رواية معلمة من الصعيد كاملة بقلم مريم شعبان عبر مدونة دليل الروايات
رواية معلمة من الصعيد الفصل الرابع و الثلاثون 34
يوم الفرح البيت كله حزين الكل قاعد عند سليم موده من امبارح مش بترد علي حد
صابر: هنفضل قاعدين كده مش نزلت مع انها المفروض تكون دلوقتي في الفندق
سهام: ما تطلعوا يا بنات تشوفها كده و خدوها و راحوا الفندق و افرحوا كلكم مع بعض
رحاب: حاضر يا طنط يلا يا بنات و يطلعوا كلهم
سليم: اطلع شوف ابنك فين يا نبيل
نبيل: في أوضته
سليم: خلي الكل يجهز المفروض كلنا دلوقتي في الفندق و بنجهز
حاتم: يلا حسب الله و نعمة الوكيل في اللي كان السبب
صابر: ما تحترم نفسك و أقعد ساكت
حاتم: أنا رايح ماشي احسن و يقوم
كاظم: اطلعوا يا شباب شوفوا عز و خليه يقوم يجهز بقي
ماهر :حاضر يا عمو تعال يا غيث
غيث: يلا و يطلعوا
*****
في جناح رحاب و ماهر
رحاب: موده حبيبتي
موده: نعم يا رحاب
رحاب: يلا عشان نجهز عشان الفرح
موده: مش هعمل حاجة هلبس الفستان و بس كده
زهراء: طيب ده كلام و المكيب ارتست اللي متفقين معها يلا قومي كده
موده: مش عايزة اعمل اي حاجة لو سمحتوا
بيري: يلا يا بت قومي و بطلي رخمة اي هتفضلي قاعدة كده حزينة قومي يا بت ده انتي تلبسي و تحطي مكيب و تعملي شعرك و تقعدي ترقصي انهاردة ولا كاني حصل حاجة و عز بقي محتاجة تربية جامدة اوي اوي اوي
زهراء: مع رأي بيري قومي كده اوعي تظهري انك ضعيفة قدامهم تقومي دلوقتي تجهزي و تنزل بابتسامة و احنا ننزل زغاريط وراكي و عز عليكي انتي بقي
موده: اعمل اي أنا يعني
رحاب: يا موده تعلمها الاداب من اول جديد هو بيحبك و بيحبك جدا في احنا هنلعب علي كده
موده: مش فاهمة
رحاب: موده صحبت الخطط و المقالب مش عارفة تعمل اي فكري و انتي تعرفي تعملي اي بس يلا قومي بقي خلينا نفرح شوية
موده: لا لا مش هعمل حاجة
رحاب: بت انتي هتسمعي الكلام ولا لا
موده: خلاص يا كبير هسمع الكلام
زهراء: ايوه كده بقي
موده بيري روحي هاتي اشيك فستان ليا بسرعة و خمار كويسين و هاتي فستاني بالمرة أنا هنزله بيه من هنا و هاتوا الحاجة عشان نروح الفندق يلا
بيري: من عيوني
*****
في اوضة عز
غيث: اي يا عريس عامل اي
عز: الحمدلله
ماهر: يلا عشان نروح الفندق
عز: اجهز هنا
غيث: ازاي يعني يلا بينا
عز: موده اكيد مش هتروح الفندق في أنا اجهز هنا انا كمان
ماهر: البنت بيحاولوا معها أنها تروح يلا بقي اتاخرنا اوي
عز: تمام و يقوم
غيث: يارب اليوم ده يخلص علي خير
ماهر: يارب
*****
بعد مده الكل قاعد منتظرين البنات
عز: شكلها مش هتروح يا جماعة بجد
نبيل: البنات معها فوق اسكت انت و البنا ينزلوا كلهم زغاريط زغاريط
سهام: اهم نزلوا و كنت موده نازلة اول واحدة بابتسامة
هيام: اللهم بارك قمر يا حبيبتي
موده: تسلمي يا عمتو
حسناء: مبارك يا حبيبتي
موده: الله يبارك فيكي يلا يا بنات
صابر: موده
موده: نعم
صابر: مبارك يا بنتي
موده: الله يبارك فيك يلا يا بنات انهاردة فرحي يا جدعان و تزغرط و تخرج هي و البنات
