رواية احببت وصية رسول الله كاملة بقلم نورهان محمد عبر مدونة دليل الروايات
رواية احببت وصية رسول الله الفصل الرابع عشر 14
وبدأ الماذون في كتب الكتاب
ليقطعهم دلوف شخصا ما
هاتفا ينفع بردو تكتبوا الكتاب من غير
ليلتفت الجميع نحو الصوت بصدمه
توجه عمر نحوه بضيق واضح هاتفا انت ايه اللي جابك هنا
حسين هو دا بردو كرم الضيافه يا عمي ويا ابن عمي
محمد عمر لو سمحت متتكلمش
عمر يعني ايه يابابا دا عايز يكسر فرحتنا
الجد حامد مقاطعا انت عايز ايه يا حسين وبعدين كل حاجه ما بينا انتهت وانت عارف كده كويس
حسين بنظره كره ايوه ياعمي بس انا عايز اللي بينا يتصلح قبل ما اسافر
محمد واللي اتكسر مش بيتصلح دا بيترمي
حسين دا اخر كلام عندكم
محمد ايوه
نظره إليهم حسين نظره توعد وخرج اخيرا
ليسود جو من الحزن لبعض الدقائق ليقطع ذلك الصمت صوت الجد حامد بابتسامه ايه يا ولاد ماتفرحوا كده يلا ياشيخنا كمل الكتابه
كانت خديجه متوتره بشده ولكن عائشه وميار لم يتركوها فظلوا ممسكين بيديها
وبعد دقائق هتف المأذون بابتسامه
بارك الله لكما وبارك عليكما وجمع بينكما في خير
بارك الله لكما وبارك عليكما وجمع بينكما في خير
بارك الله لكما وبارك عليكما وجمع بينكما في خير
عائشه وهي تحتضنها مباارك ياحرم سي احمد
خديجه بدموع انا مش مصدقه نفسي
لتكمل بعد طول انتظار استجابه دعوتي
عائشه ربنا كريم والخير فيما اختاره الله وربنا استجاب دعائك لانو كان خير
ميار بعبوس طفولي مصطنع ايه ياعائشه عايزه احضنها انا كمان
خديجه بابتسامه تعالي ياقلبي واحتضنتها ميار بشده
ميار بابتسامه مبروك ياقلبي وربنا يكون في عونك علي احمد
احمد بمزاح قصدك ايه يا استاذه ميار
ميار انت بتطلع منين
أحمد بهزار من الطريق عادي
ميار وهي تبتعد لا دا مش وقته تعالي سلم علي عروستك
توجه احمد نحوها وقبل يديها ورأسها
ليهتف بحب اخيرا ياخديجه اليوم دا كان نفسي فيه من زمان
خديجه والحمد لله اتحقق يااحمد
أحمد بابتسامه وهو يقف امامها انا مكنتش راضي افاتحك في أي حاجه ولا اقولك أي حاجه علشان مكنش في حاجه رسمي لكن دلوقتي انتي بقيتي مراتي
واقدر اقولك ليقف لبعض الثواني هاتفا بحنان كل الحب مش هيكون ليه قيمه قصاد حبي ليك ياخديجه
خديجه اكتفت بابتسامه وهي تدير وجهها للجهه الاخري بكسوف
عائشه لا وكمان رومانسي
عمر وهو يقترب الله جتلي في ملعبي ياحبيبي انت اصلا حسابك تقل معايا فاكر كنت بتعمل ايه اهو جالي اليوم اللي هردلك كل جمايلك
أحمد بهزار وهو ينظر بعدم فهم لا مش فاكر حاجه خالص
عمر لا ياحبيبي منا فاكر استني عليا
ليكمل بضحك استأذنت مني قبل ماتمسك ايدها
أحمد بنظره تعجب لا انت بتهزر اكيد مش هتردلي اللي عملتوا داانا عامل مصايب كتير
عمر انت اعترفت بنفسك لسه هتشوف حاجات بس استني عليا
ليكمل وسع كده خليني ابارك لاختي الحلوه
أحمد اتفضل يااخويا اتفضل
توجه عمر منها واحتضنها بشده وأخذ يقبل رأسها بحب هاتفا اختي وبنتي الحلوه بقت احسن عروسه في الدنيا
خديجه بدموع بجد ياعمر
عمر بابتسامه بجد طبعا ياحبيبتي
وبعد ثواني اقترب من احمد واحتضنه هو الآخر
هاتفا بحب مباارك ياحبيبي وربنا يتمملكم علي خير
ليكمل احمد مش هوصيك علي خديجه
أحمد متقلقش دي في عيوني
عمر هو دا العشم بردو وتركه لينال التهاني من البقيه
وظلت المباركات والاحضان لبعض الدقائق
ليجلسوا وتبدأ عائشه وميار في توزيع الحلو والمشروبات
لينظر عمر إلي عائشه نظره ممزوجه بالحب والسعادة والبهجه
وايضا نظره تظهر له انها اعظم انتصارته
وبعد مده من التجمع العائلي المبهج
الجد حامد انا كفايه عليا كده اوي انا هقوم ارتاح
