رواية صراع عائلي كاملة بقلم رنا سليمان عبر مدونة دليل الروايات
رواية صراع عائلي الفصل السادس عشر 16
زياد:حضرتك متاكد يا متر ان التوكيل اللي نور عملته دا ب اسم داده رحمه
صبري:وايه اللي هيخليني مش متاكد يا بشمهندس……التوكيل اهو ومكتوب اسم مدام رحمه عليه
رؤوف:لا دي اكيد اتجننت…….بدل ما تدي كل واحد فينا حقه رايحه تعمل توكيل ل واحده خدامه عندنا وتخليها المسئولية عننا ونتحكم فينا كلنا زي ما هي عايزه
كريم:لا لا…….اكيد في حاجة غلط…….نور اكيد مش هتسلم رقبتنا كلنا ليكي انتي……..هي فاكره نفسها ايه علشان كل شويه تتحكم فينا بالطريقه دي
فايز:اهدوا يا جماعه……في الاول وفي الاخر نور حرة تعمل اللي هي عايزاه
زياد:هو ايه دا اللي حرة يا فايز…….انت ناسي ان الفلوس دي من حقنا احنا مش من حق حد تاني…….وانت اللي كنت فاكر نور دي ملاك وعايزانا نبقي ايد واحده ونعيش في بيت واحد علشان نبقي جمب بعض……..طلعت شيطانه وعايزه تاخد كل حاجة لنفسها ونولع احنا…….لا وكمان عامله للأستاذة توكيل عام علشان هي كمان تتحكم فينا
فاطمه:ساكته ليه يا داده متتكلمي……قولي اي حاجة متفضليش ساكته كده
فضلت قاعده ساكته وباصه في الارض…….قامت وقفت وبدات تتكلم بهدوء
رحمه:اتكلم واقول ايه يا فاطمه بس…….م كل واحد قال اللي في نفسه هقول ايه تاني بعد اللي اتقال……مش دي نور اللي كنت لسه بتقولي انك بتحبها وعايزني اقنعها انها ترجع واعرفها انك بتحبها……دلوقتي بقيت نور دي هي الشيطانه اللي بينكم واللي عايزه تاكل حقكم…….وحضرتك يا رؤوف بيه…….بقي انا مجرد خدامه في البيت دا…….دا انا اللي مربياك يا ابني…….هو دا احترامك للست اللي ربيتك……علي العموم شكرا ليك يا ابني علي احترامك ليا دا…….ايه كلكم نسيتوا انتو كنتو عاملين ازاي لما كانت في المستشفى…….نسيتوا كنتو خايفين عليها ازاي من شهر واحد…….دلوقتي افتكرتوا انها وحشه وبتتحكم فيكم كلكم…….كان عندها حق نور لما قالت انكم عمركم ما هتتغيروا…….هتفضلوا انانيين ومفيش حاجه تهمكم غير الفلوس وبس…….علي العموم اديكم شوفتوا نور عملت التوكيل لمين وبتثق فين…….واي حد مش عجبه الوضع دا……الباب قدامه اهو……ميترددش لحظه انه يمشي
سابتهم ومشيت…….الكل كان قاعد مصدوم من اللي حصل……فتحت الباب ودخلت…….قربت منهم واتكلمت
علياء:مساء الخير…….مالكم في ايه قاعدين كده ليه
اتنهد بتعب…..اتكلم وهو مربع ايده وباصص في الارض
زياد:نور بنت عمك عملت توكيل ل اللي اسمها رحمه وبقيت هي المسؤولة عن كل جنيه مكتوب ب اسم العيله لحد ما استاذه نور تتكرم وترجعلنا حقوقنا
علياء:نعم؟!
