رواية انت عشقي وقسوتي (كاملة جميع الفصول) حصريا عبر دليل الروايات بقلم دينا قدري
رواية انت عشقي وقسوتي الفصل الرابع 4
- بارت ٤
ملك .. سلام عليكم
ادم .. وعليكم السلام .. لو سمحتى يا ملك فيه مشكلة عندى فى الدفعة وانا بصراحة مش عارف اتصرف فيها لوحدى
فكرت اتكلم معاكى يمكن تقدرى تساعدينى
انتابتها الدهشة فهو لم يتحدث فى ما فعلته اطلاقا ولم يعاتبها
وايضا يتحدث بطريقة عادية و كأن شيئا لم يكن
ملك .. خير يا ادم فى ايه ؟
ادم .. فيه بنت معانا فى الدفعة اسمها مروة جت تقولى ان فيه ولد بيضايقها وبيتعرضلها كتير تقريبا بيحبها وبيفرض نفسه عليها وهيا متضايقة منه ومش عايزة تتعامل معاه
وحاولت كتير تصده ومفيش فايدة فلجأتلى على اساس انى مندوب الدفعة
انا قلتلها ان مليش دعوة بالموضوع ده وانى مسئول عن الدفعة بس فى الامور الدراسية بس هيا قالتلى ان مفيش حد غيرى يقدر يحل الموضوع بصفتى مسئول عن دفعتى
ملك باستنكار .. يا سلام هو انت كمندوب هتمشى ورا كل واحد تقوله عيب كدة وميصحش كدة .. انت مالك اصلا بالكلام ده
ادم .. والله قلت كدة بس برضو حسيت بمسئولية ناحيتها هيا بنت برضو ولو اختى مش هرضالها كدة ومش هسكت .. فاعتبرتها زى اختى واعدت افكر فى مشكلتها
ملك باندفاع .. ممممم عشان كدة كانت واقفة معاك فى الكافيتيريا وماسكة ايدك
ادم .. ايوة كانت بتستنجد بيا زى اخوها وعلى فكرة انا لما عملت كدة بعدت عنها وقفلت فى الكلام عشان حتى لو معتبرانى اخوها برضو احنا فى الكلية
ملك بارتياح شديد وقد ادركت انها ظلمت ادم وساءت فهمه كما قالت عاليا
ملك .. وناوى تساعدها ازاى ؟
ادم .. بصى انا فكرت اروح اتكلم معاه .. بس قلقان يرد بسخافة او يعمل مشكلة ويقول انت مالك .. وهو عنده حق انا مليش دعوة فعلا انا مش ولى امرهم يعنى
ملك .. خلاص يبقى اروح انا اكلمه
ادم .. انتى !!
ملك .. ايوة انا بنت زيها ممكن اروح اتكلم معاه على انى صاحبتها وصدرتنى عشان يبعد عنها ومش هيقدر يتكلم ساعتها
ادم بحدة .. لا طبعا استحالة
ملك .. ليه ؟!
ادم بحدة .. فكرى فى حل تانى يا ملك لكن انك تكلميه انسى
ملك باستغراب .. ليه مش فاهمة موقفك الصراحة !
ادم بعصبية واندفاع .. يا سلام انتى عايزانى اعرضك لموقف زى ده و تروحى تكلمى واحد غريب معندوش اخلاق فى كلام حساس كدة افرض اتعرضلك انتى كمان او ضايقك بالكلام او عملك حاجة انتى عايزانى اروح فيه فى داهية !
فرحت ملك كثيرا من طريقة كلامه ولهفته وخوفه الواضح عليها فقالت له مبتسمة كى تستفز مشاعره ..
وانت تروح فيه فى داهية ليه وانت مالك اصلا ؟! .. عموما متقلقش انا اعرف اصد اى حد واحافظ على نفسى كويس جدا ومحدش يقدر يضايقنى اصلا
ادم بغيظ .. يعنى ايه وانا مالى .. لا ليا طبعا انتى عايزانى اشوفه بيضايقك واسكت .. واكمل حديثه متسرعا بدون تفكير وبتلقائية شديدة .. ده انا لو شوفته بيقربلك بس احرقه ومش هيكفينى برضو
ارتفعت ضحكات ملك من حديثه سعيدة بل وسعيدة جدا من كلامه حيث استشعرت غيرته الشديدة عليها
ادم بعصبية .. انتى بتضحكى على ايه هو فى حاجة فى كلامى تضحك .. ثم ادرك ما قاله وكيف اظهر لها غيرته وخوفه الشديد عليها ليصمت فجأة بينما تواصل هى ضحكاتها
ملك .... هههههههه هههههههه سيبنى اضحك امال عايزنى اعد ازعق زيك وتولع حريقة فعلا هههههه
ادم بغيظ .. طب بس بطلى ضحك
حاولت كتم ضحكتها بصعوبة اتقاء غضبه .. طيب خلاص سكت اهو .. قلتلى باة هتحرقه لو قربلى ممممم وده ليه باة ؟!
