رواية نفوس مريضه الفصل الثاني والعشرون 22 - بقلم تسنيم حمدي

 رواية نفوس مريضه (كاملة جميع الفصول) حصريا عبر دليل الروايات بقلم تسنيم حمدي

رواية نفوس مريضه الفصل الثاني والعشرون 22

.......

صحي معتز من النوم  وشاف جانبه فاضي ونور مش موجوده 

و شاف جاك بيبص عند الشباك للشارع

معتز :صباح الخير يا جاك 

بصله جاك و قفذ  بجواره 

معتز بضحك: انت خدت عليا اوي.. بقا انا معتز اصحي من النوم القي كلب ينط في وشي ويبقي عادي كده.. والغريبه اني حبيتك..تعرف انك تتحب 

قالها وهو حاطط  ايده علي راسه وبيلاعبه :اومال فين صحبتك. نزلت ولا ايه

نبح جاك  وهو بيبص للشباك و بيشده معتز من  هدومه عشان يقوم

معتز: طيب عايزني اقوم ليه 

سابه جاك وبعد وجيه جايب طبقه بين سنانه 

معتز بضحك: ايه جعان  ..شكل  صحبتك نزلت من غير ماتسأل ولا فيا ولا فيك  

قالك كده وقام من مكانه وجاك وراه

سمعت لولا صوت معتز 

وفتحت الباب بزوايه وهي مسكاه 

اول ما شافها جاك نبح بقوه 

ودا خلها تقفل الباب بسرعه وهي بتصرخ 

معتز بضحك:  اهدي ياعم جاك مش كده 

ماتخفيش يا لولا افتحي الباب انا هدخله المطبخ يفطر

لولا من وراه الباب: لا ابعده الاول.. وانا هفتح

معتز : ماشي..

دخل معتز حط اكل ومياه ل جاك وربط السلسله بتاعته في عمود بالمطبخ 

وخرج بره

معتز: انتي شوفتي نور قبل ماتنزل 

لولا: اه خبطت عليا من ساعه كده وجهزت ونزلت.. وانا عايزه اخرج من بدري وكل ماخرج الكلب دا يمنعني

معتز: طيب انتي هتفضلي تكلميني كده وانتي مسكه في الباب انا ربطه خلاص وهو بيفطر. 

شوفي لو عايزه تخرجي  

لولا خرجت وهي بتبصله: غريبه دي هي كمان مشغلك داده للكلب 

معتز: لولا مالكيش دعوه .. 

.. وراعي انها مستضفاكي في بيتها وسابتك تنامي مكانها. فقدري دا 

لولا: انا اكيد مقدره سوري يا ميزو انا مش قصدي ازعلك.. بس انا مستغربه قربك من البتاع دا.. وانا عارفه انك بتكرهم 

معتز:البتاع دا قولتلك اسمه جاك..واكتشفت اني بحبهم فجاءه  

وخلصي شوفي هتعملي ايه..عشان انا هنزل دلوقتى وجاك بيكون في البيت لوحده في الوقت دا 

لولا: وانا هروح فين 

معتز: هو انتي ليه محسساني اني خلفتك ونسيتك 

يا لولا.. ماتنزلي شغلك

لولا: ماشي بس استناني لما اجهز وانزل معاك 

معتز: طيب بسرعه.. وانا هنزل مع جاك اجيب حاجه من تحت علي ماتخلصي 

..... 

معتز وصل لولا و راح علي المكتب اللي شغال فيه..بعد ما وقف شغله بسبب الحا.دث

فضل في المكتب حاول يشغل بس معرفش 

يشتغل بايد واحده زهق وخرج 

كان هيروح بس مسك التلفون ورن علي ياسين    

معتز: ازيك يا ياسينو ياحبيبي عامل ايه

بقولك ايه انت تعرف المستشفى اللي شغاله فيها نور فين 

.... 

