رواية سلف و دين كاملة بقلم لولو محمد عبر مدونة دليل الروايات
رواية سلف و دين الفصل الثامن و الستون 68
حسام / اقصد ان فى شركات كتير فى مصر للادويه و انها سوق ممتاز بس ما اعتقدش ان الوضع المالى لوالدك يسمح بفرع تانى دلوقت
انجى / انا ما بفهم عليك انت بدك بيي يعمل شركه جديده بمصر و انت تشتغل فيها هيك تقصد يعني
حسام / نشتغل فيها نشتغل فيها سوا يا انجى انا و انتى بعيد عن كل الوش ده بعيد عن هدايه و مقالبها و علاقتها بابوكى يعمل هو هنا اللى هو عاوزه
انجى / بس انت هلا قولت ان بيي وضعه المالى ما بيسمح بهيك خطوه كمان ليش فينا ننزل بمصر اذا كان فينا نضل هون سوا
حسام يطلع موبايله و يورى انجى صوره عدنان اللى ندى بعتتها من العين السحريه
انجى / شو هيدا
حسام / احنا طيرنا هدايه عشان يحاول يحط ندى مكانها
انجى / اوعاك … حسام انت سامع شو عم تقول عن بيي
حسام / ايه اللى يوديه يخبط على ندى فى نص الليل و هو عارف انى مش موجود
انجى / اكيد القصه مانا هيك اكيد فى شي بالموضوع انا راح حاكيه و افهم منه اكيد الموضوع مو هيك
حسام / كلميه خليه يكرهنى اكتر و يرفدنى و يمنعك من الكلام معايا خالص
انجى / اكيد لا
حسام / هينكر هيقول انى بوقع بينكوا ما هو اكيد مش هيعرفلك يعني و بعدين انتى عاوزه دليل اكتر من كدا ايه دى متصوره من موبايل ندى و باين على الصوره التاريخ و التوقيت اللى اتاخدت فيه
انجى / بس اكيد
حسام / انجى كدا كدا ندى لازم هتنزل مصر و انا مش هقدر اعيش هنا عمرى كله فبفكر انزل بكرامتى بدل ما … ما هو المشاكل اللى بيني و بين باباكى كل يوم بتزيد
انجى / تمام فهمت عليك بس
حسام / البريك خلص عن اذنك
حسام يمشي و انجى تمشي وراه
انجى/ حسام حسام
حسام يقف و يبصلها
انجى / ما … ما … عن اذنك
انجى تسيبه و تمشي و حسام متابعها
…………………..
فى العياده
الدكتوره / انا مش هكدب عليكوا التحاليل مش كويسه ابدا
على / مش كويسه ازاى يعني
الدكتوره / من غير الدخول فى تفاصيل طبيه هتاخد وقت فى شرحها المدام عندها تسمم حمل انا اصلا بالقيم اللى قدامى مستغربه انها لسه واقفه قدامى اصلا
على يبص لنور
الدكتوره / انا هخليهم يجهزوا اوضه العمليات فى المستشفي تسبقيني على هناك هيجهزوكى و يرتبوا كل حاجه و طبعا هناك هيعملولك سونار لو البيبي معدول هتاخدى حقنه طلق لو البيبي طلعت فوق تانى هيكلمونى اجى نولدك قيصري
نور / هو انا خايفه ليه ان شاء الله خير صح
الدكتوره / باذن الله انا مش عوزاكى تتوترى انتى اخر مره اكلتى او شربتى امتى
نور / اكلت قبل ما انزل بساعه و طول الطريق ازازه الميه فى ايدي
الدكتوره / تمام … اطلعوا انتوا بس على المستشفي و هناك هنعرف الدنيا هتمشي ازاى
على / تمام يا دكتوره … شكرا
على يسند نور و هى بتبصله بخوف
على / مالك كدا عادى يعني ان شاء الله خير ما تخافيش
نور اهز راسها و تمشي معاه و هو مسندها بايد و مطلع الموبايل بالايد التانيه
……………………….
فى كافيه مرسال
مروه تدخل زياد ينفخ و يبص الناحيه التانيه و يروحلها
زياد / طب بصي بقي قبل اى كلام مليون دولار يتحطوا فى حسابى فى البنك
مروه / زياد اللى بعرفه هو اللى راح يعطيني مصارى من شان المعلومات اللى عندى
زياد / مزوره زى بتاعتكوا
مروه / تمام بعطيك اللى بتريد بس هالمرة راح تعمل اللى بقولك عليك بالضبط اذا ما ظبطت ما فيني اعطيك اى شي
زياد / لا لا فوقى المليون دول دول كوميشن الحوار القديم و تعويض عن قله الادب اللى عملتوها انما بقي الحوار الجديد اللى جيالى فيه دا له حساب تانى خالص
مروه / راح يقتلوها لندى و بنتا
زياد يرتبك و يتعدل بسرعه
زياد / و انا مالى مش هى اللى متمسكه بالحيوان ده انا مالى تشرب بقي
مروه/ مو كان بدك تعرف مع مين عم اشتغل مو هيك
زياد / لا ما عادتش تفرق الفلوس موتت فضولى قبضيني انتي بس و مالكيش دعوه
مروه/ طب شو راح نحكى هيك عالواقف ما فيك تضايفي بشي كاسه مايي عالقليل
زياد / ازاى بس انا اسف اتفضلى
مروه و زياد يقعدوا
مروه / حسام عمل غلط كبير و اكيد ما راح تمرء على خير
زياد / و المطلوب
مروه/ ما فيهم يقتلوه بهيك راح ينتهى عذابه هن فيهن يحرقوا قلبه بالاول وقتا مين بيعرف
زياد / هو عمل ايه بقي سبع البرمبه لكل ده
مروه/ دخل بعلاقه مع بنت واحد من اخطر رجال المافيا بلبنان
زياد / و المطلوب
مروه/ اذا بدك ندى تضل عايشه و تكسب مصاري كيف ما يدك ندى و بتا مو لازم يناموا بتختن الليله قبل بكره
زياد / و انا المفروض اعمل كدا ازاى
مروه / انا بوثق فيك اكيد بتلاقي شي طريقه مرتبه و لا شو
زياد / و الفلوس
مروه/ ساعه و المليون دولار راح يصيروا بحسابك بالبنك و الباقي لما تنفذ كيف ما فهمتك اذا ما قدرت ما فيني عطيك اى شي
زياد / اقبض المليون و يحلها حلال
مروه تطلع ملف من شنطتها
مروه / الملف هيدا راح يسهل عليك كتير اشيا انت قدرت توصله بطرقك الخاصه اشتريت شي حدا من الشركه بتعرف ناس بشي محل ساعدوك المهم ان الورق هيدا ما وصلك عن طريقي او طريق اى شخص انت وصلتله بمجهودك و بتشتغل عليه من وقت خروجك من الحبس
زياد / وصلت وصلت
مروه / تمام و لا تعتل هم المصارى حقك محفوظ
زياد / و هو بعد العيد بيتفت الكحك
مروه / شو !!
