رواية سلف و دين كاملة بقلم لولو محمد عبر مدونة دليل الروايات
رواية سلف و دين الفصل التاسع و الستون 69
الحلقه الواحد و ثلاثون
ندى / هنزل اخلص اللى ورايا و اجيب حبيبه و اجيلك
امانى / كتر خيرك على تعبك بس زى ما انتى شايفه البت تعبانه و هتنام لما تصحى ابقي تعالي اقعدى معاها
نور / مش هنام صحيت خلاص هاتى حبيبه و تعالى
امانى / انا عليها هتسيب ابوها لوحده مش يمكن يحتاج حاجه خليكي معاه احسن و اديكي كتر خيرك قمتى بالواجب ارتاحى بقي
ندى تبصلهم و تنزل
امانى / تجيب حبيبه ايه انتى هتاخدى الدوا و تنامى و انا هقعد بوزى فى بوزها
نور / هى مش حبيبه دى حفيدتك برده و لا ايه
امانى / قدرها تبقي دى امها اعملها ايه لو هتجيب حبيبه و تغور والله اشيلها فى عنيا انما البت دى لما ببصلها بس ضغطى بيعلا
نور / على فكره على راح يجيب يس و نغم
امانى / لا دا انتوا مستقصديني بقي
نور / احنا فعلا تقلنا اوى على طنط منال
امانى/ طب ما يوديهم لامه يا اختى و لا هى طالعه ضيفه شرف و لا ايه
نور / ما خلاص بقي يا ماما ابوس ايدك انا مش قادره للكلام ده
امانى / لكن قادره تخدمى ولاد الشوارع دول
نور / دول مش ولاد شوارع دول ولادنا احنا
امانى / يا مربى فى غير ولدك يا بانى فى غير ملكك
نور / انا و كافل اليتيم يا ماما كلام الرسول صلى الله عليه وسلم اهم و اصدق من الامثال الخايبه دى
امانى / خايبه !!! ليكى دوا و لا اى حاجه اديهالك
نور / على ادانى و فطرنى و اهى ندى كتر خيرها بعتت الغدى ارتاحى حضرتك
امانى / خشي ارتاحى و انا هقعد هنا اتفرج على التليفزيون لو عوزتى حاجه ناديني
نور / لو ندى طلعت
امانى / هقولها انك نايمه انتى لازم ترتاحى عشان لما كرم يطلع من الحضانه و يجيلك تعرفى تاخدى بالك منه مش هتعملى زى القرع تمدى لبره تاخدى بالك من عيال الناس و تيجى على ضناكى و تهملى فيه
……………………..
فى الحضانه
على / ثقوب فى القلب
الدكتوره / اربعه
على / و هو قلبه قد ايه عشان يبقي فيه اربع ثقوب
الدكتوره / انا طلبت من دكتور شاكر العوانى انه يجي يبص عليه هو دكتور متخصص جدا فى الحاله دى هو دلوقت كان فى السعوديه و طيارته هتوصل النهرده بالليل هيجي من المطار على هنا يكشف عليه و يقيم الحاله
على / طب مافيش دكاتره تانين كراى تانى على ما يوصل
الدكتوره / انا فعلا استشرت اتنين من اساتذه القصر العيني بس
على / ايه ؟
الدكتوره / انا رايي نستني دكتور شاكر يمكن
على / رايهم كان ايه
الدكتوره / مفيش امل من علاجه
على / هيموت هو كمان … دا انا لسه دافن اخوه
الدكتوره / احنا هنعمل كل اللى نقدر عليه و ان شاء الله الدكتور شاكر هيكون ليه راى تالت و يمكن
على / ما تدينيش امل كداب … انا شبعت خلاص انا كنت راضي انها ما بتخلفش فجاه فى امل و حامل فجاه ممكن العيال يموتوا او يجوا معوقين فجاه ربنا كرمك بطفلين فجاه واحد مات و دلوقت التانى هيموت طب اقولها ايه
الدكتوره / انا اسفه اوى انا مقدره جدا وضع حضرتك بس صدقني انا شغلى هنا بيخليني يمر عليا اطفال زى ابن حضرتك كل يوم و اتكلم مع ابهات و امهات و اضطر ابلغهم برده
على / ربنا يعينك و يقويكي … تمام هستني من حضرتك تليفون بالليل فى اى وقت الدكتور يجي كلميني هاجى علاطول
الدكتوره / تمام
على / فى اى طلبات
الدكتوره / لا تمام لو احتاجنا اى حاجه هنبلغك
على / انا كدا كدا هسيب فلوس فى الحسابات
الدكتوره / تمام
على يمشي و هو مكسور يقابل راجل و ست واقفين فى جنب بيتكلموا بعصبيه قدام الحسابات
الست / و ان ما عرفتش تدبر الفلوس هيطلعوها من الحضانه هيرموا البت فى الشارع هيسيبوها تموت يعني
الراجل / ممكن تهدى انتى لسه والده و فاتحه بطنك
الست / هتجيب منين بس دا احنا سالفين فلوس الولاده هتجيب منين
الراجل / ربك كبير هيدبرها روحى انتى ارتاحى
الست / مش هقدر اسيب بنتى مش هقدر اسيب ضنايا
على يدخل الحسابات
على / انا والد كرم حقى
المحاسب / اهلا و سهلا اتفضل
على يقعد
على / هو الراجل اللى بره ده
المحاسب يبص بره
المحاسب / اه دا بنته جت من اسبوع و المفروض كان يدفع دفعه تانيه عشان الفلوس اللى كانت تحت الحساب خلصت
على / هى حاله بنته ايه
المحاسب / والله انا ما اعرفش التفاصيل دى حضرتك هتسيب فلوس او حاجه ؟
على يطلع الماستر كارد من محفظته
على / اه حطلى عشرين الف عشره لكره و عشره للبنت اللى بره دى
المحاسب يبصله على يهز راسه و يعدي الكارد فى الماكينه على يدخل الباسورد و ياخد الكارد تانى و المحاسب يكمل الاجراءات
على / شكرا … ياريت تبلغ المدام و لو الفلوس دى خلصت و ما قدروش يدفعوا ياريت حضرتك تبلغنى
على يطلع و يمشي و المحاسب يطلع يبلغ الراجل الراجل يجرى ورا على و الست وراه
الراجل / يا استاذ يا استاذ
على يقف و يبص
الراجل / كتر خيرك كتر الف خيرك انا هردهملك اقسم بالله هردلك الفلوس
الست تدخل
الست / ربنا ما يحوجك لحد و يبرد قلبك زى ما بردت قلبي
على / ربنا يقومهاكوا بالسلامه
على يبتسم و يجي يمشي الراجل يمسك ايده
الراجل/ طب اسمك و لا عنوانك عشان اسدلك الفلوس
على / انا مش عاوز الفلوس ربنا بس يقومهالكوا بالسلامه و تفرحوا بيها عن اذنكوا
على يمشي و الراجل و الست بيبصوا لبعض
…………………….
