رواية انت عشقي وقسوتي (كاملة جميع الفصول) حصريا عبر دليل الروايات بقلم دينا قدري
رواية انت عشقي وقسوتي الفصل الخامس 5
- بارت ٥
تفاجأت ملك بوجود والدتها فى الغرفة ولكنها تحدثت بطريقة عادية ولم ترتعب ف ادمها طمأنها
ملك .. ده زميلى فى الكلية يا ماما مندوب الدفعة اللى حكيتلك عليه و ...
توقفت عن الكلام لتشعر بالخجل
ثريا .. و ايه يا ملك ؟
ملك .. وهيتقدملى بعد الامتحانات
ثريا بتعجب .. يتقدملك ! مين ده اصلا انتى تعرفيه منين ؟
ملك .. ادم الشناوى مندوب الدفعة ٣ سنين والسنة دى انا مندوبة معاه واتعرفنا وقربنا من بعض يا ماما وقاللى هيتقدملى السنة دى ان شاء الله
ثريا .. ومحمد !!
ملك .. انتى عارفة كويس يا ماما ان انا ومحمد اخوات وبس .. اصلا انا مبحبوش وبعد اللى حصل باة استحالة يكون بيننا حاجة
ثريا .. وتضمنى منين باة ان اللى هيتقدم ده مش طمعان فيكى ؟!
ملك .. ادم ميعرفش اى حاجة عنى عشان يطمع .. وبعدين اطمنى ده مستواه المادى حلو جدا واهله عايشين برة وكل لبسه ماركات وانسان محترم
ثم نظرت لامها واكملت .. بس مش ده اللى شدنى ليه يا ماما .. انا اللى شدنى ليه اخلاقه واحترامه لنفسه وشخصيته القوية وكاريزما جذابة من الاخر كدة كوكتيل رجولة عمرى ما هلاقى زيه
ثريا .. واضح انك بتحبيه وواخدة قرارك
ملك .. انا مقدرش اخد قرار من نفسى انا اه بحبه بس الرأى الاول والاخير ليكى انتى وبابا
هو هيتقدم وانتو هتشوفوه وتقررو بنفسكم
ثريا بيأس .. ماشى يا ملك .. عن اذنك
ملك فى نفسها .. انا متأكدة لما تشوفوه هتحبوه وتتمنوه ليا
...
مرت ايام وايام وعشقهم يزداد يوما بعد يوم فقد رأت غيرة وخوف من ادم لم ترى مثلهم بحياتها فهو يعتبرها ابنته الصغيرة يدللها ويشملها بحنيته واهتمامه ويخاف عليها من اى شئ .. فهى عشقه ولا يريد ان يخسره
فى الكافيتريا كانت تجلس كلا من ملك وعاليا عندما جاء عمر
عمر .. عاليا ثوانى لو سمحتى
عاليا ... هههه تانى
عمر ... هههه اعمل ايه انا عبد المأمور
عاليا .. واضح يا ملك ان ادم مش طايقنى خالص وعايز يخلص منى عن اذنك
وذهبت بعيدة عن عمر الا ان اقترب منها عمر قائلا
عمر .. رايحة فين طيب ؟
عاليا .. مفيش هشوف اى حتة اعد فيها لحد ما يخلصو كلامهم
عمر .. طب ما تيجى نشرب اى حاجة ونتكلم شوية
عاليا .. نتكلم فى ايه ؟!
عمر .. عادى اى حاجة .. منا متعود ان ادم يعد معايا ملك خدته منى زى ما هو خدها منك
عاليا .. انت هتقر عليهم من اولها ما تسيبهم فى حالهم ما صدقنا نطق
عمر .. عقبالى لما انطق انا كمان
عاليا .. نعم !!
عمر .. منا اعد اقولك نعد نتكلم مش راضية
عاليا .. معلش يا عمر انا لازم امشى عن اذنك
عمر بحزن .. طيب اللى يريحك
...
عند ادم وملك
ادم .. ها فهمتيها
ملك .. اه طبعا انت شرحك حلو اوى .. شكلك كدة هتتعين معيد فى الكلية
ادم .. لا يا ستى مش عايز شكرا
ملك بتعجب .. ايه ده فيه حد ميحبش يبقى معيد او دكتور فى الجامعة
ادم .. اه انا .. انا نفسي افتح شركتى الخاصة واديرها وابقى رجل اعمال ومهندس فى نفس الوقت واعد اكبر فيها لحد ما تبقى حاجة كبيرة اوى زى مايكروسوفت كدة
ملك .. ياااه مايكروسوفت حتة واحدة .. ده حلم بعيد اوى
ادم .. وماله ما احنا عايشين عشان نحلم وانا هفضل ورا حلمى لغاية ما احققه
ملك .. طب متنساش تبقى تشوفنى معاك باى وظيفة فى شركتك الكبيرة
ادم بحب .. الشركة وصاحب الشركة ملكك انتى وبس
ملك بخجل .. احم ربنا يخليك ليا
قاطعهم عمر قائلا .. ادم انا مروح انت اعد لسة
ادم .. اه يا عمور روح انت وانا جاى وراك
عمر .. ماشي سلام .. باى يا ملك
ملك .. باى
ملك لادم .. شكله قرفان منى ومش طايقنى ليه حق بصراحة ما انت علطول منفضله واعد معايا
ادم .. ليه يعنى هو خطيبتى ده راجل
ملك .. ايوة بس صاحبك ومتعود يعد معاك علطول
ادم .. فى دى عندك حق انا بقالى فترة مبعدش معاه
ملك .. طيب تعالى نقلل اعدتنا مع بعض شوية عشان عاليا برضو اكيد بدأت تزعل
ادم .. رغم انى اتعودت عليكى ومقدرش ابعد عنك .. بس اللى يريحك اعمليه
.....
كان يسير عمر وحيدا ويفكر بعاليا .. هو حقا يريد التقرب منها ولا يدرى لماذا ولكنها دائما ما تصد كل محاولاته
ايريد ان يملئ فراغه بعد ان بات يتركه ادم اوقات كثيره بمفرده
ام يريد ان يعرفها اكثر .. هل هى تجذبه كما ينجذب ادم لملك ؟!
