رواية حلوة زماني الفصل الثالث 3 - بقلم زهرة عصام

 رواية حلوة زماني (كاملة جميع الفصول) حصريا عبر دليل الروايات بقلم زهره عصام

رواية حلوة زماني الفصل الثالث 3 

حلوة زماني 3

يعني مش هتجيب حق القهوة 

المدرج كله ضحك و عمرو بصلها بغضب و قال:- 

برة يا شذي و متدخليش ليا محاضرة تاني 

شذي خرجت و عمرو كان لسة هيشرح تاني دخلت رأسها و قالت:- 

خليك فاكر إنك كلت عليا حق القهوة و دا شئ أنا مش هسكت عليه ابدا

عمرو أخدت ازازة الماية و حدفها بيها و هو بيقول:- 

اطلعي بره بدل ما أحوالك لمكتب العميد

شذي خرجت و هي بتضحك و قالت:- 

و رحمت أمي و أمك ما هسيبك النهاردة

دخلت تاني و هي بتقول:- 

مجاتش فيا يا دكتور مش عيب تبقي دكتور ملوي هدومك كدا و مش عارف تنشن

عمرو جاب اخره

جري ناحية الباب و شذي طلعت تجري و هي بتضحك و بتقول:- 

طلاق تلاتة هيجي يوم و يتهبل من عمايلي

عمرو قفل المدرج و أخد نفس و قال :- 

كدا نقدر نكمل المحاضرة

الطلاب كانوا كاتمين الضحكة جواهم عشان ميتعصبش أول ما بصلهم ضحك و هما ضحكوا و المدرج بقي كله بهجة

جني ضحكت و قالت:- 

يخربيت دماغك يا شذي دا هيعمل منك بوفتيك بس صبرا

عمرو استعاد جديته و قال :- 

نكمل بقي وقت الهزار هزار وقت الجد جد 

شذي بره بتتمشي لحد ما وصلت للمطعم

عم صالح حيات عيالك يا شيخ سندوتش بطاطس و اتوصي بالكاتشب ألا الواحد عمل مجهود كبير النهاردة

صالح بضحك :- 

انكرشتي تاني ؟

 .شذي :- أيوة هو أنا ورايا غير عمرو و أنه يكرشني قدام المدرج كله

برستيجي وقع في الأرض خالص يا عم صالح يرضيك ؟ 

صالح بضحك :- 

لا ميرضنيش

شذي لسه هتتكلم وقفت لحظة و قالت:- 

طب والله فكرة و أهو أطلع عينه كمان شوية قبل الوصلة المُعتادة

بصت لـ صالح و قالت بخبث :- 

واحدة قهوة كمان و حيات عيالك يا عم صالح بس بسرعة بالله عليك يا شيخ

صالح بتريث :- 

شكلك ناوية على حاجة كبيرة يا شذي 

شذي :- مش كبيرة أوي لكن هتفي بالغرض

شذي أخدت الساندوتش و حطيته في الشنطه و أخدت القهوة و جريت على المدرج

أخدت نفس و دخلت 

المدرج كله عينه عليه و عمرو وقف شرح و بصلها بشرا.ر فقالت بابتسامة سمجة:- 

أنا قولت بما إنك مش راضي تدفع حق القهوة أجيب اتنين قهوة واحدة ليا و واحدة ليك و نقعد نتفاوض على حق القهوة اللي دلقتها في الحلم و هنوصل لحل أكيد

صوت الضحك في القاعة بقي مسمع و شذي بتبص لـ عمرو اللي ضغط على ايده فقالت :- 

ورحمت أمك ما إنت عامل حاجة ، قهوة اية إللي نتحاسب عليها إحنا بينا الكلام دا برضوا ، خُد القهوة أهي و هات الخشبة دي لحسن تفتـ ـح نفوخي و انت متعصب كدا 

   •تابع الفصل التالي "رواية حلوة زماني" اضغط على اسم الرواية