رواية احببتها وسط انتقامي (كاملة جميع الفصول) حصريا عبر دليل الروايات بقلم فريده محمد
رواية احببتها وسط انتقامي الفصل الخامس عشر 15
ميرنا قاعده وماسكه التليفون فجأة وصل ليها رساله. محتوى الرساله(جوزك بيخو”نك وهو دلوقتي معايا ولو عايزه تتاكدي تعالي العنوان ده******* ) ميرنا ا تصدمت.. بس قامت بسرعه لبست ونزلت وراحت العنوان اللي في الرساله وطلعت الشقه خبطت فتحت لها بنت وكانت لابسه قمي”ص نو”م وعليه روب ميرنا زقتها ودخلت جوه دخلت شافت ادهم ادهم بصدمه. ميرنا… انتي جيتي هنا الزاي ميرنا بتبصله بدموع وقهر ميرنا نطقت بصعوبه . ط.لقني ولفت ومشيت ادهم .استني يا ميرنا ادهم مسح على وشه بغضب ميرنا مشيت وهي مصدومه. ادهم بسرعه دخل لبس القميص وطلع وراها البنت اللي كانت معاه (هايدي)وقفت قدامه بدلع. حبيبي انت رايح فين انت بتحبني انا ادهم بعصبيه . امشي من قداامي وخرج بسرعه ورا ميرنا. ميرنا نازله من الشقه وهي منهارة من العياط ادهم لحقها ووقفها ميرنا بعصبية وصوت عالي ومنهارة . عايز ايييييييه سبني في حالي بقااااااا ادهم براحة . تعالي اوصلك ومسك أيدها. ميرنا. شدت ايدها منه وبعصبيه . اوعى كده عايز مني ايه جيت ورايا ليه .. روح للي كنت معاها وعيش حياتك براحتك ادهم وبيحاول يبقى هادي. طيب اركبي وفي البيت نتفاهم ميرنا بعصبيه وخبطته على صدره . نتفاهم في ايه هااااا نتفاهم في ايييه بعد ما شفت خيانتك بعيني وبتقولي نتفاهم يابجاحتك يا
اخي . ميرنا خدت نفس.انا هروح على بيت ماما وهتبعتلي ورقتي هناك. ادهم بهدوء. طيب اركبي. ميرنا .مش هركب معاك ادهم بعصبيه. اركبي احنا في الشارع ..اخلصيييي. وفتح العربيه. يلااا ميرنا. انا مش همشي معاك انا هروح عند اهلي ادهم .اركبي وعدي يومك ميرنا . مش هركب وزقته وجت تمشي ادهم شدها مره واحده وراح ضربها بالقلم وزقها في العربيه وركب وساق بجنون وميرنا عماله تعيط. بعد وقت ادهم وصل عند البيت وقف العربيه ميرنا نزلت من العربيه ودخلت تجري على جوه وهي منهاره من العياط ادهم لف بالعربيه ومشي تاني. ميرنا دخلت وهي بتعيط قابلتها شهيرة ومها. شهيره بخضه. ايه في ايه مالك… وانتي كنتي فين كده مها . في ايه يا ميرنا بتعيطي ليه شهيرة. يا حبيبتي اتكلمي ايه اللي حصل. ميرنا بشهقات .ابنك بي.خو.ني شهيره . انتي بتقولي ايه.. اهدي كده وفهميني. ميرنا .ابنك المحترم كان في شقه ومعاه واحده وانا شفتهم بعيني. شهيره. طيب اهدي. فريده نزلت على الصوت. فريده . هو في ايه. شهيره بصيت لها وما اتكلمتش وهي بتهدي في ميرنا. مها ردت . ميرنا اتخانقت مع ادهم. ميرنا مسحت دموعها .انا هروح عند ماما ويا ريت تخليه يطلقني. شهيره . اهدي بس يا حبيبتي طلاق ايه بس. ميرنا بعصبيه..