رواية لم يكن عالمي كاملة بقلم شيماء شاكر عبر مدونة دليل الروايات
رواية لم يكن عالمي الفصل الثلاثون 30
مالك وصل قدام المخزن اللى فيه همس نزل من العربيه وقرب من بوابة المخزن وهو قلبه بيدق جامد أخيرآ هيشوف همسته…… بقاله ١٠ أيام مشفهاش ولا سمع صوتها…….أد أي مشتاق ليها
مالك فتح بوابة المخزن بهدوء وبراحه……لقي شومه كانت هتنزل فوق راسه
بسرعه مسك الشومه وبصلها
همس بصت لمالك بصدمه…… كانت بتحسبه اللى خطفها
مالك أبتسم بحب : كده يا همس…..
عايزه تموتيني
همس بصاله بصدمه……هى مش مصدقه ان مالك قدمها
همس بدموع…. جريت في حضن مالك بعياط : مش مصدقه…. مش مصدقه انك قدامى…..متبعدش عنى تاني يا مالك….أرجوك متسبنيش تاني……صدقني انا خلاص فهمت أنى مش هقدر أعيش من غيرك
مالك عيونه لمعو بدموع وحضن همس جامد….. لدرجه ان رجليها مش لمسه الارض….. شويه كمان وهيدخلها جوه ضلوعه وجنب قلبه : خلاص يا همس…انا معاكي….مش هسيبك تاني مهما حصل…..انا كمان مقدرش أعيش من غيرك….صدقيني انت أغلي منى عندي….
همس مبتسمه وسط دموعها اللى بينزلو
مالك بعد همس براحه عن حضنه وبصلها بعشق وحط أيده الاتنين على خدودها ومسح دموعها: وحشتيني
همس حضنت مالك تاني : وانت كمان….وحشتني أوووي……
مالك بص حوليه وبعد همس عنه بهدوء : يلا نمشي من المكان ده…..
همس هزت رسها
مالك مسك أيد همس وخرجو من المخزن وركبو العربيه
مالك دور العربيه وساق….مسك أيد همس وطلعها على شفايفه وبسها بعشق
همس لغايط دلوقتي مش مصدقه ان مالك قدمها : انت…انت خرجت أزاي…
مالك بصلها وأبتسم : حكايه يطول شرحها….هفهمك بعدين….
همس بتفكير : يعنى هربت
مالك بصلها بأبتسامه : لاء
همس بستغراب : يعنى هما اللى خرجوك
مالك باصص على الطريق : مش بظبط
همس بصتله بعدم فهم : مالك انا مش فاهمه
مالك باس أديها برقه : ما أنا قولتلك حكايه يطول شرحها……نستقر بس في مكان وأحكيلك
مالك باصص على الطريق…..كل تفكيره في كلام ياسين وقلق على همس جامد من كلامه…..لازم همس تختفي الايام اللى جايه
مالك بص لهمس : أحنا لازم نروح عالم بابا ونستقر هناك كام يوم….
همس بستغراب : لي؟!….
مالك أتنهد ومسك أيد همس وطلعها على شفايفه وأتكلم : واثقه فيا
همس قلبها بيدق بسرعه والعشق باين في عيونها : أكتر من نفسي
مالك أبتسم وباس أديها بحنان : يبقا متقلقيش وانا معاكي
همس هزت رسها بأبتسامه : أكيد مش قلقانه
مالك فضل أكتر من ساعه سايق بص على همس لقاها نايمه….ملس على خدها بعشق وبص على الطريق وهو خلاص قرب من الغابه
مالك أختصر الطريق ونازل على طريق دائري…….متجه للغابه
مالك بص في المرايه لقي عربيه ماشيه وراه
مالك أستغرب العربيه وسرع عربيته شويه وهو نازل بشكل دائري…..زي أكنه أسفلت على جبل ونزل منه بعربيته والعربيه وراه…..والطريق ده مقطوع محدش بيستعمل الطريق غير القليل جدآ…..
حسام باصص على العربيه اللى مالك سايقها وقال في نفسه : أسف يا مالك….عارف أنك ساعدتنى في القبض على الظابط الخاين…… وكمان ساعدتنى أنى أقبض عليهم متلبسين….
حسام سكت شويه وهو باصص على عربيه مالك وبعدها كمل : بس المفروض منساش أنك وحش…. وخطر على البشريه……وزي ما أنقذت البشريه من شر المافيا……هنقذ البشريه من شر الوحش اللى جواك……
حسام طلع من الشباك وضر*ب كام طلقه ورا بعض
مالك باصص على العربيه اللى ماشيه وراه….لقي حسام خارج من الشباك وبيضرب عليه نار
مالك بقا يتفادي الطلق بصدمه من أفعال حسام
همس فاقت من صوت الطلق وبصت لمالك بفزع : في أي؟..
