رواية شمس العاصي تشرق من جديد الفصل الثامن عشر 18 - بقلم نورة عبد الرحمن

 رواية شمس العاصي تشرق من جديد كاملة بقلم نورة عبد الرحمن عبر مدونة دليل الروايات 

 رواية شمس العاصي تشرق من جديد الفصل الثامن عشر 18

  

عاصي يجلس بمكتبه بضياع يتذكر ماقاله مراد له ليقاطع شروده تميم : هتعمل ايه دلوقتي..

عاصي : مش عارف

تميم : لكن ياعاصي…

ليطرق الباب ويخبروه بان ضيفه ينتظره بالخارج..

عاصي سمح لهم بادخاله وقد اعتدل بجلسته..ليدخل عليهم ويصافح عاصي وهو يقول : عزت المغربي ابن هاني المغرب..

عاصي : اهلا اتفضل ..

عزت بحرج : ممكن نتكلم لوحدنا عشان الحكايه خاصه شويه.

نهض تميم يريد المغادره ليوقفه عاصي.: تميم ابن عمي وزي اخويا تقدر تاخد راحتك بالكلام..

عزت اعتدل بجلسته واضعا يديه على المكتب وقد شبكهما ليتكلم بجديه : في امانه عمتي سنيه الله يرحمه سابتها عند بابا وبابا لما مات امني عليها..

عاصي : مش فاهم..

عزت : عمتي قبل ماتموت خلفت وجابت بنت .. يعني انت عندك اخت ..وتقدر تتاكد بنفسك..

بصدمه :ازاي وليه مابغلتوني من زمان …

عزت : عمتي كانت خايفه عليها من جدك عشان كان قاسي قوي اساسا هي فضلت تعاني عشان مقدرتش تهربك انت كمان لحد ماماتت بحسرتها عليك… ماتت وسابت غزلان امانه عند بابا ..وانا كملت مهمه بابا بعد ماتوفى .. ودلوقتي بقت عروسه ..وهيتقدملها شاب وهي موافقه وانا عايز اخوها يبقى جنبها…

*******

بهيه : احنا مش هنخلص من شمس بقى ..

حازم : انا مش فاهم انتي بتكرهيها ليه..

بهيه انا ..انا مبكرهاش ياحازم ..بس لتصمت وتمتلئ عيناها بالدموع..

حازم : بس ايه …انا ولو مره شفتكم مع بعض احنا كلنا نعرف انها هي وسميه مبيحبوش بعض..انما انتي ايه حكايتك معاهت..

بهيه : انا بغير منها عليك ياحازم..

حازم بضحك : بتغير… دي اختي ياهبله..

بهيه :مش عايزاك تهتم بحد غيري.. عايزاك لي لوحدي..انامعرفتش الامان والحنيه الا معاك ياحازم انت كل حاجه لي انت ابويا. واخويا وجوزي وابني كل حاجه ليا ..

حازم :انتي بتتكمي جد بتغيري من شمس..

بهيه بشهقات: ايوا انا كنت عايشه مع اخواتي الشباب كانوا بيعاملوني وحش ياحازم مبقدرش اخد النفس قدامهم ضرب واهانه وكل النهار بخدمهم ومش عجبهم ..حتى ابويا ولا مره سمعت منه كلمه يطيب خاطري بيها..لحد ماجيت انت وخطبتني..جوزنوا من غير ماحتى يسالوني..قولت لنفسي يلاا اهي جوازه والسلام المهم اخلص من العيشه اللي انا عايشاها..

بس لما عرفتك وعاشرتك خلتني احس بحجات اول مره احس بيها..انت ادتني الامان اللي كان ناقصني وادتني الحنيه اللي انا محتجاها ..عشان كده انا بغير من شمس انت وعمران مدلعينها قوي..

بس كفايه عليها عمران..عايزاك انت تحبني انا لوحدي..عايزاك تهتم بيا وتخاف عليا ياحازم متفكرش بحد تاني غير حتى لو كانت اختك..فكر ببهيه وبس ..عشان انا لو سبتني هموت انا عايشه عشان اسعدك ..عشان وجودك بالدنيا دي ..يساوي الدنيا باللي فيها عندي..

حازم :كل ده شايله جواكي…وساكته ..

دفنت وجهها بصدره لتستشعر الدفئ : متبعدش عني ياحازم عشان خاطري حبني انا لوحدي متحبش حد تاني غيري لا اختك ولا اخوك ولا حتى محمد ابننا انا عارفه انك هتقول عني اناننيه..ايوا انا اناننيه و بحبك ياحازم.ومش عايزه حد يشاركني بيك…

مسح شعرها بحب..وانا بحبك ومش ممكن ابعد عنك ابدا ..انت الغاليه ..اجوزتك عيله وكبرتي على يدي يابهيه..انتي قبل ماتكوني مراتي ..بنتي وحبيبتي..

بهيه : بجد يا حازم..

حازم : بجد ياروح حازم..

*******

دخل عاصي ليجدها تجلس مع سهى في الحديقه..تتحدث بابتسامه : الحمد لله الخبره ده انا محتااجه اسمعه والله..

سهى : مبروك ياشمس بس ليه شايفاكي مبسوطه بحمل مرات اخوكي اكثر من حملك..

سهى : الحمد لله

اقتحم عاصي جلستهما ليقول لشمس ببرود : حصليني عالاوضه..

اومأت شمس برأسها..وتبعته بهدوء..

سهى : عاصي عايزه اكلمك ..

عاصي : بعدين ياسهى مش فاضي دلوقتي ليكمل طريقه.ليدخل خلفها وفور دخولهم الغرفه جذبها اليه..ودفن وجهه بعنقها..

شمس حاولت ابعاده عنها .. لكن دون جدوى لتنزل دموعها بقهر هامسة بضيق : عاصي مش ..اما الاخر همس لها اشششش..ليمشي بها الى السرير بهدوء وووو

• يتبع الفصل التالي اضغط على ( رواية شمس العاصي تشرق من جديد ) اسم الرواية