زياد / يعنى مش هتحرك الا لما اقبض المليون و لما هنفذ مش هشوف وش امك تانى لامؤاخذه يعني … ما تزعليش انتى جميله بس بجد الجو العام مش لطيف كدا تحسي فيه ريحه نتانه مش عارف يمكن قرفه ما تاخديش فى بالك تشربى ايه بقي
مروه / و لا شي ميرسي انا بدى فل لان للاسف ورايا اشغال تانيه
زياد / ساعه لو ما وصلتنيش رساله من البنك ان الفلوس دخلت فى الحساب هطلع على حسام اقوله فى حد جه و ادانى الملف ده و اقلب عيشي من حته تانيه
مروه تقف
مروه/ لا تعتل هم راح توصلك الرساله عن قريب
مروه تمشي زياد ما يقومش يوصلها
……………………
قدام العمليات
على قاعد بيقرا قران و ليلى و امانى و محمد قاعدين بيقراوا حواليه عمر يدخل
عمر / ها فى جديد
على / صدق الله العظيم … لا اخبار الاولاد ايه
عمر / بيلعبوا مع بيرين و طنط هتاخد بالها منهم و هتدعيلك هى و أية
على / باذن الله خير
عمر / بس هو ايه اللى حصل انت لحد دلوقت ما فهمتنيش حاجه ايه اللى حصل فجاه كدا
على / اهو الدكتوره شافت التحاليل و وشها جاب اللوان و اجرى على المستشفي و حجزت حضانتين تحت و شكلها … ان شاء الله خير
عمر / باذن الله خير … اجبلكوا اى حاجه يا جماعه
ممرضه تطلع الكل يجرى عليها
الممرضه / الحمد لله يا جماعه اطمنوا
امانى / بنتى بخير
الممرضه / الحمد لله كويسه هينقلوها اوضتها فوق و البيبيهات فى الحضانات تحت تقدروا تستنوا المدام فى اوضتها وقفتكوا دى ما لهاش لزمه بس ياريت حد يجيب الحاجات دى من الصيدليه
عمر ياخد الروجته
عمر / هجبهم انا
عمر يطلع يجرى و عمر يوقف الممرضه قبل ما تمشي
على / انا جوزها اقدر ابص على الاولاد على الاقل
الممرضه / اكيد اتفضل معايا
امانى/ و انا امها و ست العيال
الممرضه / انا اسفه يا جماعه بس الحضانه مكان معقم و ما ينفعش فيه زحمه
امانى/ و هو انا يا اختى اللى هزحمه و لا هو متعقم و انا لا
محمد / نطمن على البت الاول يا امانى و بعدين اتخانقى براحتك لا إله الا الله
على و الممرضه يمشوا
امانى / صحيح كل واحد بيدور على اللى منه جرى ورا عياله و ساب البت مرميه ما هانش عليه يبص عليها حتى
ليلى / اللهم طولك يا روح
امانى تبص لليلى ليلى تسيب المكان و تمشي
امانى / المركب اللى تودى يا باى وليه نكد شاهد الا حتى ما قالت مبروك و لا سمعتنى كلمه حلوه
محمد / يا رب يا ولى الصابرين صبرني
امانى تبصله باستغراب و تبص الناحيه التانيه
………………..
فى شقه حسام
زياد / فانا لو ما فهمتش قسما بالله عليا و على اعدائي
حسام/ انت عبيط يا ابنى عليك و على اعدائك ايه انت لاهف على قفايا مليون دولار انت كنت لاقى تاكل
زياد / بص انا من اول مره شوفتك و انا قولت انك مش سالك
حسام / قولت ترسم على مراتى … ما هى بنات لبنان خلصت فكنتوا مستنين مراتى تيجي عشان تطمعوا فيها كلكوا
زياد / انا ساعدت بنات كتير زى مراتك عمرى ما بصيت لواحده فيهم و لا طمعت فيها و الستات دول كان فى منهم احلى و اصغر من مراتك
حسام/ انت عاوز ايه هاه عاوز ايه جايلى السعادى ليه
زياد / انت مش شوفت الورق ده
حسام / بله و اشرب ميته الورق ده انا ممكن اخدك دلوقت و نروح نسلم نفسنا للحكومه عارف مين هيطلعنى منها هو هواه اللى بعتهولك و اقولك حاجه ندى عارفه انهم هيبعتوا الورق ده احنا حتى كنا مستنينك تحب اثبتلك … يا ندى يا ندى
ندى تفتح باب الاوضه و تبص
حسام / مش انا قولتلك هيبعتوا ورق و يهددونا و يحاولوا يوقعوا بينا و كل الكلام ده
زياد / بس هم فعلا ممكن ياذوهم انت ليه مش فاهم اللى يدفع كل الفلوس دى
حسام / طول ما هم معايا ما حدش هيقدر يقربلهم و كدا كدا هننزل مصر مساله وقت مش اكتر و بعدين انت مالك بينا يا اخى انت من باقي عيلتنا و انا ما اعرفش اسمع ياله انا لحد دلوقت هادى و بعديها عشان مش فارق معايا بس اوعى تفتكره ضعف انما للصبر حدود
زياد / هتعملى ايه تقدر تعملى ايه
حسام / اطلبلك البوليس هههه صعبه دى انت فى بيتي على فكره
زياد / انا كدا كدا عملت اللى عليا
حسام / بالظبط كدا كتر الف خيرك اوى لحد كدا و بعدين ما انت ما دلعتش خسران يعني مليون دولار مش شويه
زياد / اوعى تفتكر
حسام / ياختاااااااى يا عم حلال عليك هوينا بقي
زياد يبص لزياد و يمشي و حسام يقفل الباب وراه ندى تطلع من الاوضه
ندى / احنا بجد هننزل مصر
حسام / ايوه النهرده هحجزلك تنزلى انتى و عمى و حبيبه
رساله توصل موبايل حسام يروح يجيبه و يبص فيها و يبتسم
حسام / مبروك يا نونو بقيتي خاله
ندى / نور ولدت !!!
