رواية شيزوفرينيا احاسيس بقلم حنين عادل عبر مدونة دليل الروايات
رواية شيزوفرينيا احاسيس الفصل الحادي عشر 11
زينات: موسي قوم نتغدا احنا أغنيا عاملين النهارده فراخ!..يلا ياولا قبل ماخالك ينسفها طفس ويعملها
موسي بابتسامة : ماليش نفس ياما
زينات: بقولك عملت لك فراخ من اللي مربياها فوق من السنة اللي فاتت كنت فايتاهم لرمضان بس يلا عن حد ماحوش دا خالك لهط فيها لهط كل علي اخر زاده
وبعدين انت بتقول من بدري مش جعان والدنيا ليلت يلا وانا مستنياك من بدري وحلفت ماينزل جوفي لقمة من غيرك
بيبتسم موسي وفي نفس الوقت بيكون في صوت زغاريط
بيطلع البلكونة وزينات بتطلع بيلاقوا ام شهد واقفه بتزغرط والعريس بينزل من العربية الغالية اللي بيكون خليجي وبيرفع الشال لورا
ام شهد بفرحة: شلونك شخبارك شحوالك ياوش السعد أنت
بتبُص علي موسي وبتزغرط وبتقول بصوت عالي:
ربنا عوضك يابنتي يا حبيبتي لولولولولــــــــــــــي
بيدخل موسي وهو مخنوق وبيقفل باب اوضته وراه
بتجري زينات وراه وبتخبط علي الباب
موسي: سيبيني دلوقتي ياما الله لا يسيئك مش قادر مخنوق ياما
زينات: افتح بس والله هي الخسرانه هي وأمها
بيعيط موسي جوه الأوضة وبيكتم صوت عياطه بالمخدة وزينات واقفة عالباب بره بتعيط بصوت مكتوم
اما شوقا بيكون بيبتسم في البلكونة بمكر وتفكير:
اضيقي كمان وكمان وهانرقص عالأحزان ويا دنيا جنان بجنان بقا هههههه وخلاص فاضل تكه علي اخر السكة!
وعند شهد واقفه قدام المرايه بدموع بتفتح امها عليها الباب وهي بتزغرط:
يلا يا حبيبتي يلا دا العريس ده وش السعد مش بوز الفقر زي التاني موسي ده ارضي بنصيبك يا حبيبتي يلا عشان تقدمي له الشربات يا شربات
بتطلع شهد معاها من غير اي كلام وبتاخد صينية الشربات وبتدخل تقعد بيتكلموا حواليها وبصوت عالي ولكنها زي ما تكون في وادي تاني مغيبة عن الدنيا
*شهد شهد يا ست البنات
بترفع راسها:
ها ايوه
*شلونك!
شهد: ها؟!
بيضحك: يعني زي عندكم بالمصري عامله ايه أخبارك
شهد: الحمد لله كويسة
ام شهد: طب نسيبكم احنا بقا تتعرفوا لولولولولــــــــــــــي
بتكون شهد قاعده مكسوفه وحزينة في نفس الوقت
شهد بتفكير:
يارب انت عارف الصالح ليا وكلتك أمري ريحني
بيقول بابتسامة:
اعرفك بنفسي……….
بتبُص ليه شهد وهو بيعرف عن نفسه وأهله وشغله وشركاته وعربياته وقد ايه ان حياته مرتاحة
شهد بسخرية:
وياتري سعيد مع كل اللي عندك ده
_هاتكتمل سعادتي باكتمال نص ديني الحمد لله انا في فيض من النعم
كان موسي بيكتم ودنه ودموعه مش بتنشف وبيصرخ بصرخة مكتومة:
يـــــــــــــــــارب
♕ـــــــــــــــــــــــــــــــــــــــــــــــــــــــــ♕
كان ايوب قاعد في الجنينة بيسمع اغنية:
وساعات بتمني اني اشوفك او حتي اشوف منك طيفك مع حلم جميل
بيقوم يتمشي والسماعة في ودانه
بيشتالها وبينفخ بضيق:
تعبت والله العظيم يارب ريحني
بتكون نورهان شايفاه من شباك اوضتها وبتتنهد:
يارب قرب البعيد تعبت
لا العاشق مرتاح ولا الخالي مرتاح!
♕ــــــــــــــــــــــــــــــــــــــــــــــــــــــــ♕
دواير هو ده العالم واخرك فيه يا واد لفه
يادوب مظلوم وحظك مال وعاجز تعدل الكفة
مشيت اعمي مع االماشيين وصدقت الكلام علطول
عشان غلبان وابن اصول طلعت الجحش في الزفة
بيهدي موسي وبيفرك شعره وكأنه بيحاول يهدي نفسه:
عشمان فيك يارب تجبرني انا تعبت
بيقوم و يشرب ميه وفجأه بيسمع صويت وناس بتنده عليه
موســـــــــــــــــــــــــــــــــي يا مـــــــــــــــــوســــــــــي
موسي: في ايه ربنا يستر
بيجري موسي وبيبُص من البلكونة بيشوف التاكسي بتاعه بيتحرق
وزينات اللي بتاخد طرحة وبتجري وراه عالبلكونة:
استرها يارب هات العواقب سليمة
بينزل يجري وهو اعصابه سايبه وكأن رجله مش شايلاه
الناس بتطفي معاه بالجرادل والخراطيم وهو بيطفي
عيونه بتلمع من النار والتاكسي اتدمر خلاص وقف وكأن مش حاسس باللي حواليه في لحظة ادراك لمصيبة حصلت فعلا
وبعد ما بيطفيها بيقعد وهدومه معكوكة ووشه وبيحط ايده علي خده
والكل بيقول له:
ربنا يعوض عليك
بيطبطبوا عليه وبيسيبوه وفي اللي واقف بيتفرج عليه وشمتان
قربت منه زينات وقعدت قصاده واتفتحت في العياط
موسي: بس بس
مش بيقدر يتمالك أعصابه فبيحضنها وبيعيط بحرقة في حضنها
روقا بيكون جاي وحاطط ايده في جيبه وبيغني:
ماصاحبش الفرافير حتي لو راكبين فيراري انا اصاحب…
ايه ده ايه اللي حصل مش ده التاكسي بتاعك ياض يا موسي ههههه هو گان بردان ولا ايه ههههه مين ابن الحرام اللي عمل كده
بتشوفه شهد من بعيد وبتكون بتعيط وامها واقفة جمبها
ام شهد: مش قولتك بوز فقر الحمد لله اللي نجانا منه نحس ياباااااي ايه ده
♕ــــــــــــــــــــــــــــــــــــــــــــــــــ♕.