حاول تدارك الموقف قائلا .. عادى اكيد اى بنت هشوفها فى موقف مش كويس مش هقف ساكت يعنى
اكملت عوضا عنه .. هتحرق اللى يضايقها هههههه
ادم .. بس بطلى ضحك باة
ملك بهدوء .. اهدى يا ادم .. محدش يستاهل انك تضيع نفسك عشانه .. واللى يغلط يتعاقب وياخد جزاته من غير ما نأذى نفسنا
ادم .. يعنى ايه مش فاهم
ملك .. يعنى بمنتهى البساطة انا هروح اتكلم معاه باحترام .. والله ضايقنى او قل ادبه بلاغ صغير للعميد وهو يتصرف معاه ويعرفه غلطه ويأدبه
بس من غير ما تحرق ولا تعمل
ادم .. برضو لأ مش هتتكلمى معاه
ملك .. عندك حل تانى ؟
ادم .. هنشوف .. بس مش هتروحى انا اصلا مش هقولك هو مين
ملك ... ههههههه لو عايزة اعرف على فكرة هعرف .. بس هسيبك تعمل اللى يريحك
ادم بخبث .. لو اعرف ان الموضوع ده هيبسطك كدة ويخرجك من اللى كنتى فيه امبارح ويخليكى تضحكى كنت قولتلك عليه من بدرى بدل ما انتى قالبة عليا من ساعتها
ملك وقد ادركت انها فضحت لا محالة
ملك متداركة الموقف .. طبيعى اتضايق لما اشوف مندوب الدفعة اللى كل الناس بتحترمه وشايفينه قدوة واقف مع بنت بالمنظر ده وهفكر زى اى حد انك بتستغل مكانتك عشان تكلم بنات
ادم .. انا !! ده انا مليش اى علاقة باى بنت فى الدفعة .. دول جابوكى اصلا مندوبة عن البنات لما معرفوش يتعاملو معايا وقالو عليا قفل وشديد فى تعاملى معاهم
وبعدين انا لو عايز اعمل حاجة غلط هقف فى وسط الناس كدة فى الكافيتريا .. اولى بيا اتدارى فى اى مكان لكن انا عمر ما كان ليا فى الغلط
ملك ببشاشة وجه وقد فرحت كثيرا ان ادمها لم يفعل شئ يكسر قلبها
ملك .. تمام ما عشان كدة لما فهمتنى الموضوع اتكلمت معاك عادى
ادم .. طيب ممكن باة اسألك سؤال بما انك رضيتى عنى
ملك .. هههههه اسأل
ادم .. كان مالك باة يوم ما كنتى بتعيطى وجيت اسألك مرضتيش تردى ومشيتى ؟
توترت ملك ولم تستطع اجابته فحالتها المزرية تلك كانت بسبب وقوفه مع مروة
حاولت الخروج من مأذقها بأن ترد عليه سؤالا بسؤال
ملك .. لا استنى انت هنا انت مجتش الكلية انهاردة ليه ؟ انت نسيت ان كان عندنا ميتنج مع المعيدين
ادم .. متغيريش الموضوع وجاوبينى الاول .. كان مالك يومها ؟!
ملك .. انا مبغيرش الموضوع بس اللى بتكلم فيه اهم .. شغلنا اهم اعتقد
ادم بشرود .. لا انتى اهم
ملك .. نعم !!
ادم .. اقصد يعنى ان لما تكونى زعلانة كدة مش هتعرفى تركزى ولا تشتغلى يبقى اهم نعرف زعلانة من ايه ونحل المشكلة عشان تركزى فى شغلك .. ولا انتى مبتثقيش فيا
شعرت بنغزة بقلبها لوصول هذا الشعور له لتقول
ملك .. لا يا ادم اكيد بثق فيك .. بس انا مستغربة انت ليه الموضوع هامك ومصر تعرف سبب زعلى يومها
ادم .. عشان انا اول مرة اشوفك بالمنظر ده وانتى تهمينى اكيد
ملك .. طيب هقولك بس اعرف الاول مجتش انهاردة ليه
ادم .. راحت عليا نومة ههههههه
ملك .. يا سلام دى اول مرة تحصل
ادم .. عادى كل حاجة بتحصل لازم يبقى ليها مرة اولى
ملك ... مممم طيب
ادم .. سؤال باة بما ان كان عندنا ميتنج ليه متصلتيش بيا
ملك .. اتصل بيك ليه وانت مش عارف ان فيه ميتنج !
ادم .. ياستى اعتبرينى نسيت .. او حتى تتصلى تسألى مجتش ليه
ملك .. بصراحة كنت متضايقة منك ومش حابة اكلمك
ادم .. كل ده عشان وقفت مع مروة .. انتى مبتشوفيش الولاد بتقف مع البنات فى الكلية عادى اشمعنى انا اللى تزعلى منى اوى كدة !!
شعرت انه قد الجمها واضعها اياها بخانة اليك فلم تستطع الرد لتحاول تغيير مجرى الحديث
ملك .. بما انك جاوبت فانا كمان هقولك كنت زعلانة ليه .. يومها كنت متخانقة مع ماما خناقة كبيرة شوية
شعر ادم بكذبها وخصوصا انها قبل موقف مروة كانت طبيعية جدا
ولكنه لم يرد احراجها اكثر من ذلك خصوصا انه اخذ اجابته الذى يريدها
ادم .. طيب واتصالحتو ؟
ملك .. اه خلاص الحمد لله
ادم .. ملك تعرفى ان دى اطول مكالمة اتكلمناها من ساعة ما عرفنا بعض
ملك بخجل .. اه فعلا
ادم .. بقالنا تقريبا ساعة بنتكلم بس انا مبسوط بكلامنا ومحستش بالوقت عدى ازاى
احمرت ملك خجلا ولم تستطع الرد عليه
ادم .. شكلك انتى اللى زهقتى منى
ملك بخجل .. لا ابدا ليه بتقول كدة
ادم .. عشان سكتى ومردتيش
ملك .. مممم مكالمة فعلا كانت مثمرة واتكلمنا فى مواضيع كتير مهمة
ادم .. وصفينا اللى بينا المفروض ولا ايه
ملك .. اه اكيد
ادم .. طيب ميتنج المعيدين نعمله امتى باة
ملك .. خليها بكرة كدة كدة اليوم كله سكاشن وهيكونو موجودين .. بس هروح ابعتلهم واأكد عليهم
ادم بغيرة .. لا خليكى متتعبيش نفسك هبعتلهم انا
ملك .. لا متقلقش انا ببعت لمهندس شادى بس وهو كتر خيره بيظبط معاهم
تذكر ادم اخر اجتماع لهم وكيف كانت نظرات شادى المعجبة بملك ومدى مدحه بها وبأفكارها واعجابه الواضح بها فرد بعصبية
ادم .. ليه ان شاء الله ماهو اكيد مبيعملش كدة لله وللوطن يعنى
ردت ملك ببلاهة .. لا بيعمل كدة لمصلحة الدفعة اكيد
ادرك ادم طيبة ملك وكيف ان نيتها سليمة ولا تعرف ما يدور حولها فقال
ادم .. خلاص يا ملك قلتلك انا هظبط الدنيا عشان كمان اعتذرلهم عن غيابى انهاردة
ملك .. اللى تشوفه .. هروح باة اذاكر شوية بقالى يومين مذاكرتش
ابتسم ادم قائلا .. على فكرة وانا كمان
فهمت ملك مقصده من كلامه .. فهم على خلاف منذ يومين ولم يستطع ايا منهم التركيز فى دراسته
ملك .. طب خلاص نروح نذاكر باة ونعوض اللى فاتنا
ادم .. ماشي سلام
ملك .. سلام
اغلق كل منهما الهاتف ولكن قلوبهم ظلت هائمة فى سماء العشق
ظلت ملك مبتسمة تفكر به وبالحديث بينهم وكيف انه يخاف ويغار عليها كثيرا لدرجة ان يحرق من يمسها بسوء
تذكرت ايضا قوله انه سعيد بحديثهم الطويل هذا
وكيف انها تهمه ولا يريد ان يراها حزينة ابدا
يا الله .. ما اجمل عشقك ايها الادم .. ما اجمل الحديث معك
فهو يوصلنى لاقصى درجات السعادة .. كيف لك ان تمتلك قلبى وسعادتى هكذا
كيف لك ان تتحكم بمشاعرى بكل سهولة
متى ستقولها لى ادم
متى ستعترف لى بمشاعرك
اريد ان اسمعها منك .. اريد ان اتذوقها من شفاهك لا من عيونك فقط
......
