رواية الورث الفصل الثاني و العشرون و الاخير 22 - بقلم نورا سليمان

  رواية الورث كاملة بقلم نورا سليمان عبر مدونة دليل الروايات 

 رواية الورث الفصل الثاني و العشرون 22

  نور:عايزه تلبسيني قضيه مخدرات يا شيماء……عملتلك ايه علشان تأذيني بالشكل دا

شيماء:حقي اني اعمل كده يا نور……..انتي اللي قولتي انك هترميني في الشارع بعد ما اولد…….مكنش قدامي حل غير كده علشان اقدر اعيش معاهم في البيت…….فكرت اني لما ابلغ عنك بتهمه تجاره المخدرات ويتقبض عليكي……محدش هيعرف مين اللي عمل كده وساعتها هعيش في البيت ومحدش هيقدر يكلمني

نور:انتي اكيد مريضه……..مفيش حد طبيعي يفكر بالطريقه دي ابدا…….هو انتي لما تسجنيني و تدمري حياتي تبقي كده بتأمني حياتك وانك تعيشي معاهم في القصر وتاخدي نصيب خالد كمان…….وافرضي بعد ما اتسجنت عرفوا اللي انتي عملتيه…….تفتكري هيسكتوا ويعدوها عادي كده…….انا بجد مش مصدقه ان الفلوس قدرت تعمي الكل كده وخليتكم تفكروا بالطريقه دي علشان توصلوا للفلوس…….عجبك اللي انتي فيه دا…….لو علياء مكنتش سجلتلك انتي واخوكي وانتو بتفقوا ازاي يدخل المخدرات للمخزن بتاع الشركه وتبلغوا عني وسمعتوا لحضره الظابط……..كان زماني مكانكم دلوقتي واتحبست في قضيه مليش اي ذنب فيها……..وكل دا بسبب حقدك وغلك اللي في قلبك

شيماء:نور انا عارفه اني غلطت……….واني استحق اني اتسجن……..بس فكري في ابن اخوكي يا نور………سامحيني علشان خاطر ابني يا نور مش علشان حاجة تاني……..ارجوكي متسبنيش هنا

نور:اسامحك؟!……..مانا اديتك فرصه وفتحتلك بيتي وقولت يمكن تتغيري والنتيجه كانت ايه؟!…….كنتي ناويه تدخليني السجن وتتهميني بقضيه انا مليش علاقه بيها………عايزاني اسامحك واخرجك من هنا ازاي يا شيماء…….دا مكانك الطبيعي …….الحقيقه دا مكانكم كلكم…….لازم تاخدوا جزائكم على كل افعالكم دي…….عن اذنك يا شيماء……..اتمني تكوني مبسوطة بنتيجة اللي عملتيه دا

سابتها وقامت……..فضلت قاعده مكانها بتعيط ومش مصدقه اللي حصل…….كانت بتخطط انها تسجنها وتدمر حياتها بس في لحظه واحده اتغير كل اللي خططتله و اتسجنت هي

فتحت باب القصر…….دخلت وقفلت وراها……..لقيتهم قاعدين كلهم وباصين في الارض…….قربت منهم……بدات تتكلم بهدوء

نور:مالكم قاعدين كده ليه…….حد مات وانا مش واخده بالي

فاطمه:عايزانا نعمل ايه يا نور بعد اللي حصل دا

نور:وهو كان ايه اللي حصل يعني…….اخواتكم غلطوا واخدوا عقابهم…….ايه اللي مدايقكم

علياء:عندك حق…….ايه اللي هيدايق يعني في الموضوع …….اخواتنا احنا التلاته طلعوا تجار سلاح ومخدرات وقاتلين……كريم ابن عمنا طلع هو السبب في كل اللي اخواتنا فيه دا……….شيماء مرات خالد الله يرحمه كانت عايزه تدخلك السجن وتدمر حياتك……..كنا هنموت بعض بسبب الفلوس……..الشركه هتعلن افلاسها قريب…….كل دي حاجات عادية ايه اللي يخلينا نزعل عليها يعني