فى شقه حسام
حسام بيقفل الشنطه باب الشقه يخبط يروح يفتح يلاقي هدايه
حسام / اهلا
هدايه / ما كانش ينفع تمشي الا اما اسلم عليك
حسام / اتفضلي
هدايه تدخل
هدايه/ بصراحه انا مبهوره باللى عملته
حسام / تصدقيني لو قولتلك انى و انا جاى هنا ما كانش كل ده فى بالى كنت عاوز اعيش فى هدوء و اربى بنتى اشتغل و اكسب مجرد حياه هاديه … بس انتوا بقي
هدايه / و انجى
حسام / انجى … لو كانت وحشه ما كنتش قربتها من مراتى و بنتى بس للاسف الدنيا ما بتمشيش على مزاجنا
هدايه / بس ما طلعتش خسران برضه لهفتلك حبه حلوين
حسام / ودا نصيبك
حسام يطلع ظرف كبير هدايه تاخده و تبص فيه سندات
هدايه / نصيبي !!
حسام / جايه ليه يا هدايه
هدايه / تمام فهمت
حسام / نص مليون دولار كل اللى مطلوب منك انك تبلغيني باى حركه غدر من عدنان
هدايه / و ساعتها هتعمل ايه
حسام / الورقه الكسبانه لسه معايا
هدايه / بس انت عارف انه مش هيسكت و عارف برده انه ممكن يديني اكتر
حسام / و انتى عارفه انى برده مش سهل و انى اقدر اعمل كتير
هدايه / انا مش هوعدك بحاجه بس هاخدهم كاعتزار منك
حسام / دا انتى اللى مزعلانى
هدايه / كنت فكراك جنتل مان و لا ايه
حسام / تمام
هدايه / تمام
………………….
فى شقه عمر
عمر / ان شاء الله خير يا عم و ان كان على الفلوس
على / انا معايا فلوس حسام فى الدولاب هاخد منها و لما اعدى من المرحله دى هجمعهومله تانى
عمر / لا اله الا الله
على/ كان قلبها حاسس
عمر / و عامل ايه مع ندى
على يبصله
عمر / بسال عادى بطمن بس
على / مرحله و انتهت من حياتي و انا كمان مرحله و انتهت من حياتها … نور دلوقت محتاجانى اوى ما ينفعش اخذلها ما ينفعش اشتت نفسي و اجازف بكل حاجه لو نسيت نفسي لحظه لو سبت مشاعرى تتحكم فيا كل حاجه هتضيع … حتى ندى
عمر / كويس انك واخد بالك
على / الضنا غالى اوى يا عمر ما فهمتش الا ما حسيت الواحد مستعد يقطع من لحمه و لا … اذا كنت انا كدا امال الام بتبقي ازاى كنت مقدر بس لما بقيت فى اللى انا فيه فهمت و حسيت عرفت
عمر يطبطب على على
على / المفروض اروح دلوقت و ابص فى عين نور و اقولها الواد اللى باقي عنده اربع خروم فى القلب
عمر يبص فى الارض
على / تفتكر فى وضع زى ده حتى لو ندى ظروفها مختلفه فايق ابصلها حتى دا انا روحت المحل لا استحملت قفله باب المكتب و لا زحمه الزباين و لا عزا العمال خمس دقايق و مشيت لا شغل مهم بقي و لا نيله
يس و نغم يطلعوا من الاوضه وراهم منال شايله شنطه
نغم / حلو فستاني
منال / بيرين جابتهولها
على يحضن نغم و يس
يس / كرم عامل ايه
على يبتسم بحزن
على / ادعيله يا يس هو محتاج دعوتك اوى
نغم / انا هدعيله
على يبوس نغم من خدها
عمر / هيبقي كويس ان شاء الله
على / صحيح فى بيبي فى البيت بنوته تلعبى معاها يا نغم امال بيرين فين كل ده بترضع
أية تطلع شايله بيبي
أية / لا و انت الصادق بتغير
على يهز راسه
أية / البقاء لله
على يشيل بيرين و يبوسها من خدها
أية / كبرت صح
على / الحمد لله ما خدتش حاجه من ابوها
أية / اخص عليك طب دا عمر قمر
على / اشبعى بيه يا اختى يلا يا ولاد لحسن انتوا واحشين ماما نور اوى
يس / هى لسه تعبانه و لا خفت
على / و الله يا يس تعبانه اكتر من الاول بس احنا هناخد بالنا منها صح
يس / ماشي
على يبص لنغم
نغم / كنت عاوزه اللعب معاها
على / اللعبى مع بيبو هتحبيها اوى اسمها حبيبه و قمر شبه ماما نور بالظبط
نغم تبتسم على ياخد الشنطه
على / ادعولى تمام
منال / علاطول دعيالك و ربنا العالم
على يبتسم و يمشي و يس و نغم يتحركوا جنبه و عمر يقفل الباب
………………..
فى شقه نور
ندى تدخل و هى بتنشف ايدها
ندى / شطبت المطبخ و عملت كيكه للاولاد و فى صينيه بطاطس بالفراخ فى الفرن
نور / تعبتى نفسك اوى اكيد اكلوا اصلا
امانى / و عملتى اكل ليكي و لابوكى و لا
ندى / لا ما انا كلمت على هيجيبلنا اكل و هو جاى اصل بصراحه انا وحشنى اوى اكل الشارع المصرى زهقت من اكل البيت
امانى / و يا ترى بقي هتحاسبيه و لا هتحرجينا قدام الراجل
ندى / لا ما تخافيش يا طنط هحاسبه اصلا حسام إدانى كل الفلوس اللى كانت معاه ما سبش الا الف دولار بس احتياطى لحد ما ينزل النهرده بالليل ان شاء الله صحيح جايبلكوا هدايا معايا فى الشنط تحت بس هو محلفنى ما اوزعش حاجه الا اما يجي بس ما تقلقيش يا طنط هتعجبك
امانى / عارفه يا اختى زوق ابنى
ندى / حلو طبعا ما هو اختارنى … الحلبه على النار هروح اطفى عليها و اجبلك كبايه
ندى تطلع بره و نور مش قادره تمنع نفسها تضحك
…………………..
فى المطار بالليل
حسام يطلع يلاقي على بيستقبله
حسام / دا ايه ده
على / كنت محتاج اخرج ما لقيتش حجه انسب من دى
حسام / مالك اول مره اشوفك كدا
على يبتسم بسخريه و يسيبه و يمشي و حسام يمشي وراه
حسام / البقاء لله بس يعني
على / هنطلع على المستشفي فى دكتور بيكشف على كرم عنده ثقوب فى القلب
حسام / على فكره انا معايا فلوس لو محتاج يسافر بره
على / انت فاكر ان المشكله فلوس تفتكر انى هستخسر فى ابنى
حسام / انا ما قولتش كدا اسمع انا و انت ما بنطيقش بعض لكن العيل ده يبقي ابن اختى انا بقالى سنين بتمناه من قبل حتى ما جنابك تنور حياتنا
على يبصله و يسيبه و يمشي
حسام / انا ليا علاقات مع دكاتره و مستشفيات كبيره و
على يسبق و حسام يجرى وراه و هو بيزق العربيه و فوقيها الشنطه
…………………….
