رواية انت عشقي وقسوتي (كاملة جميع الفصول) حصريا عبر دليل الروايات بقلم دينا قدري
رواية انت عشقي وقسوتي الفصل السادس 6
- بارت ٦
شادى باستفزاز .. طلبكم مرفوض .. وانهاردة تقدمولى التاسك المطلوبة منكم
لم يستطع ادم تحمل شادى وطريقته المستفزة والمتعجرفة هذه فانقض عليه داخل مكتبه كالوحش الكاسر ممسكا بياقة قميصه
ادم بعصبية .. انت مالك انت اصلا عشان ترفض ولا مترفضش !! كنت ولى امرهم
شادى محاولا الدفاع عن نفسه .. انت اتجننت ايه اللى بتعمله ده .. نزل ايدك احسنلك
ادم وما زال ممسكا بياقة قميصه والشرر يتطاير من عينيه
ادم .. ملكش دعوة بملك انت فاهم ملك خط احمر يا شادى
شادى بعصبية شديدة .. احترم نفسك .. انا هحولك لمجلس تأديب وهربيك .. يا امن خدوه ارموه برة
هتشوف يا ادم انا هوريك ازاى تتعدى عليا فى مكتبى بالمنظر ده
استفاق من شروده على يد مروان صديقه .. ادم .. ادم مالك يابنى انت كويس
ادم مدركا للواقع .. ها .. اه انا كويس سرحت شوية بس
مروان .. طيب واقف كدة ليه عندنا محاضرة
ادم .. روح انت انا داخل لمهندس شادى وجاى وراك
مروان .. طيب متتأخرش
ادم فى نفسه .. ملك كان عندها حق لازم اضبط اعصابى واتعامل بذكاء .. الغضب مش هيحل حاجة بالعكس هيضرنا كلنا
فكر مليا ثم طرق الباب ودخل
شادى .. اهلا يا ادم ازيك
ادم بابتسامة صفراء .. الحمدلله ثم التفت لملك
ادم .. ايه يا ملك خلصتى ولا لسة .. دكتور عفيفى اعد مستنينا
ملك .. لا للاسف مهندس شادى مش موافق
ادم متجاهلا شادى ورفضه .. منا قلتلك ملهوش لزوم تتعبى نفسك وتطلعى لمهندس شادى وتعطليه معانا .. هيا مكالمة من دكتور عفيفى لدكتور توفيق والموضوع يخلص
ثم نظر لشادى .. مش مستاهلة نتعبه معانا
ارتعب شادى حينما سمع اسم الدكتور عفيفى
فهو رئيس القسم وهو شخص صارم وقاسى .. ذو هيبة والجميع يحسبون له الف حساب ويخافون منه ولا يرفضون له طلب
شادى بخوف .. هو انتى رايحة المشروع مع دكتور عفيفى يا ملك
ادم .. اه وعلى فكرة اعد مستنينا عشان المناقشة .. هو هيكلم دكتور توفيق ويبلغه ان ملك وعاليا بقو معانا متتعبش نفسك
يلا يا ملك انتى وعاليا عشان منتأخرش
ثم هم بالخروج حينما ناداه مهندس شادى
شادى .. ادم لو سمحت عايزك
ادم .. طيب روحو انتو وانا جاى وراكم
اخذ نفسا عميقا واخرجه بهدوء استعدادا لمواجهة ذلك المستفز ثم التفت اليه
ادم .. افندم يا بشمهندس
شادى بعصبية .. انت ازاى تعارضنى وتتجاهل رفضى وتتحدانى بالشكل ده .. انت مش عارف بتعارض مين ولا ممكن اعمل معاك ايه!! .. ده انا بجرة قلم وتوصية صغيرة اسقطك فى مادتى .. وانسى باة انك تبقى معيد بعدها
ادم بهدوء محاولا تمالك اعصابه .. اولا انت ملكش حق تعترض اصلا ده قرار ملك وصاحبتها وهما احرار
مش من حقك تقف فى طريق مصلحتهم خصوصا وانت شايف متعذبين ازاى وحضرتك سايبهم
ثانيا انا عارف كويس انا بتعامل مع مين ومتأكد انك بالذكاء الكافى اللى يخليك تفكر الف مرة قبل ما تعمل حاجة تندم عليها وتخسرك اسمك وسمعتك والاهم من ده كله مكانتك اللى بتستغلها لصالح اغراضك الشخصية
شادى .. تقصد ايه ؟!
ادم .. اقصد ان كل الناس عارفين مين هو ادم الشناوى اول دفعته كل السنين اللى فاتت ومفيش مادة قليت فيها عن امتياز .. ده غير ان رئيس القسم شخصيا ماسك مشروعى وعارفنى وعارف مستوايا
تقوم تيجى انت بكل بساطة تسقطنى فى مادتك حتة واحدة .. وفاكر الموضوع هيعدى وانا هسكت
ده يبقى غباء منك معلش لو مفكرتش انى هقلب الدنيا عليك وحتى لو انا سكت .. دكتور عفيفى لا يمكن يصدق وهيكشفك وتتفضح فى الكلية كلها
يبقى وفر تهديداتك اللى بلا قيمة دى لنفسك .. ادم الشناوى مبيخافش ولا بيتهدد
وبالنسبة انى هبقى معيد السنة الجاية .. فكويس انك عارف اننا هنبقى زملاء ومحدش احسن من حد .. فبلاش نضرب فى بعض وتكسب عداوتى من دلوقتى عشان هتتعب اوى
بس عشان تريح نفسك .. انا مليش مزاج اصلا ابقى معيد
شادى بانفعال .. وانت باة اللى عارف مصلحتهم !!
اصلا انت مالك بيهم دول طلبتى وجايين يتكلمو معايا انت ايه دخلك
ادم .. لا ليا طبعا .. ليا مثلا ان ملك تبقى خطيبتى وتحت حمايتى واستحالة اسيب حد يقف فى طريقها او ييجى عليها ايا كان هو مين
شادى بصدمة جالسا على مقعده بيأس .. ملك خطيبتك !!
ازاى وامتى اتخطبتو !!
ادم وقد انفرجت اساريره حينما رأى نظرة اليأس هذه بعيون شادى .. فليدعها وشأنها اذا
ادم ببرود .. مش مهم .. المهم انها خطيبتى ومحدش يقدر يقرب منها طول ما انا موجود
ومن الافضل ليك تبلغ الدكتور بنفسك وتنهى الموضوع بدل ما دكتور عفيفى يبلغه بنفسه وساعتها يعرف انك معترض على قرار هو اخده
شوف انت باة لما يوصله حاجة زى كدة ممكن يعمل ايه
ده غير لما تيجى منك احسن ما تيجى غصب عنك ويبقى انت ملكش لازمة ساعتها ولا ليك كلمة
فاحسن تحافظ على شكلك وتخلص الموضوع
شادى بيأس فهو قد فقد اماله واحلامه ان يجعل ملك من نصيبه ... نعم للاسف هو خسرها للابد ولا مجال ان يكونو سويا ويجب عليه تقبل ذلك الامر .. ولكن من الصعب جدا تقبله
فقد حاول مرارا وتكرارا التقرب منها ولكن كل محاولاته باءت بالفشل فغالبا ما تصده او تتحدث معه بذوق ناهية الحديث
شادى بهدوء واليأس يكتسى ملامحه .. خلاص يا ادم اعتبر الموضوع ده خلص .. وقول لملك متقلقش انا هتصرف
ادم يضغط على جرحه بكل قوته .. لا ملك مش قلقانة .. هيا عارفة كويس انى اقدر احميها ومسيبش اى حد يقف فى طريقها .. ثم نظر اليه بغيظ واردف .. خطيبتى باة ولازم تبقى واثقة فيا ولا ايه
لم يستطع شادى تحمل كلام ادم اكثر من ذلك فقال منهيا الحديث
شادى بعصبية .. ما قلنا خلاص .. عن اذنك انا عندى سكشن دلوقتى
وخرج من مكتبه يجر اذيال خيبة الامل واليأس
فقد شعر انه يكاد يختنق كلما تخيل ملك مع ادم
فهو يحبها كثيرا منذ سنوات وطالما تخيلها عروسه وزوجته المستقبلية
لم يتخيل ابدا ان تكون لغيره .. ولكنها فعليا اصبحت لادم .. ولا داعى للتفكير بها بعد ما حدث
...
