رواية شيزوفرينيا احاسيس بقلم حنين عادل عبر مدونة دليل الروايات
رواية شيزوفرينيا احاسيس الفصل الخامس 5
حماصة كان بيرقص ومتحزم بكوفيه حد منهم وموسي بيطبل له
حماصة بيبُص لموسي وعينيه بتدمع:
انا خايف
بيضحك الراجل:
ماتخافيش يا سامية هزي ياختي هزي هزي
بيقلع حماصة اللي متحزم بيه بعصبية وخوف:
لأ كده كتير انت فاكرني ايه لأ انا راجل اوي اوي يعني
بيزغر له الرجل: هزي يا سامية ييا
حماصة: لأ بلا ييا(يلا) بيا بتاع.
بيتسحب موسي من وسطهم وبيمشي علي ايديه وهما بينزلوا ضرب في حماصة
حماصة: يا صاحبي يا عشرة عمري الحقني
موسي بخوف: قالك هز هز سهلة يعني ربنا معاك يل صاحبي
حماصة: اااه يا نـــــــــــــــــــــدل الحقونـــــــــــي
بقلم حنين عادل كاتبة الجيل
♕ــــــــــــــــــــــــــــــــــــــــــــــــــــــــــــ♕
بتاخد زينات الشال عليها وبتفتح الباب
روقا: رايحة فين بس يا ولية
زينات: الواد اتأخر اوي يا روقا هاروح اكلمه من عند البقال في المدعوق المحمول ده عارفه انك هاتقولي مش معاك رصيد كالعادة
روقا: انا معايا اجيب سجاير عشان اشحن التلفون
زينات: عارفة يا خويا عارفة
بتفتح الباب وتنزل وهي بتقول: جيب العواقب سليمة يارب
في نفس الوقت تليفون روقا بيرن فبيطلعه تليفون زراير صغير وبيرد:
ايوه يا باشا
_جري ايه يا روقا مارديتش عليا يعني
روقا: الموضوع مش سهل للدرجة دي يا باشا انت بتقول ان راجل يتحول لـ. ست كبيرة اوي وواسعة علينا بس مقضية بعون الله بس تزود لي الغلة شوية
_كل اللي انت عاوزه يا روقا بس المهم العلاج اللي ادتهولك ياخده
روقا: حصل يا باشا ماتقلقش كله تحت السيطرة
بيقفل روقا التليفون وهو بيفكر:
ها من يوم ماماتت وانا بحطله نقط العلاج وبعدين وهو اصلا رافض الفكرة ليها حل اكيد كله ليه حل
ملك: علاج ايه انت بتكلم نفسك يا روقا
روقا بتوتر: انتِ سمعتي ايه يابنت انتِ
بتقرب منه وبتلف حواليه وهي مضيقة عينيها:
حاسه بمصيبة جاية من وراك مصيبة مش عالباليا لطــــــــــــــيف انت بتلبخ بتعمل ايه
بيوطي لها وبيمسك وشها بعصبية:
بت ايه اللي مصحيكي ادخلي نامي وخفي قلة ادب بدل ما ادفنك حية
بتدخل تجري وهي بتدمع من قدامه فبيقعد عالكرسي وهو شارد
♕ــــــــــــــــــــــــــــــــــــــــــــــــــــــ♕
وعند الظابط تليفون موسي كان بيرن كتير فبيرد عليه
زينات بخوف: واد يا موسي اخص عليك بقا دي عمله تعملها في أمك الغلبانة يا ولا
بيرد عليها الظابط: ايوه يا حاجة انا مش موسي
زينات: ابني ماله ابني جرا له ايه
الظابط: اهدي يا حاجة ابنك كويس ما تقلقيش هو في القسم وهانروحه اهو
زينات بخوف: ليه كفي الله الشر
الظابط: التاكسي بتاعه اتسرق وبيعمل بلاغ بس ماتقلقيش باذن الله هانجيبه
زينات دمعت: لا اله الا الله ربنا يصبرك يابني ويعوضك خير طب يابني والنبي تعمل كل اللي في وسعك وتلاقيه دا ابني غلبان مش عارف يلاقيها منين ولا منين وبيصرف علي كوم لحم
الظابط: ان شاء الله يا ماما
بتقفل زينات معاه وبينده عالعسكري
*هات لي الاتنين اللي دخلتهم
بيروح العسكري وبيفتح الباب وبيكونوا بيضربوا في حماصة بيشده منهم بالعافية وبياخد موسي
حماصة بيبُص لـموسي:
اخص عالرجالة
موسي بيكتم ضحكته:
الكتره تغلب الشجاعة يا صاحبي
بيمشوا لحد مكتب الظابط…
*ها هديت
موسي: اسف يا باشا اعذرني
الظابط: انا هاطلعك بس عشان امك الغلبانة
موسي باستغراب: امي وحضرتك شوفتها فين
الظابط: كانت قلقانة عليك ورنت عليك وانا رديت وقولتلها افتح محضر وقول فيه اوصاف التاكسي واوصاف الشابين وان شاء الله هانجبهم اوعدك
موسي بابتسامة: شكرا سعادتك
بيتكلم حماصة: انا عاوز حقي يا باشا من المتوحشين اللي جوه دول دا عملوا عليا حفلة افتح لي محضر انا كمان
بيضحك الظابط وموسي.