لا يعلم ولكنه يفكر بها كثيرا وايضا لا يدرى لماذا
وسط كل تلك الافكار لمحها عمر تخرج من باب الكلية وتجتاز الشارع للجهة المقابلة وفجأة
حاسبى .. عاليا حاااااسبى
اندفع اليها عمر بسرعة حينما وجد سيارة تأتى مسرعة من الخلف تكاد ان تصطدم بها ليضمها بسرعة دافعا اياها بعيدا عن تلك السيارة حتى عبر بها بر الامان
وقف مبتعدا عنها ليقول بقلق .. انتى كويسة ؟
عاليا بخوف شديد .. الحمدلله الحمدلله متشكرة اوى
عمر .. على ايه خلى بالك من نفسك
وجدها ترتعش بشدة من صدمتها ولم تستطع الحركة
عمر .. عاليا مالك انتى كويسة
حركت رأسها بالايجاب وما زالت متسمرة بمكانها
عمر .. انتى ساكنة فين ؟
عاليا برعب .. الهر الهر رر الهرم
عمر .. طيب انتى بتروحى ازاى ؟
عاليا ترتجف .. مت مت متررروو
عمر .. لا مترو ايه انا هوقفلك تاكسى
وبالفعل اوقف تاكسى وركب معها بجانب السائق فلم يستطع تركها بمفردها بتلك الحالة
شعر بالقلق الكبير عليها وظل ينظر اليها بالمرآه طوال الطريق كى يطمئن عليها
ولكنه وجدها وكأنها فى عالم اخر .. لم تشعر به بل لم تشعر بما حولها من الاساس .. وكأنها غائبة عن الوعى غير مدركة ما يدور حولها
الى ان وصلا امام منزلها ليسأل عاليا ان كان هناك احدا بالمنزل ينزل ليساعدها وبالفعل اتصلت بخالتها التى سرعان ما اخذتها بعد ان شكرت عمر
لتءذهب عاليا معها بحالتها المذرية تلك ويحدث عمر نفسه
عمر لنفسه .. انتى طلعتيلى منين بس انا كنت ناقص
السائق .. بتقول ايه يافندم ؟
عمر بيأس .. ولا حاجة اطلع يلا
.....
اخذ يتذكرها ويتذكر الموقف الذى تعرضت له
على الرغم من بشاعة ذلك الموقف وخوفه الشديد عليها .. الا انه لا يستطيع نسيان حضنها الذى سكن به ولاول مرة بحياته يغمر فتاة هكذا
كانت بحضنه كانت قريبة منه جدا لم يستطع نسيان تلك اللحظة التى زلزلزت كيانه وهزت قلبه بعنف فأخذ يدق بسرعة رهيبة لم تتوقف حتى الان
لاحظ ادم شروده لينادى عليه
ادم .... عمر ..عمر . ايه يابنى سرحان فى ايه ؟
عمر بشرود ... عاليا
ادم .. نعم !!
عمر بشرود .. عاليا يا ادم
ادم بصدمة فهو يعلم انها مخطوبة ولا يمكن لصديقه ان يفكر بها .. فسأله بنفس مكتوم .. مالها عاليا ؟!
عمر .. كانت هتعمل حادثة وانقذتها ... الحمدلله
اخذ ادم انفاسه ليقول بارتياح مستفهما .. حادثة ازاى يا ساتر يارب
قص عليه عمر ما حدث واستشعر ادم من كلامه ونبرة صوته انه يكن مشاعر لعاليا واشفق عليه كثيرا
ادم فى نفسه .. يادى النيلة ملقتش غير عاليا يا عمر .. بنات الدفعة كلها ادامك وعاليا الوحيدة اللى عجبتك ده احنا داخلين على ايام سودة ربنا يستر
....
كان يجلس شاردا بغرفته حينما دخل عليه عمر ويبدو على وجهه القلق
عمر .. ادم ممكن تاخد رقم عاليا من ملك وتديهولى
ادم مشفقا على حاله .. ليه يا عمر فى حاجة
عمر .. مش قادر انسى منظرها وهيا بتترعش وجسمها متلج ومرعوبة ومش قادرة تنطق
عايز اطمن عليها
ادم .. بس مينفعش ناخد رقمها من ملك وبعدين هيا ممكن تضايق لو اخدت رقمها وكلمتها
عمر بقلق .. طيب خلى ملك تكلمها طيب وتطمن عليها
ادم .. حاضر يا عمر هروح اكلمها
....
استمعت ملك لرنين هاتفها فهرولت اليه لترى المتصل
فوجدته ادم
تسارعت دقات قلبها من السعادة واسرعت بالرد
ملك .. الو
ادم .. حبيبى عامل ايه ؟
ملك بخجل .. الحمدلله .. انت اخبارك ايه
ادم .. كنت عايز اقولك على حاجة حصلت بس مش عايزك تقلقى .. الموضوع عدى الحمدلله
ملك بقلق شديد .. خير يا ادم ايه اللى حصل
ادم .. يعنى انا بقولك مش عايزك تقلقى تقومى تتكلمى بالخوف ده .. مفيش حاجة تستدعى القلق خلاص عدت
ملك .. طب طمنى فى ايه
ادم .. عاليا صاحبتك كانت هتعمل حادثة انهاردة وهيا معدية الشارع .. بس الحمدلله عمر لحقها ومحصلش حاجة
بس هيا بعد الموقف ده اعدت تترعش جامد ومكنتش قادرة تنطق بكلمة وعمر حس انها تايهة كدة ومش حاسة بنفسها ولا باللى حواليها
فخاف عليها تروح بالحالة دى عشان كدة وصلها وكلم حد من اهلها ينزل ياخدها
ملك .. يا نهار ابيض معقول كل ده حصل .. استنى انت بتقول اترعشت وكانت تايهة .. اقفل اقفل يا ادم دلوقتى
واسرعت بغلق الخط معه والاتصال بعاليا سريعا
ردت خالتها .. ازيك يا ملك عاملة ايه ؟
ملك بقلق .. انا كويسة يا طنط .. عاليا عاملة ايه دلوقتى طمنينى عليها
سميحة .. الحمدلله بقت احسن .. كانت جاية تعبانة اوى دخلتها تاخد شاور ومرضيتش تاكل حاجة شربت عصير بس ونامت .. ولسة نايمة
ملك .. يا حبيبتى يا عاليا اكيد الحالة جاتلها
سميحة .. للاسف ده اللى حصل فعلا .. انا مش عارفة هتفضل تعانى كدة لحد امتى
ربنا يكرمه الشاب اللى وصلها ده لولاه مكنتش هتتحرك من مكانها ولا هتعرف توصل
ملك .. طب انا ممكن اكلمها ؟
سميحة .. هحاول اصحيها بس معلش لو لقتها مش قادرة هسيبها براحتها
ملك .. لا خلاص سبيها نايمة .. انا بس كنت عايزة اتطمن
سميحة .. طب استنى كدة .. عاليا .. عاليا يا حبيبتى ملك عايزة تطمن عليكى
عاليا بنوم .. هاتيها يا خالتو
ملك .. ايه يا قطة قلقانى وقالقة الناس عليكى ليه كدة ؟
عاليا ببكاء .. افتكرت .. افتكرت يا ملك وانهارت بالبكاء
جذبت منها سماعة الهاتف بسرعة .. هاتى هاتى التليفون ده
سميحة .. معلش يا ملك هروح اهديها احسن رجعت تعيط تانى
ملك باسف وحزن شديد .. طيب يا طنط وانا جايالها حالا مش هقدر اسيبها بالحالة دى
سميحة .. تنورى يا حبيبتى
اغلقت الهاتف وهمت ملك مسرعة بارتداء ملابسها كى تطمئن على صديقتها .. فهى تعتبرها اختها والاقرب لقلبها ومنذ حادث والديها وهى تشفق عليها كثيرا وتشعر بالم قلبها محاولة كثيرا التخفيف عنها وغمرها بحبها وحنانها
......