خرج ادم فوجد عاليا وملك بانتظاره
ادم باستغراب .. انتو واقفين كدة ليه
ملك .. مستنيينك عشان المناقشة
ادم بضحك .. ههههه انتو صدقتو !! ده انا كنت بخوف الكائن اللى جوة ده بس
ملك باندهاش .. ايه ده يعنى احنا لسة مدخلناش معاكم الجروب
ادم .. لا دخلتو طبعا وخدت موافقة دكتور عفيفى امبارح
بس مفيش مناقشة ولا حاجة
لما نعد مع بعض ونرتب الدنيا نبقى نعمل ميتنج معاه
ملك .. طيب عملت ايه مع شادى
ادم .. ولا حاجة .. الموضوع خلص وهو هيكلم الدكتور ويبلغه بقراركم وخلاص
ملك باستغراب .. ايه ده ازاى قدرت تقنعه
ادم .. عيب عليكى .. انا ليا طريقتى
عاليا باندهاش اكبر .. انت متأكد !! ده كان رافض خالص انت مشوفتوش كان منفعل ازاى
ادم .. منفعل على نفسه .. هو ماله اصلا بيكم .عموما انا عرفته حجمه كويس ومش هيتعرضلكم تانى
ولا هيتدخل فى حاجة تخصكم
ملك بقلق .. ادم انت اتخانقت معاه ولا ايه .. ده مهما كان المعيد بتاعنا مينفعش نعمل مشاكل معاه
ادم ناهيا الحديث .. مفيش مشاكل ولا حاجة يا ملك اتطمنى .. وبعدين ميقدرش يعمل حاجة اصلا ريحى نفسك
كانت تهم ملك بالرد لولا ان قاطعها ادم
يلا بينا عالمحاضرة باة احسن اتأخرنا
...
ملك محدثة عاليا عالهاتف
ملك .. زى ما قلتلك هنعد مع بعض بكرة بعد المحاضرات ونفهم الدنيا متقلقيش
عاليا .. طب والمناقشة هتكون فى ايه
ملك .. واللهى يا بنتى انا زيى زيك ولا فاهمة حاجة .. بس ادم طمنى وقاللى هيفهمنا كل حاجة
عاليا .. ربنا يخليك لينا يا ادم يا منقذ الغلابة ههههه
ملك فى نفسها .. ادم منقذى انا وبس
.....
بعد انتهاء المحاضرات اجتمع كلا من ادم وعمر ومروان وعاليا وملك واسر
ادم .. عايزين نرحب باعضاء الجروب الجداد
عاليا وملك
الاول اعرفكم على اعضاء الجروب ومهام كل واحد فيهم
ده مروان .. مروان هو المسئول عن ميديا المشروع
يعنى التصوير والفيديوهات والتصميمات والصور اللى بنحتاجها والتسويق للمشروع
وكمان هو اللى بيجيبلنا sponsers للمشروع بحكم علاقاته
قصاد كدة باة هو مالوش فى الشغل التكنيكال خالص
يعنى تقريبا شغله كله بعيد عننا
بس شهادة حق ميديا المشروع بتاعنا افضل من كل المشاريع بفضله
مروان .. تسلم يا باشا كلك ذوق
ادم .. وده اسر وهو المسئول عن الريبورتات واى تقارير او تسليمات بتتسلم هو مسئول عنها .. وطبعا المسئول عن كتاب المشروع وعروض المناقشات
عشان كدة لازم يكون معانا فى اى اعدة شغل او تسليمات عشان يسجلها عنده
انا وعمر باة اللى فعليا بنشتغل شغل التكنيكال .. اللى هو طبعا شغل كبير ومحتاج وقت كتير عشان كدة ان شاء الله هيكون شغلكم معانا يكون معانا احنا محتاجين دم وفكر جديد فى الجروب واكيد هتكونو اضافة لينا
اسر .. اهلا بيكم معانا
ادم .. دلوقتى باة بعد ما اتعرفنا وعرفنا دور كل واحد
هبدأ اشرحلكم فكرة مشروعنا وبنعمل ايه فيه واحاول اتكلم فى كل التفاصيل الاساسية اللى هنحتاجها للمناقشة
ملك وعاليا .. تمام
مروان .. احم طيب بما انكم هتتكلمو فى شغل تكنيكال وكلام كبير مليش فيه .. هخلع انا باة
عمر .. يابنى ما تعد تسمعلك كلمتين يفيدوك يمكن تلقط اى حاجة
مروان .. لا ياعم انا مش فاضى اصلا عندى سيشن تصوير
ملك باستغراب .. سيشن تصوير !! تصوير ايه
عمر .. اصل البيه شغال photographer ياستى فبينفضلنا ويروح يشتغل
ملك بحماس .. ايه ده بجد .. ده انا نفسي اوى اتعلم موضوع التصوير ده من زمان
مروان بابتسامة.. يا سلام انتى تؤمرى .. شوفى تحبى نبدأ امتى وانا جاهز
لم تشعر ملك بادم الذى يستشيط غضبا بجانبها .. فهو يعلم ان مروان شخص مستهتر ولع علاقات كثيرة مع الفتيات .. لذا لم يستطع التحمل اكثر من ذلك
ملك .. انا ممكن ا ...
قاطعها ادم قائلا بحدة .. انا بقول تروح انت تشوف شغلك يا مروان .. عندنا شغل كتير ومش فاضيين للرغى
مروان .. يلا سلام شدو حيلكم يا وحوش
عمر .. اهو ده اللى انت فالح فيه روح يابنى الله يرضى عليك
ثم بدأ ادم يشرح بعملية فكرة المشروع وتفاصيله وسط اعجاب ملك الشديد به وبأسلوبه فقد اكتشفت به جانب اخر لم تراه من قبل .. فهو ذو عقلية جبارة فى مجال البرمجة كما انه يبدو اكثر جاذبية ووسامة وهو يعمل
ظلت تتوسم به بهيام غارقة بعيونه منتبهة لكل تفاصيله وحركاته مع ابتسامة بلهاء تخرج منها رغما عنها حتى افاقت على صوته
ادم .. ملك .. ملك انتى معايا
ملك بتيهة .. ها .. اه اه معاك
ادم .. ملك ركزى معايا مش عايزين الدكتور يرفض دخولكم المشروع .. وكمان اللى بقوله دلوقتى ده هيساعدكم بعد كدة انتى وعاليا فى شغلكم
ملك بخجل وارتباك .. حاضر معاك اهو
قامت عاليا بقرص ملك فى الخفاء مع كتم ضحكتها
عاليا بهمس .. فضحتينا يا موكوسة ركزى ياختى وابقى اسرحى فيه براحتك لما نروح
ملك بخجل وارتباك .. احم .. هو باين اوى
عاليا .. ولو فضلتى كدة اضمنلك هنسقط فى المشروع ان شاء الله
توترت ملك وشعرت بالضيق من نفسها .. فعليها التحكم بمشاعرها وتصرفاتها اكثر من ذلك
حاولت جاهدة التركيز معه مع ازاحة نظرها عنه تماما فلم تنظر له ابدا حتى تستطيع التركيز
اما عمر فقد كان فى عالم اخر .. لم يستمع لاى كلمة من ادم .. فكل اهتمامه وتركيزه كان مع عاليا .. فقد لاحظ ارتباكها وخجلها الواضح .. ابتسامتها الجذابة .. حركاتها وملامحها الشقية واخيرا ..همسها و كلامها لملك وتوليجها بتلك الطريقة المرحة
اصدر ضحكة رغما عنه فالتفت له ادم بحدة
ادم .. طيب يا استاذ عمر ممكن تكمل انت باة انا تعبت
عمر بارتباك وقد فهم مغذى ادم .. احم .. طيب انت وقفت فين
ازاحت عاليا الحرج عنه واجابته من اين يكمل
عمر بامتنان .. شكرا
استلم عمر منه حتى انتهى الاجتماع
لاحظ ادم ان ملك تهرب بعينيها منه ولا تنظر له ابدا
فظن ان كلامه ضايقها منه
فاستغل انشغال اسر بتسجيل ما قاله ادم وانشغال عمر بعاليا والتركيز معها
ادم بهمس .. انتى زعلتى منى يا ملك
ملك باستغراب .. لا ايه اللى هيزعلنى !!