لم يكن حاله بافضل منها فاخذ يفكر بها مليا وبضحكتها التى اسرته .. تأكد الان انها تحبه .. تأكد انها تغار عليه
فالحالة المزرية التى كانت عليها كانت بسببه .. بسبب انها تغار عليه
لا يدرى لما هذه الحقيقة اسعدته كثيرا .. فهو ولأول مرة يختبر تلك المشاعر .. العشق والغيرة .. لاول مرة يفتح قلبه لامرأة ويترك مشاعره تقوده .. والغريب انه سعيد .. بل وسعيد جدا
ماذا تنتظر ادم كى تصارحها وتريح قلبها
يجب عليك ان تأخذ الخطوة الاولى .. الخطوة الاولى فى عشق ملك قلبى
ولكن كيف تكون تلك الخطوة .. لا ادرى
فلتساعدنى يا الله .. لا اريد ان تضيع فرحة عمرى وسعادتى تلك بسبب التردد و الخوف
سأقولها لك ملك .. نعم سأقولها بالوقت المناسب واشبعكى عشقا فتاتى
....
مرت ايام وايام وتعلق ملك بادم يزداد يوما بعد يوم
نظراتهم تفضحهم فى كل وقت .. فعيونهم تنطق عشقا وشوق... واحاديثهم لا تنتهى .. فالانسجام واضحا جدا بينهم
كل ذلك يحدث امام عيون تلك الحاقدة عليهم
حاقدة على ذلك العشق الواضح امامها
لن تستطع تخيل ان يكون ادم لغيرها
وقد بنت احلامها وامالها عليه
لذا لن تستلم ابدا وستفعل المستحيل كى تفرقهم
اتصلت باحد الارقام
مروة .. الو .. ايوة .. انهاردة اول ما تشوفهم مع بعض تنفذ اللى اتفقنا عليه .. سلام
فى الكافيتريا كانت تجلس كلا من ملك وعاليا يتناولون البيتزا
ادم لعمر ولم يبعد نظره عن ملك .. بقولك ايه يا عمر ما تمشى عليا من عند ملك عايز اتكلم معاها لوحدنا شوية
عمر .. نعم وانا اعملها ازاى دى يا فالح ؟!
ادم .. معرفش اتصرف .. امال فالح بس قولها قولها واول ما اطلب منك حاجة تعمل من بنها
عمر .. ياعم بس متزقش خلاص رايح
ادم .. ايوة كدة هو الصاحب ليه عند صاحبه ايه
عمر .. ماشي ياخويا
ذهب عمر عند ملك وعاليا قائلا
عمر.. سلام عليكم
ملك .. اهلا يا عمر ازيك .. باباك عامل ايه دلوقتى
عمر .. الحمدلله باة زى الفل
ملك .. سلامته الف سلامة
عمر .. الله يسلمك .. انسة عليا ممكن بعد اذنك تيجى ثوانى
عاليا باستغراب تشير لنفسها .. انا !!
عمر .. اه بعد اذنك عايزك ضرورى
نظرت عاليا لملك باستغراب لتندهش ملك ايضا
عاليا .. عن اذنك يا ملك هشوفه عايز ايه
ثم ذهبت معه قائلة
عاليا .. نعم يا بشمهندس فى ايه ؟
عمر بتوتر .. احم كنت عايز اسالك على المحاضرة اللى فاتت
عاليا باستغراب .. تسأل عن ايه مش فاهمة ؟
عمر بتوتر .. اقصد اقصد يعنى انتى كتبتيها ؟
عاليا .. حضرتك بتسأل ليه ؟
عمر .. اصل انا كنت محتاجها عشان مكتبتش فيها فكنت عايز اخدها منك
عاليا .. واشمعنى انا دونا عن الدفعة كلها
عمر ... ممم لقيتك ادامى عادى
عاليا .. يا سلام طب كنت سألت ملك عالاقل انتو فيه كلام بينكم وهى مندوبة كمان
عمر ... يووووه بصى انا هقولك الحقيقة وخلاص
عاليا باستنكار .. اه ياريت عشان انا اتخنقت
عمر .. بصراحة ادم كان عايز يتكلم مع ملك لوحدهم ولما شافك اتحرج وقاللى ابعدك عنها
نظرت عاليا باتجاه ملك وادم لتجدهم يتحدثون سويا
عادت بنظرها لعمر واخذت تضحك
عاليا ... هههههههه مجانين ههههه والله مجانين
سحرته ضحكتها الرائعة ولكنه تدارك نفسه سريعا قائلا
عمر .. مش كدة والنبى .. انتى فاهمة صح
عاليا .. اكيد يعنى فاهمة شايفنى غبية
عمر .. لا مقصدش انا قصدى يعنى احنا اصحابهم وطبيعى لما يطلبو مساعدة نساعدهم فمتزعليش باة
عاليا .. لا مش زعلانة بس هو صاحبك ناوى ينطق امتى ؟
دهش عمر من تلقائيتها وعفويتها فى الحديث
ليرد ضاحكا
عمر .. هههههه والله انا بعد ازن عليه ينطق وهو يقولى لما ييجى الوقت المناسب .. محدش عارف الوقت المناسب ده بالنسبة له امتى
عاليا .. لما يعجزو ان شاء الله هههههه
عمر .. اه والله انتى بتقولى فيها .. ناس مملة
شعرت عاليا بانها اطالت الوقوف مع عمر فقالت
عاليا .. طيب انا هروح اجيب حاجة اشربها على ما يخلصو
عمر .. خدينى معاكى انا كمان هموت على فنجان قهوة دماغى هتتفرتك
شعرت عاليا بالحرج منه واخذت تبتعد عنه رويدا رويدا حتى وصلت للكافتيريا ثم اختفت
بحث عمر عليها فلم يجدها ليبتسم قائلا بنفسه .. شكلك مجنونة زى صحبتك
....