محمد طيب ياحج تعالي ادخلك اوضتك
توجه محمد مع الجد حامد إلي الغرفه
ودار بينهم حوار قصير
محمد شوفت ياحج حسين جاي بنفسه هنا بعد اللي عملوا
الجد حامد وانا بردو اتصدمت من وجوده
محمد انا خايف يكون ناوي علي الشر بعد اللي عمله
الجد حامد لا هو قال انو جاي يتراضي معانا قبل ما يسافر
محمد والله ياحج ياريت يكون كده انا قلقان من الموضوع دا
الجد حامد متقلقش يابني كل اللي جاي هيكون خير بإذن الله
محمد ياارب ياحج
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
انتهي هذا الحفل الصغير عددا الكبير قلوبا
لتهتف زينب بتعب كان يوم شاق جدا
فاطمه عندك حق والله بس اليوم كان حلو
عائشه ايوه والله يوم جميل ربنا يتمم فرحتهم علي خير ويسعدهم
ليهتف الحاضرين اللهم آمين
ميار انا همشي مازن علي وصول هو واروي
عائشه هتيجي امته علشان نكمل
ميار بكره عندي شغل كتير في المستشفي لو في وقت هجيلكم
فاطمه تنورينا ياحبيبتي والله احنا خدنا علي وجودك
زينب ايوه والله انا حاليا بعتبر اني عندي ٣ بنات
ميار بحب انتو احلي خالات في الدنيا وبحبكم اوي وليكم مكانه تانيه عندي
فاطمه واحنا كمان بنحبك ياحبيبتي
عمر ايه يا ست ميار شكلك هتاخدي محبه الكل
ميار ايوه يابني انا اتحب واخطف القلوب
عمر ماشي يادكتوره ميار
ميار انا هستأذن انا دلوقتي
زينب في حفظ الله باحبيبتي
عمر وانا كمان هطلع ارتاح علشان عندي مستشفي الصبح يلا ياعائشه
فاطمه تمام ياحبيبي تصبحوا علي خير
وتوجهت إلي الخارج بصحبه عمر وعائشه
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في شقه عمر
انا تعبان جدا كان يوم شاق
عائشه فعلا وكمان شغل المستشفي ربنا يقويك
عمر اه والله
ليكمل انا هقوم اخد دش وانتي غيري بقا وحضري المصلي
عمر تمام
خرج عمر بعد دقائق وصلوا القيام مثل كل يوم وايضا الأذكار
وتوجهوا إلي النوم
في الصباح
كانت الابتسامه ترتسم علي وجههم بحب وسعاده
عمر صباح الخير ياحبيبتي
عائشه صباح الخير
عمر انا هقوم اخد دش علي ماتحضري الفطار
عائشه تمام
توجهت عائشه إلي الغرفه الاخري وحضرت نفسها ايضا وصلت فرضها واستعدت لبدأ يومها
كانت تحضر الفطار وهي تردد الأذكار فهي حفظتها من كثره المداومه
بعد دقائق خرج عمر وجلس علي السفره لتناول فطاره ومن بعدها التوجه لصلاه الجمعه ثم العوده إلي المستشفي لاستكمال عمله
بعد تناول الفطار وانتهت عائشه من اعمالها توجهوا سويا إلي الاسفل
ترجلوا إلي الداخل
عمر احمد يلا بينا علشان نلحق الخطبه
أحمد استني دقيقتين عمي وجدي هيروحوا معانا
عمر تمام
وأثناء حديثهم خرج الجد حامد ومحمد ابنه وتوجهوا إلي المسجد
في المسجد
كانت الخطبه عن الموت ووجوب الاتعاظ والرجوع الي الله
كتب على نفسه البقاء وعلى خلقه الفناء، فهو الحي الباقي الذي لا يموت، والإنس والجن يموتون، قال -تعالى-: (كُلُّ نَفْسٍ ذَائِقَةُ الْمَوْتِ)،
عباد الله، إذا حضر الموت لا يقوى أحدٌ على تغيير وقته أو تأجيله ليتدارك ما فاته ويعمل صالحاً، فصلاح الآخرة ما هو إلا الغرس الصالح في الدنيا،
فكم من أمواتٍ كانوا عن ذكر الله وعن عبادته مُعرضين، وفي اللّهو واللّعب منغمسين، وفي ملذّاتهم ومصالحهم غارقين غافلين، فلم يلبثوا إلا وفجأة الموت تحضرهم، فإذا بهم لا يتمنّون إلا ساعةً في دُنياهم ليُحسنوا ويُصلحوا ويبذلوا في سبيل الله،
قال -تعالى-: (حَتَّى إِذَا جَاءَ أَحَدَهُمُ الْمَوْتُ قَالَ رَبِّ ارْجِعُونِ* لَعَلِّي أَعْمَلُ صَالِحًا فِيمَا تَرَكْتُ كَلَّا إِنَّهَا كَلِمَةٌ هُوَ قَائِلُهَا وَمِن وَرَائِهِم بَرْزَخٌ إِلَى يَوْمِ يُبْعَثُونَ).