عند سميحة
قامت بضم عاليا لقلبها مهدئة اياها بينما عاليا غارقة فى نوبة بكاء هستيرى مع كلمات متقطعة غير مترابطة
ماما ... العربية .. ول ول ولعت. ... حبيبى ... با . بابااا
سميحة .. اهدى يا حبيبتى انا جنبك ومفيش حاجة حصلت لكل ده
عاليا تضم سميحة وتبكى .. وحشو ... وحشووونى
سميحة .. وحشونا كلنا بس هما فى مكان احسن بكتير
عاليا ... انا .. انااا كنت كنت هروحلهم
انفطر قلب سميحة لكلماتها وحالتها المحرقة للقلب
سميحة محاولة تهدئتها .. يا حبيبتى بعد الشر عنك .. فيه عروسة فرحها بعد كام شهر تقول الكلام الوحش ده
انتى هتعيشى وتفرحى وتتهنى وتجيبيلنا اولاد كتير انا عايزة احفادى يملو علينا البيت ده
عاليا بحب .. ربنا يخليكى ليا يا خالتو
سميحة .. ويخليكى ليا ويباركلى فيكى يا ست البنات
...
خرجت ملك من المنزل مسرعة باتجاه منزل عاليا
حتى وصلت ودخلت متلهفة لرؤيتها
ملك .. طنط ازى حضرتك .. عاليا عاملة ايه ؟
سميحة .. جوة يا حبيبتى ادخليلها
ملك تضمها بلهفة .. حبيبتى يا لولو مالك يا قلبى بتعيطى ليه بس
عاليا وقد هدأت قليلا .. كنت هموت هموت يا ملك
ملك .. بعد الشر عنك يا حبيبتى قدر ولطف الحمدلله
عاليا .. انا مش زعلانة .. انا فرحت انى اخيرا .. اخيرا هروحلهم
وضعت يدها على فمها لتوقفها عن الكلام قائلة
ملك .. بس بس متقوليش كدة .. عايزة تروحيلهم وتسيبينى لمين .. انا مقدرش اعيش من غيرك بطلى كلام اهبل .. وبعدين انتى هتبقى احلى عروسة كمان كام شهر يعنى المفروض تكونى متفاءلة وسعيدة مش منكدة على نفسك وبتتمنى الموت
ابتسمت عاليا لملك وضمتها بامتنان لوقوفها بجانبها دائما
ملك .. روحى هناك عند التسريحة وشوفى البوكس اللى هناك ده .. انا جيباهولك مخصوص
عاليا بتعجب متجهة لصندوق الهدايا الاحمر على التسريحة
عاليا .. بوكس ايه ده ؟! لتندهش مما بداخله قايلة باعجاب .. يه ده واااااو ايه كل ده
فقد كان صندوقا خشبيا احمر به العديد من اصناف الشيكولاتة والحلوى المحببة لقلب عاليا
ضمت عاليا ملك بحب وفرحة شديدة غير مصدقة كم الحب والاهتمام هذا من ملك فقد كانت حنونة عليها كثيرا وكأنها تعوضها عما مرت به فى حياتها من مآسى
ملك .. يلا انا همشى باة اتأخرت اوى وطنطك ثريا هتستلمنى اول ما تشوفنى .. لتردف
صحيح انا مش جاية الكلية بكرة عشان هنروح نستقبل بابا فى المطار
عاليا .. ايه ده هو راجع خلاص
ملك .. لا دى اجازة اسبوع نازلها خطف كدة عشان يتطمن علينا
عاليا .. يجى بالسلامة خلاص وانا كمان مش هروح انا اصلا محتاجة ارتاح
ملك .. قشطة يا حبى يلا سلام
.....
غادرت ملك وفى طريقها للمنزل اتصلت بادم
ادم .. ايه يا ملك كل دى مكالمات مترديش عليها قلقتينى عليكى جدا .. وبعدين قفلتى فجأة معايا قلقتينى اكتر
ملك .. معلش يا ادم انا اسفة بس انا اول ما عرفت ان عاليا جاتلها الحالة مقدرتش استنى لبست وروحتلها جرى
ادم باستغراب .. حالة ايه !!
ملك .. مش انت قلتلى عاليا خافت وارتعشت جامد وتاهت عن الدنيا
ادم .. اه ليه
ملك .. عاليا عندها عقدة فى حياتها يا ادم .. مامتها وباباها ماتو ادام عنيها
كانو مسافرين وهما راجعين من السفر العربية اتقلبت بيهم وعاليا اتنطرت بعيد عن العربية واتكسرت وكانت شايفة ابوها وامها فى العربية ومش قادرة تخرجهم ولا تنقذهم
كان فيه واحد ابن حلال معدى من مكان الحادثة حاول يخرجهم من العربية بس كانت هتنفجر خلاص
خد عاليا وجرى بيها عالمستشفى كانت حالتها صعبة جدا والامها شديدة لدرجة كانو بيدوها مهدئات كتير ويسيبوها نايمة اطول وقت ممكن عشان متحسش بالالم ولا تفتكر اللى حصل
كانت كل ما تصحى تعد تصوت وتترعش وتقول بابا ماما متسيبونيش وتعيط بحرقة ينيموها عشان تهدى
اعدت فترة كبيرة فى المستشفى مش متعرفين عليها والراجل اللى انقذها باة يروحلها يطمن عليها ويحاول يعرف منها مين اهلها بس طبعا مكنتش بتقدر تتكلم وتدخل فى حالة توهان ورفض للواقع
لحد ما فاقت ودلتهم على عيلتها ومكانهم
طبعا كلهم كانو فاكرين انها ماتت مع اهلها ومكنوش مصدقين انها لسة عايشة
خدتها خالتها سميحة واعدتها معاها وحاولت كتير عشان تقدر تخرجها من الحالة دى
اللى حصل ده خلانى اقرب منها اكتر ونبقى اصحاب وحبيتها اوى اوى اعتبرتها اكتر من اختى واقرب واحدة ليا ودايما حاسة انها زى بنتى ومسئولة منى
بتألم اوى لوجعها ده وكل ما افتكر اللى هيا عدت بيه بتصعب عليا اوى وبتمنى من قلبى تنسى وتعيش حياتها
ادم .. يااااااه معقول كل ده حصلها
ملك .. ده ميجيش عشر اللى حصل فعليا واللى هيا حست بيه ساعتها .. عاليا لما رجعت كانت فاقدة النطق فترة كبيرة رافضة الكلام وكأنها بتتمرد على الوضع اللى هيا فيه .بترفض اللى حصل لاهلها
كانت لما بتيجى الكلية تفضل تايهة وسرحانة فى المحاضرات ومش قادرة تركز
حبيبتى شافت الموت بعنيها ولما رجعت منه واتكتبلها عمر جديد شافت العذاب الوان
ادم .. لا حول ولا قوة الا بالله ربنا يصبرها ويعوضها عن كل اللى شافته .. عشان كدة جاتلها نفس الحالة لما كانت هتعمل الحادثة
ملك .. بالظبط كدة بتقولى افتكرت كل اللى حصل كانه شريط بيمر ادام عينى .. ثم ادمعت عين ملك وقالت .. وتصدق بتقولى كنت فرحانة انى هموت واروحلهم .اجهشت بالبكاء
