رواية احببت وصية رسول الله كاملة بقلم نورهان محمد عبر مدونة دليل الروايات
رواية احببت وصية رسول الله الفصل الثالث و العشرون 23
كان يجلس والشر تمكن منه
حسين احنا نحاول نخلص من عائشه باللي في بطنها وخديجه بردو ونحرق قلبهم
حازم بنفاذ صبر بس مش للدرجه دي متوصلش لكدا دي بنات ملهاش ذنب في كل دا وكمان هتاخد حقك من بنات
حسين وانا كان ليا ذنب بردو ولا ايه
حازم يعني ذنبك تاخدوا من بنات
ليكمل يعني انت مُصر علي رائيك
حسين ايوه
حازم وانا بقا اعتبر دوري وقف وهكون معاهم لو هتصمم على رائيك
حسين انت اتجننت هتعادي ابوك علشانهم
حازم انا مش هختلف معاك في موضوع انك تاخد حقك بس بعيد عنهم
حسين انت اتجننت هتعادي ابوك
حازم هو دا اللي عندي تغير الخطه انا معاك مش هتغير وهتصمم علي رائيك يبقا خرجني من حساباتك
حسين طيب هتعمل ايه
حازم مش انت بتقول ان عمر شكلو عرف
حسين ايوه
حازم خلاص اللعب يكون علي المكشوف
حسين انت في بالك ايه
حازم هقولك ……………….
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في الصباح
توجهت عائشه إلي الريسبشن وجلست بصحبه خديجه
عمر انا هروح المستشفي محتاجين حاجه
عائشه لا ترجع بالسلامه
عمر الله يسلمك
ليكمل خديجه مش هوصيك
خديجه متقلقش دي في عنيا
توجه عمر إلي المستشفي
خديجه عامله ايه دلوقتي
عائشه الحمد لله احسن
خديجه ايه رائيك نقرأ قرآن شويه وبعدين نذاكر
عائشه تمام
بعد مده
فاطمه بتعملوا ايه يابنات
عائشه بنذاكر شويه ياخالتو
فاطمه ربنا يوفقكم وتجيبوا اعلي الدرجات
عائشه وخديجه ياارب
مر الوقت واتي موعد الإفطار
بعد الانتهاء كانوا يجلسان في جو عائلي مبهج
عمر قوم يااحمد افتح التليفزيون علشان نشوف الرؤيه
احمد حاضر
ليرتفع في هذه الاوقات هتافاتهم وفرحتهم مثل الاطفال فقد تأكد ان غدا ايضا صيام وان بعد غد العيد
في الجنينة
خديجه كنا من كام يوم بنقول اهلا رمضان واليوم نقول مهلا رمضان
عائشه ضيف خفيف وبيمر بسرعه
احمد فعلا والله
ليقطع حديثهم دخول ميار
ميار بجوها المعتاد انا جيب
عائشه نورتينا ياجميل
ميار بنورك ياقلبي
لتكمل عامله ايه دلوقتي
عائشه الحمد لله احسن
ميار والله انا جيت اطمن عليك وعليكم كلهم بردو
لتكمل وابلغكم بخبر هيفرحكم
أحمد ايوه بقا فرحينا
عائشه جاهزين للمفاجأه
عمر ايوه
خديجه خلاص حددنا الفرح وهيكون تالت يوم العيد
عائشه بجد مباارك ياحبيبتي طيب والله فرحتينا وخبر فعلا يخطف القلب
وتوالت المباركات والتهاني لها
عمر يعيني عليك يامازن خلاص هيدبس رسمي
ميار بس احلي تدبيسه ولا عندك رأي تاني
عمر لا وانا اقدر اتكلم
ميار ايوه كده
لتكمل احنا والله حددنا انهارده ملحقتش حتي أبلغ حد قولت انتو في الاول
عائشه اه ياقلبي تسلمينا وهتعملوا فرح
ميار لا هنهيص شويه في البيت وبفلوس الفرح هنسافر نعمل عمره
خديجه فكره جميله اللهم بارك
عائشه بسرحان الله انا كنت عايزه اعمل الفكره دي بردو
ميار انا سبقتك وان شاء الله انتو تحصلونا
عمر بابتسامه تقومي بالسلامه بس وان شاء الله نروح كلنا نعمل عمره
عائشه بفرحه الله ياعمر دي هتكون احسن حاجه
أحمد خلاص اتفقنا
ميار انا هدخل افرحهم بقا
عائشه اتفضلي ياحبيبتي
ليسود جو من الفرح والسرور
عمر يلا احنا بقا نروح المسجد علشان نصلي وبعديها هروح المستشفي
احمد تمام يلا
وبعد وقت ذهب عمر إلي المستشفي
واتي بعد منتصف الليل وكانت عائشه في انتظاره وصلوا القيام وناموا سويا
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في الصباح