استأذن اسر وانصرف اما عاليا ذهبت لكى تحضر بعض المذكرات لهم وطبعا لم يتركها عمر فذهب خلفها
ادم .. ملك انا مقصدتش والله اضايقك بكلامى .. بس فعلا خايف الدكتور يرفض تدخلو معانا. انا ما صدقت هتبقى معايا
ملك .. انا فاهمة والله الكلام ده ومش زعلانة
ادم .. امال بتهربى بعنيكى منى ليه
ملك .. لا مفيش حاجة .. بحاول اركز بس
شعرت ملك بقلق ادم عليها .. فقررت طمأنته ولكن بطريقتها ..طريقة التحدى التى كانت بداية علاقتهم
ملك .. وبعدين دكتور عفيفى استحالة هيرفض اشتغل معاه .. انت فاكر انه عارفك لوحدك .. لا يا استاذ ادم انا كمان مندوبة الدفعة زيك ومرتبة عليها وهو عارفنى وواثق فيا وفى مستوايا
واكملت بغيظ .. مش لوحدك يعنى اللى يحب يشتغل معاه
ادم وقد فهم مقصدها
ادم ناظرا بعيونها بعشق .. طيب وانا اكره برضو ان بشمهندسة قلبى تبقى اشطر مهندسة واحسن منى كمان
ملك بتأثر .. ها
ادم مربكا اياها .. مممم بقول يا ترى ملوكتى فهمت اللى اتقال انهاردة واتمكنت منه .. ولا اعيد كمان
لم تستطع ملك النطق .. فهو ينسيها اسمها واين هى
ادم ... شكلك عايزانى اعيد تانى يا ملوكتى .. عموما انا عندى استعداد اشرحلك كل حاجة تانى .. ثم اقترب اكثر منها .. انتى لوحدك
تداركت ملك نفسها وابتعدت عنه بسرعة .. ادم ابعد شوية مينفعش كدة
ادم .. مش قادر .. بجد جبت اخرى خلاص
ما تطاوعينى وتخلينا نكتب كتابنا بعد الامتحانات دى ونبقى براحتنا
ملك .. لا يا ادم لأ ... اصلا اهلى استحالة يوافقو ده غير ان بابا مبينزلش اجازات غير شهر ٧ يعنى بعد الترم التانى
فالموضوع مرفوض
ادم متظاهرا بالحزن ناظرا بعيونها قائلا باستعطاف . . طب انا مش صعبان عليكى بذمتك
ملك برخامة واضعة يديها امام عيونه حتى لا تضعف .. لأ .. انا لازم اروح باة اتأخرت اوى
همت ان تزيح يدها عن عينيه ولكنه امسك بها لتظل على وجهه ثم انزل يدها امام فمه وقبلها برقو ونظر بعيونها قائلا
ادم .. هستناكى يا ملك .. هصبر وهستناكى مهما طالت المدة .. خدى وقتك واتأكدى انى عمرى ما هزهق ولا هسيبك
اذابها كلامه واحمرت وجنتيها خجلا حتى انها لم تستطع الرد فشدت يدها بقوة وذهبت مسرعة من امامه هاربة من تلك النظرات التى تذيبها عشقا
عند عمر وعاليا ..
وضعت بعض المذكرات امامها منتظرة البقية حينما امسك بهم عمر وتظاهر بتصفحهم رافعا حواجبه
عمر .. انتى بتجيبى مذكرات من ورايا
ضحكت عاليا ... هههه صح فعلا المفروض اقدم لحضرتك تقرير بالمذكرات اللى هجيبها
عمر .. شوفتى باة يعنى عندى حق
عاليا .. المفروض بعد ما انقذتك من ايد ادم تيجى تشكرنى مش ترخم عليا
عمر .. انا رخم !! ومع ذلك انا شكرتك وقتها ولا نسيتى
عاليا .. لا منسيتش بس عد الجمايل باة .. ومتحاولش ترخم عليا تانى
عمر .. برضو هتقولى رخم .. ثم نظر بعيونها .. رخمت عليكى فى ايه
عاليا بارتباك وطفولة متلاشية النظر له .. واخد المذكرات منى اهو ومش عاجبك كمان
عمر .. اه ومش هديهالك على فكرة .. عشان بعد كدة تعرفينى انك هتجيبى مذكرات مش يمكن انا كمان عايز
عاليا بغيظ .. عايز ما تجيب ما المكتبة ادامك اهى
عمر .. يا سلام وهو انتى قلتيلى وانا مجبتش
عاليا بغيظ .. وانت مستنينى انا اللى اقولك ان فيه مذكرات نزلت .. ده انت معاك مندوب الدفعة عارف كل حاجة
عمر .. اه وانتى فاكرة ادم باة كل ما حاجة تحصل يجرى ويقولى .. والله انتى طيبة اوى
ده بيبقى عارف معاد الامتحان وميقوليش اصلا واتفاجئ زيى زى غيرى
عاليا .. وانا مالى يا عم بعلاقتكم المفككة دى .. هات المذكرات خلينى امشى
عمر .. مممم هديهالك بس بشرط .. تيجى اعزمك على حاجة نشربها فى الكافيتريا
عاليا رافعة حاجبيها باستغراب .. تعزمنى !! وده ليه ان شاء الله
عمر متحججا .. عشان عايز اشكرك عالموقف اللى عملتيه معايا فوق .. اصل انتى متعرفيش لو كنت استنيت ثانية واحدة بعد ما ادم قفشنى كان هرانى تريقة وتحفيل وطبعا ما انت مش معانا ما انا بكلم نفسي وكلام ادم الخنيق ده
عاليا ... ههههههه للدرجة دى
عمر .. شوفتى باة يبقى تستاهلى تتعزمى على حاجة ولا لأ.
عاليا .. شكرا مش عايزة حاجة .. والموضوع مش مستاهل
عمر .. لا منا مش هسيبك الا لما اعزمك
عاليا .. بالعافية يعنى !!
