رواية بئر كندراش (كاملة جميع الفصول) حصريا عبر دليل الروايات بقلم نورهان اسلام
رواية بئر كندراش الفصل الثامن 8
دخل الملك الغرفة اللى فيها نجمة وقمر و والدهم عبد الرحمن والغرفة ديه كانت غرفة عبد الرحمن.. بص للأثاث المتكسر وشكل قمر اللى قوتها قلت بعد استخدام سحرها حرك أيده ورجع الغرفة زى ما كانت .. بص على قمر وهو بيديها سحره علشان متضعفش كل ده تحت نظرات نجمه اللى مستغربة من القوة اللى عندهم والسحر اللى بيمتلكوه ... اتكلم بأمر وهو بيقول: قمر .. اذهبى إلى جناحك !!
بص لنجمة بتحدى وقال: اخر ليالى ستقضيها فى قصرى .. استمتعى قبل أن تغادري
خرج من الجناح وخرجت قمر وراه بدون ما تتكلم
_______________________
عدى يومين بدون أحداث وديه الموهلة اللى أداها الملك ل قمر علشان نجمه تسيب القصر
كانوا قاعدين لحين دخول الملك بدون أمر مسبق والغضب باين على وشه : انا أمرت ان تخرج من القصر !! وإلا سأمر بقطع رقبتها
شد الملك السيف وهو بيحطه على رقبة نجمه ..
نجمه رجعت لورا وكانت ماسكه ايد قمر وصوت نفسها بئا عال. وعينها فى عين الملك.. غمضت عينها وهى مستنية ان الملك يقطع راسها .. لكن قمر مسكت السيف بايدها وقالت: كند راسي راش كند قبل راش كند رأس راش كند نجمة راش
الملك قال بعصبيه وصوت عالى: قمر كند ابتعدى راش
قمر بصتله بتحدى وهو فضل باصصلها فضلوا كدا لمدة دقيقه لحد ما لاحظ ان السيف اختلط بدم قمر
سحب السيف من على رقبة قمر وهو بيتنهد بغضب وبيقول: كند اخر راش كند مره راش كند تقفى راش كند قصادى راش . قمر
قمر مردتش .. الملك رجع السيف مكانه .. وبص لنجمه. بشر
بص لأيد قمر وهو بيعالجها بسحره
رميان جرى على الملك وهو بيقول: بابا بابا ..
الملك بعينه رفعه لحد مستوى نظره وخلاه كأنه واقف وقاله بحزم :كند نعم راش
رميان بطفوله: كند ممكن راش نجمه كند تفصل راش كند معايا راش
الملك بص لنجمه بغضب وبعدين سكت وساب رميان يقع على الارض
رميان وقع وبدا يعيط قمر قربت منه وهى بتطبطب على ظهره وبتقوله بالعربى: سامحنى لان ابوك الشخص اللى قدامك ده .. مكنش بايدى
رناش سمع كلامها وسكت وبعدها خرج الملك من الجناح وقبل ما يقفل الباب بص ل نجمة وكانت نظرته غير مفهومه
نجمه قربت وهى بتقول: انا لازم امشي يا قمر .. قعدتى هنا خطر عليكى وعلى بابا .. انا لازم امشي ..
قمر ببكاء: سامحينى يا نجمه ..
نجمه حضنتها وهى بتقول: انتى معملتيش حاجه تخلينى اسامحك عليها .. المهم خلى بالك من نفسك ومن بابا
قمر ببكاء: حاضر.. خلى انتى بالك من نفسك
نجمه مسحت دموع قمر وبعد كدا بصت لابوها ولرميان ولقمر وهى واقفه عند شباك الاوضه وطارت فى اتجاه كوخ ادم
فى كوخ ادم_______
كان قاعد بيحطتب لحد ما سمع حد بيخبط على الباب فتح الباب وهو بيبص بإستغراب: نجمة ..
دخلت نجمة وقعدت وهو لسه مستغرب وبعد كدا قالت: الإمبراطور طردنى من القصر
ادم بإستغراب : طردك!!! ليه .. عملتى حاجه اغضبت الملك !!
نجمه وهى بتهز رأسها: لا .. مش عارفه طردنى ليه .. ومستغربة من القرار بتاعه ..
ادم بتفكير: ماندريانا اتكلمت معاكى فى حاجه!
هزت رأسها بنفى وقالت وهى بتفكر فى حاجه تانيه: لا .. بس انا عايزه اعرف حاجه!!
قعد مكانه بارتياح وهو بيطمن نفسه ان ماندريانا ملهاش علاقة بالموضوع: قولى!
نجمه بتساؤل: مذاكرت الساحر كندراش فيه منها نسخ او اقدر الاقيها فين!!!
ادم وهو بيحتطب: مذاكرت الساحر مفيش منها غير نسخه واحده وموجودة فى مكتبة القصر ..
نجمه وقفت وبدأت تتكلم وهى بتتحرك: الساحر كاتب فى مذاكرته ان الارض ديه ليها نهاية وإنها عاجلاً ام اجلاً هينتهى حكمها وهيرجع البشر هما الأشخاص الاساسيه فيها .. ده معناه إن فيه حد هيحرر الارض من حكم السحر اللى بيخلى اى حد يدخلها ميعرفش يخرج منها ..
ادم ساب اللى فى ايده و وقف وهو بيبصلها: انتى فتحتى الكتاب وقرأتى كل ده!!