ادم .. بس يا حبيبتى متعيطيش واجمدى كدة قدامها عشان تقدرى تخرجيها من كل ده
ملك بشحتفة .. لا منا ... منا معيطتش ادامها .. مسكت .. مسكت نفسي
ادم بحزن بعد ان شعر بالاسف الشديد على عاليا ولكنه لم يطيق بكاء ملك
اهدى يا ملك خلاص .. اهدى يا حبيبتى انا قلبى بيوجعنى لما بشوفك زعلانة او اشوف دموعك
ملك .. صعبانة عليا اوى يا ادم
ادم .. معلش ان شاء الله ربنا هيعوضها .. ربنا مبيعملش حاجة وحشة وكل واحد فى الحياة دى هياخد حقه ٢٤ قيراط ربنا بيوزع الارزاق بالتساوى على كل عباده واللى ناقص منه حاجة هتلاقيه زايد فى حاجة تانية
ربك كريم وهو احن عليها من اى حد
ملك .. ونعم بالله .. الحمدلله انه لطف بيها وبعتلها عمر ينقذها
ادم فى نفسه .. ده اسوأ حاجة حصلت ان عمر اللى انقذها .. ربنا يستر
ادم .. عموما متسيبيهاش بكرة باة وحاولى تخليها تركز فى المحاضرات وتنسى
ملك .. احم انا مش جاية بكرة الكلية للاسف
ادم .. بقينا نتدلع ونغيب كتير وكدة مينفعش يا ملك
ملك .. لا والله برئ يا بيه .. مش دلع خالص بس بابا جاى من السفر بكرة ولازم نروح نستقبله انا وماما
ده واحشنى اوى يا ادم
ادم .. والله انتى اللى هتوحشينى اوى يا روح ادم .. ماشي بس حاولى تيجى ولو محاضرة واحدة عشان اشوفك
تاهت ملك من كلماته ولم تنتبه لما قال ولم ترد عليه
ادم .. ملك روحتى فين
ملك .. ها
ادم ... اه ده انتى مش معايا اساسا .. اعترفى بسرعة سرحتى فى ايه
ملك .. مسرحتش
ادم .. لا سرحتى قولى بسرعة يلا والا هيبقى فيه عقاب
ملك .. لا عقاب ايه بس احنا هنبدأها كدة
ادم .. ملك متوهيش وقولى سرحتى بايه
ملك بخجل وقد احمرت وجنتيها .. روح ادم
ادم ... ممممم طب ما انتى روح ادم فعلا وقلبه وحياته كلها
ملك .. ......
ادم بشقاوة .. ياما نفسي اشوف الفراولتين اللى على خدودك دلوقتى
ملك .. بس باة بطل تكسفنى
ادم .. لا ده مزاج عندى اشوفك مكسوفة ومش عارفة تتكلمى كدة
ملك .. باة كدة ماشي يا ادم .. يلا اقفل باة عشان وصلت
ادم .. ماشى باى يا قلب ادم
ملك .... باى واغلقت سريعا
.
وجده شاردا مهموما حينما دخل حجرته
ادم .. الحمدلله بقت كويسة يا عمر ملك راحتلها وطمنتنا عليها .. متقلقش عدت
عمر .. انا مش مكبر الموضوع يا ادم .. انت مشوفتهاش كانت عاملة ازاى .. دى كانت تايهة وكأنها مش معانا اساسا
ده غير الرعشة وزرقان شفايها بجد المنظر كان مرعب ومش طبيعى خالص يحصلها كدة من حادثة عربية اتفاديتها الحمدلله
فكر ادم ان يقص على صديقه ما قالته ملك .. ولكنه خاف ان هذا يزيد من تعلقه بها اكثر
لذلك فضل الا يقول اى شئ مما قالته ملك
عمر .. ابقى قول لملك تاخد بالها منها بكرة فى الكلية
ادم .. لا ماهى ملك مش رايحة بكرة
عمر .. ايه ليه !!
رفع ادم حاجبه باستغراب
عمر .. ياعم انا اقصد هتسيب عاليا فى الحالة دى ازاى وليه
ادم .. غصب عنها باباها جاى من السفر بكرة وهتروح تستقبله .. واردف .. وبعدين ماهى راحت انهاردة واطمنت عليها ومسابتهاش الا لما بقت زى الفل
عمر .. طيب يا ادم هنام انا باة احسن خلاص مش قادر افتح عينى
ادم منصرفا .. طيب تصبح على خير
.
استيقظ ادم يبحث عن عمر فلم يجده بالمنزل
اتصل به ولكن موبايله كان مغلقا
ادم فى نفسه .. ياترى انت فين يا عمر ده انت عمرك ما عملتها ونزلت من غيرى
كان يسير على كوبرى الجامعة حينما وجد عاليا متوجهة لبوابة الجامعة
لم يشعر بنفسه الا وهو يناديها
عاليااا
التفتت عاليا له مندهشة .. عمر !!
عمر ملحقا بها .. ازيك انهاردة بقيتى احسن
عاليا بارتباك .. الحمدلله .. انا كنت عايزة اشكرك على اللى عملته معايا امبارح .. لولاك مش عارفة كان هيحصلى ايه
عمر .. لا شكر على واجب اى حد مكانى كان هيعمل كدة
عاليا .. وشكرا كمان انك وصلتنى البيت .. انا فعلا كنت فى حالة صعب اروح لوحدى
عمر .. ما انا قلقت عليكى بصراحة لما شوفتك بتترعشى مكنش ينفع اسيبك لوحدك .. وكنت عايز اتطمن عليكى فقلت لادم يقول لملك عشان تطمنى .. احم قصدى تطمنا
عاليا .. منا برضو قلت كدة لما لقيتها عرفت قلت اكيد ادم قالها
عمر بتمثيل كى يفتح حوارا معها .. هيا فين صحيح
عاليا .. مش جاية انهاردة باباها راجع من السفر ورايحة تستقبله
عمر .. طب ما كنتى ريحتى انتى كمان انهاردة شكلك لسة تعبان
عاليا .. والله انا مكنتش جاية فعلا بس ربنا يسامح جروب المشروع باة نزلونى بالعافية
عمر .. ليه فى حاجة
عاليا .. عندنا تسليم تاسك اول الاسبوع وفوجئنا معملوش فيها حاجة .. للاسف هما علطول كدة راميين الشغل كله علينا انا وملك ومكبرين دماغهم
فاضطريت انزل انهاردة اخلص التاسك عشان الحق .. وطبعا ملك مش فاضية
عمر .. ايه ده ازاى سايبينهم كدة .. ماتقولو للدكتور او المعيد اللى متابعكم
عاليا .. يااااه ده احنا قلنا كتيييير جدا ويقولولنا معلش هنراعيكم فى التقديرات وطلبنا كذا مرة ننفصل عنهم بما ان احنا بنشتغل لوحدنا بس المعيد بيقول مينفعش جروب ٢ بس وطبعا باقى الجروبات متقفلة فمضطرين نشتغل معاهم وهما بالنسبة لنا كمالة عدد بس
عمر .. يعنى ايه هيراعو التقديرات ما انتو كدة مش هتلاحقو
عاليا .. احنا يأسنا والله من الكلام
عمر بعد تفكير .. مممم عاليا انا عندى حل
.....