نور:انتو اللي عملتوا في نفسكم كده يا علياء ………انتو الفلوس عميتكم ومبقتوش عايزين حاجة غير الفلوس وبس……..وادي اخرتها………اقرب الناس ليكم هما اللي دمروا حياتكم وحياتهم………وكل دا علشان الفلوس اللي ملهاش لازمه……..تقدروا تقولولي الفلوس دي هتعملكم ايه دلوقتي؟!……..هترجع اخوكي اللي اتقتل يا فاطمه؟!………ولا هتكون هترجعلي جدي اللي اتقتل بسبب اخواتكم……..او يمكن تكون هتخرج اخواتكم من السجن وترجعهم ناس كويسه مبتأذيش حد……..الفلوس عمرها ما هتغير الناس وتخليهم كويسين…….علشان الانسان الوحش هيفضل وحش طول عمره ومش هيتعير مهما حصل……..من ساعه ما جدو كتب كل حاجه ب اسمي وانا كنت مستغربة هو ليه عمل كده مع انه عنده بدل الحفيد ٦……..ويقدروا يشيلوا الشغل كويس ويكبروا اسمه…….بس دلوقتي فهمت هو ليه عمل كده……..كان عارف انهم مش قد المسؤولية دي وانهم مينفعش يمسكوا فلوسهم في ايديهم……..فهمت متأخر اوي………فهمت بعد ما حياه الكل ادمرت………مبقاش فاضل غيركم انتو وجمال و……..وداليدا………وانا بقي مش هسيبكم غير لما انفذ وصيه جدو واخليكم تقدروا تمسكوا الشركات والمصنع بنفسكم وتديروا كل حاجه…….وكل اللي فات دا هيتنسي……..اوعوا تفكروا اني هسيبكم وهفقد الامل فيكم انتو كمان……..تبقوا غلطانين……..انا مش هسيبكم غير لما انفذ وصيه جدو اللي فشلت اني انفذها مع الكل…….بس هقدر اني اخليكم تشتغلوا في الشركه وتكونوا جمبي وتحاول نبقي عيله بتحب بعض وبتخاف علي بعض ……..وعلي فكره……..الشركه مكنتش هتعلن افلاسها زي ما قولت………انا كلمت الاستاذ صبري وخليته يعمل الورق اللي شوفتوه دا ويقول الكلام دا……يمكن تخافوا علي فلوسكم وتنزلوا تشغلوا الشركه

الباب خبط……..قربت من الباب وفتحته……..لقيتها واقفه قدامها ……..سابتها ودخلت……..دخلت وراها وقفلت الباب

نور:جايه في مصيبه ايه المرة دي يا داليدا؟!

داليدا:نور انا عارفه انك مش طايقاني ولا حابه انك تشوفي وشي…….بس انا جايه علشان حاجة تانيه……..نور جمال في مصيبه

نور:مصيبه ايه

داليدا:جمال عنده سرطان ………وهو مصمم انه مش هيتعالج…….بيقولي انه سواء اتعالج او متعلجش مش هتفرق كتير ……..مبقاش ليه حاجه يعيش علشانها……..نور جمال طيب وملهوش ذنب في اي حاجة حصلت…….مفيش غيرك هيقدر يقنعه يا نور ويخليه يتعالج……..حاولي معاه ارجوكي……..انا مش عايزه اخسره هو كمان…….كفايه اني خسرتكم يا نور

كانوا واقفين بيسمعوا كلامها بصدمه……..اتنهدت…….بدات تتكلم بهدوء

نور:دادة…….لو سمحتي خدي داليدا علي اوضه……..ومحدش يطلع فوق ولا يقرب من اوضه جمال لاي سبب ايا كان

سابتهم وطلعت لاوضته……..فتحت باب الاوضه…….لقيته فاتح شنطته وبيحط هدومه فيها…….قربت منه……بدات تتكلم وهي مربعه ايديها