فى شقه نور
نور بتتكلم فى التليفون
نور / تمام يا حبيبي ابقوا طمنونى … فى حفظ الله
نور تقفل
نور / حسام صمم يروحوا يبصوا على كرم فى الحضانه
امانى / طبعا حسام علاقاته بالدكاتره و المستشفيات كبيره و اكيد مجيه هيفرق جامد
ليلى / ان شاء الله خير
نور / مش كانوا خدونى معاهم انا بقيت كويسه اهو
ندى تدخل تقعد جنب نور على السرير
ندى/ ناموا حتى حبيبه نامت الحمد لله
امانى / جوزك وصل
ندى / كلمنى اول ما نزل مصر كلمنى يطمنى عليه انه هيتاخر
امانى / طب و انتى مش تنزلى كدا تظبطى روحك و لا تروقى الدنيا و لا تعمل زى الستات اللى بيستقبلوا اجوازتهم اللى راجعين من السفر
ندى / هو مسافر بقاله سنين دول يومين
امانى / يا ميله بختك يا اينى
ندى / هو حضرتك عاوزه توزعيني ليه
امانى / و اوزعك ليه خليكي يا اختى
ندى تبص لليلى
ندى / اعملك شاى يا طنط
ليلى / لا يا حبيبتي ارتاحى كفايا تعبك مع العيال
ندى / دول عسلات خالص انتوا حكيتولى عنهم كتير بس اللى يشوف غير اللى يسمع و يكون فى علمك يس خطب حبيبه خلاص
نور / و احنا نطول
ندى / نغم بتقولى كان خاطب بيرين هناك و لما شاف حبيبه باعها
امانى / هتستنى ايه من ولاد شوارع يعني
ندى / احنا لو هنتكلم عموما فساعات كتير ولاد الشوارع دول بيكونوا ارجل من اللى اتربوا فى البيوت الشارع بينشف و عندك مثلا جوز بنتك انتى ما تعرفيش انه كان بينام على كرتونه على ارض المحل اللى بقي صاحبه دلوقت ما شاء الله
الكل يرتبك
ندى / سورى يا طنط انا بمدح فى على مش قصدى حاجه
ليلى / مش حاجه ننكسف منها اصلا بالعكس على راجل و اتحدى ظروف كتير
ندى / و بكره يربي يس و يطلعه زيه بس يتساب فى حاله بس
امانى / هو يا ربايه البيوت لو ابوكى احتاج حاجه
ندى / هيطلبنى على الموبايل ما تقلقيش حضرتك خالص … اعملك شاى يا طنط
امانى / انا اللى هعمله و اهو اغير المكان لحسن الاكسجين مسحوب من هنا على الاخر
امانى تقوم
نور / ما تخفى يا ندى الله
ندى / مش شايفه بتعاملنى ازاى طب انتى حماتك بتعاملك كدا … بتعامليها كدا يا طنط امال لو ما كناش قرايب دا هى اللى مربيانى
نور / ما خلاص بقي يا ندى عشان خاطرى
ندى / سكت اهو سكت
ندى تبص لليلى و تبتسم ليلى تبتسم و تبص على الباب
………………….
فى الحضانه
حسام و على واقفين مع الدكتوره و دكتور كبير
على / بس فى امل يعني
الدكتور / ضعيف جدا نسبته ما تتعداش الخمسه فى الميه
على / يبقي توكل على الله و اعمل العمليه
الدكتور / انا كطبيب سهل اوى اقولك و ماله و ادخل و افتح و اقبض انما كانسان بقولك انك لازم تكون مؤمن و توفر فلوسك و اهو ممكن تعمل بيها حقن مجهرى تانى
على / و انت كدا انسان يعني امال لو جزار هتقولى ايه
حسام / اهدى يا على الدكتور ما يقصدش
على / انا اسف بس ياريت حضرتك تقدر انى اب و اللى بتقولى سيبه يموت ده ابنى و ان فى فى البيت ام دفت ابن ليها و مش هتستحمل تدفن التانى
حسام / لو فى امل اكبر فى سفره بره
الدكتور / مش هتفرق صدقني
على / يبقي توكل على الله و اعمل العمليه لو الامل واحد فى الميه اعملها انت مستنى اقولك ايه اقولك سيبه يموت طب اعيش ازاى و كان فى امل و ما مشيتش فيه يعني
الدكتوره / يا استاذ على احنا مقدرين موقفك بس احنا بنتكلم من ناحيه موضوعيه بحته الطفل حالته متاخره جدا و كل يوم بتسوء
على / يبقي ما نضيعش وقت
الدكتور / تمام يا استاذ على تمام بكره الصبح هعمله العمليه
على / كتر خيرك و اسف انى اتعصبت بس
الدكتور / ان مقدر موقفك
………………
فى شقه على
نور / يعني ايه هيعمل عمليه الصبح و دا حمل عمليه ده هيستحمل يتفتح صدره و يلعبوا فى قلبه ده
على / اللى عاوزه ربنا هيكون و انتى مؤمنه
ندى / ان شاء الله خير تفائلوا بالخير تجدوه
نور / نشوف دكتور تانى نشوف بره انت مش قولت يا حسام انك تعرف دكاتره بره
على / مفيش وقت يا نور مفيش وقت
نور / طب نشوف مجدى يعقوب نشوف اى حد مشهور مين ده اصلا و سعوديه ايه اللى هجيب منها دكاتره يعني
ليلى / اهدى يا نور
نور / على عشان خاطرى خلين اروح اشوفه اشم ريحته
على / هتتعلقي بيه يا نور
نور / هتعلق بمين يا على هتعلق بابنى طب ما انا متعلقه بيه من زمان من قبل حتى ما يتخلق فى بطنى دا هو اللى مصبرنى على فراق اخوه دا هو اللى مصبرنى على العيشه و اللى عايشينها
حسام / انا بقول تهدى و نستنى نتيجه العمليه و انا سالت عنه دلوقت و طلع شاطر فعلا
نور / اهدى ايه و عمليه ايه اهدى و فى حد هيحط مشرط فى قلب ابنى
ندى / طب ما هم حطوا مشرط فى جسمك عشان يتولدوا اصلا
نور / انا كبيره استحمل انما ده قد كف الايد و ضعيف و عيان
حسام / ما هى العمليه دى عشان يخف و يرجعلك بالسلامه ان شاء الله مش افترا مننا يعني
نور تبص لعلى باصص فى الارض تروح تقعد قدامه و تمسك ايده يبصلها
نور / هيرجعلى يا على صح بعد العمليه دى هيرجعلى يا على صح
على يبصلها و يسكت
نور / هيرجعلى صح
على / ياريت كان بايدى
نور تعيط
على/ هنعمل اللى علينا مش هنسيب حاجه مش هنسيب سكه مش هنتاخر فى اى حاجه يطلبوها هنعمل اللى علينا يا نور و الباقي على ربنا و اللى فى نصيبنا هنشوفه
نور / انت ازاى هادى كدا
على يبتسم و يقوم يدخل جوه
حسام / نور
نور تبصله
حسام / على عامل اللى عليه و جابوا اكتر من دكتور هو مش بيقولك كل حاجه عشان صحتك ونفسيتك بس هو شايل كتير و تعب
