رواية جمعنا القدر كاملة بقلم زينب محروس عبر مدونة دليل الرايات
رواية جمعنا القدر الفصل الثالث 3
ايسيل : ها يا مروان اسمها ايه
مروان : اسمها سمر …… بنت عمى مراد صاحب حضرتك يا بابا .
هذه الصدمة الجمت الجميع فالجميع كان يتوقع أن تكون قدر
اما قدر كانت تتمنى أن يكون هذا مجرد كابوس وينتهى
مروان باستغراب من سكوتهم جميعا : ايه يا جماعة مالكم
قامت قدر دون ان تنطق بكلمة وذهبت إلى غرفتها
مروان : مالها دى قامت بسرعة كدا ليه
ايسيل : انا هروح اشوفها
وذهبت خلفها ايسيل وجدتها تبكى
ايسيل : قدر انا عارفة انو صعب بس لازم تتحملى حاولى تنسيه .
القت قدر بنفسها داخل حضن ايسيل وقالت من بين شهقاتها : انسى ! انسى ازاى ولا اتحمل ازاى صعب صعب .
ايسيل : خلاص يا حبيبتى اهدى وظلت تربت على ظهرها حتى شعرت بانتظام أنفاسها فاراحتها على الفراش وتركته وخرجت وهى تمسح دموعها فهى لا تتحمل أن ترى قدر حزينة
♡♡♡♡♡♡♡♡♡♡♡♡♡♡♡♡♡♡
مروان : ها يا بابا رأيك إيه ؟
عامر : اشمعنا سمر يعنى ؟
مروان : عشان انا بحبها وهى بتحبنى ومش عايز غيرها
عامر بحيرة : إللى انت عايزه يا مروان انت حر
مروان : وانتى يا ماما
صباح : انا مش بستريح لها يا مروان اشمعنا دى يا حبيبى البنات كتير .
مروان : وانا مش عايز غيرها يا ماما
صباح : وهى تقوم انت حر بس انا مش عايزاها وانتى إللى مسؤل عن اختيارك
مروان : إنشاء الله خير
صباح : براحتك يا مروان انا راحة اشوف قدر
أثناء صعود صباح قابلت ايسيل
صباح : نزلتى وسبتي قدر ليه
ايسيل بحزن : هى نامت يا ماما تعالى ننزل ونطلع لها كمان شوية .
صباح : ماشى ربنا يريح بالها .
????????????????????????????????????????????????
فى غرفة مروان
مروان : أيوه يا حبيبتى وحشتينى …… انتى عاملة ايه ؟
سمر : انا كويسة يا بيبى انت كمان وحشتنى خالص ايه رايك نخرج النهاردة .
مروان : حاضر يا قلبى نخرج نتعشى سوا انا اقدر ارفضلك طلب تحبى تروحى فين .
سمر : ايه رأيك نروح ساتشى .
مروان : موافق هعدى عليكى الساعة سبعة تكونى جاهزة
سمر بدلع: اوك يا بيببى .
مروان : ماشى يا حبيبتى سلام على معادنا وعندى ليكى خبر يجنن
سمر : بجد هوا ايه
مروان : لما اشوفك
سمر : بلييز يا بيببى بليز قول
مروان : لاء بليل يلا سلام
سمر : سلام يا قلبى
تجلس قدر على سريرها تضم قدميها إلى صدرها وتبكى بشدة من هذا الألم الذى سكن قلبها بسبب هذا المحتل الذى لا يشعر بها أ حقا لا يحبها ويريد غيرها لتكون شريكة حياته أ حقا هو لا يراها إلا كاخت له ماذا تفعل ما هذا الألم اللعين لماذا تبكى من أجل شخص لا يشعر بها ماذا تفعل هل تبتعد هل البعد هو الحل ؟
هل البعد قادر على ان يداوى مثل هذه الجروح ؟
يجب أن تنساه فهو اختار آخرى لكن كيف تنساه كيف تنسى عشقها له بهذه السهولة .
كيف تنسى حب طفولتها فهى لم ترى غيره يوما
كتب لها الحزن فهو سعادتها ستظل خائفة فهو امانها كتب عليها الانكسار والضعف فهو قوتها .
بعد مرور ساعة .
تجلس قدر على سريرها تضم قدميها الى صدرها وتبكى من هذا الوجع الذى سكن قلبها بسبب هذا المحتل الذى لا يشعر بها أ حقا لا يحبها ويريد غيرها ان تكون شريكة حياته أ حقا هو لا يراها الا كأخت له ماذا تفعل ما هذا الالم اللعين لماذا تبكى من أجل شخص لا يشعر بها ؟
ماذ تفعل ؟هل تبتعد ؟هل البعد هو الحل هل البعد قادر على ان يداوى مثل هذه الجروح يجب ان تنساه فهو اختار آخرى لكن كيف تنساه كيف تنسى عشقها له بهذه السهولة .
