رواية احببت وصية رسول الله كاملة بقلم نورهان محمد عبر مدونة دليل الروايات
رواية احببت وصية رسول الله الفصل السابع عشر 17
عائشه بابتسامه وهي تترجل عدة خطوات
لتفتح هاتفها السلام عليكم
عمر وعليكم السلام ورحمة الله وبركاته
عائشه عامل ايه
عمر الحمد لله بخير
ليكمل انا في الطريق اهو خلصت زي ماوعدتك وراجع اهو
عائشه بابتسامه توصل بالسلامه ياحبيبي
عمر الله يسلمك ياحبيبتي
ليصمت مره واحده
عائشه روحت فين
عمر في عربيه عماله تقفل عليا
عائشه بخوف فقد انقبض قلبها مره واحده لتهتف بتلعثم وقلق طيب ياعمر خلي بالك
عمر ايه دا في ايه بقا
عائشه ياعمر اركن طيب علي جنب مش لازم تتحرك دلوقتي
عمر هحاول ولم يكمل ثواني
ليصرخ عمر لالالالالالالالالالالالالالا
عائشه بصدمه عمممممممممممر لتسقط ارضا مغمي عليها
جميع الجالسين انقبضت قلوبهم قلقا
توجه احمد نحوها مسرعا يتفقدها
اما خديجه فامسكت بالهاتف ولكن لما ياتيها رد
أحمد بخوف عائشه فوقي فهمينا في ايه عائشه وأخذ يخبط علي وجها عده خبطات خفيفه محاولا افاقتها
فاطمه اسرعت واتت إلي احمد بالعطر
ليضع احمد العطر وتفيق اخيرا
احمد بقلق وهو يحتضنها قوليلي ايه اللي حصل انا جنبك متخافيش
عائشه كانت لا تفعل شئ سوي البكاء فقد انهمرت قواتها اثر سماعها اصوات وصريح عمر
زينب يابنتي طمنينا في ايه سمعتي ايه في التليفون
عائشه بتلعثم وعدم قدره لتهتف اخيرا ع.م.ر عمر كان بيقول ان في عربيه بتحاول تقفل عليه ومره واحده سمعتوا بيصرخ
فاطمه بصراخ ايه ابننننننني
الجد حامد وهو يخرج من الاوضه ايه اللي حصل عمر في ايه
خديجه بدأت هي الاخري في البكاء بشده
وقف احمد وامسك برأسه وكاد أن ينفجر من شده الخوف وعدم القدره علي استجماع قوته
ليهتف بضعف وقلق طيب هنوصلوا ازاي وايه اللي حصل ياارب ياااااارب
كان كل منهما يبكي في زاويه مختلفه
أحمد بنفاذ صبر انا هطلع علي طريق الدائري انا مش هقعد متكتف كده لازم اتصرف
زينب بدموع ايوه ياابني اتصرف
أحمد انا هتصرف حتي لو هتوصل اني امشي في الشوارع لحد مااوصلوا
ليقطع حديثهم رنات هاتف عائشه
لينظر الجميع بخوف فهما علي ترقب لهذه اللحظه
أحمد بلهفه أخذ الهاتف واجاب علي المتصل بهمه
أحمد بقلق من هذه اللحظه الووو
الطرف الآخر حضرتك التليفون دا كان مع المصاب
أحمد بلهفه حصل ايه وعمر فين
الطرف الآخر احنا لقينا التليفون مفتوح علي النمره دي والمصاب حاليا بخير هو فاقد الوعي
احمد وهو يلتقط انفاسه فهو كاد أن يسقط من خوفه وقلقه
ليهتف حضرتك فين وانا هاجي حالا أهم حاجه متأكد ان عمر بخير
الطرف الآخر ايوه انا دكتور والأستاذ عمل حادثه بس هو قدر يتفادي الموقف وعدت بخير انا كنت خلف عربيته والحمد لله قدرت اسعفه
أحمد طيب الحمد لله ممكن عنوان المستشفي
الطرف الآخر ابلغه بالعنوان
أحمد وهو يلتقط انفاسه اهدوا هو بخير الحمد لله انا هطلع علي المستشفي لازم الحقوا
جميع من يقف احنا هناجي معاك
كان محمد يترجل إلي الداخل في هذه الأثناء ليهتف باستغراب هتروحوا فين
فاطمه بدموع عمر يا محمد ابننا عمل حادثه
محمد بصدمه وهو يستند علي الحائط هو فين هو كويس صح ابني فين
احمد مفيش وقت ياعمي هو حاليا في طريقه للمستشفي هو بخير
انا همشي وهاخد جزء وحضرتك تجيب الجزء التاني
