رواية شيزوفرينيا احاسيس بقلم حنين عادل عبر مدونة دليل الروايات
رواية شيزوفرينيا احاسيس الفصل الثاني عشر 12
الدكتورة: للأسف والدة حضرتك عندها لوكيميا الدم
موسي بعدم فهم واتوتر وخاف: مش فاهم فهميني اكتر معلش
الدكتورة: يعني سرطان في الدم
حسيت ان الدنيا لفت بيا وانا قاعد عالكرسي معقول بعد كل اللي بعيشه في حياتي الحاجه الوحيدة اللي مهونه عليا الدنيا تروح مني!..
انا ممكن استحمل اي حاجة الا فقدان أمي دي حاجة صعبة عليا أوي
بلع ريقه وبص لها بخوف..
خرج من عندها بعدها بوقت ومشي في الشارع يفتكر كلامهم
موسي: يعني مافيش حل امي هتروح مني كد بسهولة
الدكتورة:
مش عارفه اقولك ايه بس والدتك مصابة بلوكيميا الدم المرحلة الرابعة المرض بيهاجم جسمها بشكل خطير وبيدمر الخلايا
في العادي هايقولوا لك روح 57357 للعلاج الكيماوي او الإشعاعي بس ماعدش وقت قدامها ولا ينفع تتحط لسه علي قايمة الانتظار
موسي بيمسح عرقه: وايه الحل!
بتتنهد: جراحة عملية زرع نخاع ودي مكلفة طبعاً
موسي بقلق: تتكلف كام يعني
الدكتورة: 250000 الف جنيه
وقف قدام النيل والدنيا سودة قدامه بيبُص للميه والدموع ماليه عينيه
بيفتكر أمه وضحكها وحضنها وبيبتسم بألم:
تعبت مش قادر ده فوق طاقتي ابتلاء كبير أوي عليا سامحني يارب وحياة حبيبك النبي
وقف علي السور ونط في النيل بعد ماساب محفظته وتليفونه
يا عزيزي القارئ
الانسان مع كل جبروته وكل التقدم اللي وصل ليه هو اضعف مخلوق علي وش الدنيا!
♕ــــــــــــــــــــــــــــــــــــــــــــــــــــــــــ♕
وبعد ثلاث شهور من الحياة الروتينية لأيوب
ايوب بيكون سايق عربيته بتيجي بنت تجري ووراها ثلاث شباب بيجروا وراها
بيكون ايوب واقف في الإشارة
بتقف قدام عربيته وبتترمي عليها بعد ما واحد منهم ضربها قلم من قوته اترمت عالعربية
بترفع عينيها وبتبُص لأيوب بدموع وهي حاطة ايدها علي خدها اللي احمر وعلم فيه صوابعه
ايوب بصدمة:
مش معقول انجي!
بيفتح باب العربية وبينزل وبتكون البنت جريت ووراها الشباب وأيوب وراهم وهو بينده باسمها
انـــــــــــــــجـــــــــــــي!
♕ـــــــــــــــــــــــــــــــــــــــــــــــــــ♕
وفي مستشفى خاصة
روقا بيدخل لزينات اللي نايمة عالسرير وحواليها الأجهزة بيبتسم وبيطبطب عليها:
حمد الله عالسلامة يا ختي
زينات بدموع: قولتلك يا روقا مش عاوزة اعمل العملية هاعيش ليه لسه ولمين ما سبتنيش ليه اموت كنت روحت لحبيبي وقولتله يا حبيبي يارب أغفر لـــموسي ابن زينات وارحمه كان عمره بار بأمه وصبر كتير وشاف كتير بس الانسان ضعيف وهو ماقدرش يا حبة عيني من اللي حصل له
ومن اللي شافوا
روقا: الحي ابقي من الميت يا زينات ادعي له بالرحمة
زينات: يارب اغفر لــ موسـي ابن بطني بس ماقولتليش الفلوس اللي ظهرت عليك دي جبتها منين وجايبني اعمل العمليه في مستشفى عليوي اوي وباين انها غالية ده غير انك بتقول اننا مش هانرجع الحارة تاني مش فاهمة!
روقا بيقعد علي الكنبة وبيدمع:
كل الخير ده بسبب موسي والخير اللي جاي كمان اه يا حبيبي يا موسي يا اللي وجعتنا كلنا وسترتنا وانت عايش وانت ميت كمان
زينات بعدم فهم: لا فهمني مش فاهمة ايه دخل موسي ابني!
