رواية احببت ظابط غيور (كاملة جميع الفصول ) حصريا عبر دليل الروايات بقلم ياسمين اشرف
رواية احببت ظابط غيور الفصل السادس 6
احببت ضابط غيور
البارت(6)
_مساء الخير
احلام: مساء النور
مها اتصدمت وهمست: انت؟!!
فارس ب ابتسامه: حمدلله علي سلامتك انسه مها
مها اتوترت: الله يسلمك يفندم
فارس: هتقدري تتكلمي عادي ولا اجي وقت تاني
مها: ايوا هقدر
فارس: تمام ممكن تحكي اللي حصلك
مها: انا كنت مروحه البيت وطالعه السلم عادي لقيت تقريبا4 ستات مااخدتش بالي اوي من عددهم ف اتخضيت وسألتهم انتوا مين وقاعدين كدا لي ردوا عليا ب...
مها عيطت واحلام جريت عليها واخدتها ف حضنها
فارس بحزن: لو مش هتقدري تكملي اجيلك وقت تاني
مها: لا لا انا هقدر
فارس: تمام قولي
مها: سألتهم انتوا مين قالولي احنا اللي هناخد روحك جيت اجري واصرخ لقيت حاجه خبطت دماغي ف دوخت ومحستش بحاجه غير وانا بفوق من شويه
فارس: ليكي عداوه مع حد
مها: اه
فارس: مين
مها: واحد اسمه سعيد القناوي
فارس: عارفوا طيب لي هو
مها: عشان طلب مني ورق صفقه مهم جدا وانا موافقتش
فارس: طيب لي موافقتيش ولي متاكده ان هو
مها: لي موافقتش عشان مديري واثق فيا وانا استحاله اخون الثقه دي ولي متاكده ان هو عشان انا ماليش عداوه مع حد خالص فا اكيد هو اللي عمل كدا عشان انا هزقتوا بمعني اصح فاحب ينتقم مني عشان هزقتوا وعشان هيخسر الصفقه دي بسببي
فارس: تمام ي انسه مها انا ان شاءالله هجيب حقك وهعمل اللي هقدر عليه
مها بصتله ب استغراب وعدم فهم
فارس: ف حاجه ي انسه مها حضرتك مستغربه لي
مها: لا مفيش اصل حضرتك بتقول انا مش مفروض ان هو احنا
فارس اتصدم بعد ماعرف هو قال اي
فارس اتوتر: اه اه انا او احنا اللي بس النتيجه هتبقي واحده ان شاءالله كلنا هنجيب حقك يعني بعد اذنكوا واسف لو كانت الكلمه دايقتك
مها ب ابتسامه: لا خالص مزعلتنيش خالص هو تقدر تقول كان مجرد بس فضول واسفه لو كنت احرجتك
فارس ب ابتسامه: لا خالص حمدلله ع سلامتك
مها: الله يسلمك
مها سرحت فيه وهو خارج واحلام بتكلمها ومش متتبهه ليها
احلام بصوت عالي: مهاااا!!!!!؟
مها: اي اي ي احلام
احلام غمزتلها: مالك يقمر سرحانه ف اي بس
مها اتوترت: اي لا لا مش سرحانه هسرح ف اي مفيش حاجه
احلام: مهااا توترك دا مش عاجبني بس اي رايك حلو صح
مها سرحت: اه حلو اوي ي احلام
احلام: مهاااا ف اي بالظبط
مها: لسه مش عاوزه تعرفي انا لي اتوترت ف الكافيه ولي متوتره دلوقتي كمان
احلام: اه ليي بقا
مها: عشانو
احلام: عشان مين
مها ابتسمت بحب: عشان اللي كان لسه قاعد
احلام بصدمه: الضابط فارس؟!!!!!
مها ضحكت: اقفلي بؤك دا شويه
احلام: سيبك مني عشان الضابط؟!