غيث: عز احب اقولك هتشوف ايام فل
عز: شكله كده دي بتخطط لحاجة
حاتم: احسن عشان تتعلم تعمل كده تاني
عز: ما تقعد ساكت شوية
حاتم: علي فكرة أنا ساكت بس احترام لأختي انما أنا نفسي اقوم اضربك أقسم بالله
سليم: بس خناق يلا بينا علي الفندق يلا و يخرجوا كلهم
قدام الفيلا البنات واقفين
يوسف: دمار يا باشا
موده: دمار يا كبير
مروان: كله تمام
موده: اشطا زي ما قولتلك عز لازم يتجنن انهاردة
جاد: عيب عليكي كله تمام و حضرنا كل حاجة مش نخلي عز يدخل عند قاعة الستات نهائي
موده: تمام يا جاد و يخرجوا كلهم
سليم: البنات هتركبوا مع مين
بيري: مع نفسنا
عز: نعم ازاي مين هتسوق
زهراء: بيري و يلا يا بنات عشان ورانا حاجات كتير يلا و يركبوا كلهم عربية واحدة و يمشوا و جاد و صحابه وراهم
سليم: يلا بينا احنا يا جماعة و الكل يركب
****
في الفندق في جناح البنات
موده: جدعان
يارا: عايزة اي
موده: جعانة اوي
بيري: أنا طلبت اكل
رحاب: اوعي تكون كبده
بيري: عيب عليكي عمري ما اعملها تاني
زهراء بضحك: جدعة البنت المكيب ارتست جات
موده: تمام دخلها
:السلام عليكم
:وعليكم السلام
رحاب: تعالي يا حبيبتي اتفضلي
:مبارك يا عروسة
موده: الله يبارك فيكي
:جاهزة نبدا
موده: اه انا عايزة اكون جميلة عايزة اكون روعة بمعني الكلمة و شعري عايزه مرفوع و اعملي شكل حلو
:من عيوني انتي جميلة اساسا لوحدك
موده: يا حبيبتي تسلمي
:يلا نبدا
****
في جناح عز
غيث: لا مش هنفضل قاعدين كده
عز: دماغي مصدعة مش قادر
ماهر: لا يلا بقي يا عز الفرح فاضل عليه ساعتين
عز: يا جدعان هي بدلة و هخلص
غيث: و شعرك ولا هتنزل كده
عز: مش عايز اعمل حاجة
جاد: طيب خد اشرب العصير ده
عز: هات و ياخده تفتكروا هتسامحني
ماهر: موده غلبانة راضيها انت بس
عز: اعمل اي
غيث:خدها و سافروا يومين لوحدكم في مكان و اعتذار بكل الطرق و خليك صبور عشان انت اللي غلطان اصبر عليها و استحمل اي شي و اي رد فعلها منها اصبر عليه و خليك عارف مش بسهولة هترجع تكلمك زي الاول و أو تسامحك
عز:اعمل اي شي بس نرجع تاني يارب ده أنا حبيتها بجد
ماهر: كلامك كان صعب اوي يا عز و هي موجوعة اوي دلوقتي براحة كده و بإذن الله تقدر ترجعوا زي الاول
عز: هصبر أن شاء الله أقعد سنين
غيث: بس اهم حاجه تستحمل اي رد فعل منها عشان شكلك داخل علي ايام زل الفل
عز: اي رايكم أحدها انهاردة و نسافر علي طول عشان مترفضيش
ماهر: فكرة بردو أنا هقول لرحاب تحضر شنطتكم
عز: لا بلاش عشان بتقولها أنا هروح اعمل كل حاجة
ماهر: هقول لرحاب متقوليش حاجة
عز: لا هروح انا كده كده في حاجات لينا في الجناح اللي كنا هنقغد فيه يومين هنا في هروح احط الحاجة في الشنط أنا
غيث: تمام ؛يخرج عز و كلهم يضحكوا و يرفع جاد الموبايل
جاد: سمعت يا ست الكل هيعمل اي
موده: اه تسلموا يا شباب
غيث: اي خدمة يا ستي اهو نفذت اللي قولت عليه عايزك تعمله الاداب بقي
موده: من عيوني طبعا
ماهر: بت يا رحاب
رحاب: بت بت عاثز اي يا زوجي
ماهر: تعالي عايزك
رحاب: بلبس العيال لما اخلص