ندى تبص لحسام
حسام / انا حتى عرضت نسفره بره على قالى انه مش هيستخسر فى ضناه حاجه بس الدكتور اكد ان الموضوع منتهى
نور تقعد مكان على امانى تروح تحضنها و تطبطب عليها
نور / يعني هيموت هو كمان يعني كل ده على الفاضي التعب دا كله طب و الوجع ده كله
ندى تقعد قدام نور و تمسك ايدها
ندى / ان شاء الله العمليه دى هتنجح و تفرق معاه ان شاء الله هيعيش يا نور
نور / وجع انى ما بخلفش اهون بكتير من وجع انى اخلف و ضنايا يموت
محمد / ربنا هو اللى بيرزق و هو اللى بياخد يا بنتى لعله خير
نور تصرخ
نور / و فين الخير ان ضنايا يموت فين الخير
على يطلع من الاوضه و ياخدها فى حضنه و هى بتعيط
على / تعالى ارتاحى تعالى عاوزك
على ياخد نور جوه و يقفل الباب و الكل متابعهم و بعدين يبصوا لبعض ندى تدخل جوه
امانى / على فين يا اختى
حسام يدخل ورا ندى يلاقيها بتشيل حبيبه من جنب نغم و يس صاحين
ندى / تحبوا تيجوا تلعبوا معايا تحت
يس / هو كرم كمان هيموت
ندى / كلنا هنموت يا يس
نغم / انا مش عاوزه اموت
ندى تبص لحسام يروح يقعد جنب نغم و ياخدها فى حضنه
حسام / ان شاء الله تعيشي لما تبقي احلى عروسه فى الدنيا كلها
يس / ماما هتاخد بالها منهم
ندى تبصله
يس / ماما اللى عند ربنا
امانى تدخل
امانى / احنا نازلين شكلهم هيطولوا جوه
حسام / تمام انزلوا احنا شويه و هنحصلكوا
امانى تهز راسها و تمشي
ندى / ها تحبوا تنزلوا معانا تحت و لا هتكملوا نوم
نغم / انا هاجى انام جنب حبيبه
حسام يشيلها و يبص ليس
يس / انا هخليني يمكن ماما نور تحتاج لحاجه
حسام / ما بابا على هنا
يس / هخلينى برده
حسام / تمام على العموم لو حبيت تنزل احنا صاحيين اقفل الباب و تعال
يس / ماشي
حسام يشيل نغم و ندى تشيل حبيبه و يطلعوا يلاقوا باب اوضه نور و على مقفول عليهم يمشوا و يقفلوا الباب وراهم يس يروح يخبط على على على يفتح الباب
يس / كلهم نزلوا
على يدخله يس يروح يحضن نور بتعيط تمسح دموعها
نور / عامل ايه يا حبيبي
يس / انا بحبك
نور تبص لعلى و تحاول ما تعيطش ما تقدرش
نور / و انا والله يا يس بحبك اوى
على / انا هتوضي و اصلى تيجي تصلى معايا يا يس
يس يهز راسه و يبص لنور
يس / هدعي لكرم
نور تبتسم و تهز راسها يس يروح مع على الحمام
………………..
فى كافيه كبير
انجى قاعده مع كرم
كرم / انا بعرف قديش انا مقصر معك بس انتى لازم تعرفى ان الشغل مو اهم منك انا ما بفكر باى شي تانى ما فيني شوف نسوان غيرك ما فيني اهتم باى شي غير الشغل
انجى / اذا بيوم اضطريت تختار بيني و بين الشغل راح تختار الشغل يا كرم
كرم / منشانك يا انجى هادول المصارى ما راح اخدهم حدى بقبرى راح يصيروا اللك
انجى / و انا شو خصنى بمصاريك انا بدى الرجال اللى معى مو اكتر من هيك
كرم / اذا مو فيني اشتريلك اواعى غاليه و جوليريز و داياموندز فيكي تحبيني يعني
انجى / ايي فيني ورده صغيره بتكفى تحكى معى من قلبك بتكفى تهتم فيني
كرم / هيدا كلام روايات وقت الجد
انجى / انا مانى متل باقي البنات انا هيك اشيا مو بتفرق معى انا بدى رجال اذا فيوم حاكيته انى محتاجتله يرمى كل شى و يجينى ركض يضل حدى حتى ابقي منيحه يضل حدى يطمنى انت بتحكى كانك رجال فقير محتاج تشتغل اربعه و عشرين ساعه منشان توفر حته جبنه و قشفه خبز كرم نحنا اذا ضلينا نصرف هادول المصارى العمر كله ما بيخلصوا
كرم / بلا ولدنه اذا مو فيني اشتغل هيك راح تصحى بكره و حتى قشفه الخبز ما راح تلاقيها بتعرفى هيك أفكار مولدنه قديش حاولت اظبطلك اياها يا انجى يا قلبي انا بعالم البيزنيس من و انا طفل صغير شوفت قديش هيك عالم غدار ما فيكي ترتاحى و لو ساعه رجال كبار و شركات عظيمه بين يوم و ليله اختفت مليارديرات بين يوم و ليله صاروا بيشحزوا بالشوارع بتعرفى شو نص الشركات اللى حدى اشتريتها بسبب ازمات مرت فيها شركات تانيه
انجى / و هادول الرجال كانوا بيلعبوا مثلا و لا هيدا نصيب
كرم / الاتنين يا انجى ما فينا نقول هيدا نصيب و نترك الشغل لا ظابط و لا رابط و لا نسال فيه غلطه صغيره فيها تضيع عمر كامل من التعب يا انجى
انجى / و غلطه صغيره متلا فيها تضيع حب سنين يا كرم
كرم / اذا كانت بتحبني متل ما بحبا فيها تقدر فيها تفهم انى بساوى كل هادا كرمالها بس … بس اذا فيكي تعطينى فرصه احاول اتعلم كيف اوازن بين حبى و بين الشغل اذا فيكي تعلميني ساوى اى شي غير الشغل اذا فيكي تتحملى معى بس شوي … شو فيني اطلب من الدنى اكتر من هيك
انجى تبصله
كرم / بتعرفى اذا فيكي تفكرى فيها من ناحيه تانيه هيدا الرجال مو بيفهم بامور النسوان يعني راح يصير اللى طول العمر و ما راح يخبص مع مين ما كان
انجى / لا بالله هيدا اللى كان ناقصنى تهتم بالشغل اكتر منى و كمان تخبص مع غيرى
كرم / بتعرفى شو كمان شهرين راح افتتح اكبر ريزورت بمصر شو رايك اذا فينا نقضي الهانيمون تبعنا هونيك انا بعرف قديش بتحبى مصر راح احجزلنا الرويال سويت و راح خليهم يفرشوه بالورد منشانك انا و انتى و بس بلا شغل بلا اى شي
انجى / ما فيني صدق
كرم / يعني شويه شغل بسيط حتى اتاكد ان الجراند اوبنينج تمام غير هيك كلى الليك
انجى تضحك و تبص الناحيه التانيه
كرم / اذا برمتى الدني برم بالله ما راح تلاقى حدا يحبك متلى
انجى تهز راسها و تبص الناحيه التانيه
………………….
