رواية ظننا انه باب الامل الفصل الثامن و الثلاثون 38 - بقلم ملك ناصر

  رواية ظننا انه باب الامل كاملة بقلم ملك ناصر عبر مدونة دليل الروايات 

 رواية ظننا انه باب الامل الفصل الثامن و الثلاثون 38

جاسر: انت بتعمل ايه هنا

عدي: جاسر انا مش فاهم حاجه..

جاسر: فاروق المهدي ابو كيان ومليكه واسيل..

الكل وجه نظروه بفاروق اللي حط راسو في الارض..

اسيل بفرحه: ايوة يا عدي ده بابا اللي كنت بحكيلك عنو رجع.. رجع تاني ومش هيسبني..

فاروق لجاسر: انا عايز اشوف بناتي.. هما فين يا جاسر بيه..

عايشين فين ولا بيعملوا ايه ارجوك قولي مكانهم..

جاسر بسخريه: جاي تشوفهم دلوقتي عايشين ازاي وفين

جاي تشوفهم بعد عشر سنين..

فاروق: ارجوك يابني انا عايز اشوفهم انا غلطت وعارف ده

بس.. بس هخليهم يسامحوني ايوة هخليهم يسامحوني

وينسوا كل حاجه.. هعوضهم على كل اللي فات..

جه من وراه صوت كيان: تعوضنا؟!

الكل بص على كيان اللي واقفه وجمبها دهب..

فاروق بفرحه: كيان بنتي.. دهب.. وكان رايح يحضن كيان

تاني لكن هي وبكل قوه: اياك تقرب مني.. وكملت بسخريه:

كنت بتقول بقا تعوضنا مش كده.. لا هو انت مفكر اني

هستناك اما تحن علينا وتيجي تعوضنا.. ولا ولا امي ولا حتى

اخواتي محتاجين لك.. وزي ما خرجت من حياتنا زمان

اخرج دلوقتي.. كانت بتقول الكلام ده بكل ثقه وكبرياء

عكس اللي جواها والوجع والاشتياق اللي حاسه بيه..

فاروق: صدقيني يابنتي انا بقالي تمن سنين بدور عليكوا

روحت البيت القديم وسألت عليكم ومكنش حد عارف انتو

روحتوا فين فضلت ايام وسنين وشهور ادور عليكوا بس

مكنتش بلاقيكوا.. و.. و

كيان: و ايه

فاروق: لحد ما مراتي ماتت وجبت ابني يعيش معايا وبقينا

بنشتغل احنا الاتنين لحد ما وقفت على رجلي من تاني

وبرضو ميأستش وكنت بدور عليكم انا باسم ابني..

الكل اتصدم من كلاموا..

: اتجوزت..

كيان بصدمه: مراتك وابنك؟! ا. ازاي واتجوزتها امتى وخلفت

امتى..

فاروق اتنهد: اتجوزتها بعد ما اتجوزت امك بسنه.. دهب

اتأخرت في الحمل سنتين وانا علشان مكنتش بحبها قررت

اتجوز.. وفعلا اتجوزت من وراها بعد سنه من جوازنا.. من

حسناء.. كانت بنت طيبه اصغر مني بعشر سنين كان عندها

وقتها عشرين سنه.. اتجوزتها وكانت قاعده في شقتها وبروح

عندها من فتره للتانيه.. لحد ما حملت بعد شهرين وبعد تسع

شهور خلفت الولد اللي كان نفسي فيه اللي هو باسم.. كنت

بروح اشوفوا دايما.. و. وكنت باعملوا كويس جدا وهو كان

بيحبني جدا ومتعلق بيا.. لحد بعد مامشيتوا بخمس سنين

حسناء ماتت حزنت عليها انا وباسم اوي.. وقتها حكيت

لباسم عنكوا وعن كل حاجه خلصت وهو اتصدم وبعد عني

كام شهر لكن مقدرش يبعد عني اكتر من كده لانو كان متعلق

بيا وقررنا انا وهو نفضل ندور عليكوا لحد اخر يوم في عمرنا..

دهب بوجع: ياااااه كل ده حصل من ورايا.. كنت اليومين اللي

تيجي تقعدهم معايا انا وبناتك تهينا وتضربنا وتجوعنا وباقي

الاسبوع كنت عندك ابنك ومراتك التانيه بتهنيهم وتحب

فيها.. هي احسن مني في ايه ها.. وكملت وهي بتمسح

دموعها.. احسن مني في ايه.. انا حبيتك من قلبي مكنتش

بشتكي لحد من اهلي علشان خايفه عليك منهم.. مكنتش

حرماك من اي حاجه وكل حاجه بكل عليها حاضر ونعم..

عملتلك ايه علشان تأذيني بالشكل ده..

فاروق بحزن: دهب انا اسف..

دهب: اسف.. انا بكرهك يا فاروق.. على اد الحب اللي كنت

بحبهولك زمان على اد كرهي ليك دلوقتي.. لو بيني وبين

الجنه اني اسامحك مش هسامحك يا فاروق..

استحملت كل ده لوحدها ولسه واقفه على رجليها..

دهب حطت اديها على قلبها بوجع..

كيان بخوف: ماما انتي كويسه..

جاسر قرب منها: تعالي يا كيان نطلعها فوق..

طلع جاسر وكيان ودهب اما اسيل فكانت بين نارين انها تروح

مع ابوها اللي اتحرمت منو من زمان او انها تبعد عنو تاني

وتفضل مع اهلها اللي اتربت معاهم.. وعدي لاحظ حيرتها

وتوهنها راح وحضنها بقوه..

عدي: شروق.. خدي اسيل اوضتك ترتاح..

خدت شروق اسيل في اوضتها ومتبقاش غير فاروق وعدي

وامينه وصافي وداليا اللي مكنش فارق معاها اي حاجه

بتحصل..

داليا: اوف لا مش هقدر استحمل اكتر من كده انا خارجه يا

مامي.. وخرجت ومحدش اصلا اهتم بكلامها..

اما فاروق فخرج من القصر بحزن وخيبه امل واتجه على

بيتو يحكي لابنو كل حاجه حصلت……

• يتبع الفصل التالي اضغط على (  رواية ظننا انه باب الامل ) اسم الرواية