وبالفعل تحركوا سويا نحو المستشفى
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في المستشفي
كانت ميار تستعد للرحيل
لتصعق ميار مكانها من الصدمه فعمر كان يدخل في حال لايسأل عنها
ميار بصدمه في ايه عمر مالو
الطرف الآخر حضرتك تعرفيه
ميار ايوه عمر صاحب المستشفي دي
الطرف الآخر بتفاهم الدكتور عمر عمل حادثه علي الطريق وانا والمارين في الطريق قدرنا ننقذوا ونتوجه بيه لاقرب مستشفي
ولحسن حظنا أن المستشفي ملك الدكتور
ليكمل وانا بردو دكتور وحاليا لازم نعمل الفحوصات اللازمه
ميار بعمليه تمام
وبدوا بالفعل في عمل التحاليل والفحوصات الازمه وبعد دقائق من الكشف فاق عمر
عمر وهو يمسك رأسه آه آه انا فين وايه اللي حصل
الدكتور هشام بابتسامه حمدالله علي السلامه دكتور عمر
عمر بتعب الله يسلمك مين حضرتك
الدكتور هشام انا كنت خلف حضرتك وشاهدت الحادثه وقدرت بفضل ربنا وكرمه اني اقدملك الاسعافات الاوليه وانقذك
عمر بامتنان شكرا
ليكمل بتاوه آه الم شديد
الدكتور هشام كل دا متوقع وخصوصا ان الصدمه كانت شديده في الرأس
عمر اه طيب هو تليفوني فين
الدكتور هشام انا كلمت الاسره وزمانهم علي وصول
عمر اكيد قلقوا
ليصمت قليلا فقد تذكر أن عائشه كانت معه علي الهاتف
ليقطع شروده دخولهم بلهفه
الدكتور هشام انا هستأذن الف سلامه عليك مره تانيه
عمر الله يسلمك يادكتور وشكرا جدا
فاطمه بخوف وهي اقتربت منه وتحتضنه وتبكي بشده وفي الجهه الاخري خديجه وزينب وفعلوا نفس الشئ
عمر بتعب وهو يعدل وضعيته انا بخير اهدوا مرت بخير الحمد لله ليمسك بيد امه وخالته ويقبلهم محاولا ان يبث لهم الامان واحتضن ايضا اخته
أحمد ومحمد والجد حامد وهما يقتربا منه الحمد لله علي سلامتك خوفتنا عليك
عمر الحمد لله علي كل حال متقلقوش
ليكمل وهو يتفقدها بنظره
ف عائشه كانت تقف في زاويه من الغرفه تنظر إليه وتبكي بشده فهو كان يتسطح علي الفراش وكانت رأسه ملتفي بالشاش ويده أيضا كانت ملتفي
عمر بابتسامه وهو ينظر اليها بعدما أشار إليها ان تقترب فهو لامس القلق والخوف الذي يسكنها وهو يراها في هذه الحاله
اقتربت عائشه وبمجرد أن مكثت امامه عادت للبكاء
عمر وهو يحتضنها اهدي ياحبيبتي كل حاجه مرت بخير وانا الحمد لله في احسن حال متقلقيش
عائشه بدموع اكتفت بالنظر إليه ف من صدمتها لم تستطع أن تتكلم
عمر بابتسامه رضا والله ياعائشه الحمد لله انها جات علي قد كده ومروحتش فيها
عائشه بلهفه بعد الشر عليك
عمر بابتسامه وهو ينظر حوله فمنهم من يبكي والآخر حزين والآخر يشعر بالقلق
عمر وهو يهتف بحكمه ربنا قال ايه إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ».
وقوله تعالى: «وَاللَّهُ يُحِبُّ الصَّابِرِينَ».
كفايه ان ألاجر لمن صبر على البلاء في الدنيا هو الجنه
وبعدين احمدوا ربنا انها جات علي قد كده ولازم نرضي بقضاء ربنا واكيد في حكمه من الصبر
ربنا قال في كتابه العزيز «وَاصْبِرُوا إِنَّ اللَّهَ مَعَ الصَّابِرِينَ».
وبعدين انا كويس الحمد لله وحتي لو في الم فهو بسيط وربنا بيمحو بيه الذنوب
وبعدين للصابر بشائر بشر الله بها فقال تعالى: «وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ أُولَٰئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَٰئِكَ هُمُ الْمُهْتَدُونَ».