مها ضحكت: اه عشانو هو
احلام: طيب لي
مها: اول امبارح كان اول مره اشوفه ف حياتي وكانت احسن حاجه اشوفها اليوم دا انا اليوم دا اتخانقت مع الامين اللي شغال معاه وهو جه واتدخل وحل الحوار وزعق للامين تاني مره شوفتوا اما كنا ف الكافيه هتصدقيني ف اللي هقولو
احلام: اكيد يروحي قولي
مها ابتسمت بحب: انا شكلي بحبه اه والله شكلي بحبه هتقوليلي ازاي هقولك انا معرفش بس دا مش اعجاب دا حب انا حاسه انو بيحبني عارفه لي
احلام: لي
مها: عشان عمري ماهحس الاحساس دا غير اما يكون هو كمان حاسه اللي بيحب حد لازم اللي بيحبه يبقي يبقي عنده ولو ذره حب عشان كدا التاني حس بيها وانا بحبه وهو كمان جواه احساس الحب دا ودا انا شوفتو في عينو دلوقتي واحساس حب وخوف عليا وزعل بان ف عينو احساس الغيره اللي كانت ف عينو وغضبه اللي شوفته اما كنا ف الكافيه لمجرد بس انو شافني قاعده مع حد هو مستحملش يشوفني مع حد غيره ساب الكافيه ومشي خالص
احلام: مها انتي كويسه ولا الخبطه دي اثرت علي دماغك
مها ضحكت وابتسمت بحب: انا كويسه جدا متخافيش ولاول مره ف حياتي ابقي كويسه كدا
احلام: بصي ي مها انا مش هقولك اكتر من ربنا يفرح قلبك ويحميكي واشوفك اجمل واحلي عروسه ف الدنيا كلها وتبقي اسعد انسانه مع اللي بيحبك وبتحبيه بجد ويقدر يحافظ عليكي وميزعلكيش ف يوم ابدا ياروح قلبي
احلام حضنت مها جامد والحضن دا عبر لمها عن كل الكلام اللي عاوزه تقولهولها وفرحتها بفرحه اختها
قطع كلامهم الدكتور
الدكتور: حمدلله علي سلامتك انسه مها
مها: الله يسلمك
الدكتور: بعد اذنك هشوف الجرح وهغير عليه
مها: ايوا طبعا اتفضل
*عند فارس روح البيت وهو فرحان وحاسس ب مشاعر غريبه اوي جواه من ناحيه مها
جيهان بقلق: عملت اي ي فارس
فارس: اي يحبيبتي مالك قلقانه اوي ليه كدا
جيهان: هي بقت كويسه
فارس: اه الحمدلله القضيه هتتخول خلاص للنيابه وهما هيشوفوا شغلهم
جيهان: طيب الحمدلله
فارس: الحمدلله انا هدخل انام ي ماما تعبان جدا وبكرا هيبقي يوم طويل
جيهان: طيب يحبيبي
فارس باس ايديها: تصبحي علي خير يحبيبتي
جيهان: وانت من اهل الخير يحبيبي
*في مكان مهجور
سعيد: ازاي يعني مماتتش
_ي باشا دول غزو*ها بالم*طوه وكانت اصلا فاقد الوعي قبلها افتكروها ماتت دا غير الضرب اللي اخدته الاول
سعيد: انا مشغل معايا بهايم غور ف داهيه
_تمام ي سعيد بيه حضرتك عاوزني اخلص عليها ف المستشفي
سعيد: مش بقول مشغل بهايم
_لي بس ي باشا
سعيد: ياغبي المستشفي اكيد عليها امن ودكاتره رايحه وجايه دا غير هيكشفوكوا بسرعه من الكاميرات واكيد حد قاعد معاها بقولك اي سبني افكر ف حاجه تانيه سلام
_سلام ي باشا
سعيد لنفسه: طلعتي ب سبع ارواح يابت**** بس علي مين مش هسييك و يا انا يا انتي
*عند مها ف المستشفي
الباب خبط
مها: ادخل
_مساء الخير
مها واحلام: مساء النور
_عامله اي ي مها
مها: الحمدلله بس انتي مين
_...............
(نهايه الفصل)
شكرا لتفاعلكوا❤🥹
•تابع الفصل التالي "رواية احببت ظابط غيور" اضغط على اسم الرواية