رواية ليل احتلت عرش القاسي كاملة بقلم تيسير محمد عبر مدونة دليل الروايات
رواية ليل احتلت عرش القاسي الفصل الثاني 2
زين يدخل لمكتبه فتقف له السكرتيرة بعملية ، مريم ( السكرتيرة ) : صباح الخير يا مستر زين .
زين : صباح النور يا مريم ، قهوتى بسرعة و حضريلى ملف الصفقة الجديدة و يكون على مكتبى على طول .
مريم : حالا يا فندم ، تخرج مريم تخلص المطلوب منها بسرعة خوف من عصبية زين من التاخير .
عند عمر يروح مكتبه يلاقى سيلين ( السكرتيرة بتاعته من الاخر كده بنت اخر مياصه يعنى )
سيلين بدلع : صباح الخير يا مستر عمر وحشتنا من امبارح للنهاردة .
عمر : يا صباح الفل و الورد و الياسمين على احلى سيلين فى الشركة كلها .
لتضحك سيلين بدلع و تقول : ميرسى اوى يا مستر عمر ، تحب اجيب القهوة دلوقتى .
عمر : احب اوى بس خليها بعدين علشان دلوقتى رايح مكتب زين .
سيلسن : بصراحة يا مستر عمر اللى يشوفك مستحيل يقول انك انت و مستر زين اخوات .
عمر باستغراب : ليه يعنى .
سيلين : اصل بصراحة حضرتك بتهزر و تضحك مع الكل و مش بتتعصب الى كل فين و فين ، انما مستر زين عامل سورى يعنى زى الرجل الالى ، يالهوى ده السكرتيرة بتاعتة بتخاف تقوله صباح الخير لحسن يطردها بجد صعب اوى .
عمر بضحك : بالعكس بقى زين اخويا ده اطيب حد ممكن تقابليه فى حياتك على فكرة ، كل الحكاية انه مش بيحب الغلط و بيتعصب بسرعة و مش بيسامح اللى غلط حتى لو كانت اول مرة مش بيدى فرصة تانية نهائى ، انما انا ممكن اهزر عادى و مش بتعصب بنفس السرعة و ممكن اسامح اللى يغلط واديله فرصة تانية لكن لو ضيع الفرصة دى و غلط مرة تانية بتحول لزين على طول ههههههه ، المهم اسيبك بقى يا جميل علشان مش فاضى .
فى مكتب زين قاعد بيشرب القهوة فيدخل عليه عمر من غير ما يخبط على الباب ( و دى طبعا عادته ) .
زين : يا بنى انت مش هتبطل العادة السودة دى بقى قولت مليون مرة خبط على الزفت قبل ما تدخل .
عمر فى سره ( يالهوى ما ليها حق البت سيلين تقول عليه الرجل الالى ) ليسمع زين همسه بس مفصرش هو بيقول ايه و يحدفه بالقلم اللى كان مسكه بس عمر يلقط القلم فى ايده .
زين : بتقول ايه يا حيوان سمعنى ماهو مادام بتتكلم من بطنك كده يبقى بتشتم .
عمر : عيب عليك ياكبير و بعدين لما انت عارف انى لما بتكلم فى سرى يبقى بشتم بتسال ليه بقى و كمان علشان تعرف انى مؤدب بشتم فى سرى .
فيضحك عليه زين و يقول : طب اقعد يا خويا خلينا نخلص ام الصفقة اللى مش عايزة تخلص دى ، فيقعد عمر جنبه و يبدؤا شغل .
———————————————————————————————————-
عند ليل تكون الساعة وصلت 8 و هى لسه موجودة فى المطبخ بس مش علشان تطبخ لا دى علشان تغسل مواعين ، هى اه بتشتغل طباخة و شغلها بيخلص سبعة و نص انما هى بتقعد تخلص المواعين بعد معاد شغلها علشات تاخد فلوس زيادة فوق مرتبها ، المهم تخلص ليل كل الشغل سوا طبخ او غسيل مواعين تكون الساعة جت 9 بليل فتطلع تغير هدومها و تخرج علشان تروح تلاقى فى وشها موسى بيقولها : ما تيجى اوصلك يا جميل بدل بهدلة المواصلات
ليل تبصله بقرف : بقولك ايه ابعد عن طريقى يا استاذ موسى انا خلصانة و مش شايفة قدامى بدل ما اطلع تعب و قرف اليوم كله عليك ، و تسيبه و تمشى فيبص عليها موسى و هى ماشية و يقول بصوت على وصل ليها
موسى : براحتك يا جميل مسيرك فى يوم تحن و تيجى لحد عندى و انا اللى اقول لا .