عند ادم وملك
ادم ناظرا بعيونها .. ازيك يا ملك
ملك بخجل .. الحمد لله
ادم .. انتى وراكى حاجة بعد المحاضرات انهاردة ؟
ملك .. انهاردة لأ ليه فى حاجة ؟
ادم .. كنت عايز اتكلم معاكى فى موضوع ضرورى
ملك .. خير يا ادم في ايه ؟
ادم .. لا مش هينفع هنا .. ممكن نروح نعد فى كافيه بعد الكلية ونتكلم براحتنا
هبت واقفة لتقول .. لا انا اسفة مبخرجش مع حد برة الجامعة
ادم .. احنا هنروح الكافيه اللى بنعمل فيه المشاريع كل الدفعة بتروحه ايه المشكلة !
ملك .. لا انا مبروحش كافيهات مع حد واللى معايا فى المشاريع كلهم بنات نشتغل فى كافيه او بيت عادى معناش ولاد
ادم .. يا ملك احنا هنعد فى مكان عام مش لوحدنا ووسط الدفعة كمان وبعدين انا مش هأخرك بس عشان نتكلم براحتنا
ادركت ملك انه يريد ان يعترف لها بحبه فى مكان خارج الكلية
ولكنها لا تستطيع موافقته لاى سبب كان
لذلك ردت عليه ناهية الحديث .. بص يا ادم انا لو قلت لاهلى استحالة يوافقو وانا مبروحش مكان برة الجامعة من غير ما اقولهم فريح نفسك الموضوع ده مرفوض .. عن اذنك وانصرفت مسرعة من امامه
فرح ادم لرفضها عرضه فقد كان يخاف ان تجاريه ولكنها نجحت فى الاختبار .. فشخصية ادم الشكاك بطبعه تجبره دائما ان يضع من يتقرب منهم فى عدة اختبارات حتى يطمئن قلبه لهم .. وها هى قد اجتازت اول اختبار بنجاح
ادم .. لسة حاجة واحدة عايز اعرفها يا ملك ومن بعدها هبقى كلى ملكك
....
عمر .. ايه يا معلم قولتها اخيرا
ادم .. قولت ايه
عمر .. انت هتستعبط يا ادم يعنى انت مخلينى اطرق البت واتحرج ادامها زى الكتكوت المبلول كدة وفى الاخر مقلتش حاجة
ادم .. قريب يا عمر .. قريب اوى
عمر .. يادى التردد بتاعك يابنى كفاية كدة تعبتنى
ادم .. يلا طيب نلحق المحاضرة
....
عاليا .. يعنى مقالكيش اى حاجة
ملك .. لا قال .. قال عايز يقابلنى برة الكلية لكن بعينه
عاليا .. ههههه وقع فى ايد اللى مبترحمش
ملك .. يا سلام ياختى يعنى انتى توافقى بحاجة زى كدة
عاليا .. والله يا لوكا على حسب المكان .. يعنى لو مكان عام وفى وسط زمايلك ليه لأ
ملك .. عشان امى استحالة توافق انا عارفاها
عاليا .. وانتى طبعا استحالة هتفهميها الموقف عشان توافق
ملك .. انتى اتجننتى عايزانى اروح اقولها انه عايز يصارحنى بمشاعره برة الكلية .. والنبى كفاية هيا اصلا شاكة فيا من غير حاجة
عاليا بضحك .. ههههه وانتى عايزة بمنظرك ده ميتشكش فيكى ده انتى حالك متغير وكيانك متشقلب من ساعة ما عرفتى سى ادم ده
ملك .. هعمل ايه باة ربنا يسامحه انا عارفة طلعلى منين .. بس مقلتليش عمر كان عايز منك ايه
عاليا .. هههههه كان بيطرقنى
ملك باستغراب .. نعم !!
عاليا .. بيطرقنى يا لوكا ادم كان عايز يستفرد بيكى فبيوزعونى
ملك ... ههههههه وعمر قالك كدة
عاليا .. اه هو الاول اعد يقول كلام اهبل كدة بس عيب عليكى انا قفشته واضطر يقول الحقيقة
ملك .. ده ادم طلع مجنون باة واحنا منعرفش
عاليا .. اه وصاحبه اجن منه
......
بعد حضور اخر اجتماع بالترم مع المعيدين والدكاترة يودعون ملك وادم ويتمنون لهم اجتياز الامتحانات بتفوق
مهندس شادى مبتسما لملك .. انا واثق يا ملك انك هتجيبى تقديرات عالية وبكرة تقولى شادى قال
ملك .. يارب يا بشمهندس دعواتك
شادى .. بدعيلك من قلبى والله
تدخل ادم بعد ان شعر بنار فى قلبه تحرقه .. شكرا يا بشمهندس عن اذنكم احنا باة
وخرج مسرعا مع ملك
ملك .. ايه يا ادم انت خرجت بسرعة كدة ليه كنا بنودعهم
ادم .. انا مبطيقش الواد الملزق اللى اسمه شادى ده .. انا عارف قبلوه معيد ازاى !