كان البيت يعمل بهمه وحماس
احمد وهو يمزح مينفعش كده شيلوا الحياط وركبوها تاني
زينب اسكت ياولد
أحمد م عارفه ايه الفكره في كده وتيجوا آخر اليوم تكون هالكنين
فاطمه دي عاده وربنا مايقطعها
خديجه ايوه بدل ما تقوم تساعدنا قاعد تتدلع وتتريق علينا
أحمد اساعد مين ياختي انا هقوم اقعد في الجنينه تصحبكم السلامه
خديجه الله يسلمك ياباشا
زينب احمد دا مجنون
فاطمه مجنون دي كلمه بسيطه عليه
احمد من الخارج سامعكم علي فكره
خديجه احنا ياباشا
أحمد هعديها المرادي علشان خاطرك
خديجه هو دا العشم بردو
ظلت الأجواء في ما بينهم بحب ومرح
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في المساء
بعد تناولهم آخر افطار في رمضان هذا العام
عائشه بدموع رمضان خلاص خلاص
عمر ياحبيبتي ان شاء الله نستقبل رمضان أعوام عديده
عائشه عندك حق بس انا بزعل اوي لما الشهر بيخلص
خديجه وان كان في العمر ملتقي فلنلتقي في احسن حال متزعليش بقا
عائشه بابتسامه خلاص بقا ومسحت دموعها وبدأت ان تضحك وتمرح بينهما
خديجه ايه رائيكم نفرقع صواريخ وكمان نشتري بلالين
عائشه وعمر نظروا إلي احمد نظرات غريبه
احمد وهو يضحك لا بتبوصلي كده ليه متفكروش اني بعد ما كبرت كده وبقيت دكتور ارواح محل واجيب بلالين وصواريخ افرضوا شوفت حد من طلابي شكلي يكون ايه لا مش هطلع
احمد في محل المشتريات
عايزين ايه تاني انا مش هرجع تاني علشان تكونوا عارفين كفايه شكلي كده وانا واقف اشتري بلالين وصواريخ استنوا عليا بس لما ارجع
خديجه وهي تدخل في المكالمة هاتلي شيبسي وايس كريم و شيكولاته
عائشه وانا عايزه نوتيلا
عمر هاتلنا حاجات العيد بقا وهات مشروبات عايزه
أحمد يسلام انا اجبلكم المحل بالمره وانتو اختاروا
عمر فكره بردو
أحمد اقفل ياعمر احسنلك
عمر طيب سلام
أغلق عمر معه وبدأت عائشه وخديجه في الضحك
عائشه بضحك صعب عليا والله
خديجه يلا خليه يجرب اللي بيعملوا فينا طول النهار
عمر عايز اشوف شكلو وهو داخل وشايل الحاجات ومتحمل مسؤليه
خديجه مسؤليه اوي
مرت عدة دقائق
أحمد وهو يأتي نحوهم متاخدوش علي كده امسكوا بقا ولا كمان ادخلكم الحاجات المطبخ
عمر يااريت والله تكسب ثواب
احمد تصدق بالله هسيب الحاجات دي واجيلك انت السبب اصلا
خديجه وهي تأخذ منه الشنط الذي يحملها هات ياباشا هات
ظل الهزار والضحك بينهم
وطبعا دا مثال حسن لتعظيم شعائر الله
{ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ} وموضوعُ الآيةِ الكريمةِ هو تعظيم حُرّمات الله وشعائرِهِ وأوامرِه، ويُقصدُ بالشعائر:
التوقير والتعظيم والتكريم والاحترام، كالحرم وموسم الحج وشهر رمضان وعيد الفطر وعيد الأضحى وجميعُ مواسم الطاعات والمناسك وغير ذَلك، ومن عظمَ حرمات الله تعالى
ووقرها فقد استحقَ الثواب الجزيل من الله تعالى، فمن اجتنبَ كُل ما حرمه الله تعالى فهو معظِّمٌ لِحرمات الله تعالى، والمقصودُ بذَلك أن الله قد أحل لعبادِهِ أطيب اللحوم، وحرَّم عليهم كل الخبائث؛
كرمًا ورحمةً من الله تعالى لعبادِهِ، وطلب منهم اجتناب أي شيء يتسبب لهم المضرة في جميعِ المجالات، ففي الاعتقادِ طلبَ الله تعالى من عبادِهِ أن يتجنبوا عبادة الأوثان، وفي الأخلاقِ طلبَ منهم اجتناب أفعال الزور وقول الزور، وفي مأكلهم طلب منهم اجتناب الخبيث
وظلوا في هذه الأجواء السعيده لبعض الساعات
عمر لا انا فصلت يلا ياعائشه نطلع نستريح شويه