عمر .. طبعا يا بنتى لازم اعزمك عشان اكسر عينك وميبقالكيش عندى حاجة
عاليا باندهاش .. تكسر عينى !! لا واضح فعلا انك ممتن وعايز تشكرنى
عمر .. مش لسة بتقولى عد الجمايل .. ادينى بردهالك اهو عشان ميبقالكيش حاجة عندى
عاليا .. هههههه اه وانا باة مادية حقيرة وما هصدق تردهالى
عمر .. انا مقلتش انتى اللى قولتى اهو
عاليا بغيظ .. عمر لو سمحت هات المذكرات عايزة امشى
عمر .. انا قلتلك شرطى لو موافقة يلا وخديهم فى الكافيتيريا
عاليا بغيظ وانفعال .. لا شكرا خليهوملك .. هجيب غيرهم
عمر .. كان على عينى والله يا عاليا بس المكتبة زمانها قفلت .. بكرة باة
عاليا .. بس انا عايزاهم انهاردة عايزة اذاكر
عمر .. يبقى تسمعى كلامى .. انا مش هأخرك يا عاليا هنشرب حاجة ونروح علطول
عاليا بغيظ .. طيب اتفضل يلا
....
تحدثت عاليا مساءا مع ملك على الهاتف
عاليا .. بس ادم طلعت دماغه جامدة جدا فى الشغل كمان .. انا كنت فاكراه جامد فى الدراسة بس
ملك بدلع .. دومى حبيبى جامد فى كل حاجة
عاليا .. مين ياختى دومك ده .. الله يرحم ما كنتى بتتكسفى تتكلمى عنه معايا
ملك .. ايام وراحت لحالها يا لولو .. انا بجد كنت منبهرة بيه انهاردة
عاليا بضحك .. انتى هتقوليلى واى انبهار .. ده انتى تقريبا كنتى فى دنيا تانية
ملك .. فعلت انا بحس انى لما بكون مع ادم ببقى فى دنيا تانية .. بحبه اوى يا عاليا بحبه
عاليا .. طب ياختى انا هروح انام احسن دماغى هتتفرتك من كتر رغى دومك ده ومصدعة اوى
ملك بدلع .. حرام عليكى يا لولو باة كلامه يصدع برضو !!
عاليا .. لا انتى شكلك فايقة ورايقة وجايالى فى وقت غلط بقولك هموت وانام .. يلا تصبحى على خير
ملك بضحك .. وانتى من اهله .. استنى قوليلى هنا
انتى روحتى تجيبى المذكرات وبعدين اختفيتى فين
وكلمتك كمان مردتيش
عاليا .. اسكتى متفكرنيش .. اتزنقت زنقة سودة مع عمر
ملك باستغراب .. اتزنقتى ازاى يعنى
عاليا .. خد منى المذكرات وراسه والف جزمة قديمة نشرب حاجة فى الكافيتيريا .. ياعم يهديك يرضيك ابدا مرضاش يديهالى الا لما اتنيلت روحت معاه الكافيتريا
ملك بضحك .. ههههه والله الواد عمر ده عسل خالص بتعجبنى شخصيته
عاليا بغيظ .. عسل اسود ومهبب على دماغه
ملك ... ههههههه ايه هو ضايقك فى الكافيتيريا ولا حاجة
عاليا .. لا بالعكس خالص كان لطيف وبيضحكنى اوى
انا مش عارفة ليه لما بكون معاه بعد اضحك زى الهيلة كدة على كل حاجة يقولها
ملك .. ماهو دمه خفيف ليكى حق تضكحى .. وانتى كمان فقرية ومتتوصيش تلاقيه هو كمان بيعد يضحك
عاليا .. تصدقى فعلا .. بيعد يضحك على كل حاجة برضو
استشعرت ملك اهتمام عمر الزائد بعاليا .. وخصوصا بعد ما قصت عليها ما حدث معهم
ملك بعفوية .. ربنا يستر وميطلعش اللى فى دماغى صح
عاليا مستفهمة .. يستر من ايه وايه هو اللى ميطلعش صح
ملك .. هااا .. لا ولا حاجة .. روحى نامى باة وانا هروح اشبع من بابا شوية قبل ما يسافر
عاليا .. ماشي يلا سلام
اغلقت عاليا الهاتف مع ملك واخذت تفكر فى ملك
هل حقا ضايقها وجودها معه فى الكافيتيريا
هل كانت لا تريد الذهاب معه .. هل اغضبها اصراره هذا ام كانت تتظاهر بالغضب وحسب
ظلت تتذكر ما دار بينها وبين عمر فى الكافيتريا
وعلى وجهها ابتسامة واسعة
فلاش باك
بعد دخول عمر وعاليا الكافيتيريا ازاح لها كرسى لتجلس عليه
عمر .. اتفضلى يا برنسيس عاليا
عاليا باندهاش .. ايه ياعم كل ده .. مليش انا فى حركات الجنتلة والايتيكيت دى .. وبعدين مش مستاهلة اصلا نعد هنشرب حاجة واحنا واقفين وخلاص
عمر .. يعنى بذمتك بعد ما نشفتى ريقى كل ده وعملت مجهود فظيع عشان ترضى تيجى معايا .. اضيع الفرصة دى ونشرب عالواقف
عاليا .. انا اصلا مش فاهمة انت ليه اصريت نيجى ونشرب حاجة وانا والله ما قادرة اصلا
عمر .. عشان انا نفسي فى فنجان قهوة مظبوط وادم مشى ونفضلى ومحسوبك مبيحبش يعد لوحده .. بيحب الونس
وحظك باة اتدبستى لقيتك انتى اللى ادامى
شعرت عاليا بحزن عمر بسبب انشغال ادم عنه
وظنت ان هذا هو السبب حقا انه يريد الونس
فرق قلبها له واشفقت على احساسه هذا
وكيف لا وهى ايضا اصبحت تشعر بنفس الشئ .. ولكنها تتجاهل تلك الشعور ولا تعطى له اهتماما
عاليا برقة .. ومين قالك انى اتدبست .. انا بس لولا التأخير مكنتش رفضت اصلا
على فكرة انا كمان كتير ببقى محتاجة ملك ومش بلاقيها .. فمتضايقش
عمر بصدق .. انتى عارفة يا عاليا انى تقريبا من ساعة ما نزلت القاهرة مقربتش من حد غير ادم
عرفت طبعا صحاب كتير بس كلهم زمايل عادى اما ادم ده حاجة تانية ده اكتر من اخ
عاليا .. فاهماك انا وملك كدة برضو بحس انى مليش غيرها .. بس تعالى هنا هو انت اصلا مش من كايرو
فرح عمر لاهتمام عاليا به وسؤالها عنه .. واخيرا عاليا شعرتى بي .. واخيرا وليتينى بعض من اهتمامك ولو قليل فهو يكفينى الان
عمر .. لا انا من الشرقية .. وسيبت اهلى ونزلت القاهرة عشان ادرس .. امال اعد مع ادم ليه
عاليا .. اه انا افتكرت انك واخد شقة جنب الكلية يعنى عشان متكونش بعيد
عمر .. لا انا الاول كنت فى المدينة الجامعية .. بس مرتحتش انا وادم وقررنا نأجر برة
عمر .. وكانت شورة سودة بعيد عنك ههههه
عاليا بضحك على ضحكه .. ههههه ليه بس كدة
عمر .. لا اصل ادم شخص صعب شوية .. يعنى كان قافل مش فاكك كدة واللى فى قلبه مش على لسانه خالص كنت بحسه بيعمل الف حساب لكلامه قبل ما يخرجه
كمان ممكن يعد شهر متضايق من حاجة وميقولش غامض شوية
ده غير ان طباعه مختلفة عنى
بس رغم كل ده متخيلش حد غيره يقيم معايا
عاليا .. ههههه هو كدة القط ميحبش غير خناقه
عمر ... ههههه بالظبط .. قوليلى وانتى .. اللى جت خدتك لما وصلتك دى مامتك صح
عاليا .. لا دى خالتو .. انا عايشة مع خالتو
شعر عمر ان هناك شيئا ما يخص اهلها وهي تحاول اخفاؤه .. فلم يضغط عليها فهو لا يريد ازعاجها
فكانت اقصى احلامه ان تتحدث معه كلمتين لا ان تجلس معه وتتحدث بهذه الاريحية
فغير مجرى الحديث حتى يزيح الحرج عنها
عمر .. مقلتليش هتاكلى ايه
عاليا .. اكل ايه انت مش قولت هنشرب حاجة بس
عمر .. منا بصراحة حسيت عيب اوى بعد ما اجيبك واعدك غصب عنك امشيها بعصير وبعدين زماننا جوعنا بعد كل الشغل ده .. فقلت نتغدى سوا
شعرت عاليا بالضيق من نفسها .. فهى تعلم ان ما تفعله خطأ .. متأكدة من ذلك .. ولكن لما تستمر بما تفعله
وعمر ايضا يزيد من طلباته عندما رأى تجاوبه معها
اذا يجب ان نوقف تلك المهزلة وفورا
نهضت عاليا فجأة .. عمر انا لازم امشى دلوقتى
عاليا .. طب استنى احاسب واجيلك
اخذت المذكرات من امامه .. لا انا ماشية سلام
باك ..