ملك .. ليه ده مقالش حاجة وحشة وبيتمنالنا التفوق اهو
ادم .. قصدك بيتمنالك انتى التفوق .. هو انتى مش واخدة بالك خالص يا ملك انه بيرسم عليكى ولا انتى بتستعبطى !
احمرت ملك خجلا وكلمة ادم اغاظتها .. استعبط !! عيب يا ادم الكلام ده
ولأ انا مبحسوش بيرسم والا كنت صديته انا متربية كويس
شعر ادم بانه تسبب بمضايقتها ليقول .. انا عارف طبعا انك متربية كويس والا مكنتش اتعاملت معاكى من الاول .. بس قلت انبهك اصل اللى يشوفك يقول مش فاهمة مع انه واضح اوى
ملك .. لأ مش حاسة .. وحتى لو حاسة فيها ايه .. ايه مشكلتك ؟!
ادم .. انا !! انتى عايزانى متضايقش يعنى ؟!
ملك .. ايوة تضايق ليه مش فاهمة
ادم ولم يستطع الرد عليها ففضل السكوت وتغيير مجرى الحديث بعد فترة
ادم .. صحيح يا ملك هيا صاحبتك عاليا مخطوبة ؟
ملك .. صاحبتى اه ليه بتسأل ليه ؟
ادم .. لا اصل لقيت دبلة فى ايديها فاستغربت انها مخطوبة من بدرى كدة
ملك .. اه بقالها سنة وهتتجوز خلاص اهو
ادم .. ايه ده امتى
ملك .. بعد الامتحانات ان شاء الله
ادم .. مممم وانتى ؟
ملك بتعجب .. انا ايه ؟
ادم .. اتخطبتى يعنى او ارتبطتى بحد ؟
ملك وقد اندهشت كثيرا من جرأته هذه فلم تتوقع ان يسألها ذلك السؤال مباشرة وبدون خجل
كانو قد وصلو للكافيتريا لتتجاهل سؤاله قائلة
ملك .. هروح اجيب حاجة اشربها
ادم ممسكا بحقيبتها ناظرا بداخل عيونها .. مردتيش عليا
ملك بخجل .. لا يا ادم متخطبتش ولا مرتبطة .. عن اذنك
فرح ادم كثيرا ورد عليها .. طيب انا مستنيكى
جلس على احد الطاولات منتظرا اياها ليجدها تأتى باتجاهه تنظر اليه بابتسامة عاشقة لينظر باتجاهها شاردا بعيونها الساحرة ورقتها المتناهية
وعيونهم تتحدث ما لا تستطيع شفاهم البوح به
وعندما وصلت اليه وهمت بالجلوس استفاق من شروده على قول احدهم
- ادم عايزك
ادم .. نعم خير وبعدين ايه عايزك دى متتكلم عدل
التفتت ملك اليهم لتتابع ما يحدث
- بقولك ايه انت فعلا بتحب مروة وهتتجوزها
تجمدت ملك بمكانها وظلت تنظر فى الفراغ لا تستطيع تصديق ما سمعته
صدم ادم من كلام ذلك الشخص ليقول
ادم.. نعم انت بتخرف تقول ايه
- انا مبخرفش .. انا روحت اصارح مروة بمشاعرى ناحيتها واد ايه انا بحبها وعرضت عليها الجواز كمان لقيتها بتقولى انها بتحبك وهتتجوزك انت
ظلت ملك تنظر له ودموعها تأبى ان تتساقط امامه فينكسر كبريائها ..
ادم بعصبية .. ايه التخريف ده .. وانا اى واحدة تقول بتحبنى ابقى بحبها وكمان هتجوزها
بقولك ايه انا مليش دعوة بحواراتكم دى مين مروة دى اساسا اللى بتسألنى عنها ما تتجوز ولا تتحرق انا مالى
ثم نظر لملك ليجدها شاردة تائهة .. شعر بوجع قلبها وتألم كثيرا من اجلها فلم يحتمل ان يراها هكذا مرة اخرى بسبب تلك الخبيثة
فاندفع اليها ممسكا بيدها امام كل الموجودين قائلا بصوت مرتفع ناظرا له بتحدى .. انا مفيش غير واحدة بس اللى فى قلبى
واحدة بس اللى قدرت تمتلكنى .. ثم نظر لملك بهيام
انتى يا ملك .. انا بحبك انتى وبس ❤️
نزلت كلماته عليها كدلو مياه مثلجة فى نهار صيف قاسى
لم تصدق ما قاله .. بل لم تستوعب ايضا
نظرت اليه بصدمة مبتسمة ودموعها تتساقط بنفس الوقت لا تستطيع التحكم بها .. لا تدرى اهى تحلم ام ان هذه حقيقة
هل قالها حقا .. هل يعشقها كما تمنت ان يكون
لم يكذب قلبها حينما اخبرها انه يحبها وانه سيأتى لها قريبا
هل حقا اتى .. لا تصدق
كل ذلك كان على مرأى ومسمع كلا من عاليا وعمر وقد فرحوا كثيرا من اجلهم
اما مروة الحاقدة الغاضبة تكاد تجن مما حدث
فقد خططت لكل هذا حتى تبعده عنها .. حتى توقع بينهم وتفترق ملك عنه للابد
ولكن حدث مالم تتوقع وانقلب السحر على الساحر وبدلا من ان تفرقهم .. فهى جمعتهم
جمعت قلوبهم الحائرة والخائفة ليصبحا قلبا واحدا
شجعت ادم كى يصارحها بحقيقة مشاعره
جعلته يندفع ناطقا بعشقها واين !! .. امام كل الموجودين
كانت تحترق بداخلها ولا تستطيع تصديق ما تراه
اما ادم .. فتعجب من نفسه كثيرا وقد اندفع بكل ما يحمله قلبه لها .. فهو صارحها بعشقه امام الكل دون ان يولى اهمية لاى شخص كان
فعندما رأها متجمدة مذبهلة مما تسمعه .. لم يستطع تحمل الامها وانكسار قلبها .. لم يستطع خسارتها
فاعترف بحبه لا اراديا رغما عنه كى يرد لها اعتبارها وكرامتها .. ويريح قلبها ❤️
نظر اليها وجدها ما زالت متجمدة بمكانها تنظر له بذهول وقد انعقد لسانها .. فقط تبتسم مع تساقط دموعها
مد يده ليجفف دموعها وكانت تلك اللمسة الاولى لملك
ثم قال موجها الحديث لذلك الشخص
ادم .. اظن دلوقتى خدت جوابك وعرفت ان كل كلامك وكلام مروة دى كدب وتخريف .. عن اذنك
امسك بيدها ليصطحبها خارج الكافيتريا تاركا الذهول والصدمة على وجه الجميع
هل يعقل ان يكون هذا ادم !! .. ادم الحاد قاسى القلب معدوم المشاعر !! الذى يكره الفتيات ولا يحب التعامل معهم
ادم الذى لم يضعف امام امرأة حتى الان برغم تقرب الكثيرات منه ومحاولة الفوز به ولكنه دائما ما يصدهم .. أيمكن لفتاة ان توقع به هكذا !! ويصرح بمشاعره لها امام الجميع دون تردد او خجل !!
