رواية حكايا كاملة بقلم ايمان عبر مدونة دليل الروايات
رواية حكايا الفصل الرابع 4
ايه يا نجلاء فى ايه سلمى مالها ماما قالتلى انك رجعتى من الكلية وانتى مسنداها انتى وورد
تعالى بس معايا الصالون يا اروى عشان نتكلم برحتنا
ادينا دخلنا ها فى ايه بقه
باسل خطب جميلة بنت وكيل الكلية
ايه انتى بتتكلمى بجد
ايوة هو ده اللى حصل
ياعينى يا سلمى دى كانت بتحبه اوى
تقصدى كان معيشها الوهم انا ياما قولتلها انه انسان انتهازى ومش بيقرب منها غير عشان مصلحته لانها كانت بتوفرله كل المحاضرات اللى مش بيحضرها وتعمله ملزمات وملخصات احسن من اى دكتور لكن هى ماكنتش بتصدقنى
فعلا انسان انتهازى بس مش ده المهم المهم هى سلمى حنعمل معاها ايه دلوقتى
والله ما عارفه يا أروى
ورد رجعه بدرى ليه انهارده
جواد حبيبى اه رجعت بدرى عشان فى وحدة زملتى تعبت وروحتها انا واختها بيتها وقولت ارجع انا كمان البيت ايه زعلان انى رجعت بدرى
انا ابدا انتى عارفة انا اد ايه بحب القعدة معاك يا وردة حياتى
ياسيدى ع الروقان
ازيك يا سلمى عاملة ايه يا حببتى
حكون عامله ايه يعنى يا اروى ادينى قعدة فى البيت
طب وحتفضلى قعدة فى البيت كده كتير
امال اعمل ايه
تروحى كليتك
لا مش حروحها تانى خلاص
ازاى بس دا انتى فى اخر سنة ليه يا حببتى تضيعى مستقبلك
نجلاء : قوللها يا اروى خليها تفوق لنفسها
سلمى : مهما اتكلمتوا انا مش رايحة الكلية يعنى مش رايحة وسبونى فى حالى بقه
اروى : طب بقولك ايه ما تيجى معايا لدكتور سارة دى ما طلعتش دكتورة نفسية دى لايف كوتش لو قعدتى معاها حتحبيها اوى
سلمى بسخرية : اه دى من اللى بيقعدو يقولولك حبى نفسك واقفى ادام المراية وكلميها وتفضلى بقه تقولى انا مش طخينه دبه انا غزالة رشيقة مش كده
فانفجرت نجلاء واروى فى الضحك ثم قالت اروى : يخرب عقلك يا سلمى حتى وانتى زعلانه دمك شربات بس على فكرة لو قعدتى مرة وحدة مع سارة حتغيرى فكرتك دى خااالص
نجلاء بحماس : طب بقولك ايه يا اروى ما تخدينى انا معاك انتى من يوم ما بدئتى تروحى لسارة دى وانتى بقيتى احسن كتير
اروى بفرح : بجد عوزة تيجى معايا يا نجلاء
ايوة بجد
خلاص انا ريحة بكرة حبقى اعدى عليكى واخدك معايا
اتفاقنا
ها يا مجد عملت ايه فى المناقصة
عيب عليك يابنى رسيت علينا طبعا
بجد دا احلى خبر سمعته انهاردة
كده يبقه حتعزمنى ع الغدا
ما بلاااش
ليه
لحسن وحدة كده ولا كده تخبط فيك وتلطش محفظتك تانى ثم انفجر امجد فى الضحك
مجد بغيظ : يا دمك حد قالك ان دمك يلطش قبل كده
لا محدش
طب ادينى قولتلك
اه صحيح الواد راجى ابن عمتك رجع من امريكا وقال انه حيجى يشوفنا
بجد راجى رجع دا وحشنى اوى
أوووووف ع الرخامة يارتنى ما رجعت بدرى
ايه داخله بتنفخى كده ليه يا نجلاء
ايه ما سمعتيش جرس التليفون
اه سمعته بس ده يخليكى مش طايقة نفسك كده
اه ياختى ما انا رديت عليه لاقتها مرات عمك حمدى حتشرفنا دلوقتى هى وبنتها فايزة
ايه يادى القرف اصلها كانت ناقصه الست فايزة وامها