حسام يتصل بحد و ندى تجرى عليه
حسام / ايوه يا ماما ايه الاخبار الحلوه دى
امانى / انا خفت اصحيك
حسام/ دا انتى تصحيني وتصحيني هو انا هلاقي خبر احلى من ده نصحى عليه
ندى / نور عامله ايه ؟
حسام / نور يا ماما نور نور عامله ايه
امانى / تعبانه خالص يا قلبي معلقينلها محاليل و كل شويه يدوها مسكنات
حسام / هى قيصري و لا ايه
امانى/ اه يا قلبي جالها تسمم حمل و بيقولوا هتتحجز هنا كام يوم و العيال فى الحضانات والله ما شوفتهم مفيش غير على دخل بص عليهم ثوانى وطلع
حسام / بالشفا ان شاء الله على العموم اهى ندى نازله تاخد بالها من اختها
ندى تبص لحسام عينه عليها
حسام / ما هى اختها محتاجاها دلوقت يا ماما
امانى / و هى مراتك بتعرف تخدم نفسها عشان تخدم اختك
حسام / طبعا دا ندى بقت شاطره خالص و حبيبه كمان كبرت ما شاء الله
امانى / و انت يا حبيبي مش هتنزل و لا هتبعتهوملنا هنا نخدمهم
حسام / هنزل لما اوفق اوضاعى هنا و ما تقلقيش
امانى/ اختك بتفوق هشوفها لتكون محتاجه حاجه
حسام / تمام سلميلى عليها كتير و بوسيهالى لحد ما اجى
امانى / تسلم وتعيش يا حبيبي تسلم و تعيش
حسام يقفل الموبايل و يبص لندى
ندى / و انا هعرف انزل مصر ببابا و حبيبه لوحدى هعرف اخد بالى منهم و طلبات البيت و
حسام / بابا هيساعدك و اللى تحتاجيه اطلبيه دايفرى و خديه فى السبت ما تخافيش الحياه سهله طول ما باب شقتك مقفول عليكي
ندى / وامك هتسيبني فى حالى
حسام / اقفلى باب شقتك عليكي يا ندى و بعدين هى امى هتبقي فاضيالك
ندى / خليني معاك هنا و ننزل سوا
حسام / انتى خايفه تنزلى ليه خايفه من امى و لا … من حد تانى
ندى تتنهد و تبصله
ندى / اخص عليك يا حسام
حسام / انا ما اقصدش كدا اقصد تكونى خايفه ان عدنان يبعت وراكى حد و لا حاجه انتى عارفه ايه ائمن مكان ليكي دلوقت
ندى / فين
حسام / هقولك لمى هدومك انتى و ابوكى و حبيبه و هقولك انا بفكر فى ايه
ندى / لا قول الاول و انا اقرر
حسام / تمام اقعدى بقي و ركزى معايا
…………………
فى المستشفي
نور بتعيط و الكل حواليها
نور / انتوا بتكدبوا عليا انا عيالى جرالهم حاجه
على / لا اله الا الله و هنكدب عليكي ليه بس والله شوفتهم تحت محطوطين فى حضانات
نور / طب انا عاوزه اشوفهم ودونى ليهم
محمد / مش لما تقومى بالسلامه و تقدرى تقفى على رجلك و لا هنشيلك ليهم يعني
نور / عاملين ازاى يا على
على/ صغيرين اوى امال الاكل دا كله كان بيروح فين
ليلى/ بكره يكبروا هى بس تشد حيلها عشان تقدر ترضعهم
على / بس هم طلبوا لبن صناعى تحت
امانى / امال يسيبوهم يموتوا من الجوع لحد ما امهم تفوق من البينج
على / اكيد مش هيقدروا كمان يطلوعهم من الحضانه يجيبوهملها ترضعهم
ليلى / تشفطلهم هى شغلانه انزل هتلها شفاط من اى صيدليه تحت
على / تقوم بس بالسلامه و تصلب طولها كدا و بعدين ندور على اللى انتوا عاوزينه
نور / انا حاسه انى تعبانه اوى
امانى / ما طبعا مش فاتحه بطنك
نور / عطشانه اوى
محمد / الدكتوره قالت ما ينفعش اصبرى يا بنتى شويه معلش كلو يهون عشان خاطر العيال الصغيرين دول
نور / يعني هم كويسين بجد يا على
على / ان شاء الله يا قلبي ما يكونش فيهم اى حاجه
الباب يخبط و ممرضه تدخل
الممرضه / استاذ على ؟
على يقف
الممرضه / دكتور عثمان ابو الوفا عاوز حضرتك فى الحضانات تحت
على يتحرك و نور بتحاول تقوم الكل يمنعها
نور / عيالي جرالهم حاجه عيالى حصلهم حاجه
محمد / اهدى يا نور اكيد عاوزينه يشترى طلبات بامبرز و لا اى حاجه اهدى يا ضنايا
على / اهدى يا نور هعرف عاوزني في ايه و ارجعلك اهدى لو سمحتى خلينى اروح اشوف فى ايه
نور تبصله و تعيط
على / ان شاء الله خير تمام يا قلبي اهدى بقي ارجوكى
نور تهز راسها يمسح دموعها و يمشي
امانى / تلاقيهم عاوزين فلوس تحت حساب الحضانات و لو ما عكش ابقي حط عيالك فى كرتونه بقي اياكش فكرينهم قطط و لا حاجه
ليلى / قال يا خبر بفلوس بكره يبقي ببلاش
امانى / و هو فى حاجه الزمن ده ببلاش
ليلى / على رايك
نور بتعيط امانى تقوم و تروحلها
امانى / ان شاء الله خير يا قلبي اهدى بقي العياط ده مش كويس عشانك
امانى تمسح وش نور و تبتسملها نور تهز راسها و تغمض عنيها
…………………..
على باب الحضانات
على / و التحاليل دى معناها ايه انا مش فاهم حاجه
عثمان / انا مش هقدر اكدب على حضرتك بس فى طفل من الاتنين … انا مش عارف اقولهالك ازاى
على / مفيش امل خالص
عثمان / احنا هنعمل اللى علينا بس زى ما حضرتك شايف
على / انا مش شايف حاجه انا مش فاهم حاجه من الورقه دى
عثمان / انا كان ممكن ما ابلغش حضرتك و اسيبه هنا لحد ما
على / اعمل اللى عليك و انا راضي بحكم ربنا انت بس اعمل اللى تقدر عليه معاه
عثمان بهز راسه
على / و التانى التانى وضعه احسن صح … وضعه احسن و لا ايه
عثمان/ هو احسن الحمد لله بس
على / لا اله الا الله
عثمان / ان شاء الله خير
على / كلو خير يا دكتور اى كان اللى ربنا هيجيبه خير حضرتك بس اعمل اللى عليك و الباقي اكيد خير
عثمان يهز راسه على يبتسم و يمشي و يروح يقعد فى جنب محمد يدخل
محمد / الدكتور قالك ايه
على يبص لمحمد و عنيه كلها دموع محمد يقعد جنبه
……………..
