رواية صراع عائلي كاملة بقلم رنا سليمان عبر مدونة دليل الروايات
رواية صراع عائلي الفصل الثاني 2
نور:صباح الخير علي احلي واجمل جدو في الدنيا
عبد الرحيم:صباح النور يا احلي نور…….تعالي اقعدي يا حبيبتي علشان نفطر
نور:لا انا متاخره علي الشركه اوي……لازم اروح دلوقتي علشان في ميتينج مهم الساعه ١٠……لازم اروح قبلها واتاكد ان كل حاجه جاهزه
عبد الرحيم:لا اقعدي افطري الاول لاني عايزك في موضوع مهم
بصتله ب استغراب ……حطيت شنطتها علي الكرسي وقعدت
نور:موضوع ايه دا يا جدو
عبد الرحيم:بصي يا حبيتي انا عايزك تمضيلي علي الورق دا
حط قدامها الورق اللي كان مسكه…..مسكته ب استغراب…..وبدات تتكلم وهي بتقراه
نور:ورق ايه دا يا حبيبي
رجعت بصتله ب صدمه
نور:ايه دا يا جدو انت عايز تكتب كل حاجة ب اسمي انا؟!
عبد الرحيم:اومال هكتبها ب اسم مين يا حبيتي……انتي اكتر واحده تعبتي في شغل الشركه والمصنع ومفيش غيرك كان بيتعب في الشغل دا…….انتي اكتر واحده تستحقي دا
نور:ايوه يا جدو بس دا حِمل تقيل اوي عليا ومحدش اصلا من العيله هيوافق علي كده
عبد الرحيم:عيله مين دي يا نور……انا مش شايف غيرك انتي في وسط العيله دي كلها……انتي الوحيده اللي تستحقي تكوني مكاني لو حصلي حاجة
نور:ربنا يديك الصحه يا جدو ويطول في عمرك يا حبيبي
عبد الرحيم:يا حبيبتي مفيش حد صغير علي الموت……كلنا هنموت في الاخر……وانا خايف اموت ويجي ولاد عمامك وعماتك يضيعوا كل اللي انا وانتي تعبنا فيه كل السنين اللي فاتت دي
نور:يا جدو دا حقهم ولازم ياخدوه…..اللي حضرتك عايز تعمله دا غلط
عبد الرحيم:يا نور انا مش بقولك اني هكتبلك كل حاجة ب اسمك ومش هديهم حقوقهم……انا بس عايز الفلوس دي تكون معاكي انتي لحد ما يعقلوا ويجوا. يساعدوكي في شغل الشركه والمصنع…..ولازم الكل يجي يعيش هنا بعد ما انا اموت
نور:بلاش تقول كده يا جدو……انا مقدرش اعيش من غيرك…..انت لو حصلك حاجة انا ممكن اموت فيها
عبد الرحيم :خلاص يا حبيبتي مش هتكلم في الموضوع دا تاني……علشان خاطري يا نور امضي واعملي اللي انا عايزه……انا واثق انك قد المسؤلية اللي انا هديهالك يا حبيبتي
فضلت باصه عليه وساكته…….مكنتش عارفه تعمل ايه……تسمع كلامه وتمضي وساعاتها الكل هيكرهها وهيفكر انها هي اللي خلته يكتب كل حاجه ب اسمها……ولا متمضيش وتخالف كلامه اللي عمرها ما خلفته وساعاتها هتكون خسرته هو كمان زي ما خسرت كل الناس اللي دخلت حياتها
عبد الرحيم:يلا يا نور امضي علشان تلحقي الميتينج اللي وراكي
هزيت راسها ب ماشي……مسكت القلم ومضيت وهي خايفه من نتيجه اللي عملته دا……اخدت شنطتها ومشيت من غير ما تتكلم معاه
فاقت من سرحانها…….مسحت دموعها……اخدت صورته اللي حطتها جمبها……بدات تتكلم وهي باصه للصوره
نور:اللي كنت خايفه منه شكله هيحصل يا جدو……الكل مفكر ان انا اللي خليتك تعمل كده…..انا مش قادره انهار قدام حد ولا ابين قدامهم ضعفي……بس اللي واضح اني هتعب اوي لحد ما اعمل اللي انت وصيتني بيه……الواضح ان هتقوم حرب بينا وبدل ما نتجمع هنتفرق بسبب الفلوس…….بس عايزاك تطمن انا مش هسكت غير لما الكل يجي ويعيش هنا ويشتغلوا مكانك ويشيلوا اسمك يا حبيبي