بعد كل الكلام اللي قولتوا دا مش عايز اشوف دموع او زعل انا بخير
جميع من في الغرفه ايوه الحمد لله
ليكمل وهو ينظر الي عائشه اهدي ياحبيبتي اهدي كده وبعدين عايز اشوف ابتسامتك
عائشه وهي تمسح دموعها وتبتسم تمام ياعمر
ترجلت ميار في هذه اللحظات لتهتف بمرح عال على ياسي عمر ينفع كده تقلقنا عليك
عمر بابتسامه عدت علي خير ياميار
ميار ايوه فعلا الحمد لله وكمان الحمد لله كل الاشعه سليمه
لتكمل بمرح شكلك بتتدلع علينا علشان تعرف غلاوتنا
أحمد ايوه ويختبر حبه في قلبنا
عمر الله الله انتو عاملين عليا حفله
أحمد احنا لا متقولش كده احنا اهل
عمر بابتسامه لا انت رايق يلا بينا نروح
محمد لا استني لما نطمن عليك عايزين نشوف الدكتور
فاطمه ايوه ياعمر اسمع كلام أبوك ومتقلقناش عليك
عمر ياجماعه انا بخير والله وبعدين انا دكتور وبقولكم من حكم مهنتي محتاج يومين راحه وطبعا منها بقا نشوف كفاءة الدكتور مازن والدكتورة ميار
ميار باصطناع عدم الفهم دكتوره ميار مين
عمر المفروض انتي
ميار لا ان شاء الله انا امسك مستشفي وكمان مع مازن دا بيبقا ماشي يضحك المرضه ويقولهم نكت
أحمد ايوه منا عارف من يوموا وهو كده كان بيضيف البهجه علي الشله
خديجه يسلام وانت كنت ايه
أحمد بمزاح كنت رئيس العصابة وهو المساعد بتاعي
عمر انتو اشتغلتوا
أحمد بهزار انا غلطان اني بضحك الله يسامحك يابني
عمر ياراجل المفروض اني اقتنعت
ليكمل مازن فين
ميار في العمليات بيساعد الدكتور بقالهم كام ساعه
عمر ربنا يجازيهم خير
ليكمل احمد وصل جدي وماما وخالتو
وبابا يوصلني انا وخديجه وعائشه
وبالفعل ساعدة عائشه وخديجه عمر للخروج من المستشفي
ميار وهي تراهم يتوجهوا خارج باب الغرفه
ايه دا الكلام شكلو بجد انتو رايحين فين
عمر ايوه والله دي فرصه علشان تتعدلوا
داانتي ومازن كنتوا حارقين دمي
ميار احنا طول عمرنا غلابه
عمر صح عندك حق وعلشان كده انتو اللي هتمسكوا المستشفي
ميار شكل الموضوع بقا جدا ولازم اتحمل
لتكمل وهي تحادث نفسها بس كويس خليني اقعد علي مكتب عمر واعمل نفسي مديره علي مازن
عمر بمرح علي فكره مازن اللي هيكون المدير
ميار ومالو حلو اوي خليه يشوف نفسوا بقا
لتكمل وهي تترجل للغرفه عائشه جوزك دا اعمل فيه ايه
عائشه عمر دا طيب جدا
عمر قوليلها ياحبيبتي
ميار طبعا ماهي ماشفتش حاجه
عمر يابنتي دخلت في مره لقيتها هي ومازن قاعدين يقولوا نكت والمريض عمال يضحك
ميار انا غلطانه كنت بخرجه من تعبنه وبعدين نسي الالم وقعد يضحك
خديجه بضحك ينهار ابيض ياميار داانتي رهيبه
ميار بكسوف انا دي حاجه بسيطه لما اجيلكم هكملكم الباقي
لتكمل كفايه واقفه بقا بدل ما يتعب
عائشه تمام احنا هنمشي وهنستناك بليل ان شاء الله
ميار ان شاء الله ياحبيبتي
توجه عمر إلي العربيه وتوجهوا سويا إلي الفيلا
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
حسين بابتسام اقول مبروك
الطرف الآخر بارتباك مش عارف اقول ايه
حسين المفروض تباركلي وتقولي انك خلصت
الطرف الآخر انا اتفقت معاهم بس التنفيذ محصلش
حسين بضيق انت اتجننت يعني ايه التنفيذ محصلش والاغبياء اللي مشغلينهم حتت حادثه مش عارفين يخلصوها
الطرف الآخر هو اتفادي الموقف بحركه جنون
حسين وهو في دلوقتي
الطرف الآخر في المستشفي والحاله مستقره
حسين بضيق اقفل اقفل
حسين وهو يتذكر
فلاش باك
حسين عملت ايه في اللي قولتلك عليه
الطرف الآخر كلو تمام وبزياده دا حبيبي
حسين ايه الحب دا كلو
الطرف الآخر طار قديم اوي
حسين اه فكرتني دا انت قلبك اسود اوي
الطرف الآخر محسسني ان انت اللي مش قلبك اسود
الطرف الآخر انا ليا أسباب
حسين وانا كمان من ناحيه الأسباب فاسبابي كتير اوي
الطرف ما علينا أهم حاجه ناخد حقنا منه
حسين عندك حق