فكان هناك من هو سعيد حقا لاجلهم وهناك الحاقد الكاره وهناك المشفق على مروة واخيرا عاليا وعمر الذى غمز لها بضحكة فخجلت وذهبت مسرعة بينما هو يضحك
....
عند ادم وملك
توقفت ملك وقد عادت لرشدها وادركت الموقف الذى وضعت به
ملك بتوتر .. ايه اللى انت قولته ده ادام الناس ؟
ادم ناظرا بعيونها بهيام .. يعنى مش عارفة ؟!
ملك ناظرة له بتيهه .. عارفة ايه ؟
ادم ناظرا بعيونها .. انى بحبك
ليقبل يدها قائلا
ادم .. ملك انا بحبك من اول يوم شوفتك فيه
من اول لحظة وانا حاسس انك غير الكل بالنسبة لى
كنت بتعمد اضايقك فى الاول واستفزك عشان اتكلم معاكى اطول وقت ويبقى فيه حوار بيننا
وبعدها بقيت مستحملش حتى اشوفك زعلانة ..
بقيت اتأثر اوى باى حاجة تعمليها ضدى
فاكرة يوم الجدول .. انا مزعلتش انك عملتيه لوحدك اد ما زعلت انك كنتى قاصدة تضايقينى .. زعلت عشان ملك اللى عملت كدة
ساعتها سألت نفسي لو حد تانى اللى عمل كدة كنت هحس نفس احساس الحزن ده !!
معرفتش ارد بس من جوايا كنت عارف انه لأ لأن انتى الوحيدة اللى قادرة توصلينى للحالة دى بتأثيرك عليا
همت بالرد عليه ولكنه اشار لها ان تتركه يكمل حديثه
فامتثلت لامره ليردف ادم .. سيبينى اكمل واطلع اللى جوايا وبقالى شهور كاتمه فى قلبى .. يمكن متجيليش الجرأة اقول الكلام ده تانى
انا كنت خايف يكون احساسى ده منى انا بس ومش متبادل وده اللى خلانى متردد اصارحك بمشاعرى وتطلعى مش حاسة بيا واخسرك
فضلت نفضل صحاب ونتعامل عادى على انى اصارحك واخسر حتى صداقتك .. بس حصلت كذا حاجة اكدتلى ان انتى كمان حاسة حاجة ناحيتى واخرها موقف مروة
من بعد المكالمة اللى كانت بيننا اتأكدت من اللى جوايا
ملك انا عمرى فى حياتى ما وثقت فى واحدة .. عمرى ما فتحت قلبى لبنت .. طول عمرى قافل قلبى ومقرر معرفش بنات ولا احب ولا استسلم لواحدة مهما كانت هيا مين
انتى الوحيدة اللى كسرت معاها كل ده .. انتى الوحيدة اللى لقيت روحى بتستسلملك لوحدها ولقيتنى بضعف ادامك
ملكتينى وملكتى كيانى وبقيتى عشقى الاول والاخير
بقيتى ملك قلبى ❤️
تاهت ملك بين كلماته لتشعر انها ليست على الارض .. بل تطير وتحلق بالسماء
فكلامه حقا هز قلبها وزلزل كيانها .. ظنت انها تحلم
ولكن حتى بأحلامها لم ترى ادم غارقا بعشقها هكذا
حتى بأحلامها لم تسمع مثل تلك الكلمات التى اذابتها ..
ايضا لم يدق قلبها بعنف هكذا حتى كاد ان يخرج من محله
وان كانت تحبه من قبل فهى الان وبعد كلامه هذا تعشقه وحتى العشق قليل عما تشعر به تجاهه
لم تعلم ان كلامه سيكون مؤثر هكذا
لا تعرف ان كلام ادمها عذب ورقيق بهذا الشكل ليجعل الحجر يلين
الله على عشقك يا ادم .. عشقك انسانى حياتى ومن اكون .. عشقك جعلنى بعالم اخر عالم الاحلام عالم السعادة والسعادة فقط
كانت تستمع لكلماته وقلبها لا يستطيع ان يتحمل كل هذا العشق والوله
يدق بسرعة شديدة وتتسارع نبضاته ولا تريده ان يتوقف
حاولت ملك كثيرا الرد عليه ولكن كان صوتها مبحوح من تأثرها بكلامه فلم تستطع النطق
وايضا لم تجد ما تقوله بعد كل هذه المشاعر الفياضة والتى اغرقها بها .. اى كلام لا يسوى نقطة فى بحر كلامه العذب ..