نور:انت بتعمل ايه

جمال:بلم هدومي وهرجع علي بيتي…….اعتقد داليدا رجعت وانتي سامحتيها و مبقاش ليا لازمه هنا

نور:مين قال كده……..انت لازم تبقي هنا………احنا محتاجين راجل يبقي معانا بعد اللي حصل دا……..ومبقاش لينا غيرك ……..عايز تسيبنا وتمشي دلوقتي يا جمال؟!………انت مش قولت هتفضل جمبي لحد ما انفذ وصيه جدو……عايز تمشي دلوقتي ليه

جمال:الكلام دا كان قبل ما اكتشف ان اخويا تاجر سلاح ومخدرات كمان……..وكمان قاتل……..اقعد معاكم ازاي وانا اخويا سبب المصايب اللي بتحصل لينا كلنا

نور:وهو وهو كان اخوك لوحده اللي كان كده……مهو فايز وزياد وحاتم كده يردو……..كلهم كده مش اخوك لوحده……..بص يا جمال…….انا مش عايزه اتكلم في الموضوع دا كتير……..انت مش هتمشي من هنا ……..واعمل حسابك انك من بكره هتيجي معايا المستشفى وهتبدا علاجك…….وهتخف يعني هتخف ……….مش بمزاجك يا جمال…….دا غصب عنك……..انا مش هسمح اني اخسرك زي الباقي……..انت الوحيد الكويس بينهم واللي هتقدر تاخد بالك من كل حاجة معايا………انا قولت اللي عندي يا جمال…….ومفيش كلام بعد كلامي دا

سابته وخرجت من الاوضه

بعد سنتين

لابسه اسود…….واقفه قدام قبره…….بتقرا الفاتحه……..بدات تتكلم وهي حابسه دموعها

نور:وحشتني اوي يا جدو…….كان نفسي اجيلك من زمان بس مكنتش قادره اجيلك قبل ما انفذ وصيتك……..جدو انا بسبب وصيتك دي انا تعبت اوي بجد……..اكتشفت ان اخويا اللي المفروض يكون اقرب الناس ليا طلع شيطان……..دمر نفسه ودمرني انا وداليدا……. كان قتل وخان وعمل حاجات وحشه اوي……..كريم وزياد وفايز بردو مكانوش ملايكه………بالعكس دول طلعوا شياطين كبيره اوي………عمري ما فكرت ان واحد منهم يتاجر في السلاح ولا المخدرات……..كان نفسي اني اعقلهم واخليهم يبقوا قد المسئولية اللي انت سيبتها ليهم ……..مكنتش حابه ابدا ان نهايتهم تكون بالسجن…….داليدا جات تعيش معانا في القصر تاني……..انا سامحتها لانها مكنش ليها ذنب في اللي حصل……..يبقي تكون طماعة شويه بس في حته كويسه فيها حتي لو كانت صغيره……..داليدا كانت ماشيه ورا حاتم وبتعمل كل اللي بيقولها عليه من غير ما تعرف نتيجه اللي بتعمله دا ايه……..علشان كده انا سامحتها واديتها فرصه تانيه……..فاطمه وعلياء بداو يشتغلوا في الشركه وبقوا شاطرين اوي في الشغل وانا ادين لكل واحده فيهم حقهم……..بيحاولوا يبينوا انهم مش مدايقين من اللي حصل ل اخواتهم……..بس باين عليهم انهم زعلانين عليهم وعلي اللي حصلهم…….جمال بقي بدا يخف وبقي احسن من الاول…….تخيل يا جدو…….جاه وطلب ايد داليدا مني انا و دادة رحمه……..دادة جننتوه قبل ما توافق عليه ………اتجوزوا وانهارده داليدا ولدت بنت……..سموها حورية علي اسم ماما……..شكلي هعملها انا كمان قريب ………بصراحه حازم من يوم ما دخل حياتي وانا بقيت بحس ب احساس غريب واول مره احسه ……..طول الوقت معايا وبيساعدني في الشغل…….بصراحه بدات اثق فيه واحبه……..اعترفلي بحبه ليا…….حطيته في كذا اختبار علشان اتاكد من حبه دا لحد ما حبيته انا كمان وشكلنا هناخد خطوه الخطوبه دي قريب وعلي فكره هو اللي اقترح عليا حوار اني اعلان افلاس الشركه دا علشان يحاولوا يشتغلوا ويرجعوها من تاني وانا خليت الاستاذ صبري يعمل اوراق بتثبت الافلاس ………اخر حاجة بقي عايزه اقولهالك……..بابا اتوفي من اسبوعين………اكدب عليك لو قولت اني زعلت عليه……..انا ساعتها محستش ب اي شعور لما عرفت الخبر……..انا عمري ما شوفت منه حنيه علشان ازعل هليه يوم ما يموت اصلا……..انا همشي دلوقتي وهاجي تاني واحكيلك كل حاجة…….هتوحشني اوي