عباد الله، ما الموت إلا عظة لقومٍ يتفكّرون، فقد جاء في الأثر أن ملك الموت دخل على داود -عليه السلام- فقال: “من أنت؟ فقال ملك الموت: أنا مَن لا يهاب الملوك، ولا تُمنع منه القصور، ولا يقبل الرشوة، قال: فإذاً أنت ملك الموت؟ قال: نعم، قال: أتيتني ولم أستعد بعد؟ قال: يا داود، أين فلان قريبك؟ أين فلان جارك؟ قال: مات، قال: أما كان لك في هؤلاء عبرة لتستعد”؟
فنجد عبرة وحكمة عظيمة وحافز لنجدّد إيماننا بالله، ولنُخلص العمل له وحده، ولنحرص على الزيادة والمداومة على الطاعة حتى ولو بالقليل، فقليلٌ دائم خيرٌ من كثيرٍ منقطع،
ولنجتنب السهو والغفلة، ولنبتعد عن الزلات بتزكية النفس وعفّها عن المعاصي وارتكاب الذنوب والآثام، فالموت قادمٌ لا محالة قدّره الله -تعالى- لعباده، فهو نهاية الدار الدنيا، وما هي إلا دار عبورٍ مؤقّتة لنستعدّ للدّار الخالدة؛ الدار الآخرة.
لتنتهي الخطبه ويعودوا إلي الفيلا مره اخري
أحمد هتروح المستشفي انهارده
عمر ايوه ان شاء الله في حالات عايزه متابعه
أحمد ربنا يقويك ويقدملك اللي فيه الخير
عمر اللهم آمين
ليكمل عائشه فين
عائشه وهي تخرج من الداخل هاتفها نعم ياعمر
عمر بابتسامه انا هروح المستشفي عايزه حاجه ياحبيبتي
عائشه بابتسامه متبادله عايزه سلامتك خلي بالك من نفسك
عمر وهو يقبل رأسها حاضر
أحمد ايه يابنتي دا رايح مشوار كام ساعه
عمر ايوه بقا غيران مننا علشان انت لسه اعذب وحيد
احمد بثقه لا ياحبيبي انا بقيت مجوز وبقيت شخص مسؤل خلاص
عمر ياراجل تصدق اتفاجأت
أحمد وهو يتوجه للداخل ويتوعد له ماشي ياعمر استني عليا
عمر امشي يلا بقا انت دكتور جامعي
احمد بتفكير والله يابني بيقولوا بس مش متاكد
عمر ياارب صبرني عليه
احمد وهو يجري ياارب يااخويا
عمر لحقت نفسك المرادي
عائشه كانت تشاهد الموقف ولم تفعل شئ سوا الضحك
عمر بابتسامه الواد دا هيجنني
احمد من الداخل انا يابني داانا غلبان
عمر انت هتقولي ماشي لو جدع اطلع
احمد وعلي ايه الطيب احسن
عمر بابتسامه انا لو فضلت قدامك مش هروح المستشفي
ليكمل بابتسامه وهو يوجه كلامه لعائشه انا ماشي
عائشه بابتسامه لا إله الا الله
أحمد بضحك محمد رسول الله
عمر وهو يمسك بيد عائشه وياخذ عدة خطوات للخلف سبتك المكان كلو يااحمد واستني عليا لما ارجع
ليكمل محمد رسول الله ياحبيبتي
ويتوجه عمر إلي عربيته ويقودها متجها نحو المستشفي
توجهت عائشه إلي الداخل
وبدأت هي وخديجه المذاكره
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في جهه اخري ومكان ممتلئ بالشر يجلس هذا الشخص الحاقد
حسين بغل عملت ايه في اللي قولتلك عليه
الطرف الآخر كل حاجه تمام وبنرتبلهم علي نار هاديه
حسين وهو يرجع بظهره للخلف ويضحك ضحكه شر دول شويه مغفلين والموضوع دا هيخلص بسرعه
الطرف الآخر وهو يبادله ضحكته بس بردو هما مش ساهلين