فى فيلا عدنان
ندى و انجى قاعدين جنب بعض
ندى / انا اسفه بجد بس حقيقي انا ما ليش حد اروحله غيرك
انجى/ بلا غلاظه على راسي يا ندى انتى و الباب و حبيبه كمان
ندى / انا مش هطول يومين بس لحد معاد السفر
انجى / حبيبتي العمر كله شو هالحكى
ندى تبتسم لينا تدخل
لينا / حطينا البابا باوضته و لا تعتلى هم راح نهتم فيه منيح و هلا بيجهزولك اوضتك انتى كمان
ندى / ما افتكرش هنحتاجلها انا و انجى و حبيبه هنبات فى اوضه واحده و اهو بقي
لينا / اكيد طبعا ههههههه ندى فيني اتكلم معك بشي
ندى / طبعا اتفضلى
لينا / انا بعرف قديش حسام بيحبك و انتى كمان اكيد لساتك بتحبيه
ندى / كدا احسن للكل
لينا / عالقليل فكرى مره تانيه من شان بنتك مو حدا تانى
ندى / انا شايفه ان بنتى هترتاح اكتر فى مصر
لينا / مصر ام الدنيا و حتى نحن بنرتاح فيها طبعا بس هيدا ابوها ما فيكي تتركيه هون لحاله
انجى / ندى بدها تطلق من حسام يا ماما
لينا / انا ما بعرف شو صار بيناتكن بس عالاكيد فيكي تعطيه فرصه تانيه
ندى / هو مش عاوز فرصه تانيه و انا كمان اديته فرص كتير اوى
لينا / يعني ما فى امل
انجى / هو حتى ما تعب حاله و اجى يوصلها لهون ندى اجت لحالها بتاكس
ندى تبص لانجى و تبص فى الارض
لينا / اكيد هلا الغضب عامى عقله اكيد لما بيهدى و يفكر بيجي يراضيكي مو هيك يا ندى
ندى / لما يبقي يهدى نبقي نفكر … هستاذنك اطلع ارتاح
انجى / لا تؤاخذينا ماما بنطلع
لينا / اتفضلوا
لينا تطلع الجنينه تلاقي عدنان واقف عند حمام السباحة
لينا / كلم حسام … حاكيه شوف اذا فيك تهديه شوي البنت قاتله حالا من الحزن
عدنان / و نحن شو خصنا بمشاكل حسام و مرته فيهن يصطفوا لحالن
لينا / شو القصه بك شي
عدنان / لا ابدا وينها ندى هلا
لينا / طلعت ترتاح مع انجى باوضتها ما بعرف ان كان التخت راح يساعيهن كلن بس هن اللى اصروا على هيك شي
عدنان يبص للينا باستغراب
لينا/ البنات بدهن يبقوا بنفس الاوضه بدن يحكوا سوا او هيك شي
عدنان يتنهد
عدنان / باوضه انجى او بغيرها تبقي محل ما تبقي
لينا / شو بك يا عدنان بك شي و انا بعرف هيدا كتير منيح فى اى مشاكل بالشغل او شي
عدنان / و امتين مشاكل الشغل بتخلص يا لينا هيدي سنه الحياه الشغل بيخلص علينا ما فينا نخلص عليه
لينا / هههههههههههه تعا اتسطح بتختك شوي و ارتاح انسي الشغل شي ساعه
عدنان / شو فيني ساويي من غيرك يا قلبه لعدنان انتى
لينا / كنت راح تلاقيك شي شغله ما بعتل همك ابدا
عدنان / ههههههههههه تعى تعى
عدنان ياخد لينا و يدخلوا جوه
………………
فى شقه حسام
حسام بيتكلم فى التليفون
حسام / اه حجزتلها التزاكر اونلاين الصبح الحمد لله لقيت مكان فى طياره بكره بالليل
انجى / انت عن جد راح تطلقها
حسام / براحتها بقي انا عملت اللى عليا و نزلتها زى ما هى عاوزه و بعدين انا كدا كدا كنت ناوى انزل انا كمان زى ما قولتلك
انجى / و فيك تضل هون اذا حبيت
حسام / ما قولتلك يا انجى انا و باباكى كل اللى رابطنا العقد
انجى / انا بعرف قديش بتحبها لندى و حبيبه كمان بس … حسام بليز
حسام / انتى ايه اللى مسهرك لدلوقت مش هتيجي الشركه بكره
انجى / لا ندى طلبت ضل معها عن جد ما بعرف اذا كان اللى بساويه صح و لا غلط بس ما فيني امنع حالى
حسام / مش فاهم تقصدى ايه
انجى / و لا شي
حسام / هى ندى عارفه انك بتكلميني
انجى / ندى نامت من شوى
حسام / ممكن تاخدى بالك منها لحد ما تسافر هى ما لهاش غيرك دلوقت اللى عندكوا فى البيت دول اغلى حاجه عندى فى الدنيا
انجى / لا تعتل هم
حسام / لا خالص بصراحه ببقي مطمن معاكى و مش هتكسف اقول انك احسن حاجه حصلت فى حياتي من فتره طويله
انجى / و انت كمان
حسام / ارتاحى شويه انتى كمان و انا كمان هحاول ارتاح
انجى / فيني ضل احكى مع لتنام فيني كمان احكيلك شي قصه مثلا
حسام / لا لا سبيني انا اللى احكيلك قصه
انجى / تمام احكى
حسام / فى فيلم مصرى اسمه رد قلبي
انجى / ايي بعرفه
حسام / حسن ابن الجنايني و الاميره انجى كانوا بيحبوا بعض بس انجى بنت امير و حسن ابن الجناينى فما كانش ينفع يجتمعوا فانجى اتخطبت لواحد فى مستواها امير زيها و ابوها لما عرف بحبهم طرد حسن واهله اللى كانوا شغالين عندهم
انجى / و بعدين شو صار
حسام/ بس القصه خلصت
انجى/ بشعه كتير و قديمه كمان هيدي القصص تنفع تنحكى بزمناتها هلا كل شي اتغير
حسام/ مفيش حاجه اتغيرت الاميره انجى مش هينفع تسيب القصر بتاعها و تعيش فى شقه ايجار مثلا
انجى / لا فيها عن جد البنت اللى بتدور عالمصارى بنت كتير رخيصه و عاطله و ما بتلقي السعاده بكنوز العالم انا عندى مصارى كتير بس مو هيك كان بدى انا بس بدى رجال احس معه بالامان رجال يفهم عليي و يحبنى الحب و المشاعر يا حسام ما فيها تتقدر بتمن
حسام / و يا ترى مستر عدنان شايف كدا
انجى / هايدي حياتى انا شو خصه البابا
حسام / يعني مستعده تتجوزى حد هو ممكن يرفضه
انجى / فيني اقنعه
حسام/ و ان ما اقتنعش و عمل زى الامير و رفد حسن و اهله مستعده تسيبي قصرك و تروحى ورا ابن الجنايني و لا هتعملى زى انجى اللى فى الفيلم و تتخطبى للى من مستواكى
انجى / هلا اتذكرت شي الاميره انجى بالفيلم اتخطبت بس من شان تفدى حسن لان اهلها كان بدهن ياذوه او شي شغله انجى حبت حسن لدرجه انها ضحت بحالا و سعادتها كرماله
حسام / تصبحى على خير يا انجى
انجى / هلا !!!
حسام / الوقت اتاخر
انجى / تمام بس بدى الاول اخبرك بشي شغله
حسام / سامعك اتفضلى
انجى / اذا لقيت بيوم الشاطر حسن اللى يحبنى لحالى مو من شان المصارى راح روح معه لاخر العالم و اعيش معه باى محل يكون فيه
حسام / تصبحى على خير يا انجى
انجى / لك الخير يا حسام
حسام يقفل وهو مبتسم
………………
فى اوضه نور
نور / يعني هم كويسين شفتهم
على / انا ما دخلتش جوه كلمته على الباب بس
نور / قالك انهم كويسين يعني
على/ محتاجين اهتمام و طبعا وزنهم قليل زى ما انتى عارفه ظروفهم كان صعبه يعني بس ان شاء الله خير
محمد / كل اللى عليكي دلوقت انك تركزى فى نفسك و تشدى حيلك عشان العيال دى لما تطلع من الحضانه ما حدش فينا هيقدر يرضعهم و لا ايه
نور / فى ايدي ايه بس اعمله
على / تهدى و تبطلى تفكير و تنامى و ترتاحى
نور / ارتاح ازاى بس شوف انا بقالى كام ساعه والده ما شوفتش عيالي ما شمتش ريحتهم ما حضنتهمش اهدى ازاى بس
على / والله العيال تحت فى الحضانه ما حدش كلهم يعني و عشان تشوفيهم لازم تقومى بالسلامه يا بنتى … هستاذنك يا عمى تروحوا و انا
امانى / انا هخلينى معاها يمكن تحتاجنى
على / صدقيني ما لوش لزوم حضرتك روحى ارتاحى و معلش يا عمى توصل ماما الوقت اتاخر
امانى / هتعوزى حاجه يا نور
نور تهز راسها لا
امانى / هجيلك الصبح و هجبلك اكل
نور / تمام يا قلبي
امانى تبوس راسها و تروح تقف جنب محمد
محمد / سلام يا نور
نور تشاورله محمد و امانى و نور يمشوا
على / انا مش عاوز ابان زوج وحش بس انا فعلا محتاج افرد ضهرى و اغفل شويه
نور / اكيد يا حبيبي تعبان الله يعينك
على / لو احتاجتى حاجه نادينى بس انا جنبك اهو … و لا تحبى اجى جنبك فى السرير
نور / لا خليك عندك عشان تعرف تتقلب و ترتاح
على / تمام انا جنبك هنا
نور تبتسم على يفرد الكنبه سرير و ينام عليها و نور متبعاه و هو بيحاول يدارى عنيه منها
…………………..
