رواية نفوس مريضه الفصل السادس والعشرون 26 - بقلم تسنيم حمدي

 رواية نفوس مريضه (كاملة جميع الفصول) حصريا عبر دليل الروايات بقلم تسنيم حمدي

رواية نفوس مريضه الفصل السادس والعشرون 26

 خرج ياسين مع هنا من عند الدكتوره وهم فرحنين بعد سمعهم ل نبض ابنهم لاول مره و اطمنه ان «هنا» بخير هي و طفلهم

قرر ياسين اخير ياخد« هنا» ويروح يزور اهله و يبلغهم بالخبر السعيد

وصلوا للبيت و فتحت ميرفت ليهم ودخلتهم وهي بتحضن ابنها : ياسين حبيبي وحشتني، كده بقالك فتره ماتسألش عليا

ابتسم ياسين بخفه:والله انتي اللي وحشتني اكتر يا أمي، اومال فين بابا

ميرفت: في مكتبه كالعاده هيكون فين، ازيك يا «هنا»

ردت« هنا» ببتسامه:الحمد لله يا ماما،انا كويسه جدا

رفعت ميرفت حاجبها بستغرب:يارب ديما ياختي،تبقي كويسه، ادخلوا، ادخلو وانا هنادي ابوك، وكمان هنتعشي سوا

قالت ميرفت وقبل ما تتحرك

خرج صلاح من مكتبه علي صوتهم بقلق : خير يا ياسين في حاجه حصلت، انتم كويسين

ياسين:ايوا يابابا احنا تمام، مالك مخضوض كده ليه

اتنهد صلاح بتعب :مافيش يا ياسين انا بس عشان لسه سيبك من شويه،فاستغربت لما سمعت صوتك بره، خوفت يكون في حاجه

قرب ياسين منه وابتسم : لا ماتقلقش يا بابا احنا كلنا زي الفل، احنا بس كنا عند الدكتوره عشان هنا،وقولنا نعدي عليكم، ونفرحكم معانا

ميرفت بترقب: خير يابني مالها مراتك

لمعة عيون ياسين بسعاده : هنا حامل

ميرفت : دا بجد

ياسين:اه بجد، يعني هنيجي لحد هنا عشان نهزر معاكم، هنا حامل يا امي،خلاص يا ميرفت هنكبرك و هتبقي تيتا

حضن صلاح ابنه بسعاده: الف الف مبروك يا ياسين، اخير هتبقي اب وتعقل

بدله ياسين الحضن: اعقل ايه يا بابا، ما انا طول عمري عاقل، والله يبارك فيك يارب

ضحكت ميرفت بسعاده و حضنت هنا : مبروك يا ياسين،والف مبروك يا بنتي ربنا يتمم حملك علي خير، تعالي تعالي اقعدي بسرعه وارتاحي انتي واقفه كده ليه

قالت ميرفت وشدت هنا و قاعدتها علي الانتريه و اقعدت جانبها بسعاده

ضحك صلاح بقوه وراح قعد قصدهم : اخيرا يا ميرفت رضيتي عن البنت

ردت ميرفت وهي حاضنه هنا : ومين اقالك اني ماكنتش راضيه عنها، دي حبيتي، كفايه بس انها مريحه ابني ومهنيه، تبقي طبعا حبيبت و روح قلبي، تعالي يا واد يا ياسين جانبي انت كمان

قعد ياسين جانب ميرفت وهو بيضحك مع صلاح

اللي اتكلم بتهكم وهو بيبصلها

صلاح : عمرك ما هتتغيري يا ميرفت، ما البنت كانت مريحه ابنك و مهنيه من يوم ماتجوزها، ايه اللي اتغير الحمل

ردت ميرفت بضحك: مالكش دعوه انت يا صلاح، انا كنت خايفه علي ابني يبقي بطوله في الدنيا،وهنا مسامحني مش كده يابنت

ردت هنا بسرعه :اه والله يا ماما، انا مقدرش ازعلك منك

ميرفت:اهو شوفت،اخرج بقي انت منها

ضحك صلاح بقوه :مسامحه تحت التهديد،ماكنش اعرف انك كده يا «هنا» ياخساره

ياسين: ايه يا بابا انت بتسخنهم علي بعض

صلاح: انا!! محصلش يابني

ياسين: لا ماهو واضح

ميرفت: ربنا يسعدكم يا ولاد ويتمم فرحتكم علي خير، عقبال معتز يارب لما يلاقي اللي تفرح قلبه، واشوف عياله هو كمان