عند هذه اللحظة اختفت ابتسامتها وانقبض قلبها .. فقد ادركت انها اذا تركت نفسها وانساقت خلفه سوف تدخل الجحيم لحياتها .. سوف تحرق قلبها بنفسها وبكامل ارادتها .. وبالنهاية سوف تخسر كل شئ
ماذا يحدث يا عاليا .. لما تنجرفى بتصرفاتك خلفه هكذا غير مبالية بوضعك .. انتى مخطوبة .. انتى على اسم شخص اخر . لا يليق بك تلك الافعال .. لا يمكنك مجرد التفكير بشخص اخر
ولكن لما .. لما افكر به الان !! هل حقا اتضايق من وجوده .. ام اكون فى قمة سعادتى ولا اعلم كيف ولماذا .. اتظاهر امام الناس اننى لا اطيقه كى لا يظهر ما يبطنه قلبى
لا اعلم ما فى قلبى ناحيته .. ولكن الاكيد انه مختلف .. مختلف جدا
نفضت تلك الافكار من رأسها
ثم وقفت تنظر لنفسها امام المرآه قائلة بعزيمة واصرار .. لازم تبعدى يا عاليا .. انتى اللى فى ايدك توقفى كل ده وترحمى نفسك من الجحيم اللى هتدخلى عليه لو كملتى
لازم المهزلة دى تخلص
لازم تخرج من حياتى يا عمى وبأى طريقة
....
نطت ملك بفرحة.. جووول جول جول جووول واخيرا يا بشمهندس كاظم قدرت اغلبك فى حاجة
كاظم .. وانا برضو اكره ان بنتى وحبيبتى تبقى احسن منى
تذكرت ملك كلام ادم لها فى الكلية ..
وانا برضو اكره ان بشمهندسة قلبى تبقى احسن منى
افاقت على صوت والدها
كاظم ... ششششش ايه روحتى فين
ملك .. ها .. لا مفيش يا بابا
كاظم .. لأ مفيش ايه ده واضح ان فيه كتير .. انا اصلا من ساعة ما جيت وانا حاسس انك متغيرة ومش على بعضك كدة .. واعد اقول هتيجى وتقولى وكل يوم استناكى .. بس هسافر خلاص ولسة مقلتليش مالك
ملك ... ممممم يا بابا يعنى سوسو اللى اعدة جوة دى مقالتلكش حاجة
كاظم .. امك !! هيا امك بتقول حاجة غير امتى ترجعلنا باة امتى تنزل من السفر ومتسافرش تانى
ملهاش غير السيرة دى
ملك ... ما احنا فعلا يا بابا اشتقنالك زمحتاجين وجودك معانا
كاظم .. متغيريش الموضوع بطلى لؤم .. وقوليلى في ايه مخبياه عنى
نهضت ملك من مكانها ووقلت خلف ابيها ولفت ذراعيها حول رقبته وضمته بحنان مقبلة وجنته
ملك .. انا مقدرش اخبى عليك حاجة يا بابا .. ده انت حياتى كلها .. انا بس مأجلة الموضوع شوية عشان مش وقته
كاظم .. وامتى يا حبيبتى الحاجة الصح بتيجى فى وقتها !! دايما الصح بييجى فى الوقت الغلط معروفة
ولو استنيننا الوقت الصح جايز متجيش
ملك .. يعنى يا بابا لو قلتلك مش هيبقى عندك مشكلة فى الوقت
كاظم . مش لما افهم الاول
ملك .. فيه زميل ليا فى الكلية بيحبنى .. وعايز يتقدملى .. بس طبعا مش وقته
كاظم .. مش مهم هو ايه .. المهم انتى .. بتحبيه ولا لأ
هزت ملك رأسها بخجل علامة الايجاب
كاظم .. انا اهم حاجة عندى راحتك وسعادتك .. انا حبيت امك واتجوزتها وانا بعشقها عشان كدة عيشنا مع بعض اجمل ايام حياتنا .. لو مكنش فيه حب مكناش حسينا بالسعادة دى
عشان كدة متمنالكيش غير ان ترتبطى وتربطى حياتك باللى قلبك يميله .. انا عشت كل ده مستنى اللحظة اللى تقوليلى فيها انا عايزة ده يا بابا
ملك بفرحة .. يعنى حضرتك موافق
كاظم .. لا طبعا انتى حقك تختارى شريك حياتك وانا برضو حقى اتطمن واسأل عليه كويس واعرف عنه كل حاجة
انتى جوهرة غالية ومش هسلمك غير للى يعرف يصونك ويحميكى
ملك .. انا متأكدة انك مش هتسمع عنه غير كل خير .. ادم اصلا مفيش منه بحسه فريد من نوعه كدة .. ثم نظرت لابيها .. زيك كدة يا بابا
كاظم .. مممم اسمه ادم
ملك .. اه .. صدقنى يا بابا لما تعرفه هتحبه اوى
كاظم .. كله بأوانه يا ملك .. خلصى امتحاناتك وساعتها اللى ربنا عايزه هيكون
احتضنت ملك ابيها بفرحة وسعادة عارمة .. ربنا يخليك ليا يا احلى بابا
ذهبت حجرتها وسعادة الدنيا تعتريها .. فقد كانت حزينة بسبب انها لم استطع مصارحة ابيها حتى الان
وكلما حاولت تفشل فهى تخجل منه كثيرا
ورغم تشجيع ادم لها كى تصارحه لم تستطع الامتثال لامره
واصبحت دائما تشعر وكأنها تختبئ من شئ مخزى
تشعر وكأنها تفعل شيئا خطأ وتداريه
ولكن هل شعور الحب مخزى .. هل العشق عار ويجب ان نتبرأ منه
لا فمشاعرنا ليست بيدينا .. لا نستطيع التحكم بها لا نستطيع ان نقرر من نحب ومن نعشق
فالحب اسمى احساس فى الوجود .. اسمى وارقى عاطفة خالية من الحقد والكره والحسد واى مشاعر سيئة .. فمن يحب بصدق لا يهتم بأصل او عائلة او مال .. فقط يحب الروح .. يحب من اجل الحب فقط
اما المخزى هو التصرفات اللا اخلاقية .. والتعاملات الخاطئة.. نعم فطالما اتعامل معه باحترام وحدود ولا نتجاوز الحدود فما المخز اذا
اذا كنت التزم بأخلاقة ومبادئى فى التعامل معه ولا اتساهل معه لاخر لحظة .. اذا ما العيب فى مشاعرنا هذه
اخذت تفكر بادم وبأخلاقه وكيف انه يريد ان يكتب الكتاب حتى لا يقع فى الخطأ .. وحتى لا يفعل الحرام
ملك لنفسها .. ربنا يباركلى فيك يا ادم وتفضل دايما تخاف عليا كدة وتحمينى من نفسك
ياااااه اد ايه ارتحت لما قلت لبابا .. كان عندك حق يا حبيبى انا كنت المفروض اقوله من بدرى .. مكنش المفروض اعد كل ده مخبية عليه واتهرب منه ومن نظراته عشان ميكشفنيش
فعلا ارتحت اوى .. يارب يا بابا لما تسأل عليه توافق ياااارب
......
