رواية اسرت عقلي كاملة بقلم هاجر الغريب عبر مدونة دليل الروايات
رواية اسرت عقلي الفصل الاول 1
بطل روايتنا هو يامن الشافعى(سنه 29 وهو معيد بكلية العلوم طويل ويملك جسدا رياضيا وعيونه عسلى وشعرة اسود)
بطلتنا ليالى جبران (19سنه لسة اول سنه ليها فى كلية العلوم مش طويلة اوى عيونها بلون السما ومحجبة)
باقى الشخصيات هنعرفها مع الاحداث
زى كل يوم اشرقت الشمس على وجه بطلتنا الجميلة لتستعد لاول يوم جامعه ليها
ليالى: اخيرا هشوف النور واطلع من البلد دى
الباب خبط
نادية: ليالى هانم ستى فريدة عاوزاكى
ليالى: حاضر جاية وراكى يانادية
ياربى اكيد فى تعليمات من عمى تانى ماهو اكيد مش هيسيبنى كدة امشى من غير مشاكل
نزلت ليالى من الاوضة تحت عند امها فريدة
ليالى: صباح الخير ياماما
فريدة: صباح النور يابتى تعالى علشان تفطرى وتروحى تشوفى عمك عاوز اية
ليالى: ياامى انا قولتلك متقوليش لعمى انى هسافر القاهرة النهارده
فريدة: كيف يعنى عمك هو راجلنا بعد ابوكى مامات لازمن اخبرة
ليالى: طيب ياامى انا هروح اشوف عاوز اية
فريدة: افطرى الاول
ليالى: مليش نفس ياامى لما ابقا ارجع
ومشيت ليالى راحت لدوار عمها شريف جبران
فريدة: انا معرفاش اخرتها معاكى اية بس يابتى قلبى واكلنى عليكى ربنا يحفظك ويبعد شر عمك عنك
وصلت ليالى لدوار عمها
ليالى: سلام عليكو كيفك ياعمى
شريف: الحمدالله كيفك انتى يابتى تعالى رايدك فى كلمتين
ليالى: انا الحمدلله ها رايدنى فى اية بقا
شريف: فريدة قالتلى انك مسافرة مصر النهارده الكلام دا صح
ليالى: ايوة ياعمى مسافرة علشان الجامعه
شريف: وهتقعدى هناك لحالك
ليالى: ايوة ياعمى هقعد هناك لحالى فيها اية يعنى
شريف: اسمعى يابت اخوى مرواح على مصر لحالك مهيحصلش
ليالى بصدمه: ازاى يعنى انا لازم اسافر علشان دراستى
شريف: ده اخر كلامى عندى ومات الكلام يابت اخوى
ليالى بغضب: ماشى ياعمى هنشوف
وسابته وطلعت برا الدوار
رماح: على فين العزم يابت عمى
ليالى: هملنى لحالى يارماح مش وقتك
رماح: لحد متى ياليالى
ليالى: لحد مااخلص الجامعه بعدها نتحدد
رماح: ماشى يابت عمى انا مستنيكى
رماح شريف جبران(ابن عم ليالى عنده 26سنه ودا يبقا دراع ابوه اليمين واللى ماسك الاراضى والشغل)
ليالى سابته وراحت لقمر هى الوحيده اللى بتهون عليها وبتساعدها
اه بالمناسبة قمر تبقا اخت رماح بس ابوها غصبها وجوزها واحد كبير علشان الاراضى هى بنت جميلة وفيها شبه من ليالى
فى بيت قمر
قمر: تعالى ياخيتى اتفضلى وحشتيني جوى جوى
ليالى: وانتى كمان ياقمر وحشتينى اوى
الدموع بدأت تتجمع فى عيون ليالى
قمر بقلق: مالك ياليالى فيكى اية تعالى اقعدى واحكيلى
ليالى بدموع: عمى موافقش انى اسافر مصر علشان الجامعه
قمر: لية بس اكدة يابوى تظلم البنيه متخافيش ياحبيبتي هنشوف طريقة نسفرك بيها من وراه
ليالى: كيف بس
قمر: كيف ماعملنا قبل سابق ياخيتى واتعلمتى لحد الثانوية هنسفرك
ليالى: الثانوى خدته من البيت ياقمر انما الجامعه دا سفر يعنى هياخد باله وهيجيبنى
قمر: متزعليش ربك يدبرها ارجعى انتى البيت دلوقتي علشان محدش ياخد باله منك وانا هفكر فى حل واقولك
ليالى: ماشى خلى بالك من نفسك
قمر: وانتى كمان مع السلامه
فريدة: ها يابتى عمك قالك اية طمنينى
ليالى بحزن: هيقول اية ياامى قال مفيش سفر
فريدة بحزن على بنتها:يا حبيبتي يابتى خلاص انا هسفرك من وراه
ليالى: ياامى لو عرف انك انتى اللى سفرتنى ممكن يقتلك
فريدة: متخافيش عليا انا هعرف اقف قصاده وانتى سافرى كملى تعليمك
ليالى بفرحه وحضنت امها: ربنا يخليكى ليا ياست الكل وميحرمنيش منك ابدا
فريدة: ولا يحرمنى منك يابتى يلا اطلعى دلوقتي وضبى خلجاتك وشوفى هتاخدى ايه وبكرا تسافرى
ليالى: حاضر ياامى
- يتبع الفصل التالي اضغط على ( رواية اسرت عقلي ) اسم الرواية