ياسين: هو معتز لسه هيلاقيها يا امي، ما هو متجوز هو انتم ليه مش واخدين بلكم

انعقدت ملامح صلاح بغضب: ياسين الموضوع دا مافهوش كلام، بنت ادم مالهاش مكان بنا، و مش هتفضل علي ذمة اخوك ابدا

ياسين: ليه يا بابا، مالها بنت ادم ،

ويعني ايه بنت ادم اصلا،ادم دا اخوك يا بابا، زي ما انا ومعتز كده اخوات، يعني انت تفرح يا بابا لو شوفتنا انا ومعتز بنكره بعض هتفرح بعدوتنا، ماتحاول يا بابا نقرب منهم، نور انسانه محترمه وجميله وهي ..

قطعه صلاح بغضب: لا يا ياسين، لو بنت ادم ملاك نازل من السما، ماينفعش معتز يقرب منها و مش عشان هي كويسه او وحشه، عشان معتز المفروض دول اكتر ناس يكرهم هي و أهلها، انا معرفش ليه جدك عمل كده، هو ظلم معتز و ظلم نور معه، ومعتز مش هيسامح حد فينا بذات لو عرف اللي عمله عمك زمان وكان سبب في حرمانه من امه

ميرفت: صلاح كفايه، انا ابني مالوش علاقه بكل اللي بتقوله دا، معتز ابني انا وهو ملوش دعوه بعدوتك انت و ادم

صلاح بسخريه: ياريتك كنت قولتي الكلام دا لنفسك من زمان، انا عمري ما هنسي اني رميت ابني في مدرسه داخلي من هو عيل وبعدته عني، عشان ارضيكي ياميرفت، دلوقتي بقي ابنك

سابهم صلاح ودخل مكتبه بغضب و رزع الباب وراه

انتفضت هنا بخوف : هو في ايه

عض ياسين شفايفه بغيظ: مافيش

وقعت ميرفت علي الكنبه مكانها وهي بتبكي : ايوه انا غلطت،بس بسببه، انا عشت عمري كله اندم علي غلطه، و ابوك عايش دور الضحيه يا ياسين، انا استحملت و جيت علي نفسي عشانك ومن بعدها عشان معتز، هو ابني غصب عن ابوك ابني

قعد ياسين جانبها وحضنها: اهدي يا امي، ماحدش يقدر يقول حاجه غير كده

قال ياسين وهو حاضن ميرفت لحد ما هديت وبعد عنها

ياسين:انا همشي دلوقتي وهجيلكم بكره

ردت ميرفت بحزن :هتروح فين، خليك بايت معانا النهارده انت و مراتك

ياسين: خليها وقت تاني يا امي، عندي مشوار مهم

انهي ياسين كلامه و مسك ايد هنا وخرجوا من البيت ووصلها ل شقتهم

دخلت هنا الشقه وسألته بستغرب: هو في ايه يا ياسين،انا مش فاهمه حاجه، يعني ايه عمو ادم حرم معتز من امه، وليه عمو صلاح زعق مع مامتك، وهي بتقول معتز ابني كده هو حد قال انه مش ابنها

رد ياسين بتعب :انا هنزل دلوقتي يا هنا،ارتاحي انتي ولما ارجع نبقي نتكلم برحتنا

هنا:حاضر ماتتاخرش

ياسين:ماشي

نزل ياسين و هو حساس بأحباط وهنا دخلت اوضتها ترتاح و عقلها بيحاول يحلل الكلام

…….