جلس ادم يرتشف قهوته صباحا فى الكلية حينما تفاجأ يمن تضع يديها على عينه من الخلف
ادم بضحك .. هههه اكيد يعنى ملك بس ايه ده ده احنا اتجرأنا اوى .. ولا انا بحلم ولا ايه
- مين ملك دى يا سى ادم
ادم بصدمة .. سيرين !! ازاى !! انتى جيتى امتى من السفر
سيرين .. جينا امبارح بالليل .. مقلتليش باة مين ملك دى
ادم .. لا استنى بس .. انا مكلم بابا امبارح ومقاليش انه نازل ولا حاجة بالعكس قايلى عنده شغل كتير اوى اليومين دول
سيرين بمرح .. هههه بيشتغلك يا باشا وانت الصراحة زبون بتتبعت بسرعة هههه
ادم .. انتى لسة لسانك طويل زى ما انتى
سيرين .. اه زى ما انا بحطة ايدك
ادم .. حمدالله على السلامة يا سيرى والله وحشتونى اوى
سيرين .. متتوهنيش فى الكلام وقوللى باة مين ملك
ادم بضحك .. انتى مفيش حاجة كدة بتعدى من تحت ايدك ابدا
سيرين .. عيب عليك ده انت اخويا وحافظاك صم
ادم .. طب ياختى فوتى وهبقى احكيلك بعدين
سيرين .. لا بعدين ايه هتقوللى دلوقتى .. قول قول متخافش انا ستر وغطا عليك
ادم .. مممم طيب يا ستى ملك دى تبقى زميلتى ومعايا فى المشروع .. ووو
سيرين .. ايوة ادخل فى المهم و ايه
ادم .. وهتقدملها ان شاء الله السنة دى
سيرين بدهشة .. ايه ادم الشناوى بجلالة قدره قرر يتجوز فجأة كدة
ادم بضحك .. اه شوفتى
سيرين .. لا انت بتضحك عليا ده انت طول عمرك بتكره البنات وبتقول مش هتجوز اصلا .. فجأة كدة غيرت رأيك
ادم .. ممممم سبحان مقلب القلوب يا سيرى انا نفسي مستغرب نفسي
سيرين .. دى لازم تبقى عندها قوة خارقة اللى تخليك تقدم على الخطوة دى وبالسرعة دى
ادم بابتسامة عشق .. هيا فعلا مختلفة و غير اى حد
سيرين .. مممم يا سيدى يا سيدى ده واضح ان الحب مولع فى الذرة .. واحنا اللى فاكرينك مسافر تدرس اتاريك بتعط من ورانا
ادم .. اعط !! انتى متأكدة انك جاية من الامارات ولا من بولاق
سيرين .. يابنى انا بكلم صحابى فى مصر يوميا على النت وكل المصطلحات عندى .. يمكن فى حاجات انت متعرفهاش هههه
ادم .. مش سهلة انتى
سيرين .. المهم بجد انت هتخطب بعد ما تخلص علطول
ادم .. لا خطوبة ايه انا هكتب كتابى
سيرين .. كمان !! جواز علطول
ادم .. هستنى ليه واضيع وقت .. يادوب بس اخلص اجراءات الشركة وامسكها واكتب كتابى علطول
سيرين .. انا مش مصدقة احنا كنا فقدنا الامل فيك اصلا
ادم .. يلا خلينى انا اقع وقعة عدلة بدل الوقعة السوداء اللى وقعتيها انتى
سيرين بحزن .. مالها وقعتى بس يا ادم .. انا نفسي اعرف بتكره سليم كدة ليه وحاطط نقرك من نقره علطول
ادم باقتضاب .. الواد ده انا مبرتاحلوش .. مبينزليش من زور .. عيل لزج كدة ووصولى وبحسه بتاع مصلحته
سيرين .. طب ايه السبب بس نفسي اعرف .. نفسي تقولى سبب مقنع هو عمل معاك حاجة وحشة
ادم .. هو يقدر اصلا
سيرين .. انت مبتشوفوش هنا خالص
ادم .. لا بشوفه كتير .. بس بطنش واعمل نفسي مش شايفه
سيرين باستغراب .. ايه ده يعنى مبتتكلموش خالص !! معقول !!
ادم .. لما هو بيشوفنى وينادى عليا بعصر على نفسي لمونة واروحله .. وده عشانك بس اقسم بالله لولاكى كنت اديته بالجزمة من زمان
سيرين .. شكرا يا ادم .. بس انا برضو عايزة اعرف ايه الل. بينكم بيخليك تكرهه كدة
ادم .. بكرة يظهر على حقيقته وتقولو ادم قال
سيرين مغيرة الموضوع .. وحشتنى اوى يا دومى
ادم .. والله وانتى يا سيرى انا اصلا نفسي اخدك حضن مطارات بس ماسك نفسي احسن يعملولنا محضر اداب
سيرين .. يا سلام باة ليه ان شاء الله ده انا اختك ومحدش يقدر يتكلم .. ثم امسكت بيده تجذبه ليقف .. يلا قوم فرجنى عالكلية
دخلت ملك الكافيتيريا لتناول فطورها حينما رأت ادم وتجلس بجانبه فتاة فى غاية الجمال والرقة
ويتحدث معها بضحك واريحية شديدة ولا يزيح نظره عندها
اشتعلت الغيرة بداخلها وظلت تتابعهم وتتابع حركاتهم وهي فى قمة غضبها
حتى وجدت تلك الفتاة تحاول جذب ادم من يده بدلع لم تحتمل اكثر من ذلك وفاض بها فذهبت مندفعة باتجاههم
وما ان اقتربت منهم حتى كادت ان تتراجع
لمحها ادم ولاحظ غيرتها وغيظها الشديد فكتم ضحكته ونادى عليها
ادم .. ملك تعالى
اقتربت منهم ملك وهى فى قمة غضبها ولكنها تظاهرت بالبرود الشديد
ملك .. صباح الخير يا ادم .. فيه حاجة
ادم .. اه عايز اعرفك على سيرين .. اختى
ملك وقد تهللت اساريرها وابتسمت بسعادة رغما عنها قائلة
ملك .. انتى اخت ادم .. ده ادم مبيبطلش كلام عنك
سيرين بمزح .. هو دايما كدة فاضحنى فى كل حتة هههه
ملك ببراءة .. لا والله بالعكس ده علطول بيشكر فيكى
سيرين لادم .. تشكر ياخويا ده العشم برضو
ملك .. بس ازاى انتى مش كنتى مسافرة
سيرين .. اه جينا امبارح .. بابا كان عايز يعمل مفاجأة لادم ويروحله شقته بس انا مقدرتش اصبر
قلت اطب عليه وافاجأه بنفسي
ملك .. حمدالله على السلامة نورتى الكلية
ادم بخبث .. تفاجأينى انا بس .. مش عايزة تفاجأى خطيبك كمان
سيرين .. لا والله مفكرتش كدة حتى معرفش هو هنا انهاردة ولا لأ
ملك باندهاش .. ايه ده هو خطيبك معانا فى الكلية
سيرين .. اه معيد عندكم فى الكلية
ملك باستغراب .. غريبة ادم مكلمنيش عنه خالص
ادم مغيرا مجرى الحديث .. طيب هنروح احنا باة المحاضرة وانتى روحى متعديش لوحدك
ملك .. لا تروح ايه انا هاخد سيرين افرجها عالكلية ومش هسيبها لوحدها
ادم بقلق .. احنا عندنا محاضرات مفيش وقت
ملك ممسكة بيد سيرين .. لسة بدرى عالمحاضرة يا ادم وبعدين انا عايزة اعد مع سيرين انا نفسي اتعرف عليها من زمان
سيرين بخبث ودلع على ادم .. ما تسيبها يا ادم تفرجنى عالكلية .. وبعدين احنا عايزين نتكلم كلام بنات ملكش انت فيه
ادم .. يعنى اطلع انا منها .. ماشى
ملك .. اه بعد اذنك باة
ادم بهمس قارصا سيرين بذراعها .. انا هسيبك معاها بس لمى لسانك المتبرى منك ده واسترى على اخوكى
سيرين بخبث .. ههههه فرصتى وجت لحد عندى عشان اخلص القديم والجديد
ادم بغيظ هامسا .. اتلمى يا سيرين احسن والله اطلعه عليكى فى البيت اصبرى عليا
ملك .. يلا يا سيرين تعالى معايا
وانطلقا سويا تاركين ادم وعلى وجهه ابتسامة سعادة
كنت عارف انكم هتحبو بعض علطول .. وادى اول خطوة خلصت لدخولك عيلة الشناوى يا ملك قلبى
...
