ابوك عشان تاكل حقي لأنك عارف انه مستحيل ابني يبص لبنتك بس ورحمه ابوك.. لا اخليه يتجوزها ويحول حياتها ل جح. يم .. اصبر عليا يابن ابويا .. وان ماقلبت اللعبه عليك وخليتك انت اللي تتنازل عن حقك عشان اخليه يرحم بنتك دي مابقاش انا
نور :انا ماسمحلكش يا عمي تغلط فيا وفي ابويا بالشكل دا .. وانا اصلا اللي مستحيل ابص لابنك و مش موافقه على الكلام دا
ادم : نور...
نور بغضب :انا مش هتجوز البني آدم دا ولو على جث،، تي
قالتها وخرجت هي كمان بسرعه
مكرم بصلهم هم الثلاثه : انتم قدمك عشر ايام بس ويكونوا كتبوا الكتاب
و الا الورث هيعتبر انكم اتنزلتم عنه انتم الاتنين
بص ادم وصلاح ل بعض بتحدي وعند
وخرجوا من المكتب وياسين بيتفرج عليهم بعدم رضا
.......
دخلت نور المستشفى وهي حزينه وبتعيد كل اللي حصل قدمها وهي بتكلم نفسها.. ليه كده ياجدي تحطني في الموقف دا وابقى واقفه اسمع غلطهم فيا وانا بتفرج عليهم بسببك.. وليه البني آدم دا اللي اتجوزه وتفرضه عليا وتفرضني عليه.. ربنا يرحمك ويسامحك يا جدي
.....
..
.. اهلا وسهلا يادكتور جاسر نورت المستشفى.. مستعد تستلم شغلك النهارده
جاسر .. ياريت بسرعه يا دكتور خالد .. انا حبب ابداء من دلوقتي
خالد .. ياريت الحماس دا يفضل مستمر .. سناء هتوريك المستشفى وبعدين توصلك ل مكتبك وهبعتلك حالا نسخه من الملفات الحالات اللي هتابعها
جاسر .. تمام يادكتور متشكر جدا
سناء :اتفضل معايا يادكتور جاسر
سناء خدت جاسر بجوله بالمستشفى لحد ماوقفه قدام قسم العزل
سناء :ودا بقى قسم العزل بتتحول عليه الحالات الصعبه.. بس حاليا مافهوش غير حاله واحده
جاسر بستفسار : طيب افتحيه
سناء بلعت ريقها بخوف : ماينفعش يا دكتور
جاسر : والسبب
سناء : للاسف الحاله دي ممنوع الدخول ليها.. مافيش حد بيدخلها غير دكتوره نور .. وعايشه بس على المهدات لأنها خ، طيره جدا وحالتها بتتعب لما بتشوف قدمها اي راجل
جاسر : فين الملف بتاعها
سناء : مع دكتوره نور ... اهي وصلت صباح الخير يادكتورة
قربت عليهم نور وابتسمت : صباح الخير يا سناء.. مين دا
سناء : دكتور جاسر الدكتور الجديد .. اللي هيستلم معاكي الشغل هنا
نور : اهلا انا دكتوره نور.. اتمنى الشغل يعجبك معانا
جاسر : اكيد هيجبني لانه هتعامل مع دكتوره شاطره زيك.. شكل الكل هنا بيحبك
سناء : طبعا دكتور نور دي قمر .. اسيبكم انا عشان عندي شغل
مشيت سناء واتكلم جاسر
ايه حكايه الحاله اللي في العزل هنا..
نور : اسمها حنين محمود.. بقالها هنا سنه ونص وللاسف حالتها صعبه جدا مابتستجبش للعلاج وكل ماتسمح ليها الفرصه تحاول الانت، حار
جاسر :.. طيب وايه وصلها ل حالة الياس دا
نور بحزن : اتعرضت ل لحا دث اختطا ف هي وطفلها واختفت اكتر من شهرين وبعدها ظهرت لوحدها من غير ابنها وحالتها كانت صعبه مش معرف حصل معاها ايه وزدت حالتها سوء لما زوجها طلقها وتحولت علي المستشفى هنا
جاسر : طيب و العلاج
حنين : مافيش اي استجابه وبس مجرد مهدات لأنها بقت عن. يفه جدا مع أي حد بيتعامل معاها وخاصتا لو راجل
جاسر .. طيب انا كنت عايز الملف بتاعها
نور.. بلاش يادكتور ماصدقنا تهدي شويه
جاسر ..بس هي هنا مش عشان تهدأ .. هي هنا عشان تتعالج ولا ايه
نور : تمام هبلغ دكتور خالد اني هبعتلك الملف بتاعها بعد ازنك
قالتها نور وبدأت تشوف شغلها وتلف على الحالات الخاصه بيها
.........
عادل : مالك يا معتز قرفان ليه كده
معتز :بقولك ايه يا عادل هو انا شكلي فاشل
عادل بستغرب بص على معتز من تحت لفوق
بنطلونه المقطع وقميصه المفتوح نصه والسلسله اللي لبسها وشعره اللي كأنه مكهرب والكاميرا حولين رقبته.. بعيدا عن نظارة الشمس اللي ديما لبسها
.. لا يا حبيبي ابدا انت شكلك صا.يع
معتز بستغرب : الحمد لله يعني مش فاشل.. اومال ليه كل اللي يشوفني يقولي يا فاشل
عادل :سيبك منهم المهم انت ايه مزعلك
معتز : جدي عايزني اتجوز......
•تابع الفصل التالي "رواية نفوس مريضه" اضغط على اسم الرواية