بداخل مخزن قديم

كان جاسر قاعد علي كرسي و قدامه الممرض علي الكرسي المقابل ليه وهو متقيد كانه هو وكرسي واحد ووجهه مد.مي بشده

اتنهد جاسر بملل: ها حفظت اللي قولتلك عليه، ولا لسه

الممرض:ايوا يا باشا والله حفظت وهعمل اللي انت عايزه، بس ترحمني وبلاش تبلغ عني، انا عندي عيال عايز اربيهم

رد جاسر بسخريه: تربيهم، هو اللي زيك ياض بيعرف يربي ، دا هرحهم منك، بدل مايطلوع

ووــزيك، وبعدين مين اللي ضحك عليك وقالك اني هبلغ عنك، دا انا هدفنك مطرحك وماهخلي حد يعرفلك طريق، لو مانفذتش اللي قولته بالحرف

الممرض: يا باشا انا هنفذ اي حاجه تأمر بيها، واحسن كمان، بس تسبني

جاسر: هنشوف

قرب جاسر الفون منه و اتصل علي الرقم و فتح الاسبيكر : اوعي يحس بحاجه فاهم

هز الاخر راسه بخوف، واستمر الفون يرن وقت

رد الطرف الاخر: الو كل دا تلفونك مقفول ليه يا زفت، طمني عملت ايه

: مصيبه يا باشا مصيبه

خالد:ايه اللي حصل

: معرفش انا دخلت الاوضه عشان اعمل اللي انت طلبته مني بس اللي كانت في الاوضه واحده تانيه خالص

خالد:يعني ايه واحده تانيه

: معرفش يا باشا انا شاكك البت تكون فاقت وتوديني في دا.هيه، انا ماليش دعوه يا باشا، لازم تلحقني يا أم التسجيلات اللي معايا دي هسلمها للدكتور اللي كان بيتابعها انا عرفت ان المدام تهمه

اوي

خالد بصدمه: انت بتقول ايه يا حيو.ان، انت بتهددني

:انا مابهددش يا باشا انا خايف علي نفسي و التسجلات دي مقابل الامان ليا، واهو ابقي طلعت بمصلحه من الدكتور بالمره أئمن بيها مستقبلي، اصلي عرفت انه بيدور وراك، ويعرف عنك اكتر من اللازم، شكل المدام اتحسنت اوي يا باشا

خالد: قسما بالله لو عرفت انك نطقت بكلمه ولا اي تسجيل من اللي معك دا، حد عرف بيه، لانا اللي امحيك من الدنيا

:براحه يا باشا حقي اخاف علي نفسي، والحوار دا انا ماليش فيه، وانا بكلمك عشان تتصرف وتقولي هنعمل ايه، عشان الحق نفسي وتلحق نفسك ، و دا بردوه مايمنعش ان مبلغ صغير منك قادر يسكتني للابد ويمسح التسجيلات اللي معايا واختفي، يا ام كده او هتصرف انا من عندي، ومع الف سلامه

خلص الممرض كلامه وقفل جاسر السكه في وش خالد

بص الممرض برجاء ل جاسر : اهو عملت اللي عايزه واكتر، سبني بقي امشي يا دكتور و فكني

جاسر: تمشي، تمشي فين يا راجل ، دا انت ضيفي ولازم تنورني شويه لحد الباشا بتاعك مانشوف هيعمل ايه ،وبعدين انت مش لسه هتسمع عرضه،اصبر وانا مش هستخسر فيك المبلغ تستاهل

…..

خرجت نور من المستشفى منهكه بعد كلامها مع معتز،كان بيضحك عليها طول الفتره دي، اكيد بسبب الوصيه، انا تعبت وهرجع ل حياتي تاني، انا اصلا مش عايزه حاجه

،كانت ماشيه وهي بتتبسم وبتضحك مع نفسها برغم دموعها اللي مش قادره توقفها

لحد ما وصلت ل مكتب مكرم المحامي ومتعرفش ازاي راحت لي مشي

وقررت انها هتنهي المسرحيه دي،وحتي لو خسرت الكل، طلعت العماره تشوف مكرم

برغم تاخير الوقت

وصلت الدور وكان فاضي من السكرتيرا بس مكتب مكرم منور

قربت من المكتب وقبل ما تفتحه سمعت صوت يا ياسين مع مكرم

ياسين : دا اللي حصل يا استاذ مكرم و انا خلاص تعبت منهم، مافيش امل ان ابويا يسامح بعد العمر دا، او يقبل عمي و بنته ، حتي لو معتز ونور قربه من بعض، ابويا مش هيقبل ابدا، احنا غلطنا لما نفذنا الوصيه دي ، و محدش هيخسر فيها غير نور و معتز