في اوضه زينة ويوسف
زينة: كفاية لحد كده بقا يا يوسف احنا نروح شقتنا بقا وخلي عندك دم الولاد وحشوني
بيقعد يوسف علي السرير وبيبُص حواليه:
ياعبيطة حد يسيب العز والبغددة دي ويمشي ده يبقي مجنون والله استمتعي بيها يا عالم هاتتكرر امتي
زينة: مايمشيش معاك ان اللي يسيبه يبقي عنده كرامة مثلا يوســـــــــــــف انا هاروح شقتي بكره العيال وحشوني الله اعلم بحالهم
يوسف: هايكون مالهم واكلين شاربين نايمين مزاجهم فل الفل
زينة: ده لو كانوا بياكلوا دا امك بتعمل الفرخة في شهر
يوسف بحزم: امي ده اللي وقفت في ضهر ابويا وحافظت عليه خليكي بس ربعها وبعدين هي بتعملها علي اربع مرات بس يا مفترية بطلي كذب وافتراء علي الولية
♕ـــــــــــــــــــــــــــــــــــــــــــــــــــــــ♕
الحاج سعد: يعني ياحجة تفتكري لو جوزنا ايوب مش هايطلع من حالة الاكتئاب اللي هو فيها دي
رشا: اصبر عليه بس يا حاج ربنا يبعت له بنت الحلال اللي تسعده كل شئ بالصبر عال
بيكون يوسف واقف وماسك ازازة الميه في ايده ولازق ودنه في الباب وكأنه بيفكر في حاجة
يوسف بتفكير:
طب ما اجوزه البت ياسمين أختي دي بطاية واهو ينوبنا من الحب جانب
احم احم
بيرفع وشه بيلاقي أيوب واقف ومربع ايده
يوسف بيمشي بسرعة:
حاضر يا زينة جاي جاي وحشتك! يووووه يا شيخه
ايوب بيبُص عليه بعصبية:
مافيش فايده فيك عيل سمج!
اول مرة أشوف الخصال الوحشة اللي في الدنيا كلها اجتمعت في اتنين هو وحسام!
بيروح اوضته وبيفتح تليفونه وبيكلم روقا في التليفون
روقا: ازيك يا باشا عاش من سمع صوتك
أيوب: من بكره ترجع شغلك
روقا بيكون في البلكونة وبيبتسم بفرحة:
اللي تشوفه يا باشا
بيقفل التليفون وهو بيضحك:
اخيرا هاترجع تهزهزه من جديد اما أبلغ الباشا بالأخبار الجديدة
بيرن علي رقم وبيحكي لحد اللي حصل وهو مبسوط
_ليك مكافأة عالحاجات الحلوة دي بس عجل بالموضوع شوية
شوقا: ماتقلقش يا باشا كله حاجة قربت
بيقفل التليفون وبيبتسم!
♕ــــــــــــــــــــــــــــــــــــــــــــــــــــ♕
وعند موسي.
بيكون نايم عالسرير وجمبه زينات.
موسي: انا هاخد نصيبي من الفرح امتي ياما
زينات: قريب بإذن الله ياواد تصدق بالله انا لو منك أفرح أصل ربنا بيحبك اوي
موسي: بيحبني طب ازاي؟!
موسي: يارب
زينات: تصبح على خير وحد الله في قلبك يا حبيبي
بتسيبه زينات وبيحاول ينام
♕ـــــــــــــــــــــــــــــــــــــــــــــــــــــ♕
بيصحي ايوب كالعادة وبيروح شغله وروقا بيكون سايق ومعاه نورهان قاعدةجمبه بدون اي كلام
روقا: حمد الله عالسلامة يا باشا
ايوب: الله يسلمك
وعند موسي بيفتح عينه وبيقوم يغسل وشه:
صباح الخير ياما
زينات: صباح الفل يا حبيبي ايه اللي مصحيك بدري كده
موسي: انا رايح اجيب نتيجة التحاليل بتاعتك
زينات بتتوتر:
يوه لازم روح اعملك أي يومية
موسي: هي خربانة خربانة بس ما فيش اهم منك
بينزل موسي وبيروح المستشفى بيجيب التحاليل
وبيستني دوره وبيدخل للدكتورة
موسي بقلق بعد ما طولت وهي بتقرأ فيها:
خير طمنيني
الدكتورة: للأسف والدة حضرتك عندها لوكيميا الدم
موسي بعدم فهم: مش فاهم فهميني اكتر معلش
الدكتورة: يعني سرطان في الدم
حسيت ان الدنيا لفت بيا وانا قاعد عالكرسي معقول بعد كل اللي بعيشه في حياتي الحاجه الوحيدة اللي مهونه عليا الدنيا تروح مني!………
- يتبع الفصل التالي اضغط على (رواية شيزوفرينيا احاسيس) اسم الرواية