مسحت دموعها…..حطت الصوره مكانها……قامت من مكانها وخرجت من الاوضه…..بصيت وهي واقفه من فوق لحد البيت فاضي والكل مشي……بصيت علي المطبخ لقيتها واقفه وبتحضر الاكل……نزلت علي السلم……قربت من الكرسي بتاعه…..حطيت ايديها عليه وهي بتفتكره وبتفكر ضحكهم وهزارهم مع بعض……قعدت علي الكرسي بتاعه…….قربت منها ……حطيت الاطباق اللي في ايديها علي السفره وبدات تتكلم
رحمه:هتفضلي علي الحال دا كتير يا نور
نور:مش ب ايدي يا داده……كل ما افتكر اني خلاص مش هشوفه تاني مش بحس بنفسي غير وانا بعيط……انا مش قادره اتخيل انه خلاص راح يا داده
رحمه:الله يرحمه……كان اطيب واحد اتعاملت معاه……عمره ما عاملني وحش ولا علي صوته عليا……دايما كان محسسني انا بنت من بناته…….كان بيحبك اوي اكتر من الكل
نور:ربنا يرحمه……ويصبرني علي اللي انا فيه
رحمه:ان شاء الله يا حبيبتي……بس انتي بردو يا حبيبتي لازم ترجعي لحياتك من تاني وتشوفي الشغل ماشي ازاي……انتي الوحيدة اللي تقدري تمشي كل حاجة لحد ما حال الباقي يتعدل ويبداو يشتغلوا معاكي
نور:ان شاء الله يا داده…….من بكره هنزل الشغل
جرس الباب رن……بصتلها وبعدين بصيت للباب
نور:معقول يكون حد فيهم رجع يا داده
رحمه:مفيش قدامهم حل غير انهم يجوا……ادخلي اغسلي وشك لحد ما افتح الباب……بلاش حد يشوفك وانتي بالشكل دا
نور:حاضر
قامت علشان تغسل وشها……راحت تفتح الباب لقيته واقف وهي جمبه وماسكين شنط كبيره
رحمه:نورت بيتك يا خالد يا ابني
دخلوا وسابوا الشنط اللي في ايديهم
شيماء:شكلك نسيتي تتكلمي معانا ازاي……اسمه خالد بيه وانا شيماء هانم يا ريت متنسيش نفسك وانتي بتتكلمي معانا……مش خالد بس……اتفضلي خدي الشنط دي وطلعيها الاوضه بتاعتنا
رحمه:حاضر يا هانم
نور:استني عندك يا داده
بصوا عليها من بعيد لقوها واقفه وحاطه ايديها في جيبها…..جريت عليها وعلي وشها ابتسامه
شيماء:نور حبيبتي وحشتيني خالص
كانت هتحضنها بس هي بعدت عنها……اتكلمت ب احراج
شيماء:والله يا نونو انا اول ما خالد قالي انك عايزاني نيجي نعيش معاكي في بيت جدو الله يرحمه قولتله اننا لازم نروح دلوقتي منستناش لبكره…..هو احنا عندنا اغلي منك علشان نجيله
نور:بس انا مقولتش لجوزك انكو تيجيوا تعيشوا معايا هنا……انا قولت اللي حابب انا فلوسه ترجعله يجي هو بس ويقعد في بيتي انا اللي جدو الله يرحمه كاتبهولي ب اسمي ……بس انتي طالما جيتي لحد هنا تبقي ضيفتي وعلي راسي طبعا
خالد:بس شيماء مش ضيفه يا نور……شيماء مراتي وتعتبر صاحبه البيت دا زيها زيي
نور:زيها زيك؟!……الكلام دا يا خالد تقوله لو البيت دا لسه بتاع جدو لكن زي ما انت شايف البيت دا بقي بتاعي انا وانتو ضيوف عندي هنا……ولازم الكل يعرف اني انا اللي اقول مين يقعد ومين يمشي…….وحاجه كمان لازم تعرفوها……داده رحمه تعتبر امي مش زي امي……واللي يفكر بس انه يزعلها يبقي بيزعلني انا وساعاتها هيكون وجوده هنا مش مرغوب نهائي……افتكر كلامي واضح ليكم انتو الاتنين
خالد:هو انتي مخليانا نيجي هنا علشان تبيعي وتشتري فينا ولا ايه انا مش فاهم
نور:والله انا اللي عندي قولته واللي مش عجبه الباب قدامك اهو يفوت جمل……بس لازم تعرف انك لو خرجت من هنا الفلوس بتاعتك اللي بتوصلك كل شهر مش هتوصل لان الوضع بعد جدو الله يرحمه اتغير والدلع اللي كان بيدلعوا ليكم مش هيحصل من انهارده تاني نهائي
الباب خبط……فتحت ولقيته قدامها……اتكلمت بصدمه
رحمه:رؤوف بيه؟!
نور:بابا؟!
- يتبع الفصل التالي اضغط على ( رواية صراع عائلي ) اسم الرواية