فى المستشفي
نور و امانى و حسام و محمد و ليلى و على واقفين اللى بيقرا قران و اللى رايح جاى و اللى قاعد
ليلى / هم طولوا كدا ليه
نور تبص لعلى على يبصلها و ما يردش
محمد / ان شاء الله خير دلوقت حد يطلع و يطمنا
حسام / انا هروح اطمن على ندى و العيال فى البيت
امانى / هيجرالها ايه يعني
ممرضه تطلع الكل يجرى عليها
الممرضه / الحمد لله البيبي كويس و هيرجع الحضانه تقدروا تشوفوه هناك عن اذنكوا
الممرضه تمشي
محمد / الحمد لله الحمد لله
حسام / دلوقت الدكتور يطلع و نعرف اذا كان ممكن تدخلى الحضانه تشوفيه و لا لا
على / اكيد لفينه بشاش او اى حاجه مكان العمليه بيتهيالي
نور / اشوفه اى كان وضعه انا محتاجه اشوفه
على / المنظر هيكون صعب عليكي يا نور
نور / مش اصعب من اللى انا فيه يا على
حسام / خليها تشوفه هى امه برده
دكتور شاكر يطلع الكل يروحله
شاكر / الحمد لله الحاله مستقره و نقلناه الحضانه و هيفضل تحت الملاحظه لحد ما نطمن خالص
نور / انا مامته انا عاوزه اشوفه
شاكر / ممكن بس مش هينفع تشيليه او اى حاجه عشان الخياطه و كدا
نور / لا لا انا هبص عليه بس مش هلمسه و لا حاجه اشوفه بس
شاكر يهز راسه و يمشي
امانى / الف حمد و شكر ليك يا رب
حسام / شوفتى بقي مش قولتلك ان شاء الله هيبقي كويس
نور / ودونى الحضانه اشوفه لو سمحتوا ابص عليه بس
على / تعالى
………………..
فى شقه ندى
يس / هى ما بتحبناش
ندى / هى مش بتحب حتى نفسها بس انت ما لكش دعوه بالكلام ده المهم عندك بابا على و ماما نور غير كدا لا
يس / هى مش بتعاملنا حلو و علاطول تقول لماما نور انها تمشينا و بتزعق فى نغم بتقول علينا عيال شوارع
ندى / ما تيجي تساعدنى نعمل كيكه
يس / ماما نور كانت بتخلينى احط الحاجات
ندى / بجد بتعرف يعني
نغم تدخل تجرى
نغم / و انا كمان بعرف
يس / انتى خدى بالك من حبيبه و اشغليها عشان ما تلخمناش دى اصعب شغلانه
نغم / لا انا عاوزه اعمل كيكه معاكوا
تليفون ندى يرن
ندى / ناجل الخناقه لحد ما اشوف التليفون
ندى تروح تشوف التليفون تلاقى أية
ندى / حبيبي اللى مقصره فى حقه
أية / ايه الاخبار طلع من العمليات و لا لسه
ندى / ما روحتش بس اكيد اول ما يطلع بالسلامه ان شاء الله هيكلمونى
ندى يجيلها وايتنج
ندى / دا حسام ثوانى خليكي معايا… خير طمنى
حسام / الحمد لله طلع من العمليات و نور بتشوفه فى الحضانه و لما تطلع هنروح
ندى / انا عملت اكل للكل
حسام / تسلم ايدك العيال عاملين معاكى ايه
ندى / دول ملايكه هنعمل كيكه على ما تيجوا تاكلوها سخنه
حسام / مش ناقصك اى حاجه اجبها و انا جاى
ندى / هات حاجه حلوه على زوقك للولاد
حسام / عنيا حاضر
ندى تقفل و تفتح مع أية
ندى / الحمد لله طلع من العمليات و رجعوه الحضانه
أية / الحمد لله انا عمر و طنط نزلوا من شويه بس شكلهم لسه ما وصلوش قولت اكيد انتى معاهم
ندى / لا ما روحتش قعدت مع العيال بقي المهم بيرين عامله ايه
أية / عامله مستهبله و حاجه اخر نيله مش عاوزه اقولك
ندى / ههههههههههه نحن السابقون ما تقلقيش هتعدى هتعدى
أية / مش هشوفك
ندى / الدنيا تهدى هنا و اخلى حسام يوصلنى اقعد معاكى شويه
أية / عامله ايه مع حماتك
ندى / ما طلعتش بتعمل كدا معايا لوحدى دا حتى العيال مش عتقاهم
أية / دا على ذات نفسه ما بترحموش بيطق و كذا مره ما يقدرش يمسك نفسه و ينفجر فيها بس نور بقى الشهاده لله مش زيها خالص
ندى / نور دى سكر اصلا ربنا يصبرها على اللى هى فيه
أية / انتى عامله ايه كنت فكراكى مش هتنزلى تانى
ندى / من خرج من داره اتقل مقداره خليني هنا وسط اهلى احسن
أية / عشان الراجل المتصابى ده
ندى / هناك دنيا تانيه يا أية الناس دى ناسيه انهم عرب و رقص و خمره و لبس و دلع الدنيا هناك بايظه
أية / اوروبا العرب
ندى / بس ما انكرش انى عشت هناك يومين حلوين و قابلت ناس طيبين اوى
أية / كل مكان فيه الحلو و الوحش
ندى / هو انتى ما ينفعش تيجي صح
أية / انا وضعى صعب اوى يا ندى و مش بتكلم عن حوار القيصرى الحمد لله احسن كتير بس السهر و الرضاعه انا ضايعه انا ما بنامش و ريحتى لبن علاطول و حاجه اخر نيله انا لو من عمر والله اطفش
ندى / ههههههههههههه فكراها الايام دى
أية / يلا والله اللى يشوف بلاوى الناس تهون عليه بلوته
ندى / شبهك و لا شبه ابوها
أية / مخلطه بس بيقولوا هتقلب
ندى / لا حبيبه مستقره
أية / ربنا نجدها عوزاها تطلع شبه ابوها ليه
يس / مش هنعمل الكيكه بقي
ندى / هروح اعمل الكيكه للولاد و هبقي اظبط و اجيلك
أية / ماشي يا ستى بالتوفيق
ندى تقفل وتقوم تقف
ندى / قدامى على المطبخ
يس و نغم يجروا و ندى وراهم
…………………
فى المستشفي
امانى / اطمنتى عليه ؟
نور تهز راسها و هى بتعيط
امانى / طب بتعيطي ليه بقي
على / يلا نروح نور واقفه من بدرى و لازم ترتاح
حسام / انا كمان شايف كدا
نور / مش قادره امشي و اسيبه ما ينفعش افضل معاه
حسام / وجودك لا هيقدم و لا ياخر روحى ارتاحى احسن
نور / و هشوفها ازاى الراحه دى و انا ابنى فى الحاله دى
على / قولتلك بلاش تشوفيه هتتوجعى
نور / انا حتى ما لحقتش احفظ ملامحه صغير اوى و مش باين من كتر البلاستر اللى لازقينهوله و الانابيب اللى متوصله و هو اصلا محطوط فى بوكس انا ما شوفتوش يا على انا شوفت … بس كان بيتحرك اللى مهون عليا حركه رجله النونو دى
نور تعيط على ياخدها فى حضنه
على / احنا عملنا اللى علينا ان شاء الله ربنا هيكرمنا فيه و يشفيه
نور / خدنى لخالد اقراله الفتحه
على / نور انتى تعبانه
نور / ما انا خرجت بقي هروح اطمنه
محمد / تطمنيه ايه دا هو اللى يطمنك دا فى الجنه و نعيمها مش فاضيلك
نور / اعرفه حتى انى امه
منال / لا اله الا الله انتى بتعملى فى نفسك كدا ليه بس يا بنتى وحدى الله و روحى ارتاحى
حسام / ريحها و خلاص يا على خمس دقايق تقراله الفاتحه و تروح
امانى / مش دلوقت لما تخلصي النفاس على الاقل تقدرى تقفى
نور / انا كويسه يا ماما يلا بقي يا على عشان خاطرى
على يبص لحسام حسام يهز راسه
على / تعالى … روح انت يا عمر شوف اللى وراك و وصل طنط و ماما بعد اذنك
عمر / تمام لو احتجت حاجه
على / هكلمك اكيد … يلا يا نور
……………………
فى فيلا عدنان
انجى / انا وافقت على الخطوبه مو عالزواج
لينا / و شو الفرق برئيك يعني
انجى / فرصه بعطيه اخر فرصه انا لساتنى مو مقتنعه فيه
