رواية احببت حبك لي كاملة بقلم ريهام رفاعي عبر مدونة دليل الروايات
رواية احببت حبك لي الفصل الخامس 5
كسر باباها الباب ودخل لقاها حاطه مخدات علي السرير و هدومها مش موجوده وواخده كل حاجاتها
باباها : شوفتي ياختي بنتك الي خايفه عليها سابت بيت ابوها ومشيت طب لما يتصل خطبها دلوقتي اقوله ايه
مامتها : ما انت السبب ف كل ده انا مكنتش عايزه اتكلم معاك علي انك عارف الصح ليهم دايما بس انت كده بتظلمها أنا مكنتش عاوزه اقلل منك قدامها بس كده بجد حرام عليك ليه تخليها تتجوز واحد مبتحبوش انت عمرك ما اجبرت حد فيهم علي حاجه كل حاجه كنتوا بتقعدوا تاخدوا راي بعض فيها وكنت بتفهمهم وجهة نظرك براحه
باباها : عشان هي المره ديه غلط المره ديه لو مشيت رأيها هتخسر بجد الشاب بيحبها جدا وحكالي أنه بيراقبها من بعيد بقاله سنه ولما كان عاوز يقولها عرف أنها بتحب واحد تاني وشافها بتبصله بحب ازاي وعرف أن الواد ده أصلا مبيحبهاش وأنه واعد كذا واحده غيرها عشان كده قرر يتقدملها وقالي أساعده واقف جنبه وهو هيحببها فيه
مامتها : وهي عشان تحبه هو تكرهك انت
باباها و دموعه نزلت من عينه ومقدرش يسيطر عليها : أهم حاجه تعيش مبسوطه مع واحد بيحبها وبيقدرها وأنا ان شاء الله لو ليا عمر هحاول اخليها تسامحني ، خالد بيتصل هقوله ايه دلوقتي
مامتها : قوله أنها تعبانه ومش هنقدر ننزل النهارده وهناجلها لحد ما تخف
باباها : تمام وانتي قومي اتصلي بأي حد نعرفه ممكن تكون عنده
مامتها : تمام وهشوف أصحابها كمان
كلم باباها خالد ومامتها اتصلت بكل الناس الي تعرفهم لحد ما فقدت الامل وفجأة لقت كمال جوز بنتها الكبيره بيتصل
كمال : الو ازي حضرتك ياطنط
مامتها : ازيك يا حبيبي عامل ايه و رقيه عامله ايه
كمال : تمام يا حبيبتي المهم انا بتصل عليكي دلوقتي عشان اقولك ان ريم عندنا عشان متقلقيش جتلنا بليل بهدومها وكانت منهاره و مقدرتش اتصل اقولكوا
مامتها : بجد يا حبيبي عندكوا ربنا يطمن قلبك
باباها : هاتيه بسرعه ، الو ايه يا بني هي عامله ايه دلوقتي
كمال : هي تمام والله وزي الفل متقلقوش خالص
باباها : ربنا يطمنك يا حبيبي طب أنا جاي اخدها دلوقتي
كمال : لا لا بلاش خليها عندنا انهارده بس لحد ماتهدي وبعدين حضرتك ابقي تعالي خدها
باباها : تمام يا بني بس تعالي وهات مصطفي جوز رحمه عشان محتاجين نتكلم
كمال : تمام يا عمي ساعه كده ونكون عندك
باباها : تمام يا حبيبي
كمال ومصطفي وصلوا و أبو ريم حكالهم علي كل حاجه وقالهم ان محدش يخلي ريم تعيش عنده و كلهم يرفضوا
كمال روح بيته
كمال : ريم يالا اجهزي عشان اروحك للبيت
ريم : نعم لا أنا مش عايزه اروح أنا قولتلك اقعد معاكوا فتره وأنتوا وافقتوا
كمال : أنا آسف بس مش هينفع سامحيني تمام
رقيه : ايه ياكمال إلي انت بتقوله ده لو هي مشيت أنا كمان همشي
ريم و دموعها علي خدها: بس بس لا طبعا خليكي زي ما انتي أنا ماشيه اكيد بابا هو الي قاله يعمل كده
رقيه : طب روحي لرحمه
ريم : وتفتكري يعني ابوكي محذرش مصطفي كمان
رقيه : طب هتعملي ايه وهتروحي فين
ريم :هروح وهعمل الي هو عاوزه مبقاش عندي حل تاني
رقيه: يعني هتوافقي تتجوزي خالد
ريم : اه بس وربنا ما هخليه يعيش يوم مرتاح
رقيه : ومتقلقيش من حاجه انا معاكي
كمال : ملكيش انتي دعوه بحاجه
رقيه: ديه اختي ملكش انت دعوه
ريم : بس انا مش عايزاكوا تتخانقوا بسببي متقلقيش أنا مش هحتاج لحد بعد انهارده
روحت ريم لبيت باباها
ريم : كلموه وقولوله اننا هننزل نشتري الدهب بكره
باباها : يعني انتي موافقه
بصتله بطرف عينها كده ودخلت علي اوضتها من غير ما تكلم حد
وفي اليوم التالي نزلوا عشان يشتروا الدهب
خالد : ايه رأيك ف الخاتم ده
ريم : هات اي قرف مش فارقه
خالد : يابنتي ما انتي الي هتلبسي القرف ده
ريم : مش مشكله هو ده اول قرف البسه جوازي منك لواحده هيبقي أكبر قرف ف حياتي يادكتور
خالد : طب يالا عشان نروح نشوف القرف الي هنحطه ف البيت
ريم : هو ايه ده
خالد : العفش بابنتي هيكون ايه يعني
ريم : اااااه يالا يادكتور عشان نخلص من القرف كله مره واحده
خالد : ايه دكتور دكتور هو أنا بكشف عليكي
ريم : مضيقاك دكتور يا دكتور اومال اقولك ايه يا دكتور
خالد :يا تقل دمك يالا يالا ، خلاص كده حضرتك احنا اخترنا دول
ريم : قصدك انت اخترت دول
خالد : ما أنا قولتلك اختاري وانتي الي مش عايزه
مامتها : خلاص خلاص بجد انا زهقت بقالكوا ساعه بتتناقروا يالا عشان نشوف بقيت الحاجه
_ كده الحساب 120 الف
ريم : يالا بينا يا دكتور معاك فلوس تدفع ولا ادفعلك انا
خالد : مش انتي الي عملتيلي فيها الجامده
مامت خالد : متخلصنا بقي يا بني احنا هنبات هنا
خالد : حاضر يا أمي خلاص اهه
خالد دفع وخلاص مشيوا
خالد : تعالوا بقي نشوف اللون الي هنبيض بيه الشقه الأول
ريم : هاته اسود زي اليوم الي شوفتك فيه
خالد : حلو حلو لون جميل بجد بس مش شايفه أنه غامق شويه
مامتها : اسود ايه يا حبيبتي هو بيت الرعب
خالد : شكله هيبقي كده ياطنط والله ابقوا اطمنوا عليا كل يوم بقي
ريم : هاهاها طول ما انت فيه يبقي اكيد رعب
باباها : خلاااص أنا زهقت منكوا خلصونا بقي
ريم : وأنا كمان زهقت جدا يالا يا بابا نلغي الجوازه
باباها : بس يابت يا عبيطه انتي
- يتبع الفصل التالي اضغط على ( رواية احببت حبك لي ) اسم الرواية