ماهر: تمام يا حبيبتي خلصي براحتك ربنا يحفظكم ليا
موده: لا مش ناقصين العشق الممنوع دلوقتي يلا يا شباب اجهزوا و احنا كمان نجهز يلا سلام و تقفل
ماهر: تفتكروا موده هتعمل اي في عز
جاد: طلبت مني شنط سودة
ماهر: هتموت اخويا
جاد بضحك: بهزر بس هتلعب معه لعب تقيل اوي
يوسف: احسن
ماهر: أنا نفسي اعرف انتوا بتعلموا اي
مروان: مفيش عادي
ماهر: نازلين طالعين ليه
موسى: نتاكد اني الشماريخ تمام
ماهر :المفروض اني اصدق
موسى: اه
ماهر: ماشي بس احنا كلنا في خطة واحدة بلاس تلعبوا لوحدكم
جاد: متخفيش يا اخويا متخفيش
*****
في الفندق عند عز في الجناح اللي كان هيقعد فيه هو و موده بدأ يجمع هدومهم
عز؛ احط كل الهدوم بتاعتها هنا و بدأ يحضر
عز: اعمل اي اعمل اي تعملي اي يا واد يا عز اه أخدها و نسافر دهب و أحضر ليها مفاجأة هناك صح أنا اكلم احمد هو يحجز و هيعمل كل حاجة زي ما أنا عايز بظبط و يطلع موبايل و يرن
:السلام عليكم عز باشا
عز: وعليكم السلام اي الاخبار
:الحمدلله يا باشا
عز: عايزك تحجزلي شالية كده عشان هنزل فيه اسبوع أنا و عروستي
:مبروك يا عز باشا تمام تحت امرك هبعتلك كذا شالية و اختار
عز: طيب تمام بس بسرعة يا احمد
:تمام يا باشا ربع ساعة و يكونوا عندك
عز: تمام تسلم
******
في جناح البنات
موده: اخر الاخبار
بيري: عز في الجناح بتاعكم بتاع الفندق بيحضر الشنط عشان تسافروا كلم حد عشان يحجز شالية في دهب
موده: دهب ليه انا عايزة اروح شرم
زهراء: دهب احلي بس يا فقر
موده: المفروض كنت اختارت المكان و قولت للعيال عليه
رحاب: مش مشكلة بقي حلو دهب
موده: تمام هنقعد قد اي
يارا: اسبوع
موده: اسبوع يلهوي أنا هفضل معه اسبوع لوحدنا و الحاجات اللي ناوية اعملها اقروا عليا الفاتحة
رحاب: هنفضل معكي علي الفون معظم الوقت اول ما تحسي أنه هجيب سكنية و يضربك كلمني علي طول و اجري
موده: سكنية في عينك يا حيوانة
رحاب: مش عشان اطمنك و اقولك متخافيش
يارا: انتي خوفتها اكتر
موده: قولي يا بنتي
زهراء: متخفيش عز اخويا عاقل
موده: جدا الصراحة عشان كده عامل كده و بيخطط من ورايا ماشي يا عز ماشي علي فكرة أنا لسه زعلانة منه بس بيقول أنه كان عايز يقولي في الاخر و الاول بس بردو كان المفروض يقولي من الاول عشان مش نبدا حياتنا بكدبة
رحاب: ربنا يصلح الحال يا موده
موده: يارب
بيري: يلا عشان تلبسي من الفستان هتنزلي مع عمو صابر
موده: لا
رحاب: موده مش للدرجة
موده: لو سمحت محدش يتدخل
رحاب: براحتك بس افتكري اني اي اب بيحب يشوف بنته عروسة
****
بعد مدة الكل خلص و العروسة جاهزة و العريس جاهز
بيري: عز هيجي يشوفك
موده: لا
رحاب: اهمدي هتنزلي من غير عريس
موده: تمام خلي يدخل
زهراء: ادخل يا عز
عز: السلام عليكم ورحمه الله وبركاته
:وعليكم السلام ورحمه الله وبركاته
عز: فين عروستي
زهراء: اهي يا اخويا
موده: رخم رخمة
عز: سمعتك علي فكرة
موده: ما تسمع خايفة منك ولا اي
بيري: مش عايزين خناق مش عايزين
عز: لفي يا بنتي خلينا نخلص
زهراء: كلمها كويس