شوفتى اديكى انتى كمان مش طايقة نفسك ثم اكملت بعد ان سمعت جرس الباب اهم شرفوا
بقولك ايه ما تفتحيش سبيهم يرنوا على ما امك تسمع الجرس وتيجى تفتحلهم يمكن يزهقوا ويمشوا
بتهزرى صح عشان الع*قربة مرات عمك تعملهلنا حكاية وتشتكى لابومى وتخليه يولع فينا
ارتاحى ياهى اهى امك شكلها سمعتهم وفتحت
الام : يا اهلا يا اهلا ازيك يا ام فايزة ازيك يا فايزة
تعالوا اتفضلوا
الله يسلمك يا ام سلمى بقالنا ساعة بنرن الجرس ايه كنتى فين كل ده
سلمى من الداخل : شوفى الولية رنت مرتين الجرس خلتهم ساعة سبينى يا نحلاء سبينى اطلع اخنق*ها هى وبنتها
نجلاء : لا وعلى ايه هما شوية ويغو*رو
وفجاة سمع الاثنان طرقات على باب الغرفة ثم انفتح الباب ودخلت فايزة فقالت نجلاء على مضض مين فايزة ازيك
وتبعتها سلمى تقول من بين اسنانها : اهلا
فايزة ببرود : انا قولت ما طلعتوش تسلموا علينا اجى انا اسلم عليكوا واقولكم الخبر الحلو اللى عندى
سلمى : خبر ايه يا حببتى خير
فايزة بفرح : قراية فاتحتى يوم الخميس الجاى ثم اكملت بشفقه محاولة اغاظتهم عقبالكم كده يارب عن ق يب والله انا نفسى تتخطبوا بأى شكل
نجلاء : لا يا حبيبة قلبى ما تقلقيش علينا خالص ان شاء الله حنطخطب ونتجوز ونخلف احلى عيال كمان ركزى انتى بس المرة دى فنفسك لحسن ياحرام بتصعبى علينا اوى بعد فركشت كل مرة واللى يطلع ن*صاب واللى حرا*مى واللى مد*من واللى معرفش ايه الا بتتلمى عليهم منين دول يا فايزة ولا يا حرام بقه لما بحصلك انهيار من الصدمة ربنا يستر المرادى بقه
فايزة وهى تدارى غيظها : طب انا حطلع اشوف ماما لحسن لسه حنلف سوا على باقى العيلة
وانصرفت سريعا من امامهم
سلمى وهى تضحك بشدة : جدعه يا بت يا نجلاء برافوا عليكى كبستيها ولا الكبسة السعودى
فانفجرت نجلاء فى الضحك قائلة : وهى لسه شافت حاجة
بس ايه القوة دى كلها جبتيها منين اول مرة تردى عليها كده
البركه فدكتور سارة
يادى سارة اللى موركيش غيرها انتى واروى
انتى كمان لو سمعتة كلمنا وجيتى معانا حتحبيها
لا مليش فى وجع الدماغ ده
فكرى يا سلمى عشان خاطرى
طيب طيب خلينا بس نشوف امك حتغدينا ايه انهارده
اروى كويس انك ما اتاخرتيش وجيتى بعد المحاضرة على طول عندى ليكى مفاجأة مش حتصدقيها
مفاجأة ايه ؟؟؟
ايه سلمى حتروح معاكى
معايا ليه انتى مش جاية معانا
لا كلمت ماما وانا خارجة من المحاضرة وشكلها تعبت اكتر من الصبح
ايه خالتى تعبانه خلاص نلغى المعاد بتاع انهارده ونروح نطمن عليها
انتى بتقولى ايه احنا مصدقنا سلمى توافق تقابل سارة روحو انتوا اوعى تقوللها حاجة يلا شوفى هى حتستناكى فين ورحولها يلا سلام
ماشى واحنا اول لما نرجع حنعظى عليكى على طول
طيب
سالخير يا ست نجلاء
سالخير يا ست سلمى كل ده على ما تيجى
اعملك ايه الموصلات ياختى لما نشوف اخرة المشوار ده ايه هاتى ايدك
وضعت سلمى يدها فى يد نجلاء وسارا معا ولم تكن تعلم ان القادم هو عوض الله لها❤❤
- يتبع الفصل التالي اضغط على ( رواية حكايا ) اسم الرواية