حسام داس على سنانه بغيظ وضرب طلقه جت في كوتش عربية مالك
مالك شاف الطلقه خارجه من مسدس حسام….خد همس في حضنه وفي ظرف ثانيه عربية مالك أتقلبت كذا مره ورا بعض وبقا نصها على الارض والنص تاني على الحافه……
………………………………….
دقايق عادو وعربية مالك متعلقه نصها على الارض والنص التاني على الحافه في الهوا
مالك حط أيده على راسه بألم والدم بينزل من راسه……بص على همس بقلق لقي دم نازل من مناخيرها ومن رسها
مالك بخضه وقلق مسك همس : همس…همس..بالله عليكي ردي عليا
همس فتحت عيونها وحطت أديها على رسها بألم : حصل أي….مالك…..دماغي مش قادره…
مالك بص حوليه وأكتشف المصيبه اللى هو فيها
مالك بلع ريقه بقلق وتوتر : همس متتحركيش…..أقل حركه هنقع من على الحافه…..أهدي
همس بصت حوليها برعب وبعدها بصت لمالك
مالك بص لهمس بقلق : همس متخفيش ركزي معايا….بصي…. حطي رجليكى ورا….. حولي تعدي الكرسي وتروحي لكنبة العربيه
همس هزت رسها لاء برعب : لاء مش…مش هسيبك
مالك حتى النفس خايف يتنفسه….أقل حركه هيقعو هما الاتنين….: متقليش انا معاكي….بس حولي عشان منُقعش….مش هسيبك متخفيش
همس بعياط : مالك….
مالك داس على سنانه بغضب : أخلصي يا همس…..
همس مسحت دموعها وكل حركه منها العربيه تتهز
همس بعياط : مش هعرف يا مااالك…مش هعرف
مالك قبض أيده وبيحاول يضبط أعصابه : متقلقيش هى أكيد هتتهز من حركتك بس مش هتقع…..يلا يا همس أرجعي على الكنبه
همس بتحاول تتحرك…وكل حركه بتهز العربيه….وأخيرآ حطت رجليها على الكنبه اللى ورا
مالك : برافو…يلا بقا بقيت جسمك
همس بعياط : مالك انا خايفه….
مالك بيحاول يطمنها : انا معاكي….بس أسمعي كلامي
همس حطت رجليها التانيه على الكنبه وبقت أعده على الكنبه اللى ورا
مالك خايف ياخد نفسه ليقعو……. أهم حاجه همس تكون بخير……..وتخرج من المصيبه دي بسلام
ده كان تفكير مالك
مالك : حلو يا همس….يلا أفتحي باب العربيه براحه….
همس مدت أديها وبتحاول تفتح الباب
همس بصت لمالك لدموع : مش راضي
مالك : حولي بس براحه…..حولي يا همس بالله عليكي…..
همس حولت تاني…..مره مع التانيه..الباب أتفتح
مالك شاف الباب أتفتح…..بسرعه فتح الباب اللى جنبه
مالك بزعيق : نطي يا همس
همس بعياط وصوت عالي : مش هقدر….مش هقدر يامالك
مالك داس على سنانه بغضب : بقولك نطي ياااااا همسسسس
همس بصريخ : مش هقدرررررر
همس نطت وهي بتصرخ
مالك أول ما شاف همس نطت…نط بسرعه….والعربيه وقعت وأنفجرت تحت في القاع
همس بصت بصدمه على العربيه وهى مش شايفه مالك
همس قامت بسرعه وهى بتصرخ بأسم مالك : مااااالك….ماااااالك
مالك ماسك الحافه بأيده الاتنين : انا هنا يا همس
همس بسرعه أعدت وبتحاول تمسك أيد مالك
مالك بزعيق : أوعي يا همس هتقعي….
همس بعياط : هات أيدك وانا هشدك…..هات أيدك يا مالك….
مالك عيونه أتحولت للأسود وضوافره طولت وبقت حاده
همس بعدت لما شافت هيأت مالك..
مالك غرز ضوافره في الارض وشد نفسه وطلع على الحافه…ووقف على الارض
حسام ورجالته نزلو من العربيه وبصو لمالك
حسام : كنت المفروض تموت يا مالك
حسام رفع المسدس وو…….
- يتبع الفصل التالي اضغط على (رواية لم يكن عالمي) اسم الرواية