رواية ليل احتلت عرش القاسي كاملة بقلم تيسير محمد عبر مدونة دليل الروايات
رواية ليل احتلت عرش القاسي الفصل التاسع عشر 19
ليل بعياط : طيب انا اعمل ايه دلوقتى .
ياسمين : انا هقولك تعملى ايه اسمعى يا ستى …………………….. ها ايه رايك .
ليل بصدمة : لا طبعا انا مستحيل اعمل كده .
ياسمين بمكر : خلاص خليكى قاعدة بتعيطى ، انا عملت اللى عليا و تضحك و تسيبها و تمشى و ليل قاعدة مكانها و بتفكر .
————————————
عند زين يركب عربيته و يمشى بيها مش عارف هو رايح فين بس كل اللى بيفكر فيه هو ليل و رفضها ليه بالرغم من انه بيشوف حبه فى عنيها ، فقرر انه يتعامل معاها بنفس اسلوبها معاه ، الابتسامة اترسمت على وشه لما فكر فى رد فعلها على اللى هو ناوى عليه و قرر انه يبدا تنفيذ خطته فورا .
عند ليل طلعت اوضتها و هى محتارة تعمل ايه فقررت انها تسال بابا يوسف عن رايه و بعد كده اتكسفت لما فكرت هى ازاى ممكن يجيلها الجراة انها تقول حاجة زى كده ليه فقررت انها تسال ماما امينة و قامت راحت اوضتها و خبطت و استنت شوية لحد ما سمعت يوسف بيشتم اللى بيخبط من جوه فاتكسفت لانها عرفت انها جت فى وقت مش مناسب .
جوا الاوضة كان يوسف قاعد على الكنبة و واخد امينة فى حضنه و بيفتكرو ذكرايتهم مع بعض بس فجاة الباب يخبط .
يوسف من جوا بعد ما سمع الباب بيخبط : الله يخرب بيتك ياللى بتخبط ده اكيد واحد من البغال اللى ربنا بلانى بيهم و اكيد البغل اللى اسمه عمر مهو مفيش حد بينكد عليا غيره ، و يبص لامينة يلاقيها كاتمة الضحكة بالعافية .
يوسف : اضحكى ياختى اضحكى بدل ما تكتميها و تفطسى ، طب و اللى ما انا سايبه اتفرجى بقى هعملك فيه ايه علشان تبقى تضحكى كويس .
تضحك امينة عليه و تقوله : طيب قوم شوف مين طيب .
يوسف و هو قايم : اشوف مين ده انا هطين عيشته عمر الكلب هو فيه غيره ، و يفتح الباب و يحدف فرده الشبشب بتاعه على اللى بيخبط من غير ما يشوفه فا يخبط فى ضهر ليل اللى تتصدم من اللى حصل ،
اما يوسف فيلاقى ليل كانت لسه هتمشى و هى مكسوفة من نفسها جدا بس بعد اللى حصل تقف مصدومة و بصاله .
يوسف : ليل يا حبيبتى هو انتى معلش انا اسف بقى جت فيكى انا كنت مفكرك الواد عمر اصل هو ديما اللى بيرخم عليا و بعدين ماما امينة مكنش قصدها تحدفك بالشبشب ابدا هى كان قصدها عمر مع انى قولتلها تشوف مين الاول بس هى صممت و قالتلى افتح انت الباب و ملكش دعوة فا انا ماليش دعوة خالص باللى حصل .
امينة من جوه مصدومة من اللى يوسف بيقوله و ازاى طلع نفسه من الوضوع و لبسهولها هي .
امينة : يوسف انت بتقول ايه انا قولت كده و كمان انا اللى حدفت الشبشب .
يوسف بغضب مصطنع : ايوه انتى و يكون فى علمك انا لايمكن اسمحلك انك تحدفى بنتى حبيبتى ليل بالشبشب تانى هو انا و بنتى علشان غلابة يعنى تعملو معانا كده ، اعملى حسابك بقى ان الموضوع ده لو اتكرر تانى يا امينة انا هلم هدومى انا و بنتى و نسيبلك البيت انتى و عيالك ، و يسبهم الاتنين مصدومين و يمشى و هو بيضحك انه فلت منها .
امينة بصدمة : بت يا ليل هو اللى كان هنا ده شكرى باشا سرحان و لا يوسف جوزى .
تضحك ليل : لا يا ماما ده عدى شكرى سرحان و الله ده انا لولا انى لمحته و هو اللى بيحدف الشبشب كنت صدقته ، و يضحكوا الاتنين على اللى حصل .
امينة تاخد ليل جوا الاوضة و تقفل الباب و ليل تفضل ساكتة و مش عارفة تبدا منين .
امينة : ايه اللى حصل بينكو و محيرك اوى كده .