عز: لفي يا مدام عز
موده: مدام عز في عينك
عز: طيب لفي يا وصية الرسول
موده: لا و انت عملت بيها اوي
عز: ما تلفي يا بت
موده لفت: نعم
عز: بسم الله ماشاء الله و كان رايح يحضنها
موده: ابعد
عز: لا اقسم بالله و يحضنها و البنات تزغرط
عز بهمس: شكلك حلو اوي
موده: و انت رخم اوي
عز: شكرا و يبعد عنها يلا عشان نتصور
موده: مش هتصور معك
عز: ما مع مين يعني أنا العريس
موده: اوف تمام يلا
****
بعد مدة يبدأ الفرح قاعة السيدات لوحدهم و الشباب لوحدهم ولا صابر ولا سليم شافوا موده و عز كل ما يحاول يروح قاعة الستات عشان يقعد مع موده الشباب يمنعوه زي ما طلبت منهم و الفرح كل حلو و موده رقصت مع البنات كتير مش ظهرت لحد اي حاجة و يخلص الفرح علي خير
في قاعة الستات كانوا كلهم واقفين يودعوا اهلهم عشان يمشوا و صابر كان واقف بعيد كان بتمني يشوف بنته و ياخدها في حضنه و يقدمها لعز
موده: احنا رايحين فين
عز: مفاجأة
موده: مش هروح معك مكان
رحاب: روحي يا موده
سليم: طيب رايحين فين يا بني بس
عز: يومين يا جدو نرجع
سليم: تمام هلي بالك من مراتك بردو مش تسلمي عليا يا موده مبارك يا بنتي
موده: الله يبارك في حضرتك
بيري بهمس: موده عمو صابر واقف بعيط هناك
موده راحت عنده و رفعت الكاب اللي وشها عشان يشوفها( اللي موجود محارم موده فقط )
صابر: بسم الله ماشاء الله قمر يا حبيبتي كان نفسي اسلمك لعريسك بنفسي سامحني يا بنتي أنا غلطان حقك عليا
موده مسكت أيده: سلمني لعريسي يلا يا حاج صابر و انت يا بني اقف هناك يلا
عز: أنا
موده: ايوه ما مين العريس اخلص يلا و بيري شغلي حاجة حلوة كده؛ بيري شغلت انت سندي انت ضهري
موده رقصت مع صابر علي الأغنية دي و صابر كان بيعيط و بس
موده باست رأسه مسحت دموعه
موده: بلاش عياط عشان مش اعيط
صابر: سامحني يا موده حقك عليا يا بنتي
موده: خلاص يا بابا محصليش حاجة
صابر: بجد
موده: اه
صابر: زعلانة و انا متاكد من كده
عز: يلا يا جدعان عايزين نسافر قبل ما الليل
صابر: خلي بالك منها
عز: في عيوني يلا بقي
موده: أنا عايزة اشوف حاتم
عز: هروح اخليه يجي
موده: تمام و يمشي عز
هيام: موده تعالي عايزكي
موده: نعم يا عمتو و تروح عندها
رحاب: هي عايزها ليه
بيري: احنا مالنا
رحاب: اروح اعرف
زهراء: يا بنتي اقفي جنبنا بقي
رحاب: لا لازم اعرف عشان انا شاكة في عمتو و تروح
يارا: شاكة في أي
بيري: لتكون طنط بتقولها تنسا اللي حصل و عز خلاص بقي جوزها و تتعامل عادي لا لا
زهراء: الخطة هتبوظ
يارا: عمتو و يروحوا كلها عندها
حسناء: في أي يا بت رايحين فين انتي يا زفتة يا رحاب تعالي هنا
رحاب: ثواني بس يا ست الكل و يروحوا كلهم عند موده و هيام
هيام: في أي
رحاب: واقفين عادي
هيام: و انا عايزة اتكلم مع موده لوحدنا
بيري: معلش يا طنط عشان احنا عايزين نظبط المكيب ليها
زهراء: ضروري يا طنط
هيام: و الله
يارا: اه يا عمتو
هيام: طيب انا عايزها اقولها حاجة
رحاب: أنا هقولها
هيام: بتقولي اي
رحاب: اي حاجة يلا ماما عايزكي