كيف تنسى حب طفولتها فهى لم ترى غيره يوما .
كتب لها الحزن فهو سعادتها كتب عليها الانكسار والضعف فهو قوتها
ستظل دائما خائفة فهو امانها .
ليس بيدها شئ الا ان تدعو ربها ان يخفف عنها المها وان يريح قلبها وعقلها
عزمت امرها وقامت توضأت وارتدت اسدالها وبدأت تصلى وتدعو ربها لا تعلم كم عدد الركعات التى صلتها كل ما تعلمه الان انها بين يدى الله
تنهمر دموعها كالشلال وهى تناجى ربها
فى الجنينة
صباح : انا قلبى واجعنى على قدر انا طالعة اشوفها .
ايسيل : وانا كمان يلا
وصعدوا الى الغرفة ليدقوا الباب ولكن لا رد
ايسيل وهى تفتح الباب :قدر انتى مش بتردى …….. عاااا القى يا ماما .
كانت قدر فاقدة الوعى
صباح وهى تضربها بخفة على خديها: قدر يا حبيبتى قومى يا قلب ماما …… مالك يا ايسيل ساعدينى اعدلها على السرير وروحى بسرعة اندهى لمروان خليه يتصل على الدكتور .
ايسيل بخوف ???????????? : حاضر يا ماما…. وساعدتها وذهبت الى مروان
صباح :فوقى يا قدر فوقى يا بنتى متوقعيش قلبى عليكى
فى غرفة مروان .
دخلت ايسيل بهجوم وجدته نائم
ايسيل :مروان قوم يا مروان بسرعة قدرة تعبانة .
مروان بانزعاج : ايه يا زفتة عايزة ايه انا عايز اتخمد لسة المقالب برده مش هنبطل بقى .
ايسيل ????????????:مش وقتك يا مروان والله مش بهزر قدر
اغمى عليها
انتفض مروان : ايه بتقولى ايه عارفة لو كنتى بتضحكى عليا
وذهب مسرعا الى غرفة قدر دون ان ينتظر ردها
مروان : ماما مالها قدر ؟
صباح : مش عارفة يا مروان انا دخلت لقيتها مرمية على الأرض اتصل بسرعة على الدكتور .
مروان : حاضر
واتصل بالطبيب وبعد مدة لم يصل الطبيب
مروان : ماما انا مش هستنى الدكتور بسرعة غيرلها وانا هغير واجيب مفتاح العربية وجاي .
وابدلت لها صباح ملابسها وحملها مروان وذهبوا الى المشفى
مروان و هو يحملها : حد يجى هنا بسرعة .
واحضروا سرير متنقل وكشف عليها الطبيب .
الطبيب : اطمنوا يا جماعة هى كويسة بس ضغطها على مش اكتر شوية وهتفوق .
مروان : ممكن نشوفها .
الدكتور :اه طبعا
ودخلوا اليها وجلس مروان على مقعد بجانبها وايسيل من الجهة الأخرى
صباح : انا هرن على عامر اعرفه
مروان : ماشى يا ماما
وبعد فترة فاقت قدر ثم قالت :ايه اللى حصل
مروان : ولا حاجة يا قدرى انتى بس خضتينا عليك
قدر : انا اسفة مكنش قصدى اتعبك معايا
مروان :انتى هبلة انتى اختى
ابتسمت قدر بوجع
صباح : انتى عاملة ايه يا حبيبتى دلوقت
قدر : الحمد الله يا ماما انا عايزة اخرج من هنا
مروان : انا هروح اشوف الدكتور
و ذهب مروان الى الطبيب وكتب لها الطبيب على خروج
صباح : اطلعى استريحى يا حبيبتى
قدر : لا يا ماما انا كويسة انا هطلع اقعد فى الجنينة
صباح : يا حبيبتى انتى تعبانة
قدر : يا ماما انا كويسة والله
ايسيل : انا هاجى معاكى
مروان : استنوا يا بنات انا جاى معاكم
وخرجوا الى الجنينة والساعة 6:30
مروان : انا نسيت لازم اخرج
ايسيل : رايح فين
مروان : هخرج انا وسمر
وابدل مروان ثيابه و اثناء خروجه كانت تقدر تجلس بمفردها.