الطرف الآخر المهم هنفذ كالاتي عربيه نقل كبيره هتقفل عليه في الطريق وباي حركه كده عربيته تتقلب وهتكوني قضاء وقدر وانا لله وانا اليه راجعون
حسين النهايه اقتربت اوي ومجرد مانخلص من عمر الباقي هيحصلوا
الطرف الآخر ونقول مات عمر خلاص
حسين بضحكه شر ياعيني كان طيب
ليفيق من شروده هاتفا بغل اغبياء شويه اغبياء
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في الفيلا
ترجل عمر بتعب وكان احمد في انتظاره استنده
أحمد تدخل ترتاح هنا في اوضتك
عمر لا انا هطلع فوق
أحمد تمام استنده احمد إلي الا علي وساعده حتي دخوله إلي غرفته بمساعده عائشه
أحمد انا هنزل اغير واطلع تاني
عمر تمام يااحمد
بعد دقائق
اقتربت عائشه منه واحتضنته بشده
عمر وهو يملس علي شعرها بحنان انا معاك اهو متخافيش
عائشه بدموع انا كنت حاسه ان روحي بتطلع وانا سامعه صوت صرختك ومش عارفه حصلك ايه
عمر بحب بعد الشر عليك ياحبيبتي
عائشه هي الحادثه حصلت ازاي
عمر مش عارف بس اللي فاكره ان الشاحنه هي اللي كانت بتقفل عليا وانا حاولت اتدارك الموقف باي طريقه
والحمد لله قدرت اتفادي نفسي
عائشه ايوه فعلا الحمد لله
وظلت عائشه تحتضنه خوفا وقلقا من ماحدث من عدة ساعات
ليقطعهم اصوات بالخارج
عائشه في حد بينادي عليا هطلع اشوف خالتو او ماما
عمر تمام ياحبيبتي
ترجلت عائشه إلي الخارج لتجد خالتها وامها اعدوا لهم الطعام
فاطمه خدي ياعائشه الاكل دا وكلي انتي وعمر
عائشه طيب يا خالتو استني انتي وماما وتعالوا علشان ناكل سوا
زينب لا ياحبيبتي احنا هننزل نجهز تحت علشان سايبين خديجه لوحدها بتجهز
عائشه تمام
ترجلت عائشه إلي الداخل وبيدها الطعام ووضعته لبعض الدقائق وساعدت عمر في تغيير ملابسه وغيرت هي الاخري وتوضوا ايضا وتناولوا العشاء سويا
بعد دقائق من الانتهاء
عمر انا عايز اقوم اصلي انا كده هجمع بين الفروض ودي حاجه مزعلاني من لما رجعت مصر أول مره اجمع
عائشه معلش ياحبيبي انت ليك عذر وربنا هيسامحك
عمر بابتسامه اللهم آمين ياحبيبتي
توجهوا إلي المصلي
وصلي عمر وعائشه فروضهم
عمر انا عايز انزل بقا
عائشه بس انت تعبان
عمر اه بس جدي مش هيقدر يطلع وممكن يزعل
عائشه تمام ننزل تحت شويه وبعدين تطلع ترتاح
عمر تمام وتوجهوا سويا إلي الاسفل
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في الريسبشن
عمر السلام عليكم
جميع من يجلس وعليكم السلام ورحمة الله وبركاته
ليكمل الجد حامد تاعب نفسك ليه ياحبيبي انت محتاج راحه
عمر ولا تعب ولا حاجه انا قولت انزل اقعد معاكم شويه
فاطمه تنورنا ياحبيبي
جلس عمر وكان لا يخلو هاتفه من الرنات
عمر السلام عليكم
مازن وعليكم السلام ورحمة الله وبركاته
ليكمل عامل ايه انا والله ماعرفتش غير من ميار لما طلعت من العمليات
عمر ولا يهمك ياحبيبي منا عارف
عمر طبعا انت في غلاوه احمد ليكمل ربنا يقدرك يامازن
مازن مش هطول عليك مع السلامه وحمدالله علي سلامتك
عمر الله يسلمك
وايضا ميار أخبرت عائشه انها لا تستطيع القدوم اليوم بسبب ضغط المستشفي وأنها سوف تزورهم غدا
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في مكان ممتلي بالشر
حسين بغل مرتين واحفاد حامد العمري يخرجوا منها زي الوحوش
حازم متقلقش اللي جاي احسن
حسين بغضب مقلقش ايه شكل اعتمادي عليك كان غلط
حازم بخنقه لا كل التخطيط كان تمام بس مش انا اللي قولت للسواق يستهتر
حسين السواق دا لازم يتظبط ويتربي
حازم حصل وزمانه اتربي
حسين بتفكير كده احنا جربنا اتنين والخطه متمتش
مفيش غير حل واحد
حازم ايه
حسين بغل ………
حازم بابتسامه شر ………..
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
- يتبع الفصل التالي اضغط على ( رواية احببت وصية رسول الله ) اسم الرواية