رواية بقلبك نبضي كاملة بقلم نشوة عادل عبر مدونة دليل الروايات
رواية بقلبك نبضي الفصل الخامس و الاخير 5
♡الاخير♡
شروق اتنفست بعمق وقالت: انا مش موافقه يا مروان
مروان وانصدم وبعدين انفجر بالضحك: تصدقى تنفعى تبقى ممثلة ده انا شوية وكنت هصدقك والله
شروق بقوة: بس انا مش بمثل انا فعلا مش موافقه ع الجواز منك
مروان بصدمة هيسترية: يعنى اييييييه؟ انا عيشت العمر ده كله قافل ع قلبى وع نفسى وباقى ع ذكرى حبك وفى الاخر تقوليلى مش عايزة اتجوزك لييييييه فهمينى ليييييييه؟
شروق بثبات: لانى ببساطة حبيت شخص تانى وقلبى دق بحبه انت لما سافرت هو دخل حياتى وعوضنى غيابك وانا بدون قصد حبيته بجد
مروان بص فى عيونها ومسك ايدها: والحظاظة دى محتفظة بيها ليه؟ وايمانك انى هرجع ليكى ومن بوق امك الكلام ده تسميه ايه؟!
شروق: انك مجرد اخ وصديق لا اكتر ولا اقل
مروان جمح غضبه شدها من ايدها ورجعها ع البيت ومشى رجع عند خالد فى بيته …. تانى يوم الصبح نزلت شروق من بيتها متجهة للمستشفى ولاحظت ان مروان وراها بعربيته خرجت هاتفها ورنت ع اسر وطلبت منه انه ينزل يقابلها تحت وبالفعل نزلها
اسر باستغراب: خير يا بنتى مطلعتيش ليه؟
عانقته شروق واستغرب الاخير من فعلتها فقالت بصوت خافض: حقك عليا بس ارجوك بادلنى الحضن … بالفعل بادلها وهو مصدوم فسألته: فيه شاب لابس سويت شيرت ابيض واقف بيبص اتجاههنا صح
اسر: ايوة بس هو بيركب عربيته …. مشى خلاص
شروق جسمها تقل واسر لاقها فاقدة الوعى بسرعة شالها ودخلها ع المستشفى وحطها ع اجهزة القلب والاكسجين المركز …. بعد مرور ساعة فاقت شروق واستغربت من وجود مروان جنبها
شروق: انت …. انت ايه جابك هنا؟
مروان: ليه خبيتى عنى انك مريضة قلب كنتى متخيلة انى هبعد عنك لما اعرف مش كده؟!
شروق: انت عرفت ازاى؟
مروان: شوفت دكتور اسر وهو بيشيلك من مراية العربية وانتى لو لفيتى ودورتى وكذبتى ع الدنيا كلها متقدريش تخدعينى يا شروق بس للدرجة دى شايفانى حقير وهسيبك
شروق: والله ابدا بس بس مكنتش عاوزاك تعلق نفسك بيا خصوصا انى مش هعيش
مروان بابتسامة: هتعيشى يا قلبى خلاص لقينا متبرع
شروق: بجد
دخل اسر: بجد واخدت ليكى ميعاد من المستشفى والعملية هتكون فى نهاية الاسبوع
شروق بخوف: طب طب هو يعنى فيه امل انها تنجح
اسر: بنسبة كبيرة جدا كمان لان فيه تطابق كبير بين جسمك وجسم المتبرع وواثق ان جسمك هيتقبله
شروق بصت لمروان وقالتله: ممكن اطلب منك طلب؟!