زهراء: اه ماما مش انتي بردو عايزة طنط هيام
هيام: حتي انتي يا مرات ابني
زهراء: معلش يا طنط ما احنا عارفين انتي عايزها في أي
هيام: اي ان شاء الله
بيري: حضرتك عايزة تعدي الموضوع و انها خلاص هي و عز اتجوزوا تنسا اللي فاتت و تبدأ صفحة جديدة
هيام: لا و الله أنا كنت جاية اقولها تربيبي عز و تعملوه يحترمها و مش يخبئ عنها اي حاجة بس كل حاجة باحترام مش بجنون
زهراء: و الله العظيم أنا حماتي سكر
هيام: حبيبتي فضحني في أي مكان كده
يارا: ما افتكرنا هتبوظي الدنيا يا ست الكل
هيام: لا يا ختي متخافيش يلا عشان حاتم اهو
حاتم: عروستي الجميلة فين و يروح عند موده
موده: حلوة
حاتم: جدا يا حبيبتي مبارك يا حبيبتي و باس راسها و حضنها و موده عيطت
حاتم: متعطيش بقي في عروسة قمر تعيط
موده: أنا بحبك اوي ربنا يحفظك ليا
حاتم: يا روحي أنا جنبك علي طول متخافيش أنا سندك محدش يقدر يعملك حاجة
عز: انت يا اخ ابعد عنها
حاتم: اختي و ملكيش دعوة
عز: ماشي شوف بقي هتقرب لأختي ازاي
حاتم: لما نكتب الكتاب بس يا عز ماشيز
عز: طيب ابعد عنها ده انت مش حضنتها كده
حاتم: أنا هوصلها لحد العربية
عز: ليه أن شاء الله
حاتم: بس يا بني يلا يا موده ارفعي الكاب ده و اخفي نفسك كويس
موده: حاضر يا حبيبي
عز: هو مين العريس
حاتم: أنا اخوها و خايف عليها ايوه كده قمر يا موده قمر
عز طيب ابعد عشان امسك ايديها
حاتم: امسكها من الناحية التانية
عز: ده انت مستفز
حاتم: اقولك حاجة احسن روح استنا عند العربية خدها مني هناك مش بهزر بتكلم جد يلا أخرج برة
عز: نعم
حاتم: يلا
نبيل: خلاص يا عز اطلع برة
عز: تمام يا بابا تمام و يخرج
موده: ربنا يحفظك ليا و عقبالك انت و زهراء يارب
حاتم: يارب يا حبيبتي يلا بينا و يمسك ايديها
****
قدام الفندق الشباب كلهم واقفين بالشماريخ و عز واقف متعصب
غيث: خلاص يا عز
عز: بس لو سمحت
ماهر: أختو و لازم يوصلها
عز: لا هو بيرخم عليا بس ماشي مش اسبوعين و يكتب علي زهراء ماشي يا حاتم
غيث: خلاص اهم خارجين يلا اقف بقي و الشباب ولعوا الشماريخ و البنات خارجين ورا موده بيرموا ورد و الزغاريط في كل مكان
حاتم: اتفضل يا سيدي اقسم بالله يا عز لو زعلتها مش هعرف هعمل فيك اي
عز: متخفيش في عيوني يا باشا
حاتم: ايوه كده و يحضن موده و ماسك ايديها
حاتم: بارك الله لكم و جميعا بينكم في خير
موده حضنته جامد و قعدت تعيط و هو الدموع نازلة من عيونه
رحاب: محدش يستغرب يا جماعة ده مش عشان وداع الاخوات ده عشان هم متفقين يقولوا الجملة دي يوم فرح كل واحد منها و يقعدوا يعيطوا دي طقوس عندنا
يارا: اه يوم فرح رحاب قولنها في البيت عندنا و عيطنا عادات
عز: خلاص يا جدعان انتوا
حاتم: خلي بالك منها
عز: في عيوني يا سيدي يلا يا موده اركبي
موده: هركب ورا
عز: سواق حضرتك أنا
موده: مش هعرف أقعد قدام من الفستان
عز: اه تمام اركبي و البنات يساعدوها تركب و عز يركب و يمشوا بالعربية
سهام: ربنا يسعدهم
:يارب
*****
في عربية عز
عز: مبارك
….
عز: تحبي تأكلي
…..