لينا / لساتك بدك هيدا اللى اسمه حسام مو هيك
انجى تبص للينا لينا توريها جزء من الفيديو انجى تغطى بقها من الصدمه
لينا / هيدا الفيديو انبعتلى من موبايلك انتى كنتى سكرانه و بتصورى حالك و كمان باعتيلى اياه
انجى تطلع موبايلها و تقلب ما تلاقيش حاجه
لينا / لا تخافى انا مسحته من عندك بعد ما اتاكدت انك ما بعتيه لحدا تانى و الاهم كرم و اتكلمت مع حسام واكدلى انه ما صار شي و انه حاول يمنعك كتير و اخد الموبايل منك بس كنتى بعتيلى الفيديو و ما قدر يمسحه و وعدنى ان اللى صار راح يضل سر بيناتنا و انا اقنعته لابوكى يفسخ لعقده و يعطيه الشرط الجزائي من شان يترك لبنان و ما تلتقوا مره تانيه
انجى / فيني اشرحلك
لينا / انجى حسام بعمره ما حبك يمكن كنتوا رفقات بس ما فيكي تكونى اكتر من هيك خاصه بعد اللى صار حسام رجال شرقى و هيك اشيا كتير بتفرق معه كرم بيحبك و حتى اذا عرف باللى صار شي يوم اكيد هيقدر انك مو بوعيك و هيسامحك اللى بيحب بيسامح و يضحي
انجى / بس انا مو بحبه لكرم
لينا / ما فيني اضغط عليكي بس فكرى فى ابوكى و وضعه اذا بيوم الناس بلشت تحكى عنك بسبب اللى صار هونيك فكرى بالناس اللى شافوكى بترقص معه فى البار و اللى شافوكى و انتى طالعه حده بالاوضه و بتتماحنى عليه فكرى بكلام الناس و بسمعتك و سمعه ابوكى فكرى بمركزنا فكرى شو بيصير اذا كرم قرر يتخلى عنك و عنا كرم انسب شب لاليك و الا ما كنت حاولت هالقد معك
انجى / كيف فينى اكون مع رجال و قلبي
لينا / بعمره ما حبك بعمره ما اطلع فيكي حتى نضره حسام بيعشقا لندى و بيبيع الدني كرمالا انتى كمان فكرى بحالك فكرة باللى شاريكي و بده اياكى فكرى بكرم بس شوي انجى قلبى انا امك مين بهالعالم فيه يحبك قدى
انجى / قديش فات على هالفيديو ليش ما مسحتيه ليش جازفتى ان حدا غيرك يشوفه
لينا / لانى بعرف انى راح احتاجتله لاقنعك لانى اذا خبرتك عنه ما راح تصدقيني انا مسحت الفيديو فعلا من الابليكاشن و غيرت الموبايل بس ما مسحته من الموبايل هون لانى بعرف انك ما راح تتركى لي خيار تانى و راح تتمسكى بحسام حتى بعد ما ترك لبنان و فل
انجى / بليز ماما بدى ضل لحالى هلا بليز
لينا / تمام يا قلبي تمام
انجى / انا ما فيني ابدا حياتى مع كرم دون ما خبره باللى صار مع حسام
لينا / بس ما صار شي ابدا
انجى / لازم يسمع منى احسن ما يسمع من العالم ما فيني اخدعه و لا اضحك عليه
لينا / لكن فيكي تفضحى حالك و تفضحينا معك مو هيك
انجى / هيدا اختبار اخير لكرم اذا فعلا بيحبنى راح يتمسك فيني و وقتا راح اتزوجه كيف ما بدكن اذا بقي … يبقي هيك احسن للكل
لينا / شو فيني اقول بكيفك ساوى كيف ما بدك ما فيني اتعب حالى اكتر
انجى تبص للينا لينا تسيب المكان و تمشي انجى تطلع الموبايل و تتصل بكرم
انجى / الو كيفك
كرم / كان يوم صعب بس اتحسنت كتير لما سمعت صوتك
انجى / اذا فينا نتقابل بدى احكى معك بشي شغله
كرم / عالمسا اذا بتريدي
انجى / تمام هستناك تحاكيني و هلا راح سكر و سيبك تخلص اللى وراك منشان ما عطلك
كرم / تمام راح دق عليكى منشان تجهزى
انجى / تمام
انجى تقفل و تتنهد و تحاول تتصل بحسام يكنسل عليها تحاول تتصل تانى تليفونه غير متاح تنفخ و تقوم تدخل الحمام
…………………………
فى شقه نور
نور تقعد فى الصاله و على يقعد جنبها ندى تدخل تحط صينيه الكيكه على الترابيزه قدامهم
ندى / الغدى فى المطبخ تحبوا استخنلكوا تاكلوا و لا اعمل شاى مع الكيك سخن
نور / تسلمي يا نونو تعبتى نفسك بس بجد ما ليش نفس
ندى / الولاد متاثرين اوى بحالتك دى زعلانين اوى عشانك … على فكره يس و نغم ساعدونى فى الكيكه دى
نور / تسلم ايديكوا … انا مقصره فى حقكوا اوى سامحونى
نغم تجرى تحضن نور
نور / عامله ايه يا قلبي
نغم / بطنك خفت ؟
نور / بقيت احسن لما شوفتك
نغم / انا لعبت مع حبيبه و ندى حطتلى مونوكير
نور/ الله حلو اوى وريتيها علبه المكياج بتاعتك
ندى / ايوه فرجتنى و المره الجايه هخليها تحطلى مكياج
امانى تبص الناحيه التانيه و على باصص لندى و مبتسم ابتسامه مرهقه
حسام / طب ايه يا جماعه نسيبهم يرتاحوا بقي و لا ايه
نور / انا مش تعبانه و لا مضايقه من وجودكوا
حسام / بس لازم تفردى ضهرك و ترتاحى لازم تاكلى و يا ستى ان ما كنتيش انتى محتاجه ترتاحى فجوزك محتاج
حسام يبص لعلى على يهز راسه
حسام / نامى دلوقت و لما تصحى رنيلنا نطلعلك نقعد معاكى شويه
نور / لا انا عاوزه اروح المستشفي تانى ابص على كرم فى معاد الزياره
امانى / و هو حالته هتتغير من دلوقت لمعاد الزياره
نور / واحشنى ابنى واحشني
على / ارتاحى دلوقت و بالليل يحلها حلال تمام
نور / هتوديني
نور تعيط
على / هوديكي يا نور ان شالله نفرش و نبات على باب المستشفي حتى لو ده هيريحك بس لو سمحتى اهدى و ارتاحى دلوقت
نور تبص للى حواليها
ندى / اجبلك تاكلى؟
على / هغرف انا و اكلها تسلم ايدك تعبناكى معلش
ندى / و لا تعب و لا حاجه ياريت كان فى ايدي اى حاجه اكتر من كدا كنت عملتها
على يبتسم بحزن حسام يتحرك ناحيه الباب ندى تروح وراه
محمد / انا صاحي تحت لو عوزتى اى حاجه كلميني
نور تبتسم الكل يمشي و حسام يقفل الباب وراه
على / هدخل اغرف
يس / اساعدك تغيرى ؟
نور / روح يا حبيبي ساعد بابا و انا هدخل اغير لوحدى
نغم / اجى معاكى
نور/ تعالى يا قلبي
نور تاخد نغم و تقوم يس يسندها للاوضه تلعب فى شعره يبصلها و يبتسم
…………………………
فى الكافيه
انجى / انا ما كنت بعرف شو اللى صار هيدا هو كل اللى بتذكره و الفيديو و حسام اكدوا ان ما صار شي بيناتنا
كرم يبص لانجى
انجى / بعرف انو مو سهل ابدا و ان اللى صار كتير قاسي بس صدقني انا ما كنت بوعيي و ما كان فيني ابدء معك حياتنا و ما خبرك باللى صار
كرم / و هلا شو اللى هيصير
انجى / اذا فيك تسامحنى و تنسي
كرم / بتحبيه
انجى / ما كنت بوعيي يا كرم شربت كتير و سكرت و ما بعرف شو صار فينى انا حتى اتفاجئت كتير باللى صار لانى ما بتذكره ابدا
كرم / انا بحبك كتير يا انجى بس مانى اوبن مايندد لهالقد
انجى / شو ما كان قرارك انا راح احترمه عالاكيد
كرم / فيكي تعطيني شويه وقت عالقليل لاهدى و … اعرف افكر منيح … اذا اخدت اى رد فعل هلا راح اندم عليه كتير
انجى/ معك حق … انا اسفه كتير
انجى تقوم و تمشي و كرم قاعد مخنوق
…………………..