نور كانت قاعده قدام عمر اللي قاعد قصدها ومكشر

: مالك بقي عمر  زعلان ليه كده

عمر : مافيش 

نور اتنهدت بتعب :بردوه مافيش..طيب تحب ننزل الجنينه تحت شويه

عمر:لا انا عايز اخرج من هنا خالص 

نور:ليه بس.. حد ديقك

عمر:لا بس انا بقيت بخاف من المكان دا..مش حبه وكل ما اقولك حاجه تقولي دا وهم 

نور: طيب احكيلي..وانا مش هقولك وهم..ها  شوفت ايه تاني المرادي 

عمر: هم يانور هم تاني عايزين ياخدوني معاهم..وانا مش عايز اروح.. كل يوم يجوا الاوضه..وكل ما انادي علي حد يلحقني محدش بيسمع

نور:طيب تعرفهم.. شوفت شكلهم 

معتز:لا..انا بس بحس بيهم بيظهروا بليل ..في واحد ديما واقف علي الباب بيرقبني..وكتير موجدين تحت السرير بشوف اديهم  المحر.وقه وهي بتخرج و عايزه تشدني رجليا..عايزين يخدوني عندهم ... هم ليه عايزني اروح معاهم 

انا مش عايز 

نور: طيب حد فيهم بيكلمك.. بتسمع صوتهم 

عمر برعشه : اه بسمعهم بيصرخه ..ولما اسألهم عايزين ايه محدش بيرد .ديما بيتألمه

انا بحس بألمهم طول ما انا لوحدي.. 

.. انا مابكدبش يا نور مابكدبش..و دا مش وهم.... 

نور قربت منه وهي بتهديه: طيب اهدي يا عمر.. انا هخلي حد يفضل جانبك بليل .....  

قطعت كلامها مع صوت الدوشه و فتح باب المكتب فجاءه 

سناء: انا اسفه يادكتورة هو اللي دخل.بالعافيه

نور بستغرب  : معتز!!؟ 

معتز بغضب وهو شايف نور قاعده جانب عمر  :اه معتز.. وهي مش عايزني ادخل. عشان كده بقا 

المدام مشغوله.. مين دا؟؟ 

نور بصت ل عمر 

اللي ارتعب من صوت معتز العالي

واتخبا ورها وهو بيمسك ايدها بقوه ورجعت بصت ل معتز

نور ببلاها : دا دا عمر 

معتز : يعني ايه عمر وماسك في ايدك كده ليه 

قالها معتز وهو بيقرب منهم 

و بيشد عمر من وراها عشان يبعده عنها 

نور:  انت بتعمل ايه سيبه يا معتز ..ابعد عنه 

بعدته عن عمر بصعوبه

نور : انت ايه اللي جابك هنا.. وازاي تدخل بالطريقه دي

معتز بزعيق: يعني ايه.. ايه اللي جابني  ..جي اشوفك يا هانم واشوف شغلك دا 

عمر حط ايده علي اذنه بخوف من الصوت العالي 

نور :لو سمحت كفايه زعيق وصوتك العالي دا 

قالتها ومسكت ايد عمر واتكلمت بلطف: اهدي ماتخافش.. اهدي يا عمر مافيش حاجه..دا معتز مش كنت عايز تعرفه  

عمر ببكاء:لا لا خليه يمشي من هنا.. خليه يمشي

نور : اطلع بره يامعتز

معتز بتهكم: نعم!!.. اطلع بره يامعتز 

جذب نور بغيره وبعدها عن عمر: انتي بتقولي ايه  .. اطلع بره و اسيبك معاه لوحدكم.. وانتي مسكه ايده كده ليه .. تحبي اجبلكم شجره واتنين لمون..

و اجي امته بقي .. بعد متخلفه 

نور : معتز ايه اللي بتقوله دا.. اطلع بره انت بتخوفه

معتز: اخوف مين.. دا ادي مرتين

نور بعصبيه: معتز ماتفوق بقي..هو انت مش فاهم انت فين يامعتز ..

معتز: انا في مستشفى المجانين.. هكون فين يعني

نور:مجانين.. اخرج بره  يا معتز ..اخرج دلوقتي وانا  هافهمك.. 

معتز: اخرج فين.. انا اقعد هنا لما اشوف اخرتها 

قالها و شد  كرسي وقاعد عليه قدمهم

نور تجاهلته و بصت ل عمر  وكانت هتقرب منه

معتز بصلها بحده خلتها رجعت خطوه ل وره

عمر بغضب:  خليه يمشي يانور.. خرجيه بره  

نور: حاضر بس اهدي ممكن..

عمر.... 

عمر بغضب :خرجيه 

نور: طيب بصلي  ..يا عمر 

عمر برفض  : طلعيه بره دلوقتي خليه يمشي 

نور:حاضر هخليه يمشي . بس ممكن تروح لاوضتك دلوقتي وانا همشيه واجيلك ممكن..