احمد واحنا كمان نقوم نستريح شويه علشان بكره يوم طويل يلا ياخديجه ادخلي نامي وانا بردو هدخل انام
عمر تمام واحنا بقا هنطلع الشقه
أحمد طيب ماكنتوا نمتوا هنا انهارده كده ممكن يكون خطر علي عائشه
عائشه لا انا الحمد لله بقيت احسن
خديجه ربنا يتمهالك بالخير ياقلبي
وتوجه عمر بصحبه عائشه إلي شقتهم
عائشه الشقه وحشتني علي الرغم اني غايبه عنها بقالي كام يوم بس كنت حاسه اني مش مرتاحه انا بقيت بلاقي اماني في شقتي
عمر بابتسامه والله وانا كمان مكنش بيجيلي نفس اقعد فيها من غيرك
ليكمل وبعدين بتلاقي امانك في الشقه وصاحب الشقه عادي
عائشه بمزاح لا داانت الاصل بردو وكل الامان والحب ليك
عمر لا بتقولي حكم ايه دا مش هقدر علي كده
عائشه يباركلي فيك ياحبيبي
عمر لا كده كتير بقا
ليكمل قومي نصلي وبعدين ننام
بعد الانتهاء من وردهم اليومي توجهوا إلي اوضه النوم ليستعدوا لغدا
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في مكان ممتلي بالشر
حسين بصوت ممتلي بالغل عرفتوا هتعملوا
الرجال ايوه ياباشا واعتبروا حصل
حسين مش عايز غباء أي غلطه بحياتكم
الرجال لا متقلقش كل هيكون متخططلوا
حسين تمام لما ترتب نفسك وتحدد اليوم بلغني قبل التفيذ
الرجال اعتبروا حصل ياباشا
حسين في نفسه نهايتكم قربت يااولاد العامري
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في صباح يوم العيد
استعد الرجال للذهاب لقضاء صلاة العيد بعد معايدتهم لبعضهم
كانت زينب وفاطمه وخديجه يحضران المائده حتي ميعاد رجوعهم
من الصلاه
بعد وقت كانوا يجلسان علي المائده
أحمد يااه الواحد كان جيعان اوي علي الرغم اننا واخدين علي الصوم
الجد حامد ربنا بيقدر يابني
أحمد عندك حق يا جدي
تناولوا فطورهم وخرجوا لينشروا البهجه في ما بينهم
عائشه عايزه افرقع بومب وصواريخ
عمر بس كده اتفضلي ياباشا
أحمد بضحك ماشاء الله اللي كلها كام شهر وتكون ام واقفه بتفرقع صواريخ ياخوفي لتكوني من الأمهات اللي هتخبي الشيبسي من اولادها
عائشه تصدق ممكن يحصل لا دا اكيد وبعدين انا هخبيه علشان مش صحي
خديجه عارف يااحمد انا مش عايزه اصدمك
أحمد ليه
خديجه علشان هكون انا الام دي
أحمد يعيني عليكم يااولادي ربنا رزقكم بام هبله واب تافه ماشاء الله علينا
عمر كان يجلس علي اقرب مقعد من شده ضحكه
أحمد اضحك لما نشوفك انت
عمر لا ياحبيبي انا مش تافه زيك
احمد بس بردو خال ولادك هيكون تافه مختلفتش كتير
عمر لا في دي عندك حق
خديجه الله كلها شهور ان شاء الله واكون عمتو وخالتو إحساس جميل اوي
عائشه وانا هكون ماما طيبه اوي
عمر وانا هكون بابا الحنين
احمد بمرح يعني جات عليا وانا هكون خالو ابو دم خفيف فرفوش العيله
عمر ياخوفي منك انت
أحمد انا يابني شكرا علي ثقتك الغاليه
عمر العفو ياحبيبي
ليمر اليوم بسلام وسط زيارات عائليه بسيطه
تاني يوم اليوم قبل المنتظر وهو يوم حنه ميار
عمر عاد من المستشفي ليري عائشه ويوصلهم ثم يتوجه إلي المستشفي مره اخري
كانت عائشه تستعد للذهاب إلي ميار
عائشه بابتسامه شكلي حلو
عمر طبعا انتي في نظري احسن واحده في الدنيا كلها
عائشه عرفت بقا ليه انت خاطف قلبي
عمر بس دي حقيقيه
عائشه بحبك كتير ياعمر
عمر وانا اكتر يا قلب عمر
عائشه يلا بقا ننزل لخديجه ونمشي علي طول
عمر تمام
توجهوا سويا إلي الاسفل واخذوا خديجه متوجهين إلي منزل ميار
وصلوا بعد عدة دقائق
عمر بقلق اوعي تعملي مجهود ياعائشه خلي بالك كويس احنا خلاص قربنا نخلص الفتره الخطر دي لازم تخلي بالك من نفسك والبيبي
