رواية وردتي (كاملة جميع الفصول) حصريا عبر دليل الروايات بقلم وعد حامد
رواية وردتي الفصل الثاني 2
مراد بتوتر وخوف : ورد !
ورد بدموع : انت كنت بتكلمني كده ليه في التليفون انهارده انا عملت حاجه غلط
مراد براحه : يا حبيبتي غصب عني والله دا ضغط شغل انا اسف واوعدك يا ستي عندي ليكي خروجه انما ايه عنب
ورد وهي بتمسح دموعها: بجد يعني عشان ضغط الشغل بس وانت بتحبني وهتفضل جنبي
مراد بكدب : طبعا يا حبيبتي انا مقدرش اعيش من غيرك واللي قولتوا ليكي في التليفون كان ضغط شغل مش اكتر
ورد بابتسامه: طمنتني يلا عايز حاجه
مراد : رايحه فين ؟
ورد : هروح اقابل سلمي اصلها وحشتني
مراد بتوتر : طب بلاش انهارده
ورد باستغراب: ليه ؟
مراد بتوتر وخوف : عادي يعني عشان اكيد وراكوا مذاكره وهتعطلوا بعض و الوقت أتأخر
ورد باستغراب: أتأخر ايه ده الساعه سته
مراد بتبرير : ما هو سته ده متأخر روحي ذاكري احسن امتحانتكوا قربت وابقوا اتقابلوا في يوم تاني
ورد بابتسامه: ماشي يا حبيبي مع السلامه
مراد براحه : مع السلامه
(بعد ما مشيت )
مراد براحه : الحمد لله دا انا كنت قلقان اوي
وبقي حد بيرن عليه بص لقاها سلمي
مراد : الو
سلمي : الو يا مراد عملت ايه معاها كنت سامعه صوتك مكاني وقلقانه اوي عليك
مراد براحه : الحمد لله معرفتش حاجه
سلمي براحه هي الاخري : الحمد لله عشان نتسلي عليها شويه وبعد كده تصدمها
مراد : سلمي ممكن اسألك سؤال غريب شويه ؟
سلمي : اه طبعا اتفضل
مراد : انت ليه بتغيري من ورد وبتكرهيها اوي كده
سلمي بحقد وكره : دائما عندها كل حاجه ناس بتحبها ام واب بيموتوا فيها وحتي بعد ما ماتوا كل الناس كانت حواليها وعمرها ما حست باليتم عارف اول مره شوفتك فيها اعجبت بيك اوي بس انت مكنتش شايف غيرها و دائما المدرسين هي المفضله عندهم و زمايلنا دائما بيحبوها هي وهي برغم كل ده بتعامل كله بطيبه واولهم انا فاكره نفسها الملاك البرئ ممشياني وراها ولاني الخدامه بتاعتها انا عمري ما اعتبرتها صحبتي ونفسي اشوفها مكسوره واشمت فيها يمكن اطفئ النار اللي جوايا اللي قايده من سنين
مراد بصدمه : ياه كل ده في قلبك و انت عايزه نعمل معاها ايه ؟
سلمي بخبث : هقولك
………………………..
عند ورد
ورد بعياط: انا مش مصدقه حب عمري وحياتي كلها واللي اعتبرتها صاحبتي بيكرهوني كل الكره ده وكمان الباشا ولا انه عمل حاجه وليه قلب يعاملني بوشين كده يكون بيكرهني وبيحب صاحبتي واول ما يشوفني ابقي حبيبته اللي بيخاف عليها وانا ازاي محستش كل حاجه كانت واضحه بس انا اللي كنت مغيبه ومش فاهمه حاجه باينه اوي وهو بيكلمني عنها وهي بتكلمني عنو وانا زي المغفله وبقول اكيد ميقصدوش حاجه بس طلعت انا المغفله _ثم اكملت بخبث وهدوء غريب : بس قسمًا بالله زي ما شوفتوا حبي ليكوا وهبلي وطيبتي هتشوف انتقامي ووشي الثاني وانتوا اللي اختارتوا
وقامت كتبت اسمهم علي ورقه وحطت دايره علي اساميهم وهي بتبصلهم بصه غريبه بصه انتقام وكره كره اتولد اتجاهم وقالت بهمس: تمام انتوا اللي بدأتوا
•تابع الفصل التالي "رواية وردتي" اضغط على اسم الرواية