مكرم: ليه اليأس دا ياسين ، وبعدين دا المتوقع من صلاح ، مافيش حاجه اتغيرت بنسباله عشان يقبل نور عشانها، وبعدين احنا غلطنا في ايه، الوصيه اساسا عملنها عشان نكسب بيها وقت مش اكتر نقدر نلحق فيه الشركه، ونقف قصاد ادم

و نواجهه،ماكنش قدمنا حل تاني

ياسين: مش عارف ، و قلقان من رد فعل معتز لو ابويا حكي ليه سبب مشاكله مع عمي، وقتها نور الوحيده اللي هتخسر، ونبقي ظلمنها كلنا

فتحت نور باب المكتب واتصدم مكرم و ياسين وهم شايفنها قدمهم و قطعوا الكلام

اتنهدت نور بتعب: كملوا كلامك، سكتوا ليه

ياسين : نور انتي هنا من امته وبتعملي ايه في الوقت دا،ومالك شكلك منهار كده ليه

قال ياسين كلامه وهو بيبصلها بستغرب شكلها المبعثر، وجهها احمر واثار الدموع عليه، وعيونها مخنقه بالدموع

تجاهلت نور اسألت ياسين واتكلمت بهدوء :

عايزه افهم معني اللي سمعته،ويعني ايه عملتوا الوصيه عشان تكسبوا وقت

ياسين: نور انتي فهمت

قطعه مكرم بهدوء : اقعدي يا نور وانا هحكيلك كل حاجه،وافهمك معني اللي سمعتي

ياسين بصدمه : استاذ مكرم، انت

مكرم: نور عاقله و هتفهم وتقدر ، وبعدين مش انت شايف ان اللي احنا عملنا ظلم ليها ، سيبها هي تقرر مصيرها

قعدت نور مقابل ل ياسين، و رجع ياسين قاعد مكانه، وقصدهم مكرم علي كرسي مكتبه

ياسين: قبل ما تقول حاجه يا استاذ مكرم،

، نور ارجوكي تسمحيني علي اللي هتسمعي،و عايزك تعرفي ان ابوكي اللي اضطرنا نعمل كده، انا ماكنتش حابب دا

ردت نور بهدوء : اسمع الاول وبعدين نشوف موضوع اسامحك دا، اتفضلوا فهموني

مكرم : بصي يا نور انتي زي بنتي،و انا عارف ان ملكيش ذنب بكل اللي بيدور دا بس

نور : ممكن تتكلم من غير مقدمات يا استاذ مكرم، يكون افضل

مكرم: ماشي يا نور، اولا نبداء بالوصيه اللي عرضتها عليكم

نور: مزاوره مش كده

مكرم: لا هو فعلا جدك كان كاتبها قبل ما يتوفاه،بس اللي محدش يعرفه ان صادق بيه بالفعل مقسم كل املاكه بين ابوكي وعمك بالنص، ودا من زمان حتي الشركه كل واحد فيهم لي فيها خمسين بالميه من الاسهم والارباح، بشرط ان كل واحد يستمر بمنصبه، صلاح رئيس مجلس الاداره وادم النائب لي وياسين بمكانه

نور: تمام لما هو كده،ليه قولت عملنا الوصيه دي،وايه اصلا لازمة جوازي انا ومعتز لما هو مقسم كل حاجه من زمان،ليه مش كل واحد خد حقه علطول

مكرم: الوصيه اتكتب قبل ما يتوفي جدك بوقت قصير، وقتها الشركه اتعرضت ل خساره كبيره، ودا كان بسبب ان اي مشروع كانت الشركه بتشتغل عليه كان لازم يحصل فيه تلاعب ،والشركه تخسر كتير،لحد المشروع الاخير كان شغال عليه صلاح وادم وياسين اتسربت معلومات عنه، ل صالح شركه جديده مجهولة

وبداء كل الشغل اللي يقوم بيه صلاح يحصل فيه تلاعب غريب، لحد ما كانت الشركه هتقع و الاسهم بتاعتها بالفعل انخفاض بصوره غير منطقيه

و طبعا كان في خاين هو اللي وراه كل دا، لحد ما ياسين عرف هو مين وللاسف دا كان ابوكي يا نور

نور بصدمه: انت بتقول ايه، بابا ازاي و هيستفيد ايه لو الشركه وقعت،ما هو اللي هيخسر، مستحيل بابا يعمل كده