تجولا كلا من ملك وسيرين فى الكلية وسط احاديثهم وضحكاتهم
ملك .. هو انتى اكبر من ادم فعلا
سيرين .. اه بس مش اوى يعنى .. هما ٣ سنين عمى
ملك .. اصل شكلك صغيرة واصغر منه كمان
سيرين .. لا مش للدرجة دى انا متخرجة وبشتغل
ملك بدهشة .. ايه ده بجد .. هندسة برضو ؟
سيرين .. لأ بكل فخر انا الوحيدة اللى انحرفت عن مسار عيلتنا دى ودخلت طب .. واتخصصت طب اطفال عشان بحبهم اوى
ملك .. كمان دكتورة ده انتى دكتورة صغنونة خالص هههه
سيرين .. ايوة فعلا انا شغالة فى مستشفى فى الامارات كل ما ام تدخل بابنها تقولى امال فين الدكتورة ههههه شكلى بيبقى وحش اوى ادام الممرضات مفيش هيبة خالص هههههه
ملك .. تلاقى الاطفال بيحبوكى عشان شكلك صغير مبيخافوش منك
سيرين .. اه فعلا .. وانا بعالجهم بالكارتون هههه
ملك باستغراب .. بالكارتون ازاى
سيرين .. بيعيطو ويخافو يكشفو .. فبشغلهم كارتون الاول وادخلهم فى المود وبعدين اكشف عليهم وهما مش واخدين بالهم هههه
ملك .. والله برافو عليكى انا فعلا طول عمرى بخاف من الدكاترة بحسهم رخمين كدة
وفى وسط احاديثهم لمحت ملك عاليا تقف امام مبنى القسم
ملك .. تعالى اما اعرفك على انتيمتى
سيرين .. فين دى
نادت على عاليا .. يا عاليا .. تعالى
ذهبت عاليا باتجاههم .. ايه يا بنتى فينك .. ومين دى قريبتك
ملك بسعادة .. دى سيرين اخت ادم يا عاليا
ودى باة يا سيرين اقرب صديقة ليا وزى اختى بالظبط
سيرين .. اهلا بيكى يا عاليا
عاليا .. اهلا بيكى و حمدالله على سلامتك
سيرين .. الله يسلمك .. طب روحو انتو باة المحاضرة بتاعتكم انا شكلى معطلاكى جامد يا ملك
ملك بمرح .. لا طبعا احنا انهاردة هنحتفل بيكى انا وعاليا وهناخد اجازة من المحاضرات .. اصلا محاضرتين انهاردة مش مهمين اوى
عاليا وقد شعرت برغبة صديقتها بقضاء وقت مع سيرين .. اه فعلا وانا اصلا مليش نفس انهاردة احضر حاجة .. خلونا نهيص انهاردة بلا محاضرات بلا وجع قلب
شعرت سيرين بالسعادة بينهم وانسجمو سويا بسرعة شديدة وتزايدت الاحاديث بينهم وسط ضحكاتهم وسعادتهم شعرت وكأنها تعرفهم منذ زمن وليس معرفة اليوم
سيرين .. بجد انتو بنات زى العسل وانا حبيتكم اوى
عاليا .. انتى اللى جميلة يا سيرى واحنا خلاص قررنا نضمك للحزب بتاعنا
ملك .. اه انسى ادم باة خلاص طول ما انتى هنا انتى تبعنا احنا هههه
ثم غمزت لها هامسة .. مش عايزة تشوفى خطيبك
خجلت سيرين قائلة بتوتر .. ها .. لا والله محطيت الموضوع فى دماغى اصلا
ملك بخبث .. براحتك عموما احنا قريبين من قسم كهرباء .. يعنى لو تحبى ممكن نروح وتسلمى عليه .. لو عايزة يعنى
خشيت سيرين من ادم وزعله اذا رآها معه او علم انها ذهبت لتراه .. وسوف يتأكد وقتها انها لم تأت من اجله بل اتت من اجل خطيبها .. فقررت ان تصرف نظر عن ذلك
سيرين .. لالا بلاش .. هو كدة كدة جاى البيت انهاردة وعشان كمان ادم ممكن يتضايق
لم تفهم ملك لما يتضايق ادم من ذلك !! لا يوجد ما يضايقه
ولكنها قررت ان تتركها على راحتها
ملك .. طب تعالى باة لما ادوقك البيتزا بتاعتنا .. بجد حاجة كدة وهم
سيرين .. يابنتى كفاية تظغطى فيا انا من ساعة ما جيت اعدين تأكلونى .. انتو ناويين تدبحونى على العيد
ضحكا ملك وعاليا .. لا طبعا متهونيش علينا يا سيرى
ملك .. بس عايزين نخليكى تجربى كل حاجة هنا
سيرين .. طب ايه رأيكم نخرج احسن بكرة.. انا مصر وحشتنى ونفسي اتفسح فيها وفيه اماكن كتير وحشتنى عايزة اروحها .. وكمان عايزة اجيب هدوم من هنا
ملك .. بس كدة ده انتى جيتى للناس الصح احنا هنوديكى احلى اماكن لبس هنا
عاليا .. وبالنسبة للخروجات فحضرتك معاكى معجم كامل شوفى عايزة تروحى فين ونوديكى
سيرين .. بجد ربنا يخليكم .. انا كنت حاسة انها هتبقى اجازة مملة عشان ادم مبيبقاش فاضيلى لما بننزل فى الدراسة .. بس واضح انكم هتخلوها احلى اجازة انزلها
ملك .. لا احنا مش هنخليكى تسافرى تانى هههههه
..