انقبض قلبه حينما رأى صديقه يسير مع عاليا فى الكلية
ادم فى نفسه .. والله كنت حاسس .. ياريتنى ما قلتله ان ملك مش جاية اهو استغل الفرصة وقابلها
هعمل ايه دلوقتى وهبعده عنها ازاى !!
عاليا .. هروح انا باة اشتغل فى المشروع .. وشكرا مرة تانية
عمر .. طيب ولو احتاجتى مساعدة انا موجود
عاليا بابتسامة .. متشكرة اوى
وانصرفت مسرعة بينما شعر عمر بسعادة كبيرة لمجرد انه تحدث معها .. تركها مبتسما وتوجه للكافيتريا
لتناول فطوره فتفاجئ بوجود ادم امامه
ادم .. يعنى ينفع كدة تنزل بدرى من غير ما تقولى وكمان موبايلك مغلق .. قلقتنى عليك
عمر .. معلش صحيت بدرى وحبيت اتمشى شوية قبل الكلية ومرضتش اقلقك
ادم بخبث .. تتمشى اه .. واتمشيت ياخويا !!
عمر .. فى ايه يا ادم عايز تقول ايه
ادم .. انت قابلت عاليا وانت بتتمشى ولا ايه
عمر .. اه وحبيت اتطمن عليها .. صحيح يا ادم كنت عايز اتكلم معاك فى موضوع
ادم .. موضوع ايه
عمر .. كنت بفكر ندخل ملك وعاليا معانا فى مشروع التخرج
ادم باستغراب .. نعم !! ازاى وليه اصلا
عمر .. اصل الجروب بتاعهم متنحين ومبيشتغلوش .. متكلين عليهم فى كل حاجة وملك وعاليا هما اللى شايلين الشغل كله .. وانت اصلا كنت بتدور على ناس تدخل معانا فانا فكرت انهم يدخلو معانا ويسيبو الجروب ده
لم يعرف ادم بما يجيبه
فقد اخبرته ملك بتلك المشكلة من قبل وفكر فى هذا الحل فعلا وكان يريدها حقا ان تكون معه وتترك الجروب الخاص بها
ولكنه فكر فى صديقه عمر وأن هذا سوف يزيد التقارب بينه وبين عاليا ويزيد تعلقه بها وهذا ما لا يريده .. فوجود علاقة بينهم خطأ وخصوصا بعدما شعر بعمر ومشاعره ونيته تجاه عاليا .. لذلك صرف نظر عن الفكرة
ولكن الان عمر من يطلب منه .. فهو فى موقف لا يحسد عليه
ادم .. طيب ومين قال انهم هيوافقو اصلا
عمر .. منا قلت لعاليا وعجبتها الفكرة بس قالتلى هتستنى تقول لملك وتاخد رأيها عشان متزعلش .. واكيد ملك عمرها ما هترفض تشتغل معاك
شعر ادم ان عمر وضعه فى مأزق .. فبالفعل اخبرهم بفكرته ولم ينتظر رأيه .. ومعه حق فمن يصدق رفض ادم لوجود ملك معه بالمشروع
ادم بعصبية .. وانت رحت من نفسك كدة تقترح الموضوع من غير ما تاخد رأيى .. افرض انا مش عايز تقوم تحطنى ادام الامر الواقع كدة وتحرجنى معاهم
عمر باستغراب .. مش عايز !! ازاى يعنى معقول يبقى عندك فرصة ملك تدخل معاك المشروع وترفضها
ده انا كنت فاكرك هتشكرنى على حاجة زى كدة ومفكرتش ابدا انك ممكن تضايق
يعنى بالنسبة لى موافقتك بديهية عشان كدة مقلتلكش
اكيد مقصدش احرجك
ادم ادرك ان صديقه على حق .. فبالنسبة له هو يسدى معروفا له ولا يستحق منه هذا
وكيف سيعرف ما يفكر به ادم !!
ادم بهدوء متداركا الموقف .. معلش يا عمر انا مقصدتش ازعلك .. بس انا كنت حابب نتناقش الاول فى الموضوع وناخد رأى اللى معانا ونبلغ الدكتور قبل ما نتفق معاهم
عمر .. اولا الرأى الاول والاخير ليك انت
ثانيا الدكتور بيحبك ومش هيقول حاجة
ثالثا .. احنا لسة متفقناش دى مجرد فكرة ولسة ملك حتى موافقتش
ادم .. طيب يا عمر سيبلى الموضوع ده وانا هتصرف
عمر .. طب يلا نلحق المحاضرة
....
بعد انتهاء المحاضرات
تحدثت عاليا مع ملك على الهاتف
ملك .. تسلم ايدك يا لولو انقذتينا .. منهم لله البعدا اللى عايشين على مجهود غيرهم
عاليا .. ما انتى برضو مسبتنيش وكنتى معايا خطوة بخطوة عالنت رغم ان باباكى لسة راجع
ملك .. المهم خلصنا الحمدلله
عاليا .. صحيح يا ملك عمر قابلنى الصبح وانا داخلة الكلية واقترح علينا ندخل فى المشروع معاهم
ملك .. مع ادم !!
عاليا .. اه بيقول انهم كانو بيدورو على حد اصلا .. ياريت والله يا ملك اهو نلاقى حد يشيل معانا شوية بدل ما احنا متبهدلين كدة
ملك .. ياريت فعلا .. بس غريبة ادم متكلمش معايا فى الموضوع ده خالص ولا حتى لمحلى
رغم انى حكيتله المشكلة كذا مرة واستغربت انه معرضش عليا نشتغل معاه .. بس قولت يمكن جروبهم كامل
عاليا .. غريبة فعلا .. طب ايه انتى موافقة صح
هتقوليله ايه
ملك .. لا انا مش هقوله ولا هفتح الموضوع معاه اصلا
عاليا .. ليه يا ملك
ملك .. زى ما قلتلك هو مقاليش حاجة .. فممكن يكون مش حابب الفكرة اصلا ولو قلتله يتحرج ويدخلنا معاه وهو متضايق وانا لا يمكن ارضى بكدة
لكن لو هو عايز وقاللى ساعتها افكر
انما انا مش هفتح الموضوع اصلا
عاليا .. طيب اللى تشوفيه وابقى عرفينى لو فيه جديد
......
