رواية الورث الفصل الثالث عشر 13 - بقلم نورا سليمان

 رواية الورث كاملة بقلم نورا سليمان عبر مدونة دليل الروايات 

 رواية الورث الفصل الثالث عشر 13

 

كريم:كنت واثق ان جمال يعرف مكانك…….وكنت عارف كويس انه هيجيلك ويطمن عليكي…….علشان كده فضلت قاعد قدام القصر مستني انه يخرج وامشي وراه علشان اعرف مكانك……ولما لقيته خارج من القصر مشيت وراه لحد ما لقيته دخل كافيه وقعد معاكي…….دخلت الكافيه وفضلت ارقبكم من غير ما تاخدوا بالكم مني وعرفت انك هتسافري وهتمشي من مصر…….كنت واثق انك هتيجي علي ايطاليا وتبعي شغل الشركه اللي هنا……..اخدت اول طياره وجيت علي هنا علشان اكون اول واحد في استقبالك يا بنت عمي

نور:هو انتو عايزين مني ايه…….سبوني في حالي حرام عليكم……..انا سيبتلكم كل حاجة والبلد كلها وجيت هنا علشان ابدا حياتي من جديد وابعد عنكم…….ليه مصممين تدخلوا في حياتي وتدمروها…….انا كل ما بحاول ابعد عنكم بتدخلوا حياتي من تاني……عايزين مني ايه كفايه بقي

كريم:انا مش عايز غيرك انتي يا نور……انا بحبك يا نور ومش عايز غير انك تكوني جمبي

نور:دي كدبه جديده ولا ايه

كريم:لا يا نور مش كدبه جديده انا فعلا بحبك……وكنت هموت من خوفي عليكي……صدقيني يا نور انا عمري ما حبيت ولا هحب حد قدك

نور:كفايه كدب بقي…….هو انتو مش بتزهقوا من الكدب دا…….هو انت فاكر اني هصدق اللي انت بتقوله دا……..انتو اكتر ناس اذيتني في حياتي وانا لا يمكن اثق في حد فيكم…….انتو السبب في اني اتحرم من اكتر انسان كان قريب مني وبيخاف عليا…….جاي دلوقتي بتقولي الكلام الفارغ دا وعايزني انسي اللي حصل واكمل حياتي معاكم عادي وارجع وانسي كل حاجة

كريم:انا مقولتش انك تنسي يا نور بس بردو بعدك دا مش الحل…….المفروض تكوني في مصر وسط اهلك والناس اللي بتحبك

نور:الناس اللي بتحبني؟!……مين هما الناس اللي بتحبني دول…….انا مفيش شخص واحد بيحبني من بعد جدو وداده رحمه……هو انت بتكدب عليا ولا بتكدب علي نفسك…….بص يا كريم انا بعدت عنكم وخرجت من حياتكم اخرجوا انتو كمان من حياتي وسبوني في حالي…….والله انا ما بقيت عايزه منكم حاجة كفايه تيجوا ورايا في كل مكان بقي كفايه

سابته وكانت هتمشي……مسك في ايديها

كريم:يا نور ارجوكي اسمعيني مره واحده

زقته علشان تبعده عنها…….جريت علي المطبخ…….دخل وراها…….اخدت سكينه من قدامها…….بدات تتكلم وهي بتقرب منه

نور:ابعد عني يا كريم بدل والله العظيم هقتلك وانهي حياتك وحياتي

كريم:اهدي يا نور…….سيبي اللي في ايدك دا وكفايه جنان

نور:انتو اللي خلتوني مجنونه…….انا كنت بحاول علي قد ما اقدر اني اتقي شركم وابعد عنكم بس انتو اللي عايزين كده……..امشي من هنا واوعي ترجع هنا تاني علشان لو رجعت ساعتها انا مش هكون بهددك وبس انا هنفذ تهديدي دا واقتلك بجد…….وساعتها هكون اخدت حق جدو منك وريحت الدنيا من شرك

كريم:طيب اهدي وانا هعملك اللي انتي عايزاه بس سيبي اللي في ايدك دا

بدات تتكلم بصوت عالي

نور:متقوليش اهدي…….اطلع برا البيت دا وابعد عني بقولك

كريم:حاضر حاضر

خرج من البيت وقفل الباب وراه…….قعدت علي الارض وسابت السكينه…….بدات تعيط وهي قاعده مكانها

فاطمه:يعني ايه حامل

شيماء:هي ليها كذا معني وانا مش عارفه……حامل يعني حامل يا فاطمة……كلها سبع شهور ويبقي عندكم بيبي يفكركم ب اخوكم طول الوقت