مروان: انتى تؤمرى
شروق: عوزاك تاخدنى عند البحيرة بتاعتنا نلعب هناك ونقضى الاسبوع فى بيتنا القديم
مروان: موافق
بالفعل اخدها وسافروا ع القاهرة وكان اسبوع للعمر وفى اليوم اللى قبل العملية كانوا قاعدين قصاد البحيرة وشروق ساندة براسها ع كتف مروان
شروق: هنا ابتدت حكايتنا اللى هتفضل عايشة للابد
مروان: للابد يا شروقى
شروق: توعدنى انك مش هتبعد عنى تانى
مروان: مهما بعدت هفضل انا ساكن هنا( وشاور ع قلبها) اوعدينى انتى ان عمرك ما هتنسينى وسامحينى لو بعدت عنك فجأة لانه والله مش بايدى
ابتسمت بحب وبعدين اخدها وطلعوا ع اسكندرية وفى وقت العملية كانت ماسكة ايد مروان بخوف
شروق: اوعدنى انك مش هتنسانى لو… لو مت خلى بالك من بابا وماما
مروان وهو بيضمها بقوة: هشششششش هتعيشى يا نبض قلبى
فضل جنبها لحد ما اتبنجت وخرج من غرفة العمليات ….. بعد مرور ثلاث ساعات خرج اسر وكانت ندى وهانى واقفين خايفين
ندى: خير يا اسر طمنى؟
اسر: الحمدلله يا طنط العملية نجحت
هانى: الحمدلله يارب
ندى باستغراب: اومال فين الواد مروان ده هيفرح اوى لما يعرف ان العملية نجحت
اسر بحزن: طب استأذن انا عندى شغل
مسك هانى هاتفه ورن ع مروان لكن فونه كان مغلق وبعد مرور اسبوع فاقت شروق ووجدت اهلها جنبها كانت مبسوطة جدا لكن استغربت ان مروان مش موجود سألت عليه لكن ابوها قالها انه مش موجود
يعدى شهر وشروق تستعيد صحتها وتخرج من المستشفى مسكت فونها ولقت ماسدج من مروان بتاريخ يوم العملية
– لما تلاقي نفسك اشتاقتى ليا اوى حطي ايدك اليمين على قلبك واسمعى نبضه وحسى بنسمات الهوا الدافية وهى بتلمس خصلات شعرك ووشك برفق وقتها تأكدى انى لسه حى فى نبض قلبك يا شروقى
بصيت للماسدج وابتسمت فى نفس الوقت زعلت انه من ساعة ما دخلت العمليات وهو مش جنبى فضلت ماسكة الفون وانا بعيط حاولت ارن عليه كتير فونه مغلق حطيت ايدى ع قلبى افتكرت كلامنا اخر مرة عند البحيرة زادت دقات قلبى لقيت نفسى بركب تاكسى وطالعة بجرى ع المستشفى زى المجنونة دخلت ع اسر
شروق: مين اللى اتبرع ليا بالقلب ها مين انطق يا اسر، مين
اسر بحزن: مروان
شروق بقت تعيط وتضحك وبهيسترية: مروان يعنى هنا( وشاورت ع قلبها) ده قلب مروان يعنى مروان مات خلاص طب طب ليه وانت وافقت ليه ها ليه انت كده موتنى يا مروان بس بالحياة ليه يا اسر ليييييييييييه مش مسمحاااااااااك لاااااااااااا مروااااااااان لاااااااااااااا
مرت 10 سنين وشروق قصاد البحر جات بنت وقالتلها: مش حضرتك شروق هانى الكاتبة المعروفة انا بحبك اوى اوى ممكن تمضيلى هنا
شروق: اكيد
شكررتها البنت وبصت ع الورقة ولقيتها ماضية: شروق مروان جمال
مشيت البنت اما شروق حطت ايدها ع قلبها: بالنسبة ليهم انت بطل الرواية اما بالنسبة ليا انت بطلى انا هتفضل عايش فى نبضات قلبى وهفضل عايشة ع ذكراك لعل الدنيا اللى وجعتنا بالم الفراق تكون نهايتها جنة الخلد اللى تجمعنى بيك
توتة توتة خلصت الحدوتة …..
- يتبع الفصل التالي اضغط على ( رواية بقلبك نبضي ) اسم الرواية