ليل تبصلها : و حضرتك عرفتى منين ان فى حاجة حصلت .
امينة : على وشك يبان ، و بعدين الحاجة اللى تخليكى تيجى لحد هنا اكيد مش حاجة سهلة .
ليل تحكى لامينة كل حاجة من اولها و كلام يوسف معاها و تعيط .
امينة تاخدها فى حضنها : بصى يا ليل اللى يوسف قاله صح بس انتى حمارة و نفذتى غلط .
ليل : غلط ازاى ما انا عملت اللى قالى عليه .
امينة : لا غلط هو قالك ربيه مش طفشيه يا موكوسة .
ليل : يووه حضرتك كمان هتقولى زى ياسمين .
امينة : طيب و هى ياسو قالتلك ايه .
ليل تتكسف و تقول قالتلى انى اخليه يقرب منى و بعد كده ابعده لحد ما يتربى .
امينة : و الله البت ياسو طلعت بتفهم يا عينى عليك يا عمر ده انت هتشوف ايام .
تضحك ليل : لا ما هو الراعى الرسمى لقصة ياسو برضو هو بابا يوسف .
امينة : لا ما انا عارفة ياختى اى مصيبة فى البيت ده بيبقى هو وراها .
تضحك ليل و امينة .
امينة بصى يا ليل هقولك حاجة زين ابنى لو اتعاملتى معاه كده هيحس انك فعلا رفضاه مش بتدلعى عليه و هياخد الوضوع على كرامته و مش بعيد تلاقيه هو اللى يبعد فعلشان كده لازم تفكرى ازاى تربيه بس من غير ما تبعديه عنك اتفقنا .
ليل بامتنان : اتفقنا ، و تحضنها و تقوم تروح اوضتها و هى ناويه على حاجة .
—————————
فى اوضة عمر و ياسمين
عمر : الموضوع ده لازم نحله احنا لاننا لو سبناه لدماغ زين يبقى هينتهى فى محكمة الاسرة بعون الله .
ياسمين بضحكة : طيب و دى هنعملها ازاى .
عمر بابتسامة لانه شايفها بتضحك و مبسوطة : اللهم صلى على النبى طيب بمناسبة الضحكة الحلوة دى ما تفكك من زين و ليل و خليكى معايا انا بدل ما انا ما اطلقك و اجرجرك فى محكمة الاسرة و نفقة و شغلانة كبيرة اوى سعاتك .
ياسمين بضحكة : لا و الله انت قلبت الموضوع خالص يا بنى محكمة الاسرة و النفقة دية الست اللى بترفعهم مش الراجل و بعدين خلينا فى المهم .
عمر بجدية : بصى يا ياسو انا عايزك تبقى مع ليل دايما علشان تلحقيها قبل ما تعك الدنيا .
ياسمين : خلاص ماشى طيب و زين .
عمر بخبث : لا زين ده بقى تسيبيهولى انا هسوية على نار هادية .
ياسمين : ربنا يستر .
——————————-
زين يرجع البيت و هو معاه هايدى و على وشه ابتسامة و هو ناوى انه يعذب ليل لحد هى ما تيجى لحد عنده و تعترفله .
اما ليل كانت قاعدة هى و ياسمين فى الجنينة و يشوفوه و هو داخل و ماسك ايد هايدى .
زين : ازيكوا يا بنات عاملين ايه .
ليل باصه على ايده اللى ماسكه ايد هايدى و ساكتة .
ياسمين : الحمد لله يا زين بس مش تعرفنا .
زين و هو باصص على ليل : دى تبقى هايدى صديقتي.
ليل اول ما تسمع اسمها تفهم هى مين فتبص فى عين زين بدموع و تقوم تمشى من غير كلام فيوقفها زين .
زين : ايه يا ليل ماشية ليه فى حاجة حصلت .
ليل بدموع حاولت تداريها بس زين شايفها : ابدا انا بس حاسة انى تعبانة شوية و محتاجة ارتاح ، و قبل ما تمشى ييجى يوسف و يشوف هايدى و من معالم وشهم يفهم اللى حصل .
يوسف بترحيب : اهلا يا هايدى ازيك يا حبيبتى و ازاى بابا عامل ايه .
هايدى : الحمد لله يا انكل .
يوسف : طيب واقفين ليه كده يلا كلنا نتغدى مع بعض و انتو يا بنات ادخلوا ساعدوا امينة و سعدية فى الاكل يلا .
هايدى بحب مزيف : تحب اروح معاهم يا انكل اساعدهم .
يوسف : لا يا حبيبتى متتعبيش نفسك ، و بنبرة فهمتها هايدى و زين كمان قالها : انتى ضيفة يا حبيبتى فا متتعبيش نفسك و بناتى موجودين هما هيعملو كل حاجة فتسكت هايدى و متقدرش تتكلم .