ولكنها تريد ان تبوح له بما فى قلبها وما تشعر به حقا
ملك بصوت مبحوح .. انا عمرى ما قلت كلمة بحبك لحد .. وعمرى اصلا ما تخيلت ان هييجى شخص يخلينى اقولها من قلبى
دايما كنت بشوف نفسى جامدة وقوية ومحدش يقدر يهزنى .. لحد ما شوفتك
انت الوحيد اللى قدرت تزلزلنى وتهدم حصونى وتخلينى اعشقك مش احبك بس
انا كمان بحبك يا ادم ومش عايزة من الدنيا غيرك
ثم ادمعت عيونها واخذ يجففهم لها لتقول
ملك مبتسمة .. لمستك رقيقة وحنينة اوى
ادم .. ملك انا عايز اتقدملك انتى فرحة عمرى الحاضر واللى جاى ومش هكمل عمرى الا معاكى
تقبلى تتجوزينى
ملك بفرحة وقلب طائر من سعادته يكاد يتركها ويخرج من مكانه
ملك.. اكيد اقبل انا كمان مش هتخيل حياتى من غيرك بعد كدة
ادم .. خلاص ان شاء الله نخلص امتحانات السنة دى واجيب اهلى واجى اتقدملك وتبقى ليا وملكى طول العمر
ملك .. انا مش مصدقة عنيا .. انا بحلم صح
ادم .. لا يا حبيبتى دى حقيقة .. انا عمرى ما هبعد عنك تانى
ملك .. الله كلمة حبيبتى حلوة اوى بجد منك .. حلوة اوى
ادم .. انتى حبيبتى وروحى وفرحة عمرى اللى كانت غايبة يا ملك
ملك .. وانت كمان حبيبى وربنا عوضنى بيك عن كل حاجة فى حياتى
قاطعهم رنين هاتفها فانكسر سحر اللحظة ونزلت من سماء الاحلام الى ارض الواقع
ثريا .. ايه يا ملك انتى فين .. من ساعة قلتيلى انك خلصتى الاجتماع وجاية اتأخرتى ليه ؟
ملك بتيهة فلم تستطع الرد
ملك .. ماما انا .. انا .. انا جاية جاية يا ماما
ثريا .. مالك يا حبيبتى فيكى حاجة ؟
ملك .. لا انا كويسة .. معلش مش مركزة بس كنت مشغولة
ثريا .. طب انتى فين دلوقتى ؟
ملك .. انا لسة فى الكلية معلش فيه حاجة هخلصها واجى
ثريا .. طيب يا حبيبتى مستنياكى
وانقطع الاتصال
ملك .. انا اتأخرت اوى لازم اروح دلوقتى
ادم .. طب استنى هوصلك
ملك .. لا يا ادم مش هينفع .. اصبر شوية
ادم .. ماشى يا ملك بس تطمنينى عليكى اول ما تروحى
ملك بفرحة .. حاضر اكيد يلا سلام
وانصرفت هي من امامه تاركة اياه فى حالة فرحة وسعادة وعشق لم يشعر بهم من قبل ليحدث نفسه
ادم .. ملكتى قلبى يا ملك قلبى وان شاء الله هتكونى مراتى قريب اوى
اخذ يبحث عن عمر فلم يجده ليقوم بالاتصال به
عمر .. ايوة يا عم روميو فينك مجتش ليه ؟
ادم .. مجتش فين ؟!
عمر .. البيت انا اعد مستنيك على نار عشان تحكيلى اللى حصل
ادم .. انت روحت ده انا بكلمك نروح سوا
عمر .. لا منا لما لقيت الحب ولع فى الدرة قلت اسيبك براحتك ومبقاش غتت فى لحظة زى دى فخلعت انا
ادم بسعادة .. عملت خير انا فعلا كنت محتاج اكون براحتى
عمر .. عيب عليك ده انت البرو وحافظك صم
ادم .. طيب يا خويا حضرلنا الغداء باة على اما اجى
عمر .. لا غدا ايه باة ده انا مش هتنازل عن عزومة ومن افخم مطعم فيكى يا جمهورية
ادم ... ههههههه مش خسارة فيك ماشي هعدى اجيب اكل ياكش يطمر هههههه
فرح عمر كثيرا لفرحة ادم الواضحة وتغيره المفاجئ فقد اصبح اكثر مرحا واكثر سعادة وكأن روحه كانت تائهة وقد عادت اليه
عمر ... انت ادم انت !! بركاتك يا شيخة ملك هههه
ادم .. طب اقفل يا سخيف بدل ما اغير رايي واغديك تونة انهاردة
عمر .. لا تونة ايه .. انا اسف السماح والنبى
ادم .. خلاص خلاص عفونا عنك
.....
عادت الى منزلها بسعادة عارمة تكاد تترك الارض وتطير بالسماء حتى رأتها ثريا
ثريا .. خير يا حبيبتى مالك فرحانة كدة ليه ؟
ملك بدلع تلف يدها على رقبتها
ملك .. وانتى تكرهى يا سوسو يا قمر انتى ان بنوتك حبيبتك تبقى فرحانة
ثريا بتعجب .. لا مكرهش طبعا بس اعرف في ايه ؟!
ملك .. قريب .. قريب اوى يا مامتى هتعرفى كل حاجة .. المهم دلوقتى حضريلى الغداء احسن انا واقعة من الجوع ومكلتش فى الكلية
ثريا .. حاضر يا روحى الاكل جاهز خدى الدوش بتاعك وتعالى ناكل سوا انا كمان متغدتش مستنياكى
ملك بسعادة مقبله وجنتها .. ماشي يا احلى ماما فى الدنيا
ثريا بتعجب .. ربنا يهديكى يا حبيبتى ويفرحك دايما
.....