فى الشركه
عدنان / تاخد كام و تمسح الفيديو
حسام / كان من الاول انما مرواحك لزياد زعلنى
عدنان / بلا ولدنه قديش بدك مصارى
حسام / انت اديتله مليون دولار عشان بس اقفش مع ندى و حصل و اهى نازله مصر و انا بقي فضيتلك
عدنان / انا فيني احرق قلبك
حسام / و انا اقدر اعمل قد اللى هتعمله عشر مرات و العينه بينه و لا ايه
عدنان / قديش بدك مصارى
حسام / هنفسخ العقد و هتديني الشرط الجزائي اللى فيه
عدنان / و انا شو بيضمنلى انك راح توفى بوعدك
حسام / ههههههههه ما انا مش همسحها انا بس مش هستغلها و هبعد عن سكه بنتك دا امبارح اتصلت بيا بعد ما نيمت ندى و مستعده تنزل معايا مصر و تاكلها معايا بدقه و طبعا الفضل ليك انك شيلت ندى من طريقها
عدنان / ماشي يا حسام يا حسام بيك انت كمان ما فيك تنسي انى فيني اسجنك و اخلص منك
حسام / حقك طبعا و فيك كمان تزيحنى من طريقك بأقل الخساير بس انت مصمم تعاديني ما تنزلنى مصر و تخلص منى و تراضينى و تنسانى و تسمحلى انساك و ساعتها كل واحد فينا يعيش بسلام و انجى هقنعها تتجوز كرم و كلنا نطلع منها كسبانين
عدنان / و كيف فيك تقنعها
حسام / لا دى بقي لعبتى احنا بس نتفق و الباقي ما يخصكش
عدنان / اتفقنا هلا شو بدك
حسام / هنفسخ العقد و تدينى الشرط الجزائي
عدنان / تمام
حسام / و اسهم فى الشركه بقيمه اتنين مليون دولار على شكل سندات
عدنان / موافق
حسام / كدا نبقي حبايب شوفت بقي لو كنت اختارتنى من الاول مش كان زمانك وفرت على نفسك فلوس كتير ازاى
حسام يقوم و يمشي و عدنان متابعه حسام يفتح الباب
حسام / انا رايي تبدا تجهز لفرح انجى على كرم … عن اذنك
حسام يطلع بره و يقفل الباب عدنان ينفخ و يطلع التليفون
هدايه / معقول وحشتك
عدنان / جهزيلى سندات بقيمه اتنين مليون دولار
هدايه / لحسام
عدنان / اكيد ايله
هدايه / و انت تضمن منين انه هيمسح الفيديوهات ما تسمحلوش يبتزك
عدنان / اذا فيه يقنع انجى تتجوز من كرم ياخد قد ما بده
هدايه/ تمام
عدنان / حولى مليون دولار لحسام على حسابه بالبنك
هدايه / كمان !!!
عدنان / شرط جزائي لفسخ التعاقد خلينا نخلص منه و نرتاح عالاخير شو استفدت منه انا لابكى عليه خليه يفل من البلد و فيكى تضيفي شرط ما يعاود لبنان ابدا ما بدى شوفه تانى او حتى اسمع سيرته فهمانه عليي
هدايه / تمام ساعتين و كل حاجه تكون جاهزه
عدنان / تمام
عدنان يقفل و هو بيغلى
………………………..
فى فيلا عدنان
ندى بتلبس حبيبه تليفونها يرن
ندى / الو مين
زياد / انا زياد يا ندى
ندى / جبت رقمى منين
زياد / اللى يسال ما يتوهش المهم انا عاوز احولك جزء من الفلوس اللى اخدتها و الباقي في كذا حد محتاج هديهم انا ما اخدتش الفلوس دى لنفسي
ندى / و انا اخد فلوس حرام ليه كتر خيرك انا مش محتاجه
زياد / دا حقك
ندى / شكرا اكيد انت تعرف ناس تانيه محتاجه ما دام ناوى تتبرع بالفلوس دى تقدر تديهم
زياد / انا عارف انك نازله مصر الفلوس دى ممكن تبدئي حياه جديده انتى و بنتك و تعالجى والدك و ما تحتاجيش لحد
ندى / ربنا ما يحوجني بس انا اسفه انا لو ناويه ابدء حياه جديده اكيد مش هبدئها بفلوس حرام
زياد / و ايه اللى حرمها بس انا انطلب منى شغل مقابلها و نفذته
ندى / انا بقي ما نفذتش و الحمد لله مش محتاجاهم اديهم يا سيدي لحد تانى الفقرا كتير و ياريت تمسح رقمي و ما تتصلش عليا تاني سلام
زياد / معاكى رقمي فى اى وقت
ندى / خلاص بقي انساني لو سمحت هو فى ايه سلام
ندى تقفل السكه و تروح تقعد جنب حبيبه و تبصلها
…………………..