مروان : انا خارج يا قدرى مش عايزة حاجة .
قدر :سلامتك .
♡♡♡♡♡♡♡♡♡♡♡♡♡♡♡♡♡♡
فى مطعم كبير يجلس مروان مع سمر .
سمر ( لابسة فستان اسمر يكشف اكتر ما يخفى و مكياج صارخ وشعر مصبوغ باللون الاحمر القاتم ).
سمر بدلع : وحشتينى اوى يا مروان
مروان :وانت كمان يا قلبى
سمر :ايه هوا الخبر الحلو
مروان : كلمت بابا فى موضوعنا ووافق
سمر : بجد و هتيجوا امته
مروان :لسة هتفق مع بابا ونكون عندكم على اخر الاسبوع
سمر : انا فرحانة اوى يا بيبى
فى فيلا الصياد
قدر :انا طالعة انام يا ماما
صباح :ماشى يا حبيبتى
وصعدت الى غرفتها
ايسيل : ماما هوا مروان فعلا عايز يتجوز سمر .
صباح : هى المواضيع دى فيها هزار .
ايسيل :اصل انا حاسة ان مروان بيحب قدر .
صباح : وانا كمان نظرته ليها مش نظرة واحد لاخته دى نظرة واحد لحبيبته
ايسيل : طب هتعملى ايه هتوافقى انه يتجوز سمر
صباح : مش عارفة اعمل ايه مش هقدر افضل سعادة واحد على التانى
واثناء حديثهم دخل عامر
عامر : ازاى قدر تتعب ومحدش يعرفنى
صباح : اهدى يا عامر قدر كويسة الحمد الله وبعدين انا رنيت عليك وفونك مقفول
عامر :طيب انا طالع اشوفها
صباح : استنى يا عامر هى طلعت ترتاح
عامر : ايه اللى حصل
صباح : اغمى عليها والدكتور قال ان ضغطها كان عالى
عامر : اكيد بسبب موضوع مروان انا مش هوافق على الجوازة دى.
ايسيل : طب ومروان يا بابا
عامر : انا هحاول اقنعه هو فين
ايسيل : خرج مع سمر
عامر : البنت دى اصلا مش مظبوطة وانا مش مستريح لها
انا طالع انام وهتكلم بكرة مع مروان فى الموضوع ده
صباح : مش هتتعشى
عامر : لاء انا اتعشيت فى الشغل
ايسيل :وانا كمان طالعة انام
تصبحوا على خير
عاد مروان الى المنزل فى وقت متأخر
فى اليوم الثانى
كان الجميع يجلس على الافطار
عامر : مروان عايزك فى المكتب
مروان : حاضر يا بابا
ايسيل : ماما انا هخرج انا وقدر
صباح : رايحين فين
ايسيل :اصل بكرة حفلة خطوبة مى وعايزين نشترى فساتين جديدة
قدر : لاء انا مش هخرج روحى انتى يا ايسيل
عامر : لاء يا حبيبتى اخرجى معاها وغيرى جو
قدر : بس
عامر :مبسش عشان خاطر بابا
قدر :حاضر يا بابا
عامر : وانت يا مروان روح معاهم بس الاول تعالى عايزك فى موضوع
مروان :حاضر يا بابا
فى المكتب
مروان : خير يا بابا موضوع ايه
عامر :موضوع جوازك
مروان :ماله
عامر : انا مش موافق
عامر : البنت دى مش عجبانى وطماعة ومغرورة مش دى اللى تحفظك فى غيابك مش دى اللى تامنها على بيتك
مروان : بس انا مش عايز غيرها يا بابا من فضلك
عامر : يا حبيبى افهم انا عايز مصلحتك البنت دى مش بتحبك وطمعانة فى فلوسك
مروان : يا …
عامر : مروان دا اخر كلام عندى وروح دلوقتى مع البنات وخلى بالك منهم
مروان : ماشى يا بابا بس فى كلام تانى لما ارجع
وخرج وجد قدر وايسيل يجلسون بانتظاره
مروان : يلا يا بنات
ركبت ايسيل بالخلف وكانت قدر سوف تجلس بجانبها
مروان : السواق بتاعكم انا واحدة تتنيل تركب جنبى
ايسيل : انا ركبت ومش نازلة تانى اركبى انتى يا قدر قدام
قدر : بس انا
مروان : يلا يا قدرى بقا اركبى احسن هنتأخر
وركبت بجانبه وذهبوا الى المول
- يتبع الفصل التالي اضغط على ( رواية جمعنا القدر ) اسم الرواية