ثريا .. ما تسيبى ابوكى باة يعد براحته هتفضلى مكلبشة فيه كدة كتير
كاظم .. ما تسيبيها براحتها يا ثريا انا كمان واحشنى حضنها اوى
ملك وهى تجلس على ساقى ابيها وتلف ذراعيها حول رقبته وتقبله من وجنته .. ايه يا سوسو انتى غيرتى ولا ايه
ثريا بغيظ .. خلاص هطلع انا منها باة
وهمت بالذهاب حين اوقفتها يد كاظم
كاظم بحب .. رايحة فين بس انا ملحقتش اشبع منك
ثريا .. بس يا كاظم عيب البنت اعدة
كاظم .. اعملك ايه ما انتى اللى زعلتى وقومتى .. ده انتى الاصل يا سوسو مش كدة يا ملك
ملك مقبلة جبين والدتها .. طبعا يا حبيبتى انتى الاساس
ثم اكملت بشقاوة .. احم .. انا حاسة انى عزول فى النص يا جماعة فبقول اقوم انا اذاكر فى اوضتى شوية
كاظم .. رغم انى مشبعتش منك انتى كمان بس برضو مش عايز اعطلك .. كفاية مروحتيش الكلية انهاردة
ملك .. تعطلنى ايه بس يا حبيبى انت اهم عندى من اى حاجة
بس ادخل حضرتك ريح شوية من السفر وبكرة باذن الله نعد مع بعض براحتنا .. اجازة باة
وقبلته من جبينه ووقفت تغمز لوالدتها وتهمس لها
سيبتهولك اهو دلعيه باة يا سوسو
كاظم بضحك وقد سمع كلامها .. هههههه اسمعى كلام بنتك ودلعينى عهههههه
ثريا بضحك ... هدلعه طبعا وانا ليا غيره هههه
.....
جلس يفكر بالموقف الذى وضع به
فهو لا يريد ان يتعلق قلب صديقه بحب مستحيل
فعمر يتقرب من عاليا بطريقة سريعة وهذا ما يخيفه
وان وافق وادخلها معه بالمشروع فيكون مثل من يضع البنزين بجانب النار .. خطأ واكبر خطأ
قالها ادم .. ولكن ماذا افعل .. وعلى جانب اخر هناك من تنتظر رده ولا يريد احراجها او جرحها
فبعد ان تخبرها عاليا باقتراح عمر .. سوف تنتظر ملك كلمته .. فماذا يفعل
أيقبل ويسعدها بقراره ويسعد قلبه بوجودها بجانبه ويترك عمر لمشاعره تقوده ويجرح قلبه
ام يرفض ويجرحها ويظل بعيدا عنها وبالمقابل يظل عمر بعيدا عن عاليا ولا يتعلق بها
القرار صعب .. لا بل مستحيل
ما العمل اذا !!
وقال فى نفسه .. ولو اتحججت ان الدكتور مش موافق واكتشفو بعد كدة انى ضحكت عليهم
او راحو يتكلمو معاه عشان يوافق هيبقى شكلى ايه
اعمل ايه بجد انا تعبت
ثم طرأ على باله حلا
اتصل بملك
...
دخلت ملك حجرتها فوجدت اتصالات كثيرة من ادم فاتصلت به
ادم بزعل .. ايه يا ملك معقول طول اليوم مش عارف اوصلك ومترديش على ولا مكالمة .. ينفع كدة
ملك مهدئة اياه .. معلش يا ادم بابا جه وكنت اعدة معاه ومش عارفة ارد .. وكمان سبت الموبايل فى اوضتى فمكنتش سامعاه
استشعر ادم خوف ملك وخجلها من اتصالاته امام والدها فأراد طمئنتها
رد بهدوء .. حمدالله على سلامته .. قولتيله حاجة عنى
ملك .. حاجة ايه !!
ادم .. عن علاقتنا .. وانى عايز اتقدملك
ملك .. لا طبعا لسة مقلتش حاجة .. ده لسة جاى انهاردة يا ادم اكيد مش هلحق احكيله ولا اتكلم معاه فى الموضوع ده
ادم .. انا مش عايز احس ولا انتى تحسى اننا بنعمل حاجة غلط وبنستخبى منها .. ولا عايزك تخافى من علاقتنا وتتكسفى منها .. عشان كدة عايزك تعرفيه كل حاجة وانى عايز اتقدملك عشان تبقى كل حاجة فى النور
ملك .. حاضر يا ادم صدقنى هحكيله فى اقرب وقت ..
ادم .. وانا كمان هقول لاهلى كل حاجة بعد الامتحانات علطول
ملك .. ان شاء الله
ادم .. كنت عايز اخد رأيك فى حاجة
ملك .. حاجة ايه
ادم ..عمر قاللى على المشكلة بتاعة المشروع بتاعكم وانه
عرض على عاليا انكم تدخلو معانا فى المشروع
ملك .. اه قالتلى
ادم .. ورأيك ايه
توترت ملك واحتارت بما تجيب .. فان قالت نعم سوف تفرض نفسها عليه وتجبره على ذلك الوضع
وان قالت لا وهو يريدها سوف يحزن
ماذا تفعل
ستضع الكرة بملعبه
ملك .. انت متكلمتش معايا فى الموضوع ده يعنى ممكن تكون مش حابب .. وانا مش هزعل منك لو انت مش
ادم وقد شعر بوجع بقلبه من كلامها
ادم مقاطعا اياها .. انتى بتقولى ايه .. انا اتمنى تفضلى جنبى علطول واتمنى تدخلى معايا فى كل حاجة .. انا بعشق الشغل معاكى وبحب وجودك فى كل تفاصيل حياتى
انا مرضتش اطلب منك كدة عشان محطكيش فى موقف حرج
يعنى ان انتى علطول شغلك مع بنات زى ما قلتيلى وممكن تضايقى لما تدخلى جروب ولاد
وممكن تتحرجى تقوليلى عشان متزعلنيش
كمان فكرت انك هتلاقى صعوبة فى التعامل مع الجروب
و عاليا ممكن تتحرج تتعامل معانا
وانا عارف ان لو عاليا موافقتش ومكنتش مرتاحة انتى مش هتسيبيها .. فقلت بلاش اضغط عليكى
بس لكن انا اتمنى
تمنى ادم فى ذلك الوقت ان توافقه ملك الرأى انها لاتستطيع العمل معهم فعلا وانه على حق .. كى يزيح الحرج عنه وتحل المشكلة من طرف ملك
ولكنه فوجئ بردها
ملك .. انا كمان اتمنى اكون معاك علطول .. وهبقى مبسوطة جدا لو دخلت المشروع معاك
وعمرى ما هتضايق ولا هتحرج طول ما انت معايا
اصلا وجودك كفاية يحسسنى بالامان ويطمنى
ادم وقد فشل مخططه .. ولكنه سعيد بكلام ملك انه امانها
فهذا يكفيه : خلاص يبقى اتفقنا .. ادينى بس فرصة اتكلم مع الدكتور واخد موافقته
ملك .. ماشى .. هروح انام باة احسن انا منمتش من الصبح وهموت من التعب
ادم .. تصبحى على خير يا روحى .. احلمى بيا
ملك بخجل .. وانت كمان
.....