روقا: انا هافهمك يا ختي موسي الله يرحمه ويبشبش الطوبة اللي تحت راسه كان مأمن علي نفسه ولما مات دي فلوس التأمين
زينات: اه بس هو عمره ما قال لي ولا لمح لي عن الكلام ده
روقا: يمكن مافيش فرصة مثلا
زينات: ايوه بس يعنى انا صحيح مش متعلمة ومتنورة بس ام خالد جارتنا دي انت عارفها
روقا: ايوه مالها يعني
زينات: كان ابن خالتها مأمن علي نفسه بس الدنيا ضاقت بيه وراح انتحر وبتهيألي كده لما سألوا علي فلوس التأمين قالوا انهم ماردوش يعطوا لهم مليم واحد لانه لازم يكون ميت موته طبيعية
روقا فكر وبعدها رد:
هو انا ما قولتلكيش
زينات: لا يا خويا والله ما قولت
روقا: أصل لما موسي اه يا حبيب قلب خالك يا اللي علمت في قلبي علامه مش هاتتمحي
زينات: ايوه ايه اللي حصل قول
روقا: ما انا اهو هاقول لما طلعناه من النيل غرقان مافيش حد كتير شافه وراح المستشفي وقولنا انه اتزحلق وقع في النيل ما انتحرش والكلام ده وصل لشركة التأمين
زينات: طيب وكام فلوس التأمين دي
روقا: رقم ماكوناش نحلم بيه 500000 العملية اتعملت ب 250000 الف نصهم الباقي بقا نشتري شقة نضيفة ونسيب الحارة المعفنة دي ونقب بقا علي وش الدنيا
عاوزك تحلمي يا زوزو وانا احقق لك احلامك قولي لي نفسك في ايه
زينات بابتسامة: اللي نفسي فيه صعب أوي يتنفذ نفسي احضن موسي مرة زي زمان
بقلم حنين عادل
♕ــــــــــــــــــــــــــــــــــــــــــــــــــــــ♕
بيفضل ايوب يجري وراهم وينده باسم انجي بيكون جمب الطريق اراضي زراعية فيها شجر عالي بتدخل البنت وهما وراها وايوب وراهم
بيمسكوها اتنين وبيقرب التالت منها بالسكينة وهي بتصوت بيرفع ايده عشان يطعنها في بطنها ايوب بيمسك ايده
وبيخبط دراعه في جزع شجرة لحد ما يكون دراعه هايتكسر
بيرمي الشاب السكينة وهو بيصرخ من الوجع
بيسيب الشاب التاني البنت وبيقرب من ايوب ويهجم عليه ويضرب فيه
بيتفاداه مرة ويضربه مرة ويتضرب مرة لحد ما بيمسكه ويخبط راسه في الشجرة فبيقع ودماغه بتنزف جمب التاني اللي بيصرخ من دراعه
بيسيب الشاب التالت البنت وبيجي ناحية ايوب وبيحاول يضربه ايوب بيتفاداه فبيدخل في الشجرة من نفسه ويقع دايخ
ايوب بيستغرب من اللي حصل
بتجري البنت بخوف وهي بتعيط
ايوب: انجــــــــــــــــــــي استني ماتسيبنييش
بتقف البنت وبتبص عليه وفجأة بتدوخ والدنيا بتسود واخر حاجه بتشوفها وهو بيقرب عليها
بقلم حنين عادل كاتبة الجيل
♕ــــــــــــــــــــــــــــــــــــــــــــــــــــــــــ♕
وفي شقة بسيطة بيكون قاعد يوسف وماسك التليفون..