حسين بغرور علي نفسهم مش علي حسين العمري
الطرف الآخر عندك حق
حسين قوم بقا ناكل حاجه علشان نستعدلهم
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في الفيلا وبعد مرور عدة ساعات
كانت عائشه وخديجه ياخذان استراحه في جنينه الفيلا ويتبادلان الحديث ليقطعهم دخول ميار
ميار بمشاغبه متجمعين من غيري
عائشه بابتسامه كنا والله لسه هنكلمك
ميار بحب وهي تحتضنهم قلوبنا بتحس ببعض
خديجه ايوه طبعا ياحبيبتي
ميار بعد عدة دقائق من الجلوس هدخل اسلم عليهم
لتكمل بابتسامه وهخرج ونكمل الدروس بتاعتنا
خديجه ان شاء الله ياحبيبتي
عائشه وانا هطلع اجيب حاجه وانزل
بعد دقائق تجمع هذا الثلاثي الجميل
ميار بحماس هتعلموني ايه انهارده
خديجه بابتسامه هنتكلم عن فضل قراءه سورة الملك
ميار بابتسامه الله انا متحمسه جدا
خديجه سورة الملك ياميار .. تُعرَفُ بـ المنجّية من عذاب القبر والمانعة عنه،
فعن عبد الله بن مسعود -رضي الله عنه- أنّه قال: ((مَن قرأ تبارك الذي بيده الملك كلَّ ليلة منعَه اللهُ بها من عذاب القبر، وكنّا في عهد رسولِ الله -صلّى الله عليه وسلّم- نسمّيها المانعة؛ لِما تمنعُ عن صاحبها من شرٍّ وتنجيه من العذاب والألم في القبر ويومِ القيامة)).
وسورة الملك لها ثواب وأجر كبير.
عائشه بابتسامه وهي تكمل مابداته خديجه قراءةِ سورة الملك ياميار لها العديدُ من الفضائل التي تعودُ بالخير على المسلم، كالتالي:
مانعةٌ لعذاب القبر ومنجّية لمَن يحافظ ويداوم على قرائتها في ليلته قبلَ نومه.
تجادِل عن صاحبها يوم القيامة لتدخلَه إلى جنان النعيم، وتبعدُ عنه عذابَ جهنّم.
مسبّبةٌ للحسنات والثواب لصاحبها، فمن يحافظ على قراءتها يوميًّا قبل نومه يحصلْ على الكثير من الحسنات والثواب، فبكلِّ حرفٍ من القرآن حسنة، والحسنةُ بعشرةِ أمثالها والله يضاعفُ لمن يشاء، حيث يحصلُ المسلم على الكثيرِ الوارفِ من الثواب والحسنات إذا داومَ عليها.
شافعةٌ لصاحبها حتّى يُغفر له يومَ القيامة.
ميار بابتسامه انا مش عارفه اقولكم ايه حقيقي انتو سبب بعد ربنا في هدايتي وتقربي من ربنا
عائشه بابتسامه ولسه كمان لما تشوفي الهديه اللي انا وخديجه جبنهالك
خديجه بنظره استغراب فهي لم تتفق معاها علي شئ
عائشه اكتفت بابتسامه رقيقه
لتكمل ميار بتفاجاه ايه ياعائشه ايه انا مش قادره استحمل
عائشه بابتسامه افتحي البوكس دا
خديجه وهي تمسح لها دموعها دي حاجه بسيطه
ميار بجد فرحتوني وعمري ماهنسي وقفتكم دي
عائشه احنا اخوات والاخوات مفيش بينهم الكلام دا
ميار انتو احلي اخوات في الدنيا كلها
ليقطع حديثهم رنات هاتفه ميار
ميار بابتسامه السلام عليكم
الطرف الآخر………
ميار بصدمه ايه ……..
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
- يتبع الفصل التالي اضغط على ( رواية احببت وصية رسول الله ) اسم الرواية