هزت رأسها وهى بتقول: اه
ادم بصدمه: والملك شافك !!؟
هزت رأسها تانى وهى بتقول: اه ...
بصلها وهو بيستوعب اللى عملته وقال: علشان كدا طردك .. مكنش ينفع تقرأى الكتاب ده .. اى كتاب فى الارض هنا فيه منه نسخ كتير .. إلا الكتاب ده .. كويس إنه طردك مقطعش رقبتك
نجمه بنفى : لا .. معتقدش إن ده السبب .. بس عايزه اعرف الارض هتنتهى ازاى ..
ادم : نجمه فوقى .. نهاية الأرض هيكون فيها خراب .. الملك هنا مسيطر على نظام الحكم
ردت نجمه وهى بتمسك دراعه وقالت: يعنى انا مش هعرف اخرج من هنا
رد واللامبالاه على وشه وقال: لا كان غيرك اشطر
لف علشان يمشي لكن هى مسكت ايده بسرعه وهى بتقوله برجاء: استنى اكيد فيه طريقه ارجع بيها .. انا مش عايزه اكمل بقيت حياتى هنا
رد وهو بيصرخ وبيقول بعصبيه: طالما مش عايزه تكملى باقى حياتك هنا .. جيتى هنا من الاول ليه!!
بصتله تانى بحزن .. فتحت باب الكوخ وبصت علي ادم نظرة اخيرة وهى بتطير من قدامه .. بصلها وهى بتمشي من قدامه بحزن
____________________
نزلت على الارض وهى بتتمشي بحزن .... شافها واحد وهى ماشيه فبص ليها بذهول وقال: كند جلالة راش كند الملكة راش .. ضحكت بحزن وهى بتكمل طريقها وهو رفع رأسه وهو بيبصلها تانى مشي وراها وقال: كند تؤمرينى راش كند بشى راش كند جلالة راش كند الملكة راش
ابتسمت فجاءة وفيه فكره بتيجى فى دماغها .. بصتله وقالت: كند نعم راش
-----------------------
دخلت ماندريانا كوخ ادم وقالت: انت لسه قاعد هنا .. مخرجتش ليه!!
ادم وهو متضايق من اللى حصل مع نجمه: مليش مزاج
لاحظت ماندريانا إن فيه حاجة .. سألت بإستغراب: فيه حاجه حصلت!!!
ادم: نجمة اطردت من القصر
ماندريانا بصدمة: ازاى .. الإمبراطور عمره ما طرد حد من القصر
ادم: لا ما هى دخلت المكتبة وقرأت كتاب الساحر كِندراش
ماندريانا بإستعجاب: الكتاب ده نص اهل الأرض قرأه .. والملك بيقيم حفلة سنوياً وكل اهل الأرض بيدخلوا يقرأو من المكتبة .. وفيه منهم اللى بيقرأ الكتاب ده !!!
ادم وقف وهو بيقول : يعنى الكتاب عادى اى حد يقراءه
ماندريانا: اه .. عادى .. اتطردت ليه!!!
ادم بدهشة: مش عارف .. اكيد فيه حاجه الملك مش عايز يقولها ..
ماندريانا: المهم.... نجمة فين دلوقتى!؟
ادم: مشيت .. بتدور على طريقة تخرج بيها من الأرض
ماندريانا بصدمة: ازاى سبتها تمشي .. هى متقدرش تعمل حاجه فى الأرض من غير سحر الخدمات .. وهى متعرفش طريقة الحصول عليه
ادم بصلها وقال: تعالى نخرج ندور عليها
__________________
نجمة : عايزة اعرف ازاى اخد سحر الخدمات واستخدمه
كانت بتتكلم مع الشخص اللى شافته بأمر بصلها بإسنغراب وفضل ساكت
كان ادم وماندريانا بيدوروا عليها شافوها واقفه على الأرض ونزلوا على مقربة منها سمعوها وهى بتتكلم معاه وبتقوله الكلام ده
ضحك ادم وهو بيقرب منها وقال: سحر الخدمات محدش يقدر يستخدمه إلا إذا كان يستحقه
نجمه بعدم فهم :يعنى ايه!!!
ماندريانا: يعنى لازم تتعلمى السحر بنفسك .. محدش يقدر يخليكى تستخدميه بسهوله ..
بصت للشخص اللى كان واقف قدامها وهى بتؤمره يمشي ..
بصت لأدم وماندريانا وفضلت ساكتة
اتكلم ادم وقال: ممكن أساعدك ازاى تتعلمى السحر !
ماندريانا: اول ما بتدخلي الارض بيكون مكتوبلك السحر اللى هتقدرى تستخدميه فى المستقبل .. وبيكون عليكى اكتشافه
نجمه: فيه حد يقدر يمتلك السحر كله
ادم : لا معتقدش
ماندريانا: لحد النهارده محدش قدر يعملها حتى الملك .. بس فى مذاكرت الساحر مكتوب إن فيه شخص هيقدر
يمتلك سحر الخدمات كله افتكرت إنها قرأت فى مذاكرت الساحر
" وكأن سحر الخدمات سُخر لأجلها هى التى ستضع الحروف على انتهاء الارض .. هى التى ستعود للحياة مجدداً ..."
مستنية رأيكم فى البارت الجديد .. متنسوش تعملوا لايك وكونت برأيكم وشير🤍🌸
دُمتم سالمين💚
•تابع الفصل التالي "رواية بئر كندراش" اضغط على اسم الرواية