تمشى ليل و هى خلاص هلكانة تركب الاتوبيس و برضو تفضل واقفة لان مفيش مكان و لما تيجى محطتها تنزل تمشى شارعهم لحد ما توصل البيت تلاقى مستنياها مصيبة مش متوقعاها ، تبص على البيت تلاقى عربية اسعاف و ناس كتير حواليها فقلبها يتقبض و تخاف و تجرى لحد عربية الاسعاف .
ليل بخوف : هو فى ايه
الحاجة كريمة ( جارة ليل و بتحبها زى بنتها ) : متخافيش يا ليل امك تعبت شوية و انا قاعدة معاها و ابراهيم ابنى طلب ليها الاسعاف و هنروح بيها المستشفى ، فتجرى ليل على فوق علشان تشوف امها تدخل الشقة تلاقى المسعفين شايلين مامتها و هى مغمى عليها فتبكى ليل بقهر و تقول : ماما فوقى انتى عارفة انى ماليش غيرك اوعى تسبينى ياماما اوعى تعملى فيا كده انا من غيرك اموت انا مليش فى الدنيا غيرك فوقى بالله عليكى ، فتمسكها الحاجة كريمة و تقولها بدموع : اهدى يا ليل امك دلوقتى محتاجة انك تكونى قوية علشان تقفى جمبها مينفعش تنهارى كده يا ليل انتى مؤمنة يا بنتى و عارفة ان كل شى قدر و مكتوب ، لتومئ ليل براسها و ينزلوا لعربية الاسعاف و تركب ليل مع امها و هى مش مبطله عياط لحد ما يوصلو المستشفى و يدخلوا بيها للعناية المركزة و تفضل جوا نص ساعة تكون ليل واقفة على الباب بتعيط و مستنية اى حد يطمنها ،
يخرج الدكتور فتجرى عليه ليل و تقول بلهفه : ماما عاملة ايه يا دكتور .
يبص الدكتور ليها باسف و يقولها : مخبيش عليكى يا انسة والدتك عندها مشكلة فى القلب و واضح انها من فترة كمان و هى مكنتش بتاخد علاج فحالتها اتدهورت و محتاجة عملية فى القلب ضرورى تتعمل خلال اسبوع .
فتتصدم ليل هى اول مرة تعرف ان امها عندها مشكلة فى القلب و هى عمرها ما اشتكت من قلبها ابدا ، فتقول للدكتور: طيب يا دكتور العملية دى تتكلف كام يعنى .
الدكتور : تتكلف حوالى 200 الف جنية و لازم تتحركى بسرعة لان اى تاخير فى غلط على حياتها .
ليل : تتصدم ليل من ان المبلغ كبير، طيب مينفعش العملية تتعمل دلوقتى و اسدد الفلوس على دفعات حتى لو هكتب بيهم وصلات امانة .
الدكتور : بصى انا ان شاء الله اللى هعمل العملية لوالدتك فلو فى حاجة اقدر اعملها هى انى ماخدش اجرة ايدى اللى هى 80 الف جنيه انما ال 120 الف بتاعة المستشفى دى انا مقدرش اعمل فيها حاجة شوفى هتعملى ايه و ياريت تبلغينى بسرعة ، و يسبها مع مصيبتها و يمشى .
ليل : يارب اعمل ايه بس حلها من عندك يارب ، و تدخل الاوضة لمامتها تلاقيها نايمة لا حول لها و لا قوة ، فتمسك ايديها و تقول بدموع ،
ليل : ليه يا ماما تعملى كده لما انتى تعبانة مقولتليش ليه كنا كشفنا و اخدتى علاج بدل ما تسيبى نفسك كده لغاية حالتك ما تدهور و تحتاجى عملية ، حرام عليكى يا ماما تعملى فيا و فى نفسك كده اديكى محتاجة عملية و انا معييش فلوس قوليلى اعمل ايه انا دلوقتى معييش فلوس و مش عارفة اتصرف منين و فى نفس الوقت مقدرش اسيبك كده ، قومى قوليلى اعمل ايه و اتصرف ازاى مش انتى دايما اللى بتحلى كل حاجة و اى مشكلة انتى اللى بتتصرفى فيها ، قومى ياماما قوليلى اعمل ايه انا حاسة ان فى حبل ملفوف حوالين رقبتى و بيخنقنى و انا مش عارفة اتصرف .
تدخل عليها الممرضة ( ست كبيرة ) كانت سامعة كلام ليل مع الدكتور و صعبت عليها فتحط ايديها على كتف ليل : ده قضاء ربنا يا بنتى و لازم نقول الحمد لله قومى يا بنتى انزلى المسجد بتاع المستشفى اتوضى و صلى ركعتين لله و اشكيله همك هو الوحيد اللى قادر يشيل عنك ، وتسيبها و تخرج فاتخرج وراها ليل و تنزل الجامع تتوضى و تصلى و تشكى لربها و تاخد مصحف و تطلع تقعد جنب امها .