لم يجد ادم حلا سوى ان يواجه عمر بالحقيقة .. ويصارحه بما يجول فى خاطره .. نعم سوف يجرحه ولكن افضل من ان يظل معميا تقوده مشاعره خلف حب مستحيل
افضل من ان يعيش بالوهم
دخل حجرته وجده يستعد للنوم
ادم .. عمر كنت عايز اتكلم معاك فى موضوع
عمر .. خير يا ادم
ادم .. انا شايف ان من الافضل ان عاليا متدخلش معانا المشروع
عمر بعصبية لا يعلم سببها .. ليه ان شاء الله مش قد المقام ولا غبية .. عموما ريح نفسك ملك مش هتسيبها لوحدها ولو انت مدخلتهاش معانا ملك كمان مش هتدخل
ادم باندهاش من هجوم عمر .. مقام ايه وبتاع ايه .. ايه اللى انت بتقوله ده
عمر .. انت فاكر انها فاشلة و مبتشتغلش زيهم .. لا يا ادم دى هيا اللى اشتغلت انهاردة لوحدها يعنى زى ملك ويمكن احسن منها كمان
ادم غير مصدقا .. اهدى ياعمر
عمر .. بلا عمر بلا زفت باة .. انا علطول سايبلك انت القرارات وماشي وراك زى الاهبل .. عمرى ما اتدخلت فى حاجة .. ادم باشا يقرر وانا انفذ وارضى غروره
يوم ما اطلب منك حاجة ومش هتضرك فى شئ بالعكس فيها مصلحتك ترفض بالشكل ده .. وانت عارف انى قلتلها خلاص .. ايه عايز تحرجنى معاها وتطلعنى عديم الشخصية ومليش قيمة ولا ليا كلمة .. ولا عايز تثبت ان الرأى الاول والاخير ليك انت وانا مليش لزمة
ادم بعصبية وقد فاض به غير مصدقا موقف عمر العدائى منه .. انا يا عمر .. انت شايفنى كدة فعلا
انا عايز كل حاجة على مزاجى ومش عاملك قيمة !!
ده رأيك فيااا .. انا برضى غرورى فيك !!
وبعدين انا مرفضتش انا بقولك من الافضل انت حتى مسألتنيش ليه ولا اديتنى فرصة اتكلم
عمر .. خلاص يا ادم اعمل اللى يريحك واللى انت شايفه صح .. مش عايز اتكلم خلاص
ادم .. يا عمر افهم
عمر بانفعال .. مش عايز افهم حاجة خلاص .. من فضلك سيبنى عايز انام
لم يستطع ادم مصارحة عمر بالحقيقة بعد كل هذا الانفعال وايضا موقفه العدائى منه
فلم يستوعب ان عمر حقا يراه بتلك الصورة البشعة
كما انه لا يضمن رد فعله اذا علم الحقيقة وهو فى تلك الحالة
ففضل الابتعاد عنه حتى يهدأ
ادم .. طيب يا عمر .. تصبح على خير
....
فى صباح اليوم التالى
حاول ادم الاتصال مرارا بعمر ولم يأته رد بعد ان استيقظ ولم يجده بالمنزل
ادم .. هيكون راح فين ده !! انهاردة اجازة ومفيش كلية
ظل يتصل به ولم يرد
فكر ان يرسل اليه رسالة عبر الفيس بوك
ولكنه لم يراها حتى
اين ذهبت عمر .. سوف تخرجنى عن صوابى يا فتى .. اين انت !!!!
مضى يومى الجمعة والسبت ولم يظهر عمر
ولم يرد على اتصالات ادم الكثيرة
فظل ادم فى هذه الفترة يفكر حتى يتخذ قرارا مناسبا
حتى قرر ان يترك عمر يواجه مصيره ويعرف حقيقة الامر ادم لنفسه .. مش معقول هقدر اصارح عمر بحقيقة الموضوع وهو فى الحالة دى
انا كدة هبقى بدمره وبدمر نفسيته خصوصا ان الامتحانات خلاص قربت وممكن مستقبله يضيع
وكمان وهو زعلان منى كدة هقوله ازاى .. ممكن يفتكرنى شمتان فيه او يعنى بحاول اضايقه بعد كلامه المستفز معايا وبستغل الفرصة .. لالالالا استحالة اوصله الاحساس ده
ثم تذكر كلمات عمر العدائية تجاهه وكيف انه يراه انانى ولا يهمه سوى مصلحته وتنفيذ رغباته وارضاء غروره
شعر بالحزن الشديد ايمكن ان تكون هذه صورتى فى عينه حقا !! ام كان كلام وقت انفعال لا اكثر
لا يهم الان .. فهذا ليس الوقت للوم او العتاب .. او حتى الزعل
فهو بوضع سئ حقا ويجب ان يكون بجانبه ويتحمله حتى يمر بتلك الازمة لذا فلنترك الزعل جانبا الان
فقرر ان يمتثل لارادة عمر على الاقل حتى تنتهى الامتحانات على خير
.....
فى الكلية صباحا
وجده فى الكافيتيريا يتناول فنجان قهوة ويبدو عليه الحزن .. بل الحزن الشديد
شعر بالاسف على حاله وتوجه اليه
ادم .. يعنى ينفع كدة تسيب البيت من غير ما تقولى يا عمر .. وكمان متردش على كل الاتصالات دى
عمر بهدوء وحزن .. كدة احسن
ادم .. لا مش احسن طبعا .. انت شايف ان الموضوع مستاهل تسيب البيت وتاخد جنب منى بالمنظر ده .. حتى متستناش تسمعنى
بتعاقبنى يعنى وعايزنى افضل قلقان وحاسس بالذنب ولا ايه
عمر بهدوء .. ادم انا سيبت البيت عشان حسيت انى عايز اكون لوحدى شوية .. ومحبتش يكون فيه احتكاك بيننا لحد ما اهدى لوحدى .. بدل ما المشاكل بيننا تزيد ونزعل اكتر من بعض
مش بعاقبك ولا الكلام الاهبل ده
ادم .. مش يمكن لو سمعتنى مكنتش احتاجت كل ده
عمر .. مش عايز اسمع حاجة يا ادم . اعمل اللى يريحك واللى انت شايفه صح
ادم بمزح ملطفا الجو بينهم .. ده ايه الادب والخضوع اللى نزل عليك مرة واحدة ده
عمر بسخرية .. عاجبك انا كدة اوى صح
ادم .. لا مش صح .. عمر انا عمرى ما فرضت رأيى عليك وبالعكس ده انا باخد رأيك فى كل حاجة فى حياتى
ولما جيت اتكلم معاك كنت جاى عشان نفكر ونوصل لقرار سوا مش جاى افرض رايى عليك
عمر .. ما هو انا لو شايف سبب واحد يخليك ترفض كنت سمعتك .. لكن موقفك ده ملهوش غير تفسير واحد
ادم .. انى انانى صح ..على فكرة عاليا لو مدخلتش المشروع معانا ملك كمان مش هتدخل .. فانا كمان هتضايق مش لوحدك
عمر .. وليه اصلا كل ده .. ادينى سامعك اهو يا ادم وهديك فرصة تفهمنى ليه اصلا الرفض
نظر ادم بعيونه وظل صامتا
عمر .. متجاوبتش
ادم فى نفسه .. استحالة اعمل فيك كدة .. مش عشان اصلح موقفى وعلاقتنا اقوم ادمرك
قرارى من الاول كان غلط ولازم يتصلح
ادم .. ومين قالك انى رافض .. هو انا لو رافض كنت كلمت الدكتور واستأذنته ندخلهم معانا
عمر باندهاش .. نعم !! ندخلهم .. امال ليه قولت ..
ادم مقاطعا عمر .. انا مقولتش انت مسمعتنيش اصلا وعموما الموضوع خلص انا عملت اللى يريحك
عمر بغيظ .. بعد ايه !!