ياسين: للاسف انا اتاكد وقتها انه هو، وكل شغلنا كمان كان بيتسرب ل صالح شركه جديده،ابوك داخل شريك فيها من الباطن، والورق اللي يثبت دا موجود مع مكرم، ودا طبعا غير الاختلاسات

نور: انت فاهم بتقول ايه، لا لا انا مستحيل اصدقك، بابا مش محتاج انه يعمل كده

ياسين: هو فعلا مش محتاج، هو كان كل همه بس ،انه يظهر صلاح مستهتر وضيع الشركه قدام جدي

ويوصله ان هو اللي يستحق يبقي مكان ابويا،

ودا بالفعل عملوا ادم اكتر من مره وفاتح جدي فيه، وانه يقدر ينقذ الشركه لو هو بقي رئيس مجلس الادارة وصلاح نائب لي

نور: وبعدين

كمل مكرم : ياسين قدر يوصل ل كل الوراق اللي يدين ادم ، وخاف يبلغ صلاح تكبر المشكله اكتر

، فبلغ جدك باللي حصل، وساعتها صدمة صادق كانت كبيره، واللي ماكنش قادر يتخيل ان ابنه اللي يعمل في كده

وكلمني واجتمعنا انا وياسين و صادق بيه

عشان نفكر في حل ، وازاي نقدر نوقف ادم

ونرجع الشركه زي ما كانت، لحد ما اقترح ياسين دا

…..

فلاش باك

ياسين: المشكله يا جدي ان عمي ادم يعرف كل حاجه عن شغلنا وكمان لو حلنا المشكله دي ورجعنا المشروع الاخير ، ايه اللي يوقف عمي،وبذات لو عرف ان احنا كشفنه

رد صادق بحزن : انا عمري ماتخيلت في يوم اني اقاعد افكر، ازاي ابعد شـ.ر ابني عني

ياسين: يا جدي اللي حصل حصل المهم، ليه عمي ادم بيعمل كده

مكرم: الغيره يا ياسين تعمل اكتر من كده، ادم من زمان وهو عايز يبقي مكان ابوك، واللي هيوقفه انه يوصل ل كرسي رئيس الاداره بدله، عشان يحس انه احسن واتفوق عليه

ياسين بتفكير : اممم طيب ما يبقي مكانه لو دا اللي هيحل المشكله

صادق: انت بتقول ايه يا ياسين!!

ياسين : دا الحل يا جدي لو عمي ادم وصل ل مراده و نجح يخليك تشوف ابويا مستهتر ومايستحقش يكون مكانه، وانك بتفكر في عرضه بجديه، هيهدي شويه واحنا نقدر نتعامل من وراه

صادق: قصدك ايه يا ياسين

ياسين: يعني مثلا لو في احتمال ان الشركه تكون ملك لي عمي لوحده،مش بس يبقي رئيس مجلس الاداره، ويحقق انتصاره علي ابويا اكتر ما يتخيل، دا هيخليه يعرضها للخساره

صادق: اكيد لا

ياسين: صح وهو فعلا عرض عليك المساعده و هيحب يظهر بدور البطل لما تلجأله ياجدي، وتشتكيله من صلاح لان دا هدفه، وساعتها عمي هيقدر يحل المشكله اللي وقعين فيها بسهوله لانه سببها اصلا، وهيحب ان الشغل يكبر اكتر ويشتغل احسن كمان

مكرم: وبعدين

ياسين: انت هتطلب من عمي المساعده وهتوصله بطريقه غير مباشره ان انت قررت ان الشركه تكون ل واحد بس هو او صلاح

انك كمان كتبت وصيتك بدا

عمي ادم خوفا علي نفسه وانه هيتقع بتلقائيه انك هتكتبها ل صلاح،لان صلاح عنده اللي الولاد اللي يشيل اسمه،وهو لا، وبتفكيره انت مستحيل تكتبها ل ادم لانه عنده بنت و كده هتروح للغريب

فالطبيعي هيروح ل مكرم عشان يعرف مصير الشركه ل مين

مكرم: ما جدك فعلا كاتب كل حاجه مابنهم

ياسين: ما دا اللي اعرف انا وانت وجدي، بس عمي وابويا مايعرفهوش

صادق: وايه الوصيه اللي عايزني اكتبها تخلي ادم يتعشم بان الشركه هتكون لي لوحده

ياسين: نور ومعتز يتجوزه،لانك طبعا مش هتورث الشركه ل بنت ادم و تسلمها ل جوزها الغريب