فى شقه على
على و نور نايمين تليفون على يرن يقوم مفزوع و يعمله صامت و يبص على نور نايمه يطلع بره و يرد
على / الو
صوت راجل / استاذ على حقي
على / ايوه
الراجل / مع حضرتك منير شرف من حضانه الامل
صمت
الراجل / انا اسف جدا بس كرم … البقاء لله
صمت و على واقف متخشب و الدموع بتنزل من عنيه
الراجل / انا اسف جدا انى مضطر ابلغ حضرتك بحاجه زى دى فى وقت زى ده بس
على / انا فى الطريق
الراجل / تمام و البقاء لله مره تانيه
على يفتح باب الشقه و ينزل و يضرب الجرس على حسام و فجاه ينهار و يعيط ندى تفتح الباب تلاقيه بينزل على ركبه تتفزع و تنزله و تمسك وشه و تخليه يبصلها
ندى / فى ايه يا على نور جرالها حاجه مالك
على / كرم مات يا ندى ابنى التانى هو كمان مات
ندى تمسح دموع على بايديها و تعيط هى كمان و حسام واقف بعيد بيتفرج
على / انا مش قادر اقول لنور لوحدى و لازم اروح استلمه و مش قادر مش قادر ادفن ابنى التانى كمان انا ما لحقتش افوق انا
ندى تحضن على و هو منهار يبعدها عنه
على / انا … انا اسف انا … هو … هو حسام صاحى
ندى تستوعب الموقف و تبدا تلم نفسها و على يلم نفسه ندى تبص جوه تلاقي حسام واقف ورا الباب و باصصلها يطلع من جوه
حسام/ خير يا على مالك فى حاجه حصلت و لا ايه
على / كرم … كرم اتوفى و عاوزيني اروح استلمه و نور
حسام / روح و انا هطلع اتكلم معاها
على / بس هى هتبقي محتاجانى جنبها لما تعرف خبر زى ده
حسام / معاك حق … لازم تاخدها فى حضنك و تطبطب عليها
حسام يخبط لعلى على كتفه بالراحه و يبص لندى على يبص لندى واقفه سانده على الباب بتعيط
حسام / اطلع لمراتك و انا هغير هدومى و احصلك اصلي كنت نايم
على ثابت فى مكانه
حسام / خشي انتى كمان يا ندى اللبسي خشي يا قلبي خشي
حسام يدخل ندى و يقفل الباب و على واقف متخشب بره
حسام / هو تليفونى فين اكلم بابا و ماما يطلعوا هم كمان عشان اكيد نور هتحتاجنا كلنا حواليها دلوقت نبلغها الخبر
ندى تناول حسام الموبايل من الشاحن
حسام / اللبسي و اسبقيني و خدى حبيبه فى ايدك عشان العيال اللى فوق هيحتاجوا حد يقعد معاهم
ندى / تمام
ندى تدخل جوه و حسام يقعد و يتصل بحد بالتليفون و ندى بتتحرك بتردد تفتح الدولاب و فجاه تسمع صوت صريخ تطلع تجرى تلاقى حسام طالع يجرى و و امانى و محمد بيجروا تقف مكانها بتعيط ثوانى و تطلع وراهم تلاقي على حاضن نور و هى بتعيط
نور / حرام والله حرام انا عملت ايه اتعذب عشانه كل ده ظلمت مين عملت ايه فى حياتي بس
حسام / وحدى الله يا نور انتى مؤمنه
نور / مش قادره مش قادره
على / اهدى يا نور لعله خير
نور / انت كمان بتقول خير يا على
على / مش يمكن كان يبقي معوق او مريض طول حياته
نور / كنت مستعده اشيله لاخر يوم فى عمرى اخدمه بعنيا كنت راضيه
حسام / اللى رزقك بيه قادر يرزقك بغيره
نور / و انا هستني كل ده هعيش كل ده تانى هرجع للصفر تانى و اعيش كل ده تانى و يا ترى هيعيش ولا هيموت هو كمان .. ما انا كنت راضيه ما انا كنت راضيه انى ما بخلفش كنت راضيه كنت راضيه
على / قومى يا نور لو عاوزه تبصي عليه نظره اخيره قبل الدفن
نور تمسح دموعها
نور / ادفنه جنب اخوه عشان ياخدوا بالهم من بعض
على / حاضر قومى اللبسي يا قلبي
نور تبص لندى بتعيط يروحوا يحضنوا بعض
ندى / شدى حيلك البقاء لله
نور / ربنا ما يكتب عليكى وجعى لا و انتى و لا اى حد
ندى / ربنا يصبرك
حسام / هنطلع بره و نسيبك تلبسي ساعدها يا على و لا تحبى ندى اللى تساعدك
نور / انا هلبس لوحدى كتر خيركوا
على / هخليني جنبك برده
حسام يحرك ندى لبره و على عينه معاها حسام يقفل الباب و عنيهم فى عنين بعض لحد ما الباب يتقفل
………………..
فى شقه منال
عمر بيلبس الجزمه منال تطلع من الاوضه
منال / انا جاهزه
أية / متاكدين انى بلاش اجى معاكوا
منال / خليكي دلوقت و بكره الصبح ابقي تعالى يكونوا خلصوا كل الاجراءات
أية / طب لو ندى فى البيت هناك بالعيال اللبس و اروح اقعد معاها
منال تبص لعمر
عمر / خمس دقايق تكونى جاهزه على ما اطلع العربيه من الجراج و اجى تحت البيت ارنلكوا تنزلوا
منال / انزل انت ما تقلقش و انا هساعدها
عمر يفتح الباب و ينزل و أية و منال يجروا على الاوضه
منال / اللبسي وانا هلبس بيرين يلا بسرعه
أية / تمام خدى الطقم ده لبسيهولها و انا هلم حاجتها بسرعه و بعدين اضرب العبايه و النقاب مش هاخد حاجه
أية تناول منال طقم و تلم حاجه البيبي فى الشنطه بسرعه
………………….