عائشه متقلقش ياعمر هخلي بالي وكمان مش هعمل حركه
عمر تمام موفقين
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في الداخل
كانت ميار تجلس تنتظرهم فهي بالطبع بمفردها لا يوجد لها أخت ولم تصاحب اصدقاء غير الفتيات صديقاتها في المستشفي
ميار بعبوس مصطنع لسه بدري
عائشه قلبك ابيض وبعدين لتهتف وهي تنظر في هاتفها الساعه لسه اتنينوهنلحق نجهز الشقه وكمان نستعد
ميار بنسيان طيب يلا بينا بسرعه لسه ورانا حاجات كتير
خديجه بضحك خلاص كده اتصالحتي مش كنتي لسه زعلانه
ميار بهزار انا جرحي بيلم بسرعه
عائشه بتسائل اروي فين
ميار خرجت هتجيب شويه حاجات للشقه مع مازن
خديجه تمام
وبداوا في تنظيم شقه ميار وبعد عدة ساعات وكانت ميار جميله جدا
ميار وهي تمزح انا اول مره اشوف عروسه بتجهز في شقتها
خديجه ما هو دا الجديد
عائشه بس فكره حلوه
ميار جدا انتي هتقوليلي
وبعد وقت امتلي المنزل عليهم باصدقائها من المستشفي وبعض الجيران وايضا فاطمه وزينب وهند
ليقطع ذلك دخول والده ميار
ميار بصدمه
This sweet surprise is not what you said, you will only be able to tomorrow
صوفيا بكلمات عربيه بسيطه وبنطق غريب انا اقدر بردو اسيب ابنتي في مثل هذا اليوم
ميار وهي تحتضنها وحشتيني اوي يا ماما وكنت مفتقداك
صوفيا وانا ايضا ياابنتي
وكانت ليله بسيطه ومميزه أيضا
مر اليوم وفي انتظار اليوم المنتظر
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
يوم الفرح
عائشه بعد أن ايقظت عمر انا مش مصدقه ان انهارده فرح ميار
لتكمل ايوه انا لسه عارفاها من فتره بسيطه بس حاسه اني اعرفها من زمان اوي
عمر يابنتي ايه القلب الطيب انا مش قادر اوصفلك مدي حبي واعجابي ليك بتحبي اللي حواليك وبتحاولي تسعديهم حتي لو علي حساب نفسك طيبتك جدعنتك اخلاقك
ليكمل مهما اتكلم مش هوصفلك حبي
عائشه بدموع كلامك دا عندي بالدنيا وكمان كفايه اوي اني في نظرك كده
عمر وهو يحتضنها انا مش قادر اوصفلك حبي وبعتذر عن الفتره اللي بعدت عنك فيها ومقدرتش الحاجه الجميله اللي كانت في ايدي
ليكمل وان شاء الله هعوضك عن كل حاجه بإذن الله
عائشه بابتسامه انت عوضي من الدنيا
عائشه بتفكير ممكن اسئلك سؤال
عمر عارف السؤال
عائشه ايه
عمر هتقوليلي ايه سبب بعدك كل الفتره دي وسفرك وعدم سؤالك عليا
عمر هقولك كل حاجه بس نعدي انهارده وبعدين هحكيلك
عائشه تمام
وتوجهوا سويا إلي الاسفل
عمر انا هروح المستشفي غياب مازن وميار مخلي الشغل كل عليا
خديجه ربنا يقويك ويقدرك ياحبيبي انت قدها
عمر وهو يحتضنها يارافعه من معنوياتي انتي
خديجه دي حقيقيه ياعمر
ليظل الحديث دائر في ما بينهم ثم يترجل إلي عمله ويتركهم
خديجه تمام انا هقوم اجهز
عائشه وانا هستناك هنا
خديجه تمام
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
كان يجلس حسين يفكر في ما هو قادم وحديثه مع حازم واتفاقهم الأخير وترتيباتهم للقضاء علي احفاد واولاد حامد العمري
حسين خلاص كلها خطوات وهتملك كل حاجه وهذلكم كلكم
ليقطع حديثه الشر مع نفسه رنات هاتفه
حسين الوو
الطرف الآخر كل كده بقا تمام وجاهز علي التنفيذ
حسين يعني خلاص رتبتوا كل حاجه
الطرف الآخر ايوه ومستنين الاشاره بالتنفيذ
حسين ……..
الطرف الآخر ايوه حصل
حسين نفذ …….
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
- يتبع الفصل التالي اضغط على ( رواية احببت وصية رسول الله ) اسم الرواية