————————————————————————————————————
عند زين بيكون روح هو و عمر البيت و قاعدين بيتعشوا كلهم مع بعض
يوسف : زين كنت عايز اطلب منك طلب .
زين : نعم يا بابا حضرتك تامر.
فيبص الكل ليوسف فيقول : خلاص يبقى بعد ما نتعشى نتكلم ليؤما زين .
عمر بصوت واطى لزين : انا خايف يا زين
فيرد زين : خايف من ايه يا خويا و بعدين هو اللى زيك بيخاف ده انت جبلة .
يتغاظ منه عمر و يقوله : طب و الله انا عندى حاسة سادسة و كشفت ابوك ، فيضحك عليه زين و يقوله : حاسة سادسة ههههه طيب و كشفت ابوك ازاى بقى يا كرومبو .
عمر: بغض النظر عن انك بتتريق على موهبة ربنا ادهالى و ده يسمى حقد بس هقولك ابوك كده شكله اتجوز على امك و مراته حامل و هو بقى عايز
و قبل ما يكمل كلامه يلاقى معلقة فى وشه ابوه حدفها عليه و يقوله : بس يا حيوان علشان انا سامعك و لو محطتش لسانك فى بوقك هقطعهولك ، فيضحك عليه زين ، فيقول عمر لابوه : ما شاء الله عليك يا حج مهما تكبر ودانك زى ما هى ردار يسمع دبه النملة ، فيضحكو كلهم عليه و يخلصوا عشا و يقوموا يقعدوا فى الجنينة .
يوسف : بص يا زين انا كان ليا صاحب من سنين معرفش عنه حاجة و كنت عايز اوصله ففكرت فيك انت لو تعرف توصله .
زين : حاضر يا بابا بس كده انت قولى اسمه بالكامل و انا هجيبهولك .
فيتنحنح يوسف و يقول : بس فيه مشكلة ، فيقول زين : مشكلة ايه يا بابا ، فيرد يوسف : اصل الكلام ده من اكتر من 27 سنة و هو كمان من اسكندرية مش القاهرة ، ها هتعرف يا بنى .
يبص زين الى لهفة والده فيعرف انه مهتم انه يلاقى صاحبه ده اوى فيقول : مفيش حاجة يطلبها الحاج يوسف و متتعملش ، فيقول عمر : و انا كمان يا زين هدور معاك لحد ما نلاقيه انت طلباتك اوامر يا جو .
فينظر يوسف الى ولاده نظره فخر و يقوم و يحضنهم و يطبطب عليهم و يقول : انا فخور انى جبت بغلين زيكم ، فيتصدم زين و عمر و يبعدوا عنه فتضحك عليهم امهم و الكل يضحك معاها .
———————————————————————————————————-
فى فيلا لاول مرة نروح لها بيت احمد الزغبى عم البطل
على الفطار قاعدين بيفطروا فتقول مريم زوجة احمد : احمد احنا عايزين نروح نزور زين قصدى اخوك اصل بقالنا اسبوع مش بنشفهم ، فيقول لها احمد : ان شاء الله .
ياسمين : بابا انا عايزة اشتغل ، فتشهق مريم و تقول : تشتغلى شغل ايه يا ياسو هو انتى محتاجة للشغل انتى بنت المليونير احمد الزغبى ، فيبصلها احمد الزغبى بقرف و يقول : ليه يا حبيبة بابا عايزة تشتغلى ، فتقول مريم : يا بابا انا مش عايزة اشتغل علشان محتاجة حاجة انا عايزة اشتغل علشان نفسى عايزة يكون لى كيان و فى نفس الوقت اشغل نفسى بليز يا بابا وافق ، فيقول احمد : خلاص ماشى يا ياسو موافق بس فكرتى هتشتغلى فين ، فترد امها بعد تفكير فى استغلا الموضوع لصالحها قبل ان ترد هيا : طبعا هتشتغل مع زين اومال يعنى يبقى ابن عمها عنده مجموعة شركات و تروح تشتغل عند الغريب ، فيبص لها باستنكار لانه عارف هى بتخطط لايه ، فيقول : خلاص يا ياسمين لما نروحلهم هبقى اكلم زين تمام ، تقوم ياسمين تبوس ابوها من خده و تقول : تمام يا احلى اب فى الدنيا .
- يتبع الفصل التالي اضغط على ( رواية ليل احتلت عرش القاسي ) اسم الرواية