فى المستشفي
نور بتعيط
نور / انا حاسه انى كويسه يا جماعه هقدر اروحلهم بس ودونى ابوس أيديكوا ابص عليهم من بعيد حتى
منال / يا حبيبتي هو مش على طمنك انهم بخير
نور / على بيكدب عليا انا بعرف بحس بيه
على قاعد فى اخر الاوضه
على / بكدب فى ايه يا نور هو انا قولت الولدين تحت بيشيلوا اثقال ما هم فى الحضانه و حجمهم صغير و انا و انتى عارفين ان ده هيحصل حتى لو اتولدوا فى معادهم ما بالك بقي بالتسمم اللى حصل
نور/ طب اشوفهم ابص عليهم من بعيد حتى
على / لما يجي معاد الزياره هم مش فاتحين الحضانه طول اليوم مش اى حد يقدر يدخل اصلا دا فى تعقيم و ليله و حتى لو دخلتى ثوانى و بيخرجوكى و مش هتشيليه و لا تلمسيه
نور / يا سيدي ابص عليه بس ابص عليه مش عاوزه حاجه تانى
على / تمام خلاص اهدى بقي
امانى / ممكن بقي تاكلى حاجه عشان تقدرى تقفى على رجلك
محمد يدخل
محمد / ايه الاخبار عامله ايه يا نور
نور / الحمد لله يا بابا اتفضل اقعد
امانى / وقفت يا خويا على ايد الست اللى بتنضف
محمد / و لا وقفت و لا نيله انا بس فتحت للست زى ما ابنك طلب و نزلت استنيتهم يخلصوا و قفلت وراهم و جيت الدنيا ما طارتش و الطياره هتوصل بالليل يلاقوا الشقه نضيفه
امانى / اياكش تولع بيها و هى نازله و نرتاح كلنا
على / يا شيخه اتقى الله و راعى الموقف اللى احنا فيه
امانى / انت ازاى تكلمنى كدا
على / يعني انتى ولاد بنتك فى الحضانه بين الحياه و الموت و انتى بتدعى على حفيدتك انها تولع دا انتى ست قادره
على يسيب المكان و يرزع الباب وراه
نور / يعني ايه بين الحياه و الموت
امانى / شايف يا محمد قله ادبه
نور / يعني ايه بين الحياه و الموت
محمد / قله ادبه ايه بس يا شيخه دا الواحد جاب اخره
محمد يطلع ورا على و نور بتحاول تقوم منال تمنعها
نور / يعني ايه بين الحياه و الموت
منال / استهدى بالله بس يا بنتى
امانى / اهدى يا قلبي دا جعجاع هو انتى لسه هتعرفيه النهرده
نور / انا نازله لولادى … لو هاخدها زحف هروح لاولادى
منال/ مش هيدخلوكى انا حاولت ما رضيوش
نور / انا امهم هيرضوا و ان ما رضيوش مش مهم هبص من بعيد هطمن من اى حد تحت انا هنزل يعني هنزل
امانى / منك لله يا على يا ابن ليلى
نور تقوم و تتسند و هى ماسكه بطنها و موطيه مش قادره تفرد طولها و تتسند لحد ما توصل للباب تلاقي على و محمد بيتكلموا
محمد / و انت يعني لسه هتعرف حماتك النهرده
على يجرى يسند نور و هى بتعيط و مش قادره
على / ايه اللى قومك بس
نور / خدنى لولادى يا على خدنى لولادى
على / طب بس ارتاحى
نور / يعني ايه بين الحياه و الموت يا على ولادى مالهم يا على قولى الحقيقه … على الاقل ارتب نفسي كفايا عشمي لحد دلوقت خدنى لعيالي يا على
على / حاضر والله هنزلك بس فى معاد الزياره
ممرضه تدخل
الممرضه/ استاذ على
الكل يبصلها و هى عينها على نور
الممرضه / الدكتور عثمان عاوز حضرتك
صمت تام من الكل و جمود من على و يغمض عنيه و ايديه تسيب نور و يستسلم
نور / انا نزلاله
محمد / تنزلى فين بس ما تصبرى لما نطمن
نور / يا بابا ابوس ايدك
على يسيب الكل و يمشي ورا الممرضه
نور / يا على استنى يا على لو سمحت يا على
منال / استهدى بالله يا بنتى و تعالى ارتاحى
ممرضه تانيه معديه
نور / هو انا ما ليش مسكن
الممرضه / ليكي و جايه اديهالك انتى ايه اللى موقفك بره كدا
امانى / كنا بنمشيها
الممرضه / تمام كويس طبعا تعالى اديكي الحقنه عشان تقدرى
امانى / تعالى يا حبيبتي
نور / ارجوكى قوليلى عيالى كويسين
الممرضه / والله يا مدام انا ماسكه الدور هنا ما نزلتش الحضانات خالص بس لو تحبى اطمنلك عليهم بالتليفون عنيا بس الاول خليني اديكي الحقنه انا محضراها فى ايدي اهى
نور تهز راسها موافقه و تدخل الاوضه و الكل وراها
………………..
قدام الحضانه
على قاعد على كرسي و باصص فى الارض
عثمان / انا قولت لحضرتك من الاول
على يهز راسه
عثمان / حضرتك تحب نجيب حد يغسله و يكفنه و لا هتعمل ده بمعرفتك
على / لا ياريت لو حضرتك تعرف حد كويس حضرتك اكيد عارف ظروف المدام
عثمان / تمام و تانى البقاء لله
على / دكتور عثمان
عثمان يبصله
على / اخوه عامل ايه
عثمان / وضعه احسن بس
على يتنهد
عثمان / لو حضرتك عاوز رايي تنقله حضانه الامل اعلى فى الامكانيات و بيشرف عليها اساتذه متخصصين فى الاطفال المبتسرين
على يقوم يقف
على / تمام … حضرتك تعرف حد هناك او رقمهم او اى حاجه اشوف لو فى مكان فاضي
عثمان / هحاول اتواصل معاهم و ارتبلك الموضوع
على / ربنا يكرمك انا مش عارف من غيرك كنت عملت ايه
عثمان / انا بس عاوز اقول لحضرتك ان فى مشكله صغيره
على يبان على وشه ملامح التعب و الاستسلام
على / خير
عثمان / الحضانات هناك مكلفه جدا ممكن توصل لاربع خمس تلاف فى اليوم
على / مش مهم مش مهم اى حاجه بس يعيش
عثمان / تمام هكلمهم و ابلغ حضرتك … تقدر حضرتك ترتاح و هبلغك لما الطفل يجهز للدفن
على / تمام عن اذن حضرتك
عثمان / البقاء لله مره تانيه
على / و نعم بالله عن اذن حضرتك
………………
فى اوضه نور
نور منهاره و بتصرخ و منال و امانى و محمد بيحاولوا يهدوها
نور / كنت حاسه والله كنت حاسه قولتلكوا قولتلكوا اشوفه قولتلكوا اخدوا فى حضنى اشم ريحته حرام عليكوا حرام عليكوا
امانى / و احنا كن نعرف ان ده هيحصل
نور / على كان عارف كان عارف قولتلكوا بحس بيه
منال / يا بنتى الحمد لله على كل حاجه و المهم سلامتك
نور / اولع بجاز بس عيالي لا ارحمونى بقي حسوا بيا بقي
محمد / قومى يا بنتى قومى تعالى هنزلك تحت
امانى / تنزلها فين انت
محمد / هنزلها تطمن على التانى و تشوفه تبص حتى على اللى مات
منال / و تعلقي روحك ليه بحاجه راحت
نور / ضنايا يا طنط ابنى اللى قعدت سنين ادعى ربنا يرزقنى بيه
منال / و ربنا استر امانته استودعيه عند ربنا يا ضنايا ينور قبرك و يمنع عنك العذاب
نور / الدكاتره كانوا يقولوا مفيش امل و انا عمرى ما بطلت دعا عمرى ما بطلت ليه يديني الحاجه و ياخدها تانى ليه
محمد / يا بنتى حرام عليكي اكيد ربنا ليه حكمه فى اللى حصل لعله خير
نور تبص لمحمد
منال / يمكن كان هيبقي معاق و لا حاجه يمكن كان هيبقي عاق يا بنتى انتى مؤمنه وحدى الله
محمد / يمكن ربنا بيختبر ايمانك و شايلك حاجه احسن ما تسقطيش انتى بقي فى الاختبار انتى احسن من كدا
ليلى تدخل الكل يبصلها
ليلى / السلام عليكم … مالكم فى ايه
………………….