عز: لا مش بكلم نفسي أنا
موده: عايز اي
عز: تحبي تأكلي
موده: لا شكرا مش عايزة منك حاجة و ياريت تسكت
عز: ماشي
موده: احنا رايحين فين
…
موده: انا بكلمك
عز: مش قولتي اسكت
موده: أنا مش بهزر
عز: ولا أنا
موده: اوف رخم
عز: لا نبطل شتايم عشان مش انكد عليكي
موده: ده علي اساسا انك كنت مفرحني
عز: اه و شايلي البتاع الكاب ده متخافيش احنا في صحراء و غير كده محدش يقدر يشوفك جوا العربية
موده: تمام و تنزله
عز: قمر يا ناس
موده: اسكت
عز: ماشي و يشغل اغاني و تطلع اغنية اتنسيت بدون موسيقي كان يقفل
موده: سيبها
عز: هجيب حاجة تاني
موده: سيبها ما هي من غير موسيقي
عز: تمام و يسيبها و يعلي الصوت
هصدقك وأكذب عينيّ
ده إنت شوفت أجمل ما فيّ
وماكانش عندي أي نية
أنساك وتضيع من بين إيديّ
طال الغياب وهواك غلاب عشمان في ضي عينيك
مليون جواب متساب ع الباب اللي بترديه
ومش تحت طوعي فارقتني روحي من بعد لما مشيت
وما بين أنساك وبين نرجع قلبي اتقسم نصين
نص مش قادر يخبي
ونص رافض تبقي جنبي
موده بدموع: وكنت عارف هبقى وحدي اللي هخسر مرتين مرة لما رضيت بعيوبك ومرة لما داريت عيونك وإنت بتكذب ظنونك من البداية ما حبتنيش
عز: كفاية كفاية و يقفل الأغنية
عز: حرام عليكي
موده: حرام عليا أنا أنا اللي كذبت و عملت افلام أنا اللي كنت عارفة من فترة مش قولت ده انا حبيتك حب يا عز كان كل يوم بحبك اكتر من الاول كنت شايفك الدنيا كلها ده انا لما كنت بقولك كلمة طلقني دي كنت بموت لما كنت بقولها تعمل فيا أنا كده انا مش قادرة اسامح مش قادرة انسا طيب انت و جدو عادي بابا بابا طيب ازاي بجد ازاي انا حياتي كل ما تكون حلوا لازم تجي حاجة تخليها كده رينا يسامحك يا عز بس انا مش قادرة انسا
عز: أنا كنت هقولك و كنت بتخانق معهم عشان اقولك أنا حقيقي عارف اني غلطان و عارف انك زعلانة مني اوي بس انا بجد بحبك مش من يوم لما كنت بتكلمي مع جدو من ساعة ما قولتلك بحبك و انا بحبك بجد بس كنت بقول لجدو كده عشان لو اتاكد أننا بنحب بعض هيخلينا نبعد عن بعض عشان كل فكره هيكون اني هيبعدك عنه بس اقسم بالله بحبك و بعشقك و عارف لو قولت كلام من هنا للسنة الجاية مش كفاية بس أنا مش هقول كلام أنا هثبتلك اني بحبك
موده: لما نشوف بس لو سمحت أنا مش عايزة اتكلم معك
عز: تمام يا موده تمام
*****
في جناح ماهر و رحاب
رحاب: اه مش قادرة
ماهر: مالك يا حبيبتي
رحاب: تعبانة اوي و ما صدقت الولاد ناموا سند نام
ماهر: اه الحمدلله
رحاب: طيب الحمدلله أنا رايحة انام بس قرفانة اوي
ماهر: مالك يا رحاب انهاردة من الصبح شكلك فيه حاجة
رحاب: أنا شاكة في حاجة
ماهر في أي
رحاب: اني اكون حامل
ماهر: احلفي بجد
رحاب: انت فرحان
ماهر: اكيد انتي مش فرحانة
رحاب: مش عارفة طيب لما اتاكد الاول بكرة اجيب تست اجربه
ماهر: هروح اجيبه و اجي
رحاب: الوقت متاخر
ماهر: صيدليات بتكون مفتوحة طول الوقت
رحاب: طيب اطلبه هنا احسن
ماهر: صح بردو و يروح يكلمه و قعدت رحاب متوترة
رحاب: يارب بشرني بالخير
*****
في اوضة بيري، بيري بتكلم غيث
غيث: عقبالنا
بيري:هانت كلها اسبوعين
غيث: اه الحمدلله بيري لو انتي مكان موده هتعملي اي
بيري: حقيقي مش عارفة عشان انا مس حاسة بالوجع اللي موده فيه بس بيقول نكمل الخطة بتاعتنا يمكن عز يتغير
غيث: عز مفهوش حاجة عشان يتغير يا بيري هي الغلطة الوحيدة أنه مش قالها إنما هو بيحبها من زمان