عمر:لا..هو اللي يمشي 

معتز  بغيظ :  اقوم اضربه دا ولا اعمل ايه 

نور: معتز بس.. عمر  لو رحت لاوضتك دلوقتي  هعملك  مفاجئة  حلو وهجبلك هديه كمان ايه رأيك 

عمر ابتسم:ايوا انا بحب الهدايا 

نور ابتسمت: طيب يلا علي اوضتك 

عمر: حاضر 

قالها وبص ل معتز بغضب وبدله معتز نفس النظرات 

وخرج عمر من المكتب

عمر:ر.ذل 

معتز كان لسه هيتكلم  نور بصتله

نور: خلاص ممكن.. سناء معلش روحي مع عمر

سناء: حاضر 

معتز كانت ملامحه مكشره بشمئزاز 

من المشهد اللي كان شايفه 

رجل في اواخر العشرينات  من عمره 

بيتعامل كانه طفل 

قطعت تفكيره نور  بغضب:. انت ازاي تدخل هنا وبالشكل دا.. ومن غير ماتستأذن وايه اللي عملته دا 

معتز: انا عايز افهم ايه المنظر المقر.ف دا 

نور:احترم نفسك وماتقولش كده علي عمر 

معتز:ليه  يبقي مين سي  عمر دا.. وايه بينك وبيه وبيتكلم كده ليه اصلا

نور: معتز انت في مصحه نفسيه.. مستوعب دا ولا لا و عمر مريض 

معتز بستغرب: هو دا كده مريض 

نور بتنهيده : اه  كده مريض .و عشان كده هو هنا 

معتز:وايه السبب اللي يخليه يتكلم كانه عيل كده

نور: لان هو حاليا مجرد مرهق ماعداش ال13سنه 

معتز: نعم!!دا اللي هو ازاي 

نور:عمر بيمتلك ثلاث شخصيات.. وكل واحده منهم ليها عمرها وتفكرها..فاللي كان قدامك دا بالنسبه ل تفكيره مجرد مراهق ماعداش ١٣ سنه 

معتز:ايوا عنده انفصام في الشخصيه يعني 

نور: لا  حاجه مختلفه اسمه اضطراب الهويه التفارقي.. 

معتز بفضول :طيب دي واحده من الثلاثه ايه   الشخصيتين التنين

نور: شخصيته العاديه اللي هي بسنه وبعمره دلوقتي.وهو مهندس علي فكره  واسمه حازم الحقيقي 

وشخصيه الاخيره  اسمها بيجاد .. هي سبب وجوده هنا في المستشفى..لانها ما.ذيه..و لانه مابيقدرش بيها يسيطر علي نفسه وبيأ.ذي اللي حوليه.. 

 فا هو قرر يكون هنا.. عشان يحمي اللي بيحبهم. منه 

معتز:غريبه دي ان حد يقرر  يحبس نفسه  في مكان زي دا.. ويضيع عمره كده.. او حتي يعيش باللغبطه دي

نور: علي فكره حازم  من اكتر الشخصيات اللي الواحد بجد حزينه عليه..ومن احسن الناس.. اللي ممكن تتعامل معاها.. كان زمانه دلوقتي عنده بيت واطفال بس نصيبه

.. انت شاف هو قمر ازاي بجد حاجه تزعل.. لما يبقي قمر بالشكل دا وموجود هنا

.. معتز كان بيسمع كلامها وحس للحظه بالحزن علي حازم

بس اتحول حزنه ل غضب وغيره

لما نور اتغزلت بيه

لانه فعلا وسيم جدا 

معتز بغضب وغيره:.. انتي يامتـ.خلفه انتي مش ملاحظه انك بتاعكسي راجل تاني قدام جوزك

نور: معتز انا مش قصدي كده..انا بس زعلانه عشانه .. وبعدين انت ايه اللي جابك هنا صحيح

معتز:.. حبيت اشوف شغلك اللي بتحبيه وقولت  اعزمك علي الغداء بس خلي سي عمر  وحازم وبيجاد الثلاثه في واحد دا ينفعك.. انا غلطان اصلا اني جيت

نور ابتسمت : بجد لا لو فيها غداء اكيد مش غلطان طبعا.. استني بس شويه هروح ل عمر عشان اصالحه وننزل مع بعض علطول

معتز بغيره: تروحي ل عمر.. هو انا مش مالي عينك.. ايه رايك بقا مش هتروح في حته وهتنزلي معايا دلوقتي 

نور: يامعتز  عمر هيزعل بجد.. 