♕ــــــــــــــــــــــــــــــــــــــــــــــــــ♕
بيلبس أيوب بدلة سودا وبيقف قدام المراية وبيحط برفن وبيسرح شعره
_الله الله يا ايوب باشا
بيبُص بيلاقي انجي قاعدة عالسرير..
انجي: متشيك كده ورايح علي فين اوعي تكون بتخوني ادبحك بس ماتقدرش هههه اصلي مسيطره
بيقرب ايوب من السرير:
انتِ حقيقية معقولة
بيجري عشان يمسكها بتختفي من قدامه بيطلع من الاوضه وهو بيتنهد
بينزل وقبل ما يخرج من باب القصر بيسمع صوت يوسف جاي يجري
يوسف: ابو نسب رايح فين يا راجل
ايوب بينفخ:
انت مراتي؟!
يوسف باستغراب: لأ
ايوب: خطيبتي؟!
يوسف: لا طبعاً
ايوب: حبيبتي يمكن
يوسف بيضحك: اكيد لأ
ايوب: طيب اقولك ليه انت مالك!
بيسيبه ايوب وبيمشي فبيجري يوسف تاني وراه وبيمسك ايده
يوسف: ماعرفش اسيبك تخرج في حالتك دي انا جاي معاك
ايوب: لا فيك الخير اوي
يوسف: طبعاً اعتبرني زي اخوك اللي ماجابتوش امك
بيمشي ايوب فابيمشي يوسف وراه
بيقف ايوب: روح لمراتك يا يوسف يلا
يوسف: يستحيل اسيبك
بيزغر له ايوب وبيتكلم بنفاذ صبر:
ماتتعداش حدودك واتفضل
يوسف بخوف: صحيح شيرا تعمل خرشر تلقي
بيركب ايوب عربيته وبيطلع من القصر..
بيدخل يوسف لـزينة…
يوسف: ياااه لو نفضل عايشين هنا علطول دا احنا عمرنا يطول ماتيجي مانروحش
زينة كانت بتسرح شعرها قدام المراية رزعت الفرشة:
انت ايه يا يوسف مافيش دم خالص، هاتقعد هنا بصفتك ايه انا طاوعتك مع ان ماكنش ليه لازمة نبات هنا بس ازاي لازم تيجي تكبش شوية من كله
بيقعد يوسف عالسرير: وايه يعني لو كبشت شوية ولا هاتفرق معاهم ولا هايحسوا بفرق احنا بس اللي هانحس اللي يبقي عنده فرصة زي ده وما يستغلهاش يبقي عبيط
زينة بتنفخ: ربنا يهديك يا يوسف يارب
يوسف: قولي ربنا يغنيك يا يوسف ربنا ينولك اللي في بالك يمكن ربنا ينفخ في صورتنا.
بقلم حنين عادل كاتبة الجيل
♕ــــــــــــــــــــــــــــــــــــــــــــــــــــــ♕
زينات بتكون ماشية وطالعة عالسلم وهي بتستغفر ربها:
يارب عالمصايب اللي بترف علي الواحد يارب يصبرك يا موسي يا بني ويرزقك الحمل زاد عليك يا عمري وساكت ومتحمل
وفي القسم بيخرج موسي وحماصة وهما شكلهم متبهدل وهدومهم متقطعة..
بيتمشوا عالكورنيش..
بيتكلم موسي بسخرية وهو بيبُص للنيل:
هو انا لو رميت نفسي هنا هايحصل حاجة
حماصة بيضحك:
حاجة وحدة! ده حاجات مش حاجة اولهم هاتموت كافر يبقي لا دنيا ولا جنة يا عم اصل اكيد بعد اللي بنشوفه في دنيتنا دي ربنا هايعوضنا بالجنة
وتانيهم امك الغلبانة وتالتهم ولاد خالك اللي ابوهم تاركهم هو وامهم ورابعهم صاحبك اللي بيحبك ومايعرفش غيرك من صغره وخامسهم البت اللي بتحبك
بيبُص موسي للنيل وهو ساكت..
حماصة: متغير انت اليومين دول مش طبيعي
موسي: الشقا والهم بيكبر سنين انا حاسس اني ماعدتش انا! يمكن مرهق بس شوية
حماصة: والارهاق يسيبنا ويروح فين يعني
♕ــــــــــــــــــــــــــــــــــــــــــــــــــ♕
روقا بيفتح البلكونة وبيبُص في الشارع
روقا: اتأخرت ليه الولية دي راحت فين
تلاقيها واقفه تلك مع واحدة من سيدات الحارة الفاضلات هي عادتها ولا هاتشتريها يعني
بس الوقت اتأخر اوي هو حد لسه صاحي لها انا هانزل اشوفها
بيروح يفتح الباب…
روقا بصدمة: زينات زينات يا ختي ……
- يتبع الفصل التالي اضغط على (رواية شيزوفرينيا احاسيس) اسم الرواية