بيري: بس هو قال عكس كده
غيث: اي كلام هو بيحبها من بدري قبل ما يعرف انها لعبة
بيري: طيب الحمدلله ربنا يحفظهم لبعض
غيث: يارب
*****
في بيت صابر كان صابر قاعد في اوضته زعلان و الباب يخبط و تدخل هيام
هيام: تعال يا حبيبي عشان تاكل
صابر: مش قادر
هيام: ليه يا صابر
صابر: كان نفسي اوي افرح بيها انهاردة كان نفسي تكون مبسوطة انهاردة انا كسرت فرحة بنتي في فرحها و الحنة اللي باظت و هي كانت مستنها بفراغ الصبر أما عملت حاجة كتير وحشة اوي لبنتي أنا مش عارف انا كنت موافق ازاي
هيام: طيب صل علي النبي
صابر: عليه الصلاة والسلام
هيام: انت غلطان يا صابر حتي لو جدها قالك كده تقف قدامه و تقوله بنتي اللي عايزها هو يجي مش اعمل خطة من جدها عشان تتجوز عز
صابر: عارف اني غلطان بس اعمل اي دلوقتي
هيام: لما ترجع كلمها و براحة معها و موده قلبها ابيض هتسمحك علي طول
صابر: هحاول باذن الله
هيام: يلا تعال عشان الاكل يلا بقي
*****
فيلا سليم في جناح ماهر و رحاب
ماهر كان قاعد متوتر مستني رحاب تخرج و بعد مدة تخرج رحاب
ماهر: اي
رحاب: أنا أنا
ماهر بزعل: مش حامل صح طيب بتعيطي ليه الحمدلله يا حبيبتي
رحاب بفرحة: أنا حامل أنا حامل يا ماهر
ماهر بصدمة: لا احلفي
رحاب: و الله حامل اهو
ماهر حضنها: مبارك يا حبيبتي مبارك ربنا يكلمك علي خير أما مش مصدق
رحاب: الله يبارك فيك فرحان
ماهر: أنا أنا مش قادر من الفرحة انا حاسس ولا كاني اول مرة يكون عندي اطفال
رحاب: ربنا يحفظلنا اولادنا و يحفظ البيبي اللي جاي
ماهر: يارب يا حبيبتي لكي عندي مفاجاة جميلة اوي اوي
رحاب: اي اي
ماهر: بقولك مفاجأة
رحاب: طيب هعرف امت
ماهر: بكرة باذن الله
رحاب: بحبك
ماهر: و انا بعشقك
*****
في الفجر عز و موده وصلوا دهب موده كانت نائمة
عز موده موده
موده: اي
عز: وصلنا يلا
موده: تمام و يساعدها تنزل
موده: ابعد عني
عز: مش هتعرفي تنزلي لوحدك
موده: ملكيش دعوة
عز: عنيدة موده نزلت
موده: احنا فين
عز: حجزت شالية عشان نقعد اسبوع هنا
موده: و مين قالك تعمل كده
عز: أنا قولت لنفسي
موده: و الله
عز: مش عايزين خناق احنا جاين نقضي وقت مع بعض حلو
موده: أنا مش عايزة اكلمك اساسا ولا تقعد معايا و يلا افتح عشان ادخل
عز: تمام و يفتح
موده: بسم الله ماشاء الله
عز: عجبك
موده: اه جدا … انت مالك
عز: لا كلمني حلو
موده: مش عايزة اكلمك اساسا
عز: براحتك
موده: هات شنطتي عشان اطلع اغير
عز: تحبي اساعدك في حاجة
موده: قولتلك ملكيش دعوة بيا
عز: يا بت هتقعي و انتي طالعة
موده: ملكيش دعوة بردو
عز: طيب اطلع الشنطة
موده: اه تمام و يطلعوا
عز: دي اوضتنا
موده: حلوة و بصلها باستغراب
موده: في أي
عز: الصراحة افتكرت هتخلني انام في اوضة لوحدي
موده: لا هتنام هنا عادي براحتك
عز: أن شاء الله يكرمك يا حبيبتي
موده: اخدت بيجامة و دخلت الحمام
عز: شكله اسبوع عسل يا واد يا عز
*****
في اوضة جاد كان بيصلي قيام الليل و بعد كده أقعد يقرأ ورد القران و أقعد يستغفر و موبايله يرن
موسى: أي يا باشا صاحي
جاد: اه
موسى: طيب عشان عشان نصلي الفجر
جاد: تمام هنزل اهو و يقفل و يقوم يخرج من اوضته
سهام: جاد فيك حاجة يا حبيبي
جاد: لا يا ماما أنا خارج
سهام: رايح فين
جاد: رايح اصلي الفجر
سهام: ربنا يتقبل منك يا حبيبي اللهم بارك خلي بالك من نفسك
جاد:حاضر عايزة حاجة