خرجت من المقابر……قربت منه…….مسكت في ايده…….مشيوا من المكان

قاعده علي السرير…….قعد جمبها وماسك في ايديها…….قعدين قدامهم وعما مبسوطين

فاطمه:مبروك يا داليدا…….مبروك يا جمال…….البنت زي القمر

جمال:الله يبارك فيكي يا فاطمه…….عقبال ما تتجوزي وتجبلنا ولد زيك شبه القمر كده

نور:بس فاطمه تقرر قرارها الاخير وتقبل العريس اللي اتقدملها بس وانا هعملها احسن فرح

علياء:نفرح بيكي انتي الاول يا نونو وبعدين نفرح ب فاطمه بقي

حازم:قوليلها علشان انا تعبت معاها والله…….انا مش عارف هي مستنيه ايه كل دا والله

جمال:يبني سيبها براحتها……..دا انت هتشوف ايام نيله بعد الجواز…….اهدي علي نفسك كده علشان اللي جاي مش هتحبه

داليدا:قصدك ايه يا جمال

جمال:لا يا حبيبتي مقصدش…….هما كل الرجاله بتقول كده لكن انا……..انا حياتي جنه من يوم ما انتي دخلتيها يا حبيبتي

حازم:متقلقش انا عمري ما هزهق من نور طول حياتي

نور:هو دادة فين صحيح

علياء:قاعده في اوضه نادر بتحاول تخليه ينام

جمال:طالع لابوه زنان اوي والله

فاطمه:كلنا نفسنا نشوفهم يا داليدا…….بس هما غلطوا يا داليدا وكان لازم يتحاسبوا علي غلطتهم دي

نور:مكنتش حابه الموضوع يوصل لكده……..بس هما اللي عملوا كده في نفسهم

حازم:ربنا معاهم ويخرجهم بالسلامه

نور:امين………يا رب جدو يكون مبسوط دلوقتي……..احنا بقينا مع بعض وكل واحد خد حقه اللي يستحقه…….ودلوقتي بقينا عيله واحده ماسكين في ايد بعض زي ما كان نفسه طول عمره………ودلوقتي الشغل بقي احسن بكتير…….كل حاجة بقيت زي ما كان عايش

جمال:انتي عملتي كل اللي تقدري عليه علشان تحققي وصيته يا نور ونجحتي في دا……..اكيد هو مبسوط دلوقتي وهيكون مبسوط اكتر لو اتجوزتي زي ما كان نفسه دايما انه يفرح بيكي

ابتسمت……مسكت في ايده……بدات تتكلم وهي بصاله

نور:وانا معنديش مانع طالما دا هيفرح جدو

بدا يتكلم بصدمه

حازم:يعني انتي موافقة اخيرا…….انا انا هروح اجيب الماذون بسرعه قبل ما تغيري رايك

طلع يجري……خرج برا الاوضه…….ضحكوا علي شكله

النهايه

• يتبع الفصل التالي اضغط على ( رواية الورث ) اسم الرواية