ايه حضرتك متخيله اني هعيش معاه تاني بعد ما شفت خيانته بعيني وطلعت على فوق بغضب مها طلعت وراها وفريدة كمان عند ادهم. رجع الشقه تاني هايدي اول ما شافته ابتسمت وقربت عليه ولفت اديها حوالين رقبته . حبيبي كنت عارفة انك هتيجي ادهم نزل ايديها واتكلم بهدوء . مراتي عرفت منين ان انتي معايا هايدي بتوتر . م معرفش. ادهم بعصبية. انطقي يا روح امك عرفت منييين هايدي . قلتلك ما اعرفش. ادهم ضربها بالقلم
ادهم. انت فاكره ان الشويتين دول هيخيلوا عليا انطقيي هايدي .ايوا انا اللي بعتلها رساله. ادهم راح ضربها بالقلم تاني .عملتي كده ليييه . هايدي بعياط. عشان بحبك ادهم بغضب . وانت فاكره لما تعملي كده هسيب مراتي انتي نسيتي نفسك هايدي لا ما نسيتش بس انا بحبك وانت كمان بتحبني ادهم . بحب مين يا زباله انتي انتي صدقتي نفسك انتي رخيصة يابت هايدي. بس انت ما بتحبهاش ما تكدبش على نفسك يا ادهم انت بتحبني انا انت نسيت كلامك ليا ادهم مسكها من شعرها. انتي هتقارني نفسك بيها يا رخيصه ونزل فيها ضرب ادهم .قسما بالله العظيم لندمك على اللي انتي عملتيه ده يا بنت الكل”ب وزقها برجله.. هرجعلك تاني ومش هرحمك وقفل عليها ومشي. عند ميرنا نزلت ومعاها شنطه هدومها شهيره . بردو مصممه …يا بنتي اهدي وما تخربيش بيتك ادهم دخل بعد ماشيهرة كلمته وقالتله يجي. ميرنا بصت عليه بغضب وياسين كمان كان رجع. ميرنا مسكت الشنطه وجت تمشي ياسين .استني يا ميرنا ميرنا . استنى ايه
انا لا يمكن اعيش معاه تاني … خليه يطلقني يا ياسين انت بنفسك قلتلي لو حصل حاجه هطلقك منه وما فيش اكتر من اني شفته بيخوني هستنى لحد ما يحصل ايه تاني ياسين بص لادهم بغضب ويأس. ماشي يا ميرنا تعالي انا هوصلك واخدها ومشي تحت نظرات ادهم ال ساكت ومتكلمش شهيرة بغضب لأدهم .ليه بس كده لييه …عاجبك اللي حصل ده ادهم ما تكلمش وسابهم وخرج ياسين وصل ميرنا ورجع البيت ياسين . ادهم فين شهيره .خرج …عملت ايه. ياسين. هعمل
ايه يعني ابنك بوظ الدنيا شهيره .ربنا يهديه. ياسين .انا قولتلك من الاول جوازتهم مش هتنفع انتي اللي اصريتي علي كدة شهيرة .يعني انا دلوقتي اللي غلطانة. ياسين . ايوا ياماما شهيرة. ..عموما انا كنت شايفة ان جوازو من ميرنا في مصلحته خصوصاً إنها بتحبه ياسين . وهو ايه …بيحبها شهيرة. سكتت. ميرنا قاعده في الاوضه وقافله على نفسها. مامتها من بره . يا حبيبتي افتحي ميرنا بعياط .يا ماما سيبيني مش قادره اتكلم دلوقتي ارجوكي مامتها .طيب ريحيني بس ادهم عمللك ايه. ميرنا. ادهم بيخو.ني يا ماما ارتحتي ..سيبيني بقى لو سمحتي. وقعدت تعيط بقهر. ميرنا . ليه كده يا ادهم.. ده انا ما حبتش حد في حياتي غيرك ..عملتلك ايه عشان تعمل فيا كده. وقعدت تعيط لحد مانامت
•تابع الفصل التالي "رواية احببتها وسط انتقامي" اضغط على اسم الرواية