رواية ظننا انه باب الامل الفصل الثاني و الاربعون 42 - بقلم ملك ناصر

  رواية ظننا انه باب الامل كاملة بقلم ملك ناصر عبر مدونة دليل الروايات 

 رواية ظننا انه باب الامل الفصل الثاني و الاربعون 42

 

العربيتين اتقلبوا كذا مرة ووقعوا في الميه والناس اتملت

وطلبوا الاسعاف وبعد وقت مش كتير وصلت الاسعاف

وطلعوا العربيات لكن ملقوش غير شخص واحد بس..

♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡

عند كيان..

كانت قاعده بملل زي العاده وبتكلم بطنها المنتفخه وهي

بتاكل فشار..

كيان وهي بتاكل: هييييح ياترى انت ولد ولا انتى بنت؟!

امممممم طب ياترى هسميك او هسميكي ايه.. يارب تطلعوا

شبهي يارب عشان نحسن النسل..

جه من وراها جاسر اللي ضربها على راسها بخفه: نسل ايه يا

معفنه دانا قمر..

كيان: واحلى قمر يا جسورة والله.. انا بقول يعني لو ب

بسكوته صغيره كده تبقا شبهى.. وكملت وهي بتضيق عنيها:

ولا انت ليك رأيي تاني؟! ايوة قول.. قول انى مش عاجباك

ومش عايز عيالك تكون شبهي.. واخدنى لحم وهترميني

عضم يا جاسر يابن صافي..

جاسر بسرعه لأنو عارف اللي هيحصل بعد الجمله دي: لا لا يا

حبيبتي انا مقولتش كده دانتي بسكوته واحلى بسكوته

كمان.. يالا يا حبيبتي باي انتي بقا عشان انا رايح مشوار..

كيان: رايح فين ان شاء الله..

جاسر: هخرج مع عدي وباسم واحمد شوية..

كيان لوت بوظها وقالت بتمثيل: اخرج اخرج.. اخرج انت مع

صحابك وانبسط وغير جو وسيبني انا قاعده كده بين اربع

حيطان انا وابنك.. حسبي يالله ونعم الوكيل..

جاسر مسح على وشو بملل وغيظ: طب انتي عايزة ايه

دلوقتي..

كيان قامت ببطئ وهي ماسكه بطنها: عايزة اخرج معاك..

جاسر: نعم؟!

كيان بحزن: والله يا جاسر انا زهقت انا قاعده في الاوضه دي

ومش بخرج منها خالص نفسي اغير جو نفسي اشوف العالم يا ناااس..

جاسر: يا كيان يا حبيبتي مانتي عارفة انى غلط عليكي

تخرجي دلوقتي انتي بتتعبي لما تنزلي تاكلي تحت حتى

هتمشي معايا ازاي..

كيان بحزن وهي بتربع اديها: مليش دعوه اتصرف..

جاسر اتنهد: طيب خلاص البسي اما نشوف اخريتها..

كيان بفرحه: هييي هييي هخرج.. خمس دقايق واكون جاهزه

ياباشا..

جاسر ضحك عليها وهو مش مصدق اني دي كيان اللي قابلها

اول مرة بغرورها وصوت كعبها اللي بيسمع في المكان..

……………………………..

في المستشفى..

: اتصلتوا بحد من اهلو..

: لقينا تليفونين وبنحاول نشغلهم ونتصل باهلهم..

: لقيتو الراجل اللي في العربيه التانيه..

: لا للاسف العربيه مفيهاش حد..

: تمام دخلوا المريض ده لغرفه العمليات فورا حالتو خطيره يالا بسررعه..

……………………………..

جاسر وهو بيسوق العربيه: ها ياستى عايزة تروحي فين..

كيان بتفكير: اممم مش عارفة وديني اي مكان هادي او جنينه

عايزة اشم هوا نضيف..

جاسر: انتى تؤمرى يا كياني..

كيان بصتله بابتسامه وحب..

فجأه جاسر وقف بعربيته..

كيان: في ايه..

جاسر: مش عارف الطريق مقفول ليه.. وايه كل الناس

والعربيات اللي واقفه دي.. استني هنزل اشوف..

كيان مسكت ايد جاسر برفض وخوف..

جاسر: متاخفيش هنزل بسرعه وراجعلك..

نزل جاسر ومشي اودام شوية لحد ما وصل لمكان في زي نهر

كده وعربيات وناس واقفه كتير وغواصين بيدوروا على

حاجه في الميه..

جاسر سأل واحد كان واقف: هو ايه اللي حصل..

الراجل بحزن: دول عربيتين كانوا ماشيين عكسي فجأه

اتخبطوا في بعض ووقعوا هما الاتنين في الميه والاسعاف

وصلت طلعوا العربيتين وراجل بس الغريبه انهم ملقوش في

العربيه التانيه الشخص اللي كان سايقها لحد دلوقتي بيدوروا

عليه في الميه..

جاسر بصدمه وحزن: ايه ازاي ده حصل..

الراجل: زي ما بقولك كده يا استاذ..

فجاه وهما بيتكلموا تليفون جاسر رن من رقم غريب..

جاسر: الو..

:………………..

جاسر بصدمه وهو بيبص على مكان الحاد.ثه: اييه؟!…

•  يتبع الفصل التالي اضغط على (  رواية ظننا انه باب الامل ) اسم الرواية