كده ادم هيحس انك بتسلم الشركه لي

وبجواز معتز و نور لو حد حاول ينهي العلاقه الاول او يرفض يبقي متنازل عن حقه للتاني

وطبعا عمي عارف، قد ايه ابويا مابيقدرش يسيطر علي معتز وسهل عمي يبعد معتز، وانك هتنفذ الوصيه دي حتي وانت عايش، بس بعد ما الشركه تستقر

رد صادق برفض: ايه اللي بتقوله دا يا ياسين، انت عايزني اجوز نور ل معتز اخوك ، ليه يابني هي زعلتك في حاجه، انا مستحيل اوافق

ياسين: ليه بتقول كده ياجدي معتز والله كويس ، و انا فعلا بتمني انه يتجوز من نور يمكن تعقله ، هو بس مشكلته الشله السوء اللي حوليه و بتجره للي هو فيه دا، وانت عارفه ياجدي ، عاندي ودماغه ناشفه اهو بيعند مع صلاح من باب العند وخلاص، ويمكن نور تقدر تغيره بجد

صادق: مافيش حد بيتغير عشان حد يا ياسين

، ولو حصل بيبقي تغير لحظي وبس ومع الوقت بيرجع للي هو فيه، ونور ماتستحقش دا ابدا هي تستاهل واحد يحبها ويقدرها، غير انه مستحيل ابوك يرضي عنها، وانت عارف السبب كويس، وانا مارضاش ل بنت ابني التعب

رد ياسين بضيق : ماشي ياجدي، عموما انا قصدي انها مجرد لعبه هنعملها علي عمي ادم وبتفكيره و دماغه، عشان نقدر نكسب وقت، وهو بيحاول يثبت نفسه ليك

، واحنا نواجهه الشركه الجديده وكمان نقدر نغير كل المعلومات اللي يعرفها ادم وتبقي ملهاش لزمه وبعدها تقدر حضرتك تتكلم معا، و تعاتبه برحتك، او تاخد معه الاجراء الازم

ابتسم صادق ل ياسين بفخر: سمعت يا مكرم، انا موافق ابداء من بكره، عفارم عليك يابني الغالي

…..

مكرم: بس يانور وفعلا بدائنا نعمل كده وادم عرف الوصيه وفي الوقت دا قدر ياسين وجدك يوصله لي معلومات غلط وقعت الشركه التانيه مع شوية شغل من ياسين، وعشان الشركه الجديده مالهاش اسم ضربها كان سهل

بس للاسف جدك اتوفاه قبل ما احوال الشركه تتعدل، وجيه وقت فتح الوصيه وانا و ياسين معرفناش نعمل ايه ،وهو طلب مني نعرض الوصيه اللي ابوكي بالفعل عارفها،وقولنا يمكن علاقة النسب دي تقرب بين ادم وصلاح وكمان خوفا من ابوكي يعمل حاجه مش مستعدين ليها في الوقت الحالي

ياسين: و زي ما سمعتي يا نور، جدي كان رافض تماما جوازك من معتز، بس ادم اللي اضطرنا ل دا، وكمان عشانه لأن المستندات اللي معانا ممكن تحبسه

مكرم: كده انتي عرفتي كل حاجه يانور.. وحقيقه الورث ان كل واحد لي النص، واحنا كنا بنحاول نكسب وقت عشان نواجهه ابوكي ونحذره من اي علط تاني ويستلم نصيبه، او يختار الطريقه الصعبه،

ياسين: عارفه المشكله يانور، ان جدك حتي ملحقش يعاتب ادم في اللي عملوا

نور بصدمه : بابا عمل كل دا.