زياد:هي وصلت بيكي انك تكدبي في الموضوع دا كمان

فاطمه:وانا ايه اللي هيخليني اكدب يا زياد…….انا فعلا حامل ولو مش مصدقين اللي بقوله احنا ممكن نروح المستشفى وتتاكدوا بنفسكم اني مبكدبش

فايز:واحنا ايه اللي يضمنلنا ان اللي في بطنك دا ابن خالد اصلا

شيماء:لا بقي انتو كده زودتوها اوي……قصدكم ايه يعني……..انا مسمحلكمش انكم تغلطوا فيا…….يعني دا جزائي اني جايه واقولكم الخبر دا…….كنت فاكره انكم هتفرحوا

علياء:براحه علي نفسك يا شيماء……..مالك متعصبه جدا ليه…….متقلقيش بكره نروح ونعمل تحليل dna ونتاكد اذا كان اللي في بطنك دا ابن خالد فعلا ولا مش ابنه

اتلكمت بصدمه

شيماء:dna؟!

فتحت باب البيت……دخلت وقفلت الباب وراها……النور اتفتح……لفيت وشها بخوف

فارس:حمدلله علي سلامتك يا دودو

داليدا:ف……فارس

قام من علي الكرسي وقرب منها……اتكلم وعلي وشه ابتسامه

فارس:مالك يا حبيتي…….خايفه كده ليه……..كنتي فاكره اني مش هرجع واخد حقي منك ولا ايه

داليدا:عايز مني ايه يا فارس

فارس:مش عايز منك حاجة غير حقي يا داليدا……مجرد ما اخد حقي منك مش هتشوفي وشي تاني ابدا

فضلت واقفه وهي جسمها كله بيترعش وخايفه منه

قاعده علي الارض……..سانده راسها علي الحيطه وبتحاول تحبس دموعها من انها تنزل…….قرب منها ونزل لمستواها……مد ايده بكوبايه عصير ليها…….بصتله شويه وهزيت راسها ب لا……لفيت وشها الناحيه التانيه…….قعد جمبها وبدا يتكلم وهو ساند راسه علي الحيطه وقاعد نفس قاعدتها

حازم:اللي بتعمليه دا مش هيريحك……بالعكس دا هيتعبك اكتر……سكوتك دا وانك مش قادره تطلعي اللي جواكي هيبين قدام الناس انك قويه ايه……بس عمرك ما هترتاحي طول ما انتي كده

نور:ومين قالك اني مدايقه من حاجه ولا بحاول اداري حاجه

حازم:مهو واضح انك كويسه…….انا لو كنت اتأخرت خمس دقايق بس الله اعلم كنتي هتعملي في نفسك ايه…….مش بعيد كنتي تحاولي تموتي نفسك

نور:علي فكره انا مطلبتش منك مساعده ولا طلبت من غيرك حتي…….مش من حقك انك تدخل في حياتي بالطريقه دي علي فكره

نور:بس انا مش حابه انك تساعدني وحتي لو عايزه ف مساعدتك ليا هتكون في نطاق الشغل والشركه وبس غير كده مش عايزه حد يساعدني

حازم:انا مش باخد رايك……..انا بقولك اللي هيحصل لحد ما تقدر تكوني قادره انك تساعدي نفسك وتقفي علي رجلك لوحدك وتقدري تعيشي هنا

نور:هو انت جايب ثقتك دي منين انا مش فاهمه…….انا معرفكش غير من ساعتين وبس……انت فاكر ان باللي انت بتعمله دا انا هثق فيك يعني ولا ايه مش فاهمه

حازم:انا بعمل اللي اتربيت عليه واللي اي واحد في مكاني هيعمله…….انا مش عايز منك حاجة…….ومش اي حد يدخل حياتك ويساعدك يبقي عايز منك حاجة علي فكره…….وانا اسف اني دايقتك…….المرة الجايه لو شوفت السكينه علي رقبتك مش هقرب منك واساعدك……عن اذنك

قام و سابها……خرج من البيت وقفل الباب وراه…….فضلت باصه علي الباب بحيره……مكانتش عارفه تعمل ايه ولا تثق في مين ولا تعمل ايه……..حطيت ايديها علي وشها بتعب…….اتنهدت و سندت دماغها علي الحيطه ورفعت راسها للسقف

 

• يتبع الفصل التالي اضغط على ( رواية الورث ) اسم الرواية