فى شقه نور
منال / انا كمان شايفه انكوا تطلعوا عمره يمكن تخف عنكوا شويه اللى عشتوه ده
على / انا قريت ان حتى لو الطفل اتوفى لازم العقيقه بتاعته و ان الطفل اللى ما اتعملتلوش عقيقه مش هيشفع لاهله يوم القيامه
عمر / و ايه المشكله ما نجيب جديين و تخليهم يسوهم فى المحل و يطلعوا وجبات و يا سيدى نعمل جدى تالت لبيرين
على / و انت يا عمر مش عارف ظروفى الفتره دى
حسام / انا ممكن اساعدك
على / مش عايز منك حاجه
امانى / دا جزاته يعني
محمد / مش وقته يا امانى الدنيا مش ناقصه و بعدين على معاه حق العقيقه لازم يعملها الاب مش الخال
حسام / انا كنت بتكلم عن العمره و بعدين انا حر مع اختى اديها فلوس اديها هديه احنا حريين مع بعض
على يقوم و يدخل جوه
عمر / على كان محوشلك الفلوس اللى اديتها لنور عشان العمليه بس نور ما رضيتش تديهالك الا لما تولد
امانى / و اديهم احتاجوها
عمر / يبقي ما يزودش ديونه بقي بدين جديد و هو لسه ما سدش القديم
حسام / دين ايه هو انت لو اديت اخوك هديه يبقي دين انا مش فاهم عقله ده جايبه منين
منال / مش وقته الكلام ده الراجل منكوب و تعبان و فيه اللى مكفيه و هو ادرى بظروفه و اكيد هيقدر يرتب اموره
حسام / انا تعبان و هنزل انام كلنا تعبانين و ما نمناش من امبارح
حسام يقف و ينادى
حسام / ندى
ندى تطلع من اوضه الاولاد شايله حبيبه
حسام / يلا عشان ننزل ننام شويه
ندى تبص على كل اللى حواليها و تتحرك ببطئ و حسام متابعها تعدى على اوضه على الباب مفتوح و على و أية بيواسوا نور
ندى / انا نازله يا نور هتحتاجى حاجه
على يبص لندى
حسام / يلا يا ندى
ندى تبص لحسام و تتحرك على يطلع بره و يتابعها
عمر / انا بقول نستاذن احنا كمان و لو تحبوا اوصلك يا طنط فى طريقنا
ليلى / ماشي يا ابنى … هتعوز حاجه يا على
على عينه على ندى و حسام لحد ما ينزلوا
ليلى / انا همشي يا حبيبي هتعوز حاجه
على يبص لليلى
على / لا يا ماما ربنا يخليكي
امانى و محمد يقوموا
محمد / احنا كمان هننزل بس لو عوزت حاجه رنلنا
عمر / أية
أية تطلع من جوه شايله بيرين و الشنطه
عمر / لو عوزت حاجه كلمنى
على يهز راسه و الكل يمشي و على يقفل الباب وراهم
………………….
فى شقه ندى
ندى تدخل تجرى على اوضه ابوها و حسام يقفل الباب و يدخل اوضته
حسام / ندى … ندى
ندى تدخل شايله حبيبه
ندى / كنت بطمن ان بابا مش ناقصه حاجه
حسام / هاتى حبيبه و اعمليلى قهوه لو سمحتي
ندى / حاضر
ندى تدى لحسام حبيبه و تطلع بره و هى كل شويه تبصله
…………………….
فى شقه نور
على يدخل يدى لنور كبايه عصير ليمون تهز راسها لا
على / اللى بتعمليه ده مش هيغير حاجه
نور / تفتكر انا حصل معايا كدا ليه
على / مش عارف بس يمكن ربنا له حكمه
نور تبص لعلى
على / انا كل اللى اعرفه انى ما قصرتش فى حاجه ما كانش فى قدامى سكه الا و مشيت فيها عملت كل اللى اقدر عليه بس لا راد لقضاء الله
نور / ان شاء الله هم فى مكان احسن من هنا
على / ان شاء الله … ايه رايك فى الكلام اللى قالوه … اننا نطلع عمره و كدا بيتهيالي هتفرق معاكى
نور / ياريت
على / و العقيقه
نور / اعمل اللى انت شايفه صح
على / خلاص هشوف شركه تظبطلنا عمره كويسه و لما نرجع باذن الله نعمل العقيقه
نور تمسح وشها على يناولها الكبايه تانى
نور / مش طايقه الاكل و الشرب مش طايقه الدنيا باللى فيها
نغم تبص براسها بالراحه على يغمز نور تبص
نور / عامله ايه يا حبيبتي عاوزه حاجه
نغم / هو انتى زعلانه منى
نور / لا يا روحى
على / تعالى يا نغم ادى كبايه اللمون دى لماما نور تشربها من ايدك انتى
نغم تمسك الكبايه بايديها الاتنين و ترفعها لنور و تبتسم نور تاخد الكبايه و تحطها و تشيل نغم و تحضنها
نغم / انا بحبك ما تعيطيش
نور / و انا كمان بحبك اوى يا نغم
نغم / اجبلك كيكه ؟
نور / لو عاوزه خلى يس يجيبلك
نغم / انا مش عاوزه كيكه انا مش عوزاكى زعلانه انا هسمع الكلام و هعمل الواجب و هرتب اوضتى انا حتى رتبت سريرى مع يس تحبى تشوفى
نور تبوسها و تفرد ضهرها و تاخد نغم فى حضنها على يقوم و يغطيهم
على / هقوم اتوضي و اصلي و و اقرا شويه قران نامى انتى و ارتاحى و لو احتاجتى حاجه ناديني
نور تبتسم على يطفى النور و يروح يبص على يس قاعد على السرير باصصله يروح يقعد جنبه
يس / انا اسف
على / على ايه
يس يعيط على يحضنه
يس / انا ما كانش قصدى انا كنت هحبه والله
على / فى ايه بس يا يس مالك
يس / انا كنت خايف تحبوه اكتر منى و تسيبونى انا و نغم كنت خايف بس انا ما عملتش حاجه انا
على / يا حبيبي انت ما لكش ذنب فى اى حاجه
يس / بس انا كنت خايف
على / كلنا بنخاف يا يس كلنا بنخاف عادى بس انت ما عملتش حاجه
يس / يعني انت مش زعلان منى
على / ابدا ازعل ليه بس هو انت كنت شفته اصلا
يس / والله كنت هحبه
على / و هو كمان اكيد كان هيحبك اوى بس ربنا اختاره بقي هنعمل ايه
على يمسك دموع يس
يس يهز راسه على يقوم و يمشي
…………………
فى شقه حسام
حسام قاعد بيشرب القهوه فى البلكونه و ندى متبعاه هادى تبلع ريقها و تلبس الطرحه و تدخل
ندى / انا خلصت المطبخ هتعوز منى حاجه
حسام / شكرا ارتاحى بقي تعبتى جامد
ندى / تحب تتكلم معايا
حسام / ما عنديش كلام اقوله
ندى / تمام
جرس الباب يضرب حسام يبص لندى و ندى بصاله
حسام / افتحى شوفى مين لو سمحتى
……………..
- يتبع الفصل التالي اضغط على ( رواية سلف و دين ) اسم الرواية