بتيجي زينة تقعد قدامه:
يوسف
يوسف بيقاطعها:
زينة ارجوكي لو هاتتكلمي في فلوس ماتتكلميش انا ماعييش
زينة: يا يوسف الاولاد ماعندهمش لبس وبيكبروا
وبيبصوا لاصحابهم اللي مش بس بيلبسوا كويس لا ومعاهم تليفون وايباد والعاب غالية
يوسف بينفخ وبيقفل التليفون:
عشان كده ميت مرة انبه عليكي علميهم القناعة وان اللي يبُص لعيشة الناس تحرم عليه عيشته
زينة بتنفخ وبتحاول تهدي نفسها: لازم هايبصوا يا يوسف احنا عشان نربي اطفال اسوياء لازم مانخليش نفسهم في حاجة بدل ما يطلعوا محرومين ومايبقاش قدامهم غير ان ايدهم تبقي طويلة
يوسف: انا كده مقدرتي اموت نفسي يعني ولا اسرق عشان اكفي مطالبك انتي وعيالك انا باخد مرتب 3000 جنيه يعيشونا بهوات حد بيقبض زي مرتبي ومش عارف يكفي بيته وبديكي الفين جنيه منه قليلين دا انا امي الشهر عندها بتمشيه ب 500 بس
زينة: يا يوسف بجد انا تعبت الفين جنيه ايه اللي يمشوا بيت في الغلا ده لا وكمان عاوزني اجيب منها هدوم وادفع دروس ولو حد تعب وكشوفات وعلاج انا مرتبي كله في البيت وبرده مش مكفي
يوسف: طب عاوزاني اعمل ايه يعني
زينة: اشتغل شغلانة بعد الضهر والالف اللي من مرتبك ده كتير انت بتعمل ايه بيه
يوسف: يا سلام وامشي راجل طويل عريض مش معايا فلوس وبعدين مش هاقدر اشتغل شغلانة ده انا الدوالي مبهدلاني نامي عالنعمة ياختي احنا احسن من غيرنا كتير
بتجيله صوت رسالة عالماسنجر بيمسك التليفون وبيقوم وزينة بتحط ايدها علي خدها وبتنفخ:
لا إله إلا الله محمد رسول اللّه هانفضل كده كتير ياربي ده اللي جاي حتي مش علي قد اللي رايح
هاعمل مستقبل لعيالي ازاي وانا مش قادره اوفر لهم الاساسيات بتاعت الحياة!
ولا عارفة ايه اللي جاي خير خير باذن الله
يوسف بيكون واقف في البلكونة وبيتلفت وبيبص علي جوه بيفتح الماسنجر ويشوف الرسالة اللي بتكون
«اشتقت لك حبيبي من زمان ماشفتك مارح تسعدني بطلتك البهية وتطفي نار شوقي الك»
يوسف بيفتح يسجل ريكورد
يوسف: لا لأ ريكورد ايه انت اتهبلت ياض بلاه
بيكتب:
حبيبتي وروحي والحتة اللي جوا قلبي وحشتيني خالص جدا جدا جدا هاجيلك في عشنا الجميل بكره الساعة خمسة سي يو يا قلبي
♕ـــــــــــــــــــــــــــــــــــــــــــــــــ♕
وفي قصر العامري
بتكون نورهان واقفة في الشباك بتاع اوضتها وبتشوف ايوب داخل من البوابة وبينده بصوت عالي عالبواب
بتطلع نورهان تجري وبتتفاجئ لما بتشوفه شايل بنت بيكون وشها مش ظاهر لانها في حضنه
نورهان: مين دي يا ايوب مالها ايه اللي حصل لها
ايوب بيبص للبواب:
كلم الدكتور بسرعة
البواب: حاضر يا بيه
بيمشي ايوب ونورهان وراه بتتكلم:
مين دي يا ايوب وايه اللي حصل لها
ايوب وهو بيجري بيها:
مش عارف
وقفت وهي بتفتكر نفس المشهد!
نورهان بتكون راكبة جمبه وبتكلمه وبتضحك وبيكون مش واخد باله من الطريق
نورهان: حاســـــــــــــــب يا ايوب
بيوقف العربية مره واحدة بس بيكون خبط البنت خبطة قوية ووقعت عالأرض
بيشتالها بسرعة وبيحطها في العربية وبيكون قريب من قصره فابيوديها القصر
بينزل من العربية وبيدخل الباب وهو شايلها علي ايديه وبينده عالبواب:
هات لي الدكتور بسرعة
نورهان بتفوق من شرودها:
المرة اللي فاتت انجي اللي انت خبطتها وبعدها لما قضيت كام يوم تهتم بيها وتعالجها استلطفتها وحبيتها يا تري مين دي والزمن هايعيد نفسه ولا ايه
بتطلع وراه وبتشوفها علي السرير وشعرها علي وشها
بتقرب منها اكتر وفي نفس الوقت ايوب بيشيل شعرها من علي وشها
نورهان بصدمة: مش معقول دي انجي!….
- يتبع الفصل التالي اضغط على (رواية شيزوفرينيا احاسيس) اسم الرواية