فى المطار
حسام و انجى و ندى شايله شنطه و ماسكه فى كرسي باباها و هو شايل حبيبه
انجى / لما توصلى كلميني تمام
ندى / هتنزل امتى
حسام / هخلص هنا و احجز و انزل علاطول بكره او بعده بالكتير
ندى / تمام
حسام / خدى بالك من نفسك
ندى تهز راسها و تزق باباها و تمشي و الكل متابعها لحد ما تختفى
انجى / تحب تروح شي مطرح
حسام / بجد مش قادر يا انجى
انجى/ بعرف لهيك بدى احكى معك شويي اكيد اللى صار مو هين عليك ابدا
حسام / احنا بقالنا سنين مستنين الطفل ده يا عالم امى و اختى عاملين ايه دلوقت
انجى / هيدا قضاء ربك ما فيك تعترض
حسام / و نعم بالله
انجى / هونيك كافيه تعا نقعد شويي نشرب شي و نحكى على رواق
حسام / انجى … بليز
انجى / بعرف ان بيي فسخ العقد تبعيتك
حسام / باباكى عرف باللى حصل بينا فى الفندق و اتاكدت شكوكه نحيتي و زى الفيلم سمو الامير طرد حسن الجنايني و اهله من القصر
انجى / بس انجى ما فيها تتركه لحسن حسام بليز انا ما فيني خبى اكتر من هيك انا معجبه فيك و
حسام / انجى … انا بجد اسف و صدقيني عمرى ما كنت اتمنى اننا نتحط فى الموقف ده
انجى / منشان الباب و لا ندى
حسام / عشانك
انجى تحاول تبتسم مش قادره
حسام / انا اب يا انجى و على قدى انا لا هقدر اوفرلك احتياجاتك الماديه و لا حتى العاطفيه اهتمامى الاول هيكون لبنتى مهما حاولت احبك انا مش هقدر حتى ادخل لبنان تانى يعني عمرك ما هتزورى اهلك
انجى / فيني اتكلم مع البابا
حسام / هياذيني يا انجى هياذى حبيبه و ندى و اهلى
انجى / البابا مانه مجرم
حسام / بس اب و اى اب هيلاقي واحد بيتقرب من بنته هيدافع عنها بكل قوته
انجى / فيني انزل معك مصر فيني اروح معك لاخر العالم فيني اعيش معك باقل المصارى ما راح اطلب منك اى شي و راح اشتغل معك
حسام / و ليه .. انجى انتى جميله و مليون واحد احسن منى مليون مره يتمناكى
انجى / بس انا بتمناك انت
حسام/ و انا مش زى ما انتى فاكره
انجى / كيف يعني
حسام / انا راجل شرقي عادى بضرب الفانله الحمالات و اكل منجه و بطيخ و ابهدل هدومى انا غيور و بتعصب و اشتم و ممكن افقد اعصابي و اضرب كمان
انجى / انت بتقول هيك بس من شان
حسام / انا واحد ساب مراته بتولد على الطريق و نزل اتجوز واحده تانيه ملا بيها فراغها و لما رجعت طلق التانيه و رجع لمراته لو قبلتك دلوقت فى حياتى هبقي بملا بيكي الفراغ اللى ندى هتسيبه بس لو حصل فى يوم و ندى حنتلى هسيبك يا انجى هختار بنتى
انجى / و ان ما حنت ندى فيها تتزوج غيرك فيها تنساك ندى بعمرا ما حبتك قدى
حسام / انا نازل مصر و هنعيش فى بيت واحد لحد ما حوار اختى يخلص لان اكيد الوقت مش مناسب لطلاق و كلام من ده ممكن نتصالح
انجى / حاسه انى موجوعه كتير
حسام / انا اسف
انجى / مو غلطتك و لا غلطه حدا هيدا نصيب و انا ما فيني لاقي حدا اكون اهم شي بحياته
حسام / اشترى اللى شاريكي يا انجى اشترى اللى مهما رفضتيه هو اللى بيجرى وراكى
انجى / كرم ؟
حسام / ليه عيوب بس ما حدش كامل و يمكن لما تديله فرصه بعيد عن أحلامك الورديه بمستر برفكت تحبيه لانه فعلا بيحبك
انجى / بس انت قولت
حسام/ انامش هتجوزه مكانك انا مش هعيش مكانك انا اصلا كلها يومين بالكتير و مش هتشوفيني تانى الا لو صدفه لما تبقي تنزلى فسحه لمصر و يمكن لوقتها اكون صلحت علاقتى بندى ما تربطيش حياتك بيا انا عارف ان في بينا كيميا بس انا بجد اسف انا ما اقدرش اخدعك او استغلك او اجرحك انا اللى ما ارضاهوش على اختى ما ارضاهوش لبنات الناس انا بجد اسف اننا بنخوض الحوار ده و بنمر بالموقف ده خصوصا انك فعلا ما تترفضيش بس انا مش برفضك ابدا بالعكس انا شايف انى ما استحقش واحده زيك
انجى / فينا نعطى حالنا ولو فرصه
حسام / تمام يبقي نبعد شويه و نشوف الاول ايه اللى هيحصل مش يمكن حياتى تستقر و كرم يطلع كويس و ساعتها مش هنبقي اذنبنا ناحيه حبيبه و لا ناحيه بعض
انجى / و ان ما ظبطت
حسام / اكيد لو لينا نصيب فى بعض النصيب هيجمعنا
انجى / هيدا اخر كلام عندك
حسام / انا اسف يا انجى بس انا مش هقدر اظلمك معايا انا اسف
حسام يسيب انجى و يمشي و هى متبعاه حسام يطلع الموبايل و يتصل بعدنان
عدنان / شو صار
حسام / انا عملت اللى عليا الباقي دور كرم و اه خليه يديها فرصه تنزل مصر يحضروا افتتاح او هيبنى فرع او اى حجه مش هتغلبوا
عدنان / فهمت عليك
حسام / حبيبي
عدنان يقفل السكه حسام يبص للموبايل فى ايده و يضحك و يحطه فى جيبه و يمشي
…………………..
فى شقه امانى
على يسند نور و امانى من الناحيه التانيه و ليلى وراهم
على / تقعدى شويه و لا تطلعى على فوق
امانى / فوق فين لا هنا طبعا انا مش هقدر افضل طالعه نازله خليها هنا لحد ما تشد حيلها كدا
على / تمام
على و امانى يدخلوا نور تشاور على الصالون و تروح تقعد
على / خشى ارتاحى احسن
نور / كلمت عمر يبعت العيال
امانى / عيال ايه انتى قادره تخدمى نفسك لما هتخدميهم
نور / أية والده هى كمان و قيصرى برده
امانى / و انتى والده برده
نور / هاتهم يا على عشان خاطرى وحشونى
امانى / دا انتى بتستفزيني بقي
الباب يخبط و ندى تدخل شايله حبيبه الكل يبصلها
ندى / حمد الله على سلامتك يا نور
نور / ندى حبيبتي حمد الله على السلامه
محمد و راجل يدخلوا شايلين كرسي مصطفى
محمد / نورت بيتك يا اخويا نورت بيتك ثوانى هجيب الشنط و اجيلك
امانى / كنتوا طلعتوه فوق بدل ما تحتاسوا فى تطليعه
محمد يبص لامانى
على / هبقي اطلعه انا ما تشغليش بالك هنزل اساعد عمى فى شيل الشنط
على و محمد و الراجل ينزلوا ندى تروح تقعد جنب نور
ندى / عامله ايه ؟
امانى / هتكون عامله ايه يعني ايه اللى عامله ايه ؟
ندى تبص لامانى
ندى / شوفتى حبيبه كبرت ازاى ما شاء الله
امانى / ما تاخذينيش يا ست ليلى تشربى حاجه
ليلى / تسلمي … بقولك يا نور يا حبيبتي انا همشي انتى لسه راجعه تعبانه و اكيد محتاجه ترتاحى ما تقومى تدخلى جوه و لا تطلعى فوق
امانى / تمشي فين هو اذا حضرت الشياطين ذهبت الملائكه و لا ايه
على يدخل شايل شنطتين يحطهم على الارض
على / احطهم هنا و لا فوق علاطول
ندى / معلش هتعبك تطلعهم فوق … عن اذنكوا
نور / ندى
ندى / هبقي اطمن عليكي لما تطلعى بيتك عن اذنكوا عن اذن حضرتك يا طنط
ندى تيجي تطلع تلاقي محمد طالع
محمد / على فين يا بنتى
ندى / معلش يا عموا تعبانه من السفر و كمان كلكوا تعبانين الصباح رباح بقي عن اذنك
ندى تطلع و على وراها شايل الشنطتين ندى تطلع المفتاح و تدخل الشقه
على / عمى جاب ناس نضفوا
ندى ما تردش و تسيبه و تدخل جوه و على على الباب متابعها يسيبها و ينزل يسند قدام محمد كرسي مصطفى
محمد / تسلم ايدك يا على تعبناك جامد
على / ما تقولش كدا يا عمى دول اهلى
ندى تطلع من جوه و بتتكلم فى التليفون
ندى / اه لسه داخله الشقه حالا … ميرسي تعبتكوا اوى
محمد / هو ده حسام ؟ اساليه هيجي امتى
ندى / يومين تلاته بالكتير
على / انا هنزل ابص على نور
على ينزل
محمد / هنسيبكوا ترتاحوا انا مليتلك التلاجه بس لو فى حاجه ناقصه كلميني اجبهالك على طول
ندى / ما اتحرمش ربنا يخليك ليا
محمد يبتسم و ينزل ندى تقفل الباب و تكمل كلام فى التليفون
ندى / نزلوا هدخل بابا الاوضه و اكلمك و لا هتنام
حسام / لا صاحي خلصي اللى وراكى و ارتاحى و كلميني فى اى وقت
ندى / تمام سلام
ندى تقفل و تدخل ابوها اوضته
ندى / ارتاح دلوقت و بكره اكلم المركز يجوا ياخدوك ترجع تتابع تانى عشان ما نضيعش عليك اى جلسات الحمد لله انت اتحسنت كتير اهو ما شاء الله
مصطفى يمسك ايدها تبصله و تبتسم
ندى / بكره تخف و تبقي زى الفل
ندى تساعد مصطفى ينام فى سريره
ندى / هى حبيبه راحت فين
ندى تطلع من الاوضه و مصطفى متابعها
………………
فى بيروت تانى يوم
هدايه تدخل الشركه انجى تقابلها
انجى / هدايه !!!