سهام: لا يا حبيبتي تسلمي
جاد: بعد اذنك و ينزل
سهام: اللهم بارك ربي اجعلني مقيم الصلاه ومن ذريتي ربنا وتقبل دعاء الحمدلله يارب الحمدلله
*****
في جناح رحاب و ماهر كانوا بيصلوا الفجر
ماهر بعيط: الحمدلله يارب الحمدلله
رحاب: مالك يا حبيبي
ماهر: بحمد ربنا علي النعمة اللي بعت لينا
رحاب: الحمدلله ربنا يحفظك لينا
ماهر: و يحفظك يا ست البنات
رحاب: تفتكر ولد ولا بنت
ماهر: اي حاجة يجيبها ربنا كويسة
رحاب: اه و لما تجي بنت تزعل
ماهر: يعني أنا زعلت لما جات نورسين بالعكس كنت فرحان اوي البنات دول رزق الانبياء كان عندهم بنات لو البنات خلفة مش حلوة ربنا مكنيش رزق بيها الانبياء بس بالعكس دول نعمة من ربنا و الحمدلله اهم حاجة اربيهم كويس و اخليهم يحبوا نفسه و حياتها ربنا يقدرني علي تربيتهم مش اخلي في يوم واحدة فيهم تنام في يوم زعلانة مني أو بتعيط بسببي
رحاب: خلاص قررت انها بنت
ماهر: لا ليه
رحاب: بتقول بالجمع يعني
ماهر: مش عندي بنتين أنا ولا اي
رحاب بابتسامة: ربنا يحفظ ليهم
ماهر: يارب يا حبيبتي
*****
في دهب عند موده و عز
موده خرجت من الحمام و كان عز قاعد علي السرير
عز: يخرابي يا ناس
موده بتوتر: عايز اي
عز: مش عايز حاجة هتصلي
موده: اه
عز: طيب اصبري اصلي معكي
موده: لا مش عايزة
عز: بت اصبري حتي الصلاة اصبري ثواني اتوضا و اجي و يدخل الحمام و موده تلبس اسدال
****
في الجامع عند الشباب كانوا كلهم بيصلوا هناك و الامام اشرف ابن عمة تيا
اشرف: بارك الله فيكم يا شباب
يوسف: اانا اول مرة اعرف انك أمام هنا
اشرف: ربك لما يهدي
مروان: ربنا يهدينا جميعا
اشرف: هتمشوا
موسى: اه
اشرف: لا اقعدوا بيكون في درس دلوقتي و بعد كده بنقعد نقرأ قران كده كده بكرة السبت يعني مفيش مدرسة اقعدوا
جاد: نقعد يا شباب
مروان: اه عادي
موسى: خلاص هنقعد كلموا اهلكم بقي عشان محدش يكون قلقان
****
فيلا سليم في اوضة نبيل و سهام
سهام: تمام يا حبيبي بس خلي بالك من نفسك
جاد: حاضر يا ماما و تقفل
نبيل: بتكلمي مين
سهام: جاد بيقول هيقعد في الجامع شوية عشان فيه درس
نبيل: اللهم بارك ربنا يهديه يارب
سهام:يارب يا حبيبي ربنا يحفظك لينا
نبيل: يارب
سهام: عايزة اكلم عز
نبيل: ليه مش كلمته من شوية و قالك واصل
سهام: عايزة أقوله براحة علي موده موده مسكورة منه
نبيل: متخفيش ابنك مش هعملها حاجة و غير كده هيخلها ترجع زي الاول معه ربنا يهديهم علي بعض
سهام: يارب
******
في دهب عند عز و موده
بعد ما صلوا عز أقعد قدام موده ماسك ايديها
موده: ابعد
عز بأس ايديها: كنتي عايزة تحرمني من اللحظة دي
موده: اه عشان عارفة اني نفسك تصلي بيا
عز: طيب كنتي عايزة تكسري بخاطري كده
موده: ما انت كسرت بخاطري يا عز كسرت بفرحتي في يوم اي بنت بتكون نفسها تفرح في اليوم الحنة اللي قعدت اخطط عشان اليوم يمشي زي ما أنا عايزة خلتني اكون احزن بنت فيه أنا اتكسرت اوي يا عز و انت السبب ده الفقرات اللي كانت عملها و الحاجات اللي كنتي مخطط اعملها كله باظ بسببك و كسرت خاطري انت اليوم ده انا زعلانة منك اوي بجد مش عايزة اكلمك مردتيش اكسر بخاطرك و خليتك تصلي بيا بس انت عملت العكس و كسرت فرحتي و خاطري و كل حاجة و قعدت تعيط
عز بأس راسها: حقك عليا و يقوم يخرج من الاوضة خارج من الشالية كله و موده قعدت تعيط
- يتبع الفصل التالي اضغط على ( رواية معلمة من الصعيد ) اسم الرواية