عند ادم وعمر
ادم .. بس يا سيدى وتوتة توتة خلصت الحدوتة
رق قلب عمر لكلام ادم عن ملك وتمنى لو يجد هو الاخر النصف الثانى المكمل له .. هو يشعر انه سيجدها قريبا .. بل وقريبا جدا
عمر .. واخيرررررا نطقت كفارة يا راجل
ادم .. انا كنت ناوى بعد الامتحانات بس اللى حصل خلانى اندفعت .. مقدرتش اشوفها حزينة ودموعها نازلة بالمنظر ده .. خوفت تروح منى بعد ما لقيتها . خوفت تصدق واخسرها
عمر .. يا قلبك كنت هتستنى لسة كل ده انت ايه يابنى
ادم .. قلت وقت مناسب عشان نعرف نذاكر ومعطلهاش .. بس ياريتنى اندفعت من زمان هههه
عمر .. انت خايف تعطلها .. على فكرة باة حبكم هيشجعكم تنجحوا عشان توصلو لبعض انتو هتشجعو بعض دايما عالنجاح
لكن لو كنت سيبتها متعلقة كدة لا انت ولا هيا كنتو هتعرفو تركزو فى دراستكم وكل واحد محتار فيكم كدة
ادم .. يعنى انت شايف ده وقت مناسب
عمر .. جدا وبكرة تشوف .. عقبالى انا كمان يارب لما تحن عليا
ادم .. ايه ده هو فيه حاجة ولا ايه
عمر .. لا مش عارف لسة .. هو انا مش عارف احدد .. لسة لسة متاخدش فى بالك
ادم .. ربنا يرزقك ببنت الحلال .. هقوم انا باة ارتاح شوية
عمر .. ترتاح ولا تكلمها
ادم بغمزة .. منا لما هكلمها هرتاح
.....
ملك .. الو
ادم .. حبيبتى حمدالله على السلامة
ملك بخجل .. الله يسلمك .. معلش معرفتش اكلمك ماما كانت ادامى بعتلك رسالة
ادم .. اه منا شوفتها وفهمت كدة برضو .. انتى مش ناوية تقوليلها
ملك .. انت عايزنى اقولها ؟؟
ادم .. احنا مبنعملش حاجة غلط انا هتقدملك واتجوزك على سنة الله ورسوله انا طول عمرى جد يا ملك ومليش فى الغلط
ملك .. انا عايزة اقولها برضو بس قلت بعد الامتحانات عشان ممكن تفكر اننا هنعطل بعض
ادم .. اللى تشوفيه انا بس عرفتك ان معنديش مشكلة ان الدنيا كلها تعرف ان ادم الشناوى بيحب ملك السيوفى وهيتجوزها وقريب اوى هتبقى ملك الشناوى
ملك وقلبها يدق بعنف من شدة تأثرها بكلامه .. ان شاء الله .. ادم احنا عايزين نشجع بعض عالدراسة .. امتحاناتنا قربت وعايزين نجيب تقدير عشان اهالينا يوافقو على ارتباطنا
ادم .. ده اللى كنت عايز اكلمك فيه تعالى نتفق على شوية حاجات كدة عشان نحافظ على مستوانا
ملك .. حاجات ايه
ادم .. اولا هنتكلم مكالمة واحدة بس فى اليوم وهتكون لما تروحى عشان باقى اليوم يبقى للمذاكرة وبس
ملك .. طب ما نتكلم قبل ما ننام
ادم .. لا قبل ما ننام هنطول من المكالمة جامد وهنسهر ومش هنعرف نصحى بدرى
انا مبحسش بالوقت معاكى يا ملك عشان كدة هنظبط نفسنا مكالمة ساعة واحدة فى اليوم
ملك .. ساعة بحالها
ادم .. يارب تقضى انا عارف ان كل اللى بقوله هيتدمر من اول لحظة اصلا .. للاسف انتى الوحيدة اللى بضعف ادامها واكسر كل قراراتى
ملك.. ههه لا انا هساعدك ان شاء الله هننفذ اتفاقنا
ادم .. ماشي .. تانى حاجة باة نذاكر بضمير فاهمانى يعنى لو انا جيت فى بالك او انتى جيتى فى بالى نحاول نركز واللى يصبرنا اننا هنبقى لبعض بعد الامتحانات
ملك .. بعد الامتحانات ازاى انت لسة هتتقدم بس
ادم .. لا منا ناوى اكتب كتابى زى صاحبتك كدة واهو تبقو زى بعض
ملك .. لا يا ادم مش هينفع اذا كنت انا معترضة اصلا على جواز عاليا واعدة اقولها هتوفقى ازاى وتركزى ازاى اقوم اعمل زيها
اصلا ازاى نتجوز واحنا لسة بندرس
قاطعها ادم .. اسكتى شوية ايه راديو واتفتح .. انا مقلتش نتجوز قلت نكتب الكتاب عشان نبقى براحتنا ومحدش يقدر يتكلم كلمة عليكى
لكن انا طبعا عمرى ما هتجوزك ونبقى تحت سقف واحد الا لما اشتغل واقدر اصرف على بيتى وافتحه بمجهودى
ملك .. اه قول كدة .. بس معتقدش بابا هيوافق
ادم .. لا سبيلى ابوكى انا هقنعه
ملك .. ماشى يا عم المقنع
ادم . . على فكرة انا مسافر بكرة
ملك وقد شعرت بحزن لا تعلم سببه .. مسافر فين وليه اصلا
ادم .. اهدى بس .. انا رايح البلد عند عمر .. اهله عازمينى بقالهم فترة فهروح يومين كدة قبل الامتحانات عيب اكسفهم
ملك .. اه ان كان كدة ماشي .. افتكرتك مسافر لاهلك
ادم .. لا لسة بدرى هما اللى هييجو بعد الامتحانات
ملك .. على خير ان شاء الله
ادم .. طيب يا ملوكتى هروح انا باة اذاكر شوية وانتى كمان ذاكرى واللى متفهميهوش علميلى عليه وانا اشرحهولك
ملك .. حاضر ربنا يخليك ليا
ادم .. سلام
ملك .. سلام يا ادم
دخلت ثريا على ملك حجرتها وقد استمعت لنهاية حديثهم وعرفت باسمه
ثريا بحدة .. مين ادم ده يا ملك ؟!!
.....
ترى ماذا ستفعل ملك وهل ستواجه والدتها بالحقيقة 🤔🤔
منتظرة اراءكم وتوقعاتكم 😍 مش تم بس عايزة تفاعل مع الاحداث ولايكات كتير عشان يوصلكم الجديد
قراءة ممتعة دمتم بالف خير ❤️
•تابع الفصل التالي "رواية انت عشقي وقسوتي" اضغط على اسم الرواية