خرج ادم متوجها لبوابة الكلية حينما رأى اخته مع ملك وعاليا
ادم فى نفسه .. اهلا انتو اتلميتو على بعض
توجه اليهم قائلا
ادم .. ايه ده انتى لسة هنا يا سيرين
عشان كدة باة يا ملك محضرتيش حاجة انهاردة
سيرين بخجل .. والله قلتلهم يروحو يحضرو ومرضيوش
ملك .. بصراحة مقدرتش اسيب سيرى وكنت حابة اعد معاها .. وعاليا كمان كانت عايزة تعد معاها
ادم متعجبا .. سيرى !! لا ده انتو شكلكو اخدتو على بعض اوى
سيرين .. بصراحة يا ادم ملك وعاليا دول زى السكر بجد الواحد ميشبعش من الاعدة معاهم
ادم .. طب يلا ياختى عشان نروح وابقى اعدى معاهم بكرة براحتك
ملك .. ما تروح انت وتسيبلنا سيرين احنا كنا هنتغدى برة انهاردة ونفسحها
ادم .. معلش خلوها بكرة عشان عايز الحق اشوف بابا واعد معاهم .. بكرة اخرجو براحتكم
عاليا .. طيب هروح انا باة .. باى باى يا سيرين مبسوطة انى اتعرفت عليكى
سيرين برقة .. انا مبسوطة اكتر
ادم .. تعالى معانا يا ملك لحد المترو احنا كدة كدة رايحين
سيرين .. اه ياريت بجد
شعرت ملك بالخجل الشديد فهى لم تخرج مع ادم ابدا خارج الكلية .. وتشعر بالخجل الشديد حينما يطلب ذلك منها .. لذلك سكتت ولم تستطع الرد
شعرت سيرين بها وفهمت سكوتها فقالت .. طب امشى انت ادامنا يا ادم وانا وملك هنتمشى مع بعض وراك
فهم ادم مقصدها وفرح بسبب تفهم سيرين لملك وموقفها .. بل وحله ايضا
ادم .. طب خلاص هروح اجيب عمر ونمشى ادامكم ثوانى
بعد انصراف ادم
ملك بخجل .. ميرسى اوى يا سيرين انقذتينى
سيرين .. انا بعرف اقرأ الناس كويس يا ملك. وانتى باين عليكى محترمة وملتزمة اوى .. بس مكنتش اعرف انك مبترضيش يوصلك للمترو لو اعرف مكنتش طلبت منك ده
انا فاكرة انك بتخرجى معاه انتى وعاليا عادى
ملك .. لا يا سيرى انا بتكسف جدا اخرج مع ادم او اشوفه برة الكلية .. هو طلب منى قبل كدة بس انا رفضت .
اهلى استحالة يوافقو وانا عمرى ما اعمل حاجة من غير اذنهم
كبرت ملك فى نظر سيرين اكثر وتأكدت انها الفتاة المناسبة لادم بجمالها واخلاقها والتزامها والاهم روحها الطيبة
سيرين ..منا فهمت كدة لما سكتى عشان كدة قلت نمشى لوحدنا بعيد عنهم وارفع الحرج عنك
اتى ادم ومعه عمر
ادم .. يلا بينا
....
سارا معا خلف ادم وعمر وعيون ملك لم تتزحزح عن ادم السائر امامها
فقد كانت تشعر بدقات قلبها تتزايد وكأنها فى سباق ولم تستطع السيطرة على انفعالها
فهذه المرة الاولى لهم خارج الكلية .. شعرت بمشاعر كثيرة ومتداخلة .. احساس بالامان والحماية والثقة
الثقة ان هناك من يحميها ويدافع عنها ان تعرضت لاى مكروه
فدائما ما تسير مع زميلاتها البنات وتكون قلقة .. ففى النهاية هم بنات ووارد ان يتعرضو لاذى من اى شخص ولكن الان فهى تشعر انها تسير تحت حماية ادم
ياله من شعور رائع .. فان لم يكن بجانبى فعلى الاقل هو فى نفس المكان معى .. اشعر بالامان لمجرد وجوده فقط
سيرين .. ملك .. روحتى فين انتى معايا
ملك .. ها اه كنتى بتقولى ايه
سيرين .. ههههه لا ده انتى مش معايا خالص .. كنت بقولك هنخرج امتى بكرة وفين انا متحمسة اوى
ملك .. غالبا بعد الكلية وهكلم عاليا واشوف هتودينا فين
اما عند ادم فقد كان على غير طبيعته .. يشعر بسعادة شديدة كون ملك معه .. نعم هى لا تسير بجانبه ولكنها معه .. وجودها وحده يشعره بالسعادة الشديدة
فهذه المرة الاولى الذى يشعر بها انه مسئول عنها خارج اسوار الكلية .. فدائما يشعر بالمسئولية نحوها ولكن داخل الكلية مع وجود زملاءهم . اما الان فهى وحيدة ومسئول عنها مسئولية كاملة
اسعده ذلك الاحساس وشعر انها اوشكت ان تكون له للابد .. فهو سيظل امانها وحمايتها طوال العمر
وكان بين الفينة والاخرى يفتح كاميرا موبايله الامامية ليتلصص النظر اليها فى موبايله
وكأنه يطمئن نفسه انها ما زالت هنا .. مازالت معه
عمر .. نفسي اعرف بتعمل ايه فى تليفونك
ادم .. ها .. عادى ولا حاجة
عمر .. طبعا انت هتطير من السعادة
ادم متظاهرا بعدم الفهم .. ليه يعنى
عمر .. عشان دى اول مرة ملك تخرج معاك برة الكلية
ادم بحزن .. وهى كدة معايا .. انا حتى مش عارف اشوفها
عمر .. كل شئ بأوانه بكرة لما تتقدملها هتخرجو براحتكم .. انا شايف بصراحة ان ده الصح
ادم .. طب احنا وصلنا اهو المفروض نستناهم ولا نعمل ايه
عمر .. كلمها طيب
ادم.. مش عارف حاسس احساس غريب .. مكسوف اكلمها او بمعنى اصح مش عايز احرجها
فجأة رن تليفونه
ادم. ايوة يا سيرين انتو فين
سيرين .. احنا وراكم اهو جايين
ادم .. طب ايه ملك هتركب ؟
سيرين .. اه قدم انت ادام وانا هركبها واجيلكم
ادم بتوتر .. مم هو هوو انا ممكن اكلمها
سيرين .. اه اهى معاك
ملك بخجل .. مم الو
ادم .. انتى عارفة انى هموت واخدك من ايدك دلوقتى واركبك بنفسى
ملك بخجل ... ممممم
ادم .. بجد يا ملك انا هتجنن عليكى .. ازاى نبقى فى مكان واحد وبعيد كدة كأننا منعرفش بعض .. ده كدة عذاب
ملك .. ممم معلش .. بس ده الصح
ادم .. قلتلك نكتب كتابنا ونبقى براحتنا بس انتى اللى مصممة تعذبينا كدة
ملك .. احنا وصلنا اهو
وجه نظره سريعا لباب المترو فوجدها تدخل منه مع سيرين
ظل ينظر اليها بعشق وهو يكمل حديثه معها على التليفون
ادم .. انا مش عارف ازاى اسيبك تمشى لوحدك وانتى زى القمر كدة
توترت ملك من نظراته وازاحت وجهها عنه
ملك بهمس .. بس اختك جنبى
ادم .. يا بختها عارفة تمشى وتتكلم معاكى براحتها
ملك .. طب انا هركب باة .. يلا سلام
ادم .. سلام يا روحى
واختفت ملك ولكنه ظل يفكر بها طوال الطريق
.....
ملك .. يعنى مش هتيجى معانا يا لولو
عاليا .. معلش يا ملك بلاش انا المرة دى
ملك بحزن .. ليه بس يا عاليا انا نفسي نخرج مع بعض
عايزة تفاعل باة ومنتظرة اراءكم وتعليقاتكم الجميلة 😍😍
دمتم بألف خير ❤️
•تابع الفصل التالي "رواية انت عشقي وقسوتي" اضغط على اسم الرواية