معتز: ما يزعل

قالها ومسك اديها وشاور علي حاجتها علي المكتب:تخدي  تلفونك و شنطتك ولا مالهمش لزمه 

نور: هروح ل عمر الاو... 

معتز:شكلهم مالهمش لزمه 

نور : لا لا استنا

خدت حاجتها بسرعه وهو بيشدها من اديعا  وبيخرج بيها من المكتب 

والكل بقا بيتفرج عليهم  وهي بتجري وراه معتز مع خطواته السريعه

نور : معتز استني.. 

انت بتعمل ايه بس.. بطل هزار يامعتز 

طب اسمعني ياعم.. 

منظري قدام الناس طيب ..

طيب خلاص سبني همشي معاك كويس أصبر بس 

تجاهلها معتز ونزل بيها  قدام باب المستشفى 

نور بضحك : ينفع اللي بتعمله دا 

معتز: اه ينفع..  . انا قولت ماعندناش ستات تشتغل من الاول  ..قاعده تقوليلي قمر وبتاع وكانك قرطاس لب  عاجبك اوي كده.. 

نور: تو  انت اللي عجبني 

قالتها نور  بتلقائيه 

وحطت اديها علي بوقها  بسرعه و باحراج 

معتز ضحك : دا بجد.. طيب ماتقولي انك معجبه.. 

هتتكسفي من ايه بقا .. ماكل شي انكشفت وبان خلاص

نور : بس يامعتز

معتز: اموت انا في اللي وشهم بيحمر دول وبيتكسفه 

نور: انا رجعه المستشفى.. ومش عايزه اروح معاك في حته 

معتز:طيب  شاطره ارجعي خطوه واحده بس وانا اوريكي هعمل ايه 

نور: هتعمل ايه يعني 

معتز:هعمل حاجه هموت واعملها

نور:احترم نفسك 

معتز:احترم نفسي هو انا قولت حاجه.. انتي اللي شكلك بتفكري في حاجات وحشه 

نور بغضب: معتز!! 

معتز: خلاص.. اقفي بقا علي جانب علي مطلب اوبر 

نور  : تطلب اوبر.. اومال فين عربيتك..هو انت جي ب تاكس

معتز: دا سؤال مايتردش عليه اساسا.. 

قالها وهو بيشاور علي دراعه المتجبس 

.. ذكيه اوي انتي

نور: مش اذكا منك.. دا انت اساس الذكاء كله يا ميزو 

قالتها وهي بتقلد طريقه لولا 

معتز: امممم.. طيب ليه تجيبي سيرة الغاليه كده  تزعل

طلب معتز عربيه ووصلت

معتز: اركبي اركبي دا انا هوديكي حتت مكان ناكل فيه. هيطلعنا انا وانتي بعديها  علي المستشفى علطول نعمل غسيل معده  اطلع ياكابتن

..... 

بغرفة حنين

دخل الاوضه بسرعه وقفل الباب 

.. ازيك يا مني وحشتني  ياجميل

مني .. انت ايه اللي دخلك هنا.. دكتور جاسر لو عرف مش هيسكت اطلع بره.. هو مانع اي حد يدخل هنا

..ما انا عارف بس شوفته وهو خارج قولت استغل الفرصه واشوفك

مني بدلع .. ومن امته الحب دا 

.. من زمان ما انتي عارفه اللي في القلب .. حتي بصي حسيت بيكي انك جعانه.. جبتلك اكل وعصير

مني .. لا دا انت كده حبيبي.. بس اخرج بقا بدل ماحد يشوفنا وتحصل مشكله 

.. ماشي يا حبي  هخرج بس اشربي العصير الاول 

خرجت مني العصير وبدات تشرب.. اهو بشرب يلا اخرج

.. بالهنا والشفا ياحبي..

قالها و

خرج من الاوضه بسرعه شاور ل شخص ومشي

ابتسم الاخر من بعيد وهو متابعه الاوضه  وفضل واقف نصف ساعه

وبعدها  بص في ساعته وهو بيقرب من الاوضه  و بيتسحب وبسرعه دخل وقفل الباب وراه

واتسعت ابتسامته اكتر  لما شاف الممرضه وحنين نايمين و ركن شنطه في ايده علي جانب 

وهو بيقرب من حنين 

...... 

    •تابع الفصل التالي "رواية نفوس مريضه" اضغط على اسم الرواية