رؤوف:انا مستحيل اسكت علي اللي بيحصل دا…….البنت دي زودتها اوي ولازم اوقفها عند حدها
خرج من القصر وهو متعصب وناوي انه يعمل كل اللي يقدر عليه علشان ينتقم منها بسبب اللي حصل
خارجه من المطبخ……..ماسكه صنيه عليها كوبايتن…….قربت منه وحطيت الصنيه قدامه……قعدت قدامه…….بدات تتكلم وعلي وشها ابتسامه
داليدا:انا حقيقي مش عارفه اشكرك ازاي علي اللي عملته معايا دا يا جمال …….انا مش عارفه من غيرك حالتي كانت هتبقي عامله ازاي…….لولاك انا كان ممكن انام في الشارع
جمال:دا واجبي يا داليدا…….انتي بنت عمي وكان لازم اعمل معاكي كده
داليدا:اخواتي نفسهم معملوش معايا اللي انت عملته دا يا جمال
جمال:بس نور عندها حق يا داليدا…….انتي اذيتي نور جامد انتي وحاتم اخوكي…….هي المفروض كانت تتحمي فيكم مش تهرب من خوفها منكم
داليدا:كنت غبيه وماشيه ورا حاتم وانا مغمضه عيني علشان هو اخونا وبيعمل كل حاجه علشان مصلحتنا……طلع اكتر شخص بيأذينا احنا الاتنين واحنا مش واخدين بالنا
جمال:متنسيش بردو يا داليدا انك كنتي بتعملي اي حاجة علشان توصلي للفلوس…….انتي اهم حاجة عندك الفلوس ولحد دلوقتي تفكيرك في الفلوس وبس…….بلاش تحطي الغلط كله علي اخوكي
داليدا:واخرتها كانت ايه يا جمال…….زي ما انت شايف اهو……..لا طولت الفلوس اللي كنت عايزاها ولا حتي بقيت جمب اختي اللي بقيالي في الدنيا
جمال:ندمك دا مش هيجيب نتيجه يا داليدا…….انتي لازم تكفري عن ذنبك دا وتحاولي انك تخليها تسامحك من تاني
هزيت دماغها ب اه…….مسحت الدموع اللي نزلت من عينيها……بصيت قدامها ب حزن وتعب
رحمه:كده بردو يا نور…….تعملي كل دا من غير ما تاخدي رايي حتي
نور:م انا عارفه انك مكنتيش هتوافقي علي حاجة زي دي يا دادة…….علشان كده عملت كل حاجة من غير ما تعرفي
رحمه:ايوه يا بنتي بس انا مش قد المسؤولية دي يا نور
نور:بالعكس يا دادة مفيش غيرك قد المسؤولية دي……..كل اللي عيله الهواري بتملكه دا بسبب تعب جدو وتعبي انا كمان في الشغل واننا نكبر الشغل دا وانا لو سيبت لكل واحد حقه كل حاجة هتضيع في خلال شهرين مش اكتر من كده…….علشان كده عملتلك التوكيل دا لحد ما اقعد مع نفسي وافكر هعمل ايه وهديهم فلوسهم ولا لا اصلا
رحمه:هو انتي بتفكري انك مترجعيش لكل واحد فيهم حقه يا نور
نور:مش عارفه يا دادة……..انا بجد تعبت من التفكير ومبقتش عارفه اتصرف ازاي……..بس كل اللي انا عايزاه دلوقتي اني اشتغل وامسك مكان جدو وكأنه لسه عايش واكبر في الشغل اكتر واكتر
رحمه:ربنا معاكي ويعينك يا حبيبتي يا رب
نور:امين يا رب يا دادة…….قوليلي يا دادة الكل نزل علي الشغل ولا لسه
رحمه:والله يا بنتي مش كلهم……علياء وفاطمه وفايز نزلوا وبداو شغل في الشركه……..وزياد راح علي المصنع علشان يتابع الشغل هناك……جمال بقي محدش عارف بيروح فين ولا بيعمل ايه…….محدش بيشوفه في الشركه ولا في المصنع حتي وبيرجع اخر اليوم ويدخل علي اوضته
نور:واستاذ كريم
رحمه:لا بالنسبة لكريم وشيماء ف بيروح الشركه نص ساعه وبيرجعوا تاني
نور:شيماء!!…….وايه اللي مقعد اللي اسمها شيماء دي في البيت يا دادة لحد دلوقتي…….انا مش قولتلك متدخلهاش البيت تاني يا دادة
رحمه:ما انا مكنتش هدخلها يا بنتي بس
قطع كلامهم باب المكتب اللي خبط…….اتعدلت في قعدتها واتكلمت بصوت واطي
نور:اقفلي دلوقتي يا دادة هبقي اكلمك بعدين
قفلت معاها…..حطت التلفون علي المكتب……اتكلمت بصوت عالي
نور:ادخل
دخل وقفل الباب وراه…….قرب منها وحط ورقه قدامها
حازم:ممكن حضرتك تمضيلي هنا
نور:دا قرار تعيين موظفه جديده ولا ايه ان شاء الله؟!
حازم:لا حضرتك…… دا طلب أستقالة…….استقالتي من الشركه
نور:استقالتك؟!
قاعد قدامه ايده الاتنين في الكلبش……بدا يتكلم وهو باصص عليه بحقد
حاتم:عجبك اللي انا وصلتله دا يا كريم
كريم:ما انت اللي مش عايز تعمل اللي قولتلك عليه وترتاح وتريحنا كلنا
حاتم:انت عايزني اقتل اختي يا كريم؟!
كريم:وهي جديده عليك يا حاتم…..مانت عملتها قبل كده وكنت هتموت نور…….وبعدين مين قالك انك هتقتلها يا حاتم
حاتم:قصدك ايه
رجع بضهره لورا……ابتسم وربع ايده
- يتبع الفصل التالي اضغط على ( رواية صراع عائلي ) اسم الرواية