( ملحوظة يوسف عارف نية هايدة ناحية ابنه و عارف انها بترسم علية من زمان بس متكلمش )
يوسف يقعد و هما كمان و يبص عليهم دقيقة .
يوسف : ممكن من غير لف و دوران افهم ايه اللى بيحصل بالظبط .
هايدى بتوتر : حضرتك تقصد ايه .
يوسف : اظن انتو الاتنين عارفين انا اقصد ايه ولا ايه يا استاذ زين .
زين : انا هقول لحضرتك يا بابا ، كل الحكاية انى عايز ليل تفهم انى بحبها و انها هى كمان ابتدت تحبنى فعلشان كده هايدى اقترحت انها تعمل حبيبتى قدامها لحد ما تفهم ، طبعا هايدى كل ده سامعة و ساكته بس متضايقة لانها عارفة ان يوسف ذكى كفاية انه يفهم هى عايزة ايه و ده حسته من نظرته ليها .
يوسف : طيب يا زين اللى انت كنت ناوى تعمله مش هيحصل لانى مش هسمحلك تجرحها كده .
زين : ازاى يا بابا هى مش دى نصيحة حضرتك ليا .
يوسف بعصبية : انا قولت تخليها تغير عليك بانك تعمل نفسك بتكلم واحدة غيرها مش تلاقيك داخل عليها و فى بيتها و فايدك واحدة تانية علشان تقهرها يا استاذ .
هايدى بمسكنه : يا انكل حضرتك فاهم غلط كل الحكاية ان زين عايز يعرف هى هتغير عليه ولا لا مش اكتر .
يوسف بعصبية لانه كاشفها : لما اكون بتكلم متقطعنيش مفهوم و ياريت بعد كده بلاش تقترحى اقتراحات تخرب البيوت لانك عارفة ان اى ست هتلاقى جوزها داخل عليها بواحدة تانية و خصوصا فى ظروف جوازهم دى مش هتغير لا دى هتبعد خالص لانها هتحس انها داخيله بين اتنين بيحبوا بعض ولا انتى ليكى مصلحة ان زين يبعد عن مراته ، و انت يا استاذ احنا هنتغدى كلنا مع بعض علشان مخليش شكلك وحش قدامنا انما بعد الغدا تاخد بعضك انت و الهانم و تمشوا من هنا ، و يسيبهم و يقوم .
هايدى بدموع مصطنعة : شايف يا زين باباك بيعاملنى ازاى يعنى دى جزاتى انى عايزة اساعدك .
كل ده و زين سرحان فى كام ابوه لانه حس انه عنده حق و ان هو فعلا غلط و انه مكنش المفروض يعمل كده .
هايدى بغيظ ان كلام ابوه اثر فيه : زين انا بكلمك ينفع كده يا زين بباك تقريبا طردنى .
زين بانتباه : هايدى بابا فعلا عنده حق احنا غلطنا ليل ممكن تفهم زى بابا ما قال و تبعد مش تغير زى ما احنا ما كنا مفكرين .
هايدى بتسرع من غيظها : هو فى ايه يا زين هو كل حاجة ليل ليل امال لو كانت من مستواك كنت عملت ايه .
زين بعصبية : هايدى سيره ليل متجيش على لسانك بالطريقة دى تانى مفهوم و يلا بينا علشان نتغدى و اوصلك .
هايدى : انا سمعت انك بتعملى قهوة حلو اوى يا ليل ممكن تدوقيهالى .
و قبل ليل ما تتكلم يتكلم يوسف : معلش يا هايدى بس ليل مش فاضية لو محتاجة اوى تشربى قهوة فى كافيه على اول الشارع ابقى عدى عليه و انتى مروحه .
هايدى بنرفزة : اوكى يا انكل ، يالا يا زين علشان توصلنى .
زين اللى كان متعصب من فكرة انها عايزة ليل تخدمها بس اللى سكته نظرة ابوه ليه بمعنى انت السبب فى اهانتها .
زين ببرود و قرر انه ياخد حق ليل : معلش يا هايدى بس انا مش فاضى تقدرى تاخدى تاكسى من بره و لو اتمشيتى يكون احسن و مفيد للصحة .
هايدى بغيظ : كده يا زين ماشى انا همشى و مش هتشوف وشى تانى ، و تاخد شنطتها و تمشى بغيظ .
اما عند ليل فكانت ساكتة و مرفعتش عنيها خالص بس كانت مبسوطة انه كسفها .
اما عمر فقرر انه يعمل اللى فى دماغه ،،،،،
يا ترى ايه اللى فى دماغ عمر
- يتبع الفصل التالي اضغط على ( رواية ليل احتلت عرش القاسي ) اسم الرواية