ادم .. خلاص باة قلبك ابيض
عمر .. ماشي يا ادم .. بس برضو هعرف انت كنت رافض ليه .. انا مش غبى وعارفك كويس استحالة كنت هتيجى تتكلم معايا الا لو فعلا فيه حاجة
ادم مغيرا الحديث .. طيب اسيبك باة تعرف اللى عايزه على ما اروح اقول لملك .. سلام يا معلم
عمر بغيظ .. رخم اوى
التفت اليه ادم قائلا بضحك .. عارف على فكرة
...
وجدها تتناول فطورها بمفردها
ادم .. صباح الفل على ملوكتى
ملك .. صباح النور .. فطرت ولا لسة
ادم .. والله لو فيه كيك من بتاع المرة اللى فاتت استحالة اقاوم
ملك .. ههههه طب وبالنسبة للسندوتشات ايه ظروفها معاك
ادم .. على حسب مين اللى عاملها
ملك .. مش هكذب عليك واقول انا .. ماما اللى عاملاها بس حلوة اوى
ادم .. بالهنا والشفا يا قلبى
ملك بخجل .. الله يهنيك
ثم ناولته واحدا وغرقو بأحاديثهم التى لا تنتهى
ادم .. صحيح انا كلمت دكتور المشروع ووافق خلاص تدخلو معانا .. وانهاردة عندنا ميتنج
ملك .. لا انهاردة ايه علطول كدة
ادم .. اه ايه المشكلة
ملك .. لازم استأذن الدكتور بتاعى الاول يا ادم
ادم .. طب ما تطلعيله
ملك .. الدكتور مبيجيش كتير المعيد هو اللى بيتابع معانا كل حاجة فلازم اقوله هو يقول للدكتور وياخد موافقته
ادم .. اه .. طيب لو المعيد موجود انهاردة اطلعيله .. هو مين ده
ملك بحذر .. م ممم مهندس .. شادى
ادم .. مين !! شادى !!
ادم .. اه .. طيب لو المعيد موجود انهاردة اطلعيله .. هو مين ده
ملك بحذر .. م ممم مهندس .. شادى
ادم بدهشة وعصبية .. نعم !! شادى هو اللى ماسك مشروعكم !!
ملك بخوف فهى تعلم انه لا يطيقه .. اه هو
ثم تمالكت نفسها .. لازم اطلعله واقوله اننا هنسيب المشروع واخليه يبلغ الدكتور وياخد موافقته
ادم بانفعال .. مين ده اللى تطلعيله .. لأ طبعا
ملك مهدئة اياه .. ادم غصب عنى لازم استأذنه هو الدكتور مبيجيش ولا بيرد علينا مفيش ادامى غيره
ادم وقد تحكم بعصبيته .. طيب اتفضلى يلا ادامى
ملك .. يلا فين
ادم .. هنطلعله سوا
ملك بخجل .. مينفعش يا ادم تطلع معايا
ادم .. ملك متحاوليش تثيرى غضبى قلت هطلع معاكى
ملك .. يا ادم انت مش معانا فى المشروع هتطلع بصفتك ايه .. ممكن يحرجك اصلا ده غير انى انا هبقى محرجة
ادم .. امال يعنى تطلعيله لوحدك ويبيع ويشترى فيكى .. ده على جثتى
ملك .. ومين قال بس هطلع لوحدى .. انا هكلم عاليا ونطلع سوا
ادم .. طيب اتفضلى كلميها
وبالفعل اتفقت ملك معها ان يذهبان لمهندس شادى سويا واغلقت الخط
ملك .. يلا سلام انا رايحة
ادم ممسكا بحقيبتها .. استنى انا جاى معاكى
ملك .. مش قولنا م...
ادم مقاطعا اياها .. هستنى عالباب برة يا ملك مش هدخل .. وكلمة زيادة مش هتطلعى خالص
ملك بغيظ وفرحة ايضا بسبب غيرته الشديدة عليها .. اللى تشوفه يا ادم يلا
....
ظل منتظرا امام مكتب شادى بينما دخلت كلا من ملك وعاليا بعد طرق الباب
شادى .. ايه ده بشمهندسة ملك .. ده المكتب نور
ملك بحذر فهى تعلم ان ادم يغلى بداخله .. متشكرة يا بشمهندس .. من فضلك عايزين نكلم حضرتك بخصوص
مشروع التخرج
شادى .. خير فى ايه
ملك .. احنا عايزين نسيب الجروب بتاعنا وهنتنقل جروب تانى وعايزين حضرتك تبلغ دكتور توفيق لاننا مش عارفين نوصله
شادى باستغراب .. تسيبو الجروب ازاى وليه اصلا
هنا عاليا تحدثت ردا عليه .. عشان اللى معانا مبيشتغلوش وراميين كل الشغل علينا واعدين بشوات
شادى .. ما احنا اتكلمنا فى الموضوع ده قبل كدة وقلتلكم هراعيكم فى التقديرات .. واظن انتو شوفتو الفرق بين تقييمكم وتقييمهم
عاليا .. اولا حضرتك دول المفروض ميتقيموش خالص دول مبيعملوش حاجة اصلا داخلين المشروع بالاسم وخلاص
ثانيا مينفعش شغل المفروض يشيله ٥ ولا ٦ يشيله ٢ بس وانا وملك تعبنا ومبقيناش قادرين ولا ملاحقين نذاكر
شادى .. طيب خلاص انا هشوفلكم جروب تانى من الجروبات اللى معايا تدخلو فيه
عاليا .. لأ يا بشمهندس شكرا احنا خلاص اتفقنا مع جروب .. وبعدين حضرتك احنا اشتكينا كذا مرة ومفيش مرة حسستنا ان فيه حل .. وكنا مجبرين عالوضع ده
اشمعنى دلوقتى الحل ظهر
شادى بانفعال .. انا قلت هشوف لسة .. وبعدين جروب مين اللى هتدخلو معاه . مفيش حد بلغنى انه هيدخل حد معاه
ملك بحرج .. لا مهو الجروب ده مش تبع حضرتك
برقت عين شادى بغيظ .. مش معايا يعنى ايه .. جروب مين ده يا ملك
ملك .. ادم الشناوى يا بشمهندس .. احنا اتفقنا ندخل معاه
شادى .. ازاى يعنى تدخلى مع معيد تانى .. وانا اللى متابعكم من اول السنة وعارف قدراتكم وبساعدكم على اد ما اقدر
انا مش موافق على الموضوع ده
حينما استمع ادم لرده شعر بنار بداخله فهو يعلم جيدا ان شادى يحاول التقرب من ملك .. وسيقف عقبة دائما فى طريقه
شادى باستفزاز .. طلبكم مرفوض .. وانهاردة تقدمولى التاسك المطلوبة منكم
لم يستطع ادم تحمل شادى وطريقته المستفزة والمتعجرفة هذه فانقض عليه داخل مكتبه كالوحش الكاسر ممسكا بياقة قميصه ....
....
منتظرة اراءكم وتوقعاتكم الجميلة 😉
قراءة ممتعة 😍 دمتم بالف خير 🌹
•تابع الفصل التالي "رواية انت عشقي وقسوتي" اضغط على اسم الرواية