هدايه / ازيك يا انجى وحشتيني موت
انجى / شو بتساوى هون
هدايه / اه قصدك على التاخير … معلش بقي الطريق و السفر و كدا
انجى / عن جد
هدايه / هو مش حسام مشي اكيد هرجع مكانى بقي هفضل هناك اعمل ايه … بصي هدخل اسلم على مستر عدنان و ارجعلك بقي نحكى براحتنا اصلك وحشاني اوى
هدايه تدخل مكتب عدنان و انجى هتطق تليفونها يرن
انجى / كرم كيفك
كرم / شو اخبار الشغل
انجى / عادى انت شو اخبارك
كرم / كنت بفكر يعنى اذا بتريدي فوت عليك و نخرج شويي نقعد بشي محل اذا مو عندك مانع
انجى / تمام يا ريت فيك تفوت هلا اذا بيسمحلك وقتك
كرم / انا تحت اصلا
انجى / تمام … دقيقه و بكون عندك
انجى تقفل وتاخد شنطتها و تنزل
………………
فى شقه على
على قاعد على طرف السرير بيلبس شراب
نور / بس كدا ماما ممكن تعند
على / انا هاخد بالى منكوا كلكوا
نور / مش وقت عناد يا على انا فاتحه بطنى و انت اكيد هتبقي بين هنا و الحضانه و شغلك مين هياخد باله منهم
على / و انتى كنتى بتعملى ايه الفتره اللى فاتت بقولك ايه يا نور سبيها على الله و بعدين كدا كتير اوى على طنط منال يعني ان كان حبيبك عسل
نور / معاك حق تمام هاتهم و ربنا يقدم اللى فيه الخير
على / هروح الحضانه و اتكلم مع الدكتور لو عرفت اصورهولك هصورهولك
نور / تمام
على يقف و يبصلها
على / هتبقي كويسه لحد ما ارجع
نور تبتسم و تهز راسها على يتنهد و يروح يقعد جنبها و يمسك ايدها
على / انا مش هتاخر و تليفونى فى جيبي ما تقلقيش
جرس الباب يضرب
نور / دى اكيد ماما افتحلها
على يهز راسه و يروح يفتح يلاقي ندى واقفه شايله صينيه عليها صينيه رز معمر و فرخه مسلوقه
ندى / امسك منى تقيله
على يشيل عنها و يحطها على السفره
ندى / اممم … انا قولت اعملها لقمه
على / هى جوه صاحيه
ندى / بابا و حبيبه نايمين تحت اخاف يصحوا يحتاجوا حاجه
على / انتى عامله ايه
ندى / الحمد لله تمام حسام حجز امبارح هيوصل بكره بالليل ان شاء الله
على / تمام
صوت نور / مين يا على
ندى / انا يا نونو
نور تطلع و هى بتتسند
نور / ايه النشاط ده كلو ايه اللى
نور تبص على الاكل
نور / دا احنا اتطورنا خالص شوفت شطاره ندى يا على مش قولتلك دى بكره هتبقي البريموا
ندى / المهم الطعم
نور / كفايا تعبك فيهم
على / بقولك يا ندى
ندى / ايوه
على / ما تجيبي حبيبه بعد ما تطمنى على عمى و تقعدى مع نور على ما اجى
ندى / مفيش مشكله تمام ما تقلقش
امانى تطلع تلاقي على واقف على الباب
امانى / كويس انى لحقتك صباح الخير
على / صباح النور
امانى / نور صا
امانى تشوف ندى و نور
امانى / اهلا
ندى / اهلا يا طنط
نور / شوفتى شطاره ندى يا ماما
على / انا همشي بقي عشان اللحق ارجع
نور / فى حفظ الله سلام
على يبتسم و يمشي
امانى / هيجيبهم برده
نور / انا مش قادره اقف
نور تروح تقعد
امانى / كتر خيرك على تعبك بس زى ما انتى شايفه البت تعبانه و هتنام لما تصحى ابقي تعالي اقعدى معاها
نور / مش هنام صحيت خلاص هاتى حبيبه و تعالى
امانى / انا عليها هتسيب ابوها لوحده مش يمكن يحتاج حاجه خليكي معاه احسن و اديكي كتر خيرك قمتى بالواجب ارتاحى بقي
ندى تبصلهم و تنزل
امانى / تجيب حبيبه ايه انتى هتاخدى الدوا و تنامى و انا هقعد بوزى فى بوزها
نور / هى مش حبيبه دى حفيدتك برده و لا ايه
امانى / قدرها تبقي دى امها اعملها ايه لو هتجيب حبيبه و تغور والله اشيلها فى عنيا انما البت دى لما ببصلها بس ضغطى بيعلا
نور / على فكره على راح يجيب يس و نغم
امانى / لا دا انتوا مستقصديني بقينور / احنا فعلا تقلنا اوى على طنط منال
امانى/ طب ما يوديهم لامه يا اختى و لا هى طالعه ضيفه شرف و لا ايه
نور / ما خلاص بقي يا ماما ابوس ايدك انا مش قادره للكلام ده
امانى / لكن قادره تخدمى ولاد الشوارع دول
- يتبع الفصل التالي اضغط على ( رواية سلف و دين ) اسم الرواية