رواية شمس العاصي تشرق من جديد الجزء (2) الفصل الاول 1 - بقلم نورة عبد الرحمن

 رواية شمس العاصي تشرق من جديد كاملة بقلم نورة عبد الرحمن عبر مدونة دليل الروايات 

  رواية شمس العاصي تشرق من جديد الجزء (2) الفصل الاول 1

  

بعد مرور تسعه اشهر…في المستشفى..

فتحت عينيها بتعب لتصدم برؤية عاصي امامها حاولت النهوض لكنها لم تستطيع من شدة التعب لتقول بدموع ابني فين ياعاصي وانت عرفت مكاني منين ..والله لو ابني جراله حاجه المره دي مش هاسامحك ياعاصي والله ماهسامحك..

اقترب منها ونزل لمستواها لتلفح انفاسه الدافئه وجهها قبل جبينها وهو مغمضا عينيه يستعشر بقربها منه لقد اشتاق اليها كثيرا.. ليقول بهدوء : ابننا كويس وبيجهزوه عشان نرجع بيتنا ..

أدارت وجهها عنه لتقول بغصه :مش راجعه معاك ياعاصي سيبني في حالي بقى حرام عليك..

عاصي : ماهو حالك حالي يامراتي والا ايه..

نزلت دموعها بقهر لتقول : عايزه ابني ياعاصي هاتلي رحيم..

رفع حاجبه باستنكار:..هو انتي سميتيه كمان..

شمس :مالكش صالح ابني واسميه براحتي..

عاصي بسخريه :هو ابنك لوحدك..

شمس باختناق : ايوا لو مهربتش منك يمكن كان زمانه لحق اخوه..

شعر بغصة بصدره من اتهامها له بقتل طفلهما الاول.اغمض عينيه محاولا ان يهدئ ليبتعد عنها وهي يمشي الى الباب : هبعتلك الممرضه تساعدك عشان تجهزي..حاولي متتأخريش عشان مخدش ابني واروح لوحدي انتي عارفاني اعملها ..

شمس : انت عرفت مكاني منين..اي اللي رجعك لحياتي من تاني

خرج من الغرفة وتركها تصرخ ليرسل احدى الممرضات لتساعدها..

وسرعان صعدو السياره متجهين الى المنزل وشمس تحتضن طفلها وتتأمل ملامحه الصغيره ..

عاصي :شبهي مش كده..

شمس تجاهلته وبقيت تداعب صغيرها بحنان..

عاصي : بيقولوا الست لما بتحب جوزها هيكون الود البكر شبه ابوه..وانا دلوقتي اتاكدت قد ايه بتحبني..

شمس : ……

عاصي : انا بكلم روحي مالك ياشمس..

شمس : عرفت مكاني منين ياعاصي ..

عاصي بسخريه : من ساعت مارجلك خاطت برا البيت وروحتي بيت اخوكي وطردتك مرات حازم ..وانا عارف انتي فين..

شعرت بغصة بصدرها عندما تذكرت بهيه وهي ترفض استقبالها وتطردها من المنزل نزلت دموعها على خدها لكنها سرعان مااستجمعت شجاعتها ومسحتها ..وعايز مني ايه دلوقتي ..

عاصي: هكون عايز ايه …مراتي وابني وهاخدهم تحت جناحي..

شمس : متقولش مراتي..ورحيم ابني لوحدي ..

عاصي :ليه واني قولت حاجه غلط لاسمح الله..

شمس فضلت الصمت وبقيت تتامل صغيرها بضياع لا تعلم مالذي ينتظرها

*******

هند : عمران ..ياعمران..

عمران : في حاجه ماالك عايزه حاجه..

هند : نيمت بنتك عشان نقعد مع بعض وانت سرحان معرفش بايه..

عمران جذبها اليه بحب : مش سرحان. تعالي اقعد جنبي..

جلست بجانبه بضيق: يعني عايزني اصدقك منا شايفاك من بدري سرحان مخلاص يا عمران انت عملت اللي عليك وسافرت بيها وفسحتها وخدتها على احسن دكاتره..ده يومها..متزعلش روحك..

عمران بغصه : حاسس اني ظلمتها معايا وهي ولا مره زعلتني بحاجه..

هند :وانت ظلمتها ازاي دنتا كنت شايلها عن الارض شيل بس انت سمعت الدكتور قالك ايه ..انها مصدومه من مووت اخوها مراد عشان اكده متحملتش وانتحرت

..وده ضعف ياعمران سميه لو تعرف ربنا بجد مكنتش عملت بروحها كده..ده لان ايمانها بربنا ضعيف ..

عمران :ربنا يرحمها ويغفرلها ..

هند: يارب .. يلاا قوم خدلك شور سريع عشان تستريح وانا هروح احضر لك لقمه تاكلها وبلاش تفكر كتير سميه دلوقتي عند اللى اكرم مني ومنك …وربنا يسامحها بقى …لحسن بنتك تصحى دلوقتي وانا مصدقت اقعد معاك لوحدنا ..لتكمل بدلال عشان انت واحشني قوي..

جذبها اليه هامسا بهيام : متسيبك من الاكل دلوقتى عشان عايزك بحاجه أهم..ووووو

*******

دخلت شمس القصر وهي تحمل صغيرها تتبع عاصي بهدوء تتذكر كل تلك اللحظات التي عاشتها فيه…

حتى سمعت صوت نسمه الغاضب : دي اي اللي جابها هنا..

نظرت اليها بصدمه ثم نظرت الى عاصي الذي يسيطر عليه البرود..

عاصي : مراتى وام ابني ورجعت بيتها..

نسمه : وانا ايه ياعاصي مش مراتك..كمان

شعرت بسكين يغرز بصدرها عندما سمت كلماتها هل حقا تزوج عاصي…

هل ماتسمعه حقيقه هناك امرأة اخرى تشاركها به..

ارادت شمس التحدث والدفاع عن نفسها ليوقفها صوت عاصي الغاضب خدي ابنك واطلعي اوضتك..

شمس …

عاصي بغضب : بسرعه ..لتنتفض الاخرى وتسرع بصغيرها الى غرفتها..

اما نسمه فقد ابتلعت مابجوفها بخوف من نظراته لهاوهي تراه يقترب منها كالمجنون امسك ذراعها بعنف واتجه بها الى غرفتها ليدفعها على السرير هادرا بغضب انتي مين اللي قالك ان شمس خاينه..

نسمه بارتباك..انا ..انا. يا ..عاااص.

بغضب انحنى اليها ممسكاً ذقنها بعنف انطقي..

نسمه….

• يتبع الفصل التالي اضغط على ( رواية شمس العاصي تشرق من جديد ) اسم الرواية