ياسين: ابوكي عمل اكتر من كده بكتير يا نور مع ابويا، وفي كتير انتي لسه ماتعرفوش

نور:وانت حبيت تاخد حقكم مني انا صح

ياسين: ابدا، انا كنت بحاول اقرب بين الاخوات،واحافظ علي الشركه اللي تعبنا فيها كلنا و ماتتهدش فوق دما.غنا

، وكمان حسيت انها فرصه ل اخويا في حياه سويا، وكنت عارف قد ايه انتي طيبه وذكيه، و تقدري تغيره وتبعديه عن الصحبه الضاله بتاعته

نور بغضب: يعني انت عايز تفهمني ان فشل ابوك وامك في تربية اخوك 26سنه، كنت مستني مني انا اربي

صرخ ياسين بغضب: نور مسمحلكيش تغلطي، وافهمي الكلام اللي بقوليه، انا اخويا احسن من اي حد

نور: لا مش هفهم يا ياسين ، هو انت مين اداك الحق انك تلعب بحياتي كده وبحيات اخوك ،وتقرر نعيش ازاي،ونعمل ايه ، حتي لو ادم غلط كنت واجهه،حتي لو هتحبسه زي مابتقول، انا مالي، ذنبي ايه وسطكم

ياسين: نور افهمي الشركه دلوقتي لسه شغاله واحسن من الاول عشان كل واحد فيهم بيسعي تبقي لي لوحده، وانت ومعتز علاقتك

صرخت نور بغضب : ما فيش علاقه بيني و ببن اخوك،واوعي تجمع اسمي باسمه تاني

عارف يا ياسين انتم عملتوا ايه، بلاش اغلط

روح يا ياسين روح الحق اخوك وجوزه للي كان عايز يتجوزها هم شبه بعض، وياريت يبقي بسرعه قبل مايجي للدنيا عيل من غير اب، وخطط ليها كويس انت بجد ممتاز في دا..

ياسين: عيل مين.

ومين دي اللي معتز عايز يتجوزها، نور. معتز عمره ماكان لي علاقه باي واحده ممكن اصحاب مش اكتر، عمره مافكر يتجوز اصلا، كل همه انه كان يسافر و يبعد وماهتمش بحد، بس هو حبك يا نور صدقيني

نور: انت مش مستوعب،بقولك اخوك هيبقي اب،تقولي مالوش علاقه باي واحده

انا مش عايزه اشوف وشكم تاني

واخوك يبعتلي ورقة طلاقي ومشكلكم دي كلها تحلوها بعيد عني ، فاهم يا ياسين

خرجت نور من المكتب وهي هتتجنن كل حاجه حوليها مجرد كدب كله بيكدب علي بعضه وعشان ايه.. ابوها وصلاح وياسين ومعتز حتي جدها

كده كتير اكتر من احتمالها

………………

معتز كان قاعد في نفس مكانه قصاد البحر

وهو شارد وشد السلسله من رقبته

وفتحها وهو بيتامل الصوره اللي فيها

وبيبتسم بسخريه: كله بسببك انا مش عارف اكرهك، و حاسس اني محتاجك، ليه عملتي فيا كده

رن تلفون معتز شد الفون من جيبه وفتح المكلمه من غير مايشوف الاسم

ياسين : معتز انت فين، انا عايز اشوفك حالا

رد معتز ببرود : مش فاضي

رد ياسين بحده : ربع ساعه بالكتير يا معتز، واشوفك قدامي هستناك عند ابوك.. فاهم

قفل ياسين الخط قبل مايسمع رده

وبكده فهم معتز من غضب ياسين انه عرف اللي حصل واكيد نور حكت لي

دفع السلسله بجيبه و قام ركب عربيته وعدا علي لولا وخدها معا

.. ….

قاعد ياسين بغضب وجانبه صلاح وميرفت مش فاهمين حاجه في ايه، وليه ياسين رجع تاني والغضب مسيطر عليه

صلاح: ماتفهمنا يابني في ايه ي

ياسين: لما يشرف البيه الاول، هو اللي هيفهمنا،انا كلمته و زمانه علي وصول

خبط الباب ودخل معتز مع لولا بتحدي و ايده في ايدها

رفع ياسين عينه ليهم واول ما شاف معتز و لولا ، و معتز ماسك اديها و نظرات التحدي

، اتاكد من كلام نور

كان بيدعي ياسين انه يكون غلط بس كده معتز بيأكد علاقته بها

قام ياسين من مكانه ووقف مقابل معتز ورفع ايده صفعه بقوه

……….

    •تابع الفصل التالي "رواية نفوس مريضه" اضغط على اسم الرواية