رواية وصية الفصل الرابع 4 - بقلم ايمان السيد

  رواية وصية كامله بقلم ايمان السيد عبر مدونة دليل الروايات 

 رواية وصية الفصل الرابع 4

 

-عند حبيبه بتبقي مخنوقة ومش مصدقة وبتقول لماماتها يلا عشان يمشوا ويلحقوا يروحوا وبيمشوا..

-بيوصلوا البيت وبيكونوا تعبانين وكل واحدة بتطلع تناام وتأتي يوم الصبح حبيبه بتنزل بتلاقي نوارة تحت..

-‏حبيبه: انتي نوارة صح؟

-‏نوارة: آه

-‏حبيبه: ما شاء الله عليكي جميلة خالص

-‏نوارة بملامح جامدة: تسلمي

-‏بتلاحظ حبيبه إن نوارة مش طايقاها وبتلاحظ نظرات محمد ليها..

-‏نوارة: مرت خالي فين ؟

-‏حبيبه: مش عارفه تلاقيها في المطبخ وبتروح نوارة على المطبخ وحبيبه بتقول لمحمد..

-‏حبيبه: طالما بتحبها كدة ومش عارف تشيل عينك من عليها كان ايه اللي جبرك على كدة

-‏محمد: جفلي علي الموضوع ديه مش عايز فيه كلام واصل

-‏حبيبه: والله انت حر وبتسيبه وتمشي وبتروح على المطبخ بتلاقي نوارة بتكلم مرات عمها..

-‏نوارة: مرت خالي امي بعتالك الحاجة دي

-‏هدي: ماشي يا حبيبتي تعبناكي

-‏نوارة : ولا تعب ولا حاجه يلا عايزة حاجة

-‏هدي: متجعدي شوية يا بتي

-‏نوارة: معلش يا مرت خالي ورايا حاجات كتير ولازم اروح عشان اخلصها..

-‏هدي: ماشي يا بتي ربنا يعينك وبتخرج نوارة من المطبخ بتلاقي حبيبه في وشها وبتقولها..

-‏حبيبه: نوارة ممكن أتكلم معاكي شوية

-‏نوارة: لاه معلش مش فاضية

-‏حبيبه: معلش مش هاخد من وقتك كتير

-‏نوارة: اتفضلي

-‏حبيبه: طيب تعالي معايا وبتروح نوارة مع حبيبه في الحديقه الخلفية وبتقولها..

-‏حبيبه وهي بتتمشي قدام نوارة: انا عارفه انك مش طايقاني ولا حباني من أصله..

-‏نوارة: ليه يعني كتي عملتيلي حاجه

-‏حبيبه: نوارة متضحكيش عليا أنا عارفة اللي بينك وبين محمد..

-‏نوارة: كان اللي كان لكن دلوجتي مبجاش في حاجه واصل ولا هيبجي من أصله

-‏حبيبه: نوارة أنا عايزة اقولك إن والله العظيم انا كمان مجبورة على الجوازة والعيشة دي والسبب ايه تصوري السبب وصية وصية جدي وصية اتقالت في وقت مفيش فيه نقاش واللي قالها مفكرش تلت ثواني ولا حسب انه كدة بيدمرنا أنا عايزة اقولك إن مش انتي لوحدك اللي اتوجعتي أنا كمان اتكسر قلبي أنا كمان حب حياتي ضاع مني أنا كمان عايشة مقهورة بس لازم احترم الشخص اللي متجوزاه حتي لو مش برضايا حتي لو مش عايزة..

-‏نوارة: انتي كمان كنتي عتحبي حد؟؟!!

-‏حبيبه: أيوة ابن خالتي وكنا متفقين على الجواز بس بابا الله يسامحه قاله معنديش بنات للجواز وجوزني غصب عشان وصية جدي وعشان عمي مصطفى يرضي عنه حتي امي حاولت معاه اكتر من مره وزعقلها جامد وقالها متتكلمش في الموضوع ده تاني..

-‏نوارة: وانتي عرفتي منين اللي بيني وبين محمد ؟؟!!

-‏حبيبه: شايفة البلكونة دي.. دي بلكونة اوضتي بتطل على هنا كنت أنا واقفة بعيط وبفكر اعمل ايه بس مكنتش عايزة حد يشوفني وقولت أن موقعها كويس وفجأة لقيت في صوت عالي وطلع صوتك انتي ومحمد وعرفت وبهدلت محمد بس اعمل ايه ما باليد حيله والله غصب عني..

-‏نوارة: مكدبش عليكي أنا كنت كارهاكي لكن دلوجتي انتي اتظلمتي يمكن اكتر مني كمان.. خلاص يا بت خالي محصلش حاجه ومن اهنه ورايح انتي بجيتي زي خيتي حسنه..

-حبيبه: ده شرف ليا والله..

-نوارة: طيب همشي أنا بجاا

-حبيبه: ماشي.. مع السلامه وبتمشي نوارة وبتدخل حبيبه البيت تاني بتقابل محمد في وشها.. ‏

-‏محمد: كنتوا بتتحدتوا في أيه كل ديه

-‏حبيبه: وانت مالك..

-محمد: لا بجولك ايه اتعدلي والا تلاته بالله العظيم لزعلك مني..

-‏حبيبه: والله م كنا بنتكلم في حاجه أنا كنت بفهمها سوء التفاهم اللي حصل بيناا لأن من الواضح أنها كانت كارهاني على الاخر..

-‏محمد: هحاول اصدجك..

-‏حبيبه: صدق او متصدقش دي حاجه ترجعلك بس هو ده اللي حصل ووسع بقاا كدة وبتمشي حبيبه وبتطلع على اوضتها..

بعد شهرين بيعدوا بنفس الروتين ما بين خناقات حبيبه ومحمد بييجي يوم محمد وحبيبه في الاوضة..

-حبيبه: ايه يا محمد انت تعبان ولا ايه

-‏محمد: لا مفيش حاجه

-‏حبيبه: لا والله اكيد فيك حاجه انت بقالك كاام يووم مش مظبوط كدة هادي زيادة عن اللزوم ومبتتخانقش ولا حاجه خالص..

-‏محمد بهدوء: انتي عايزاني اتخانج معاكي ؟

-‏حبيبه: لا مش القصد بس حسااك مش مظبوط هو حصل حاجه..

-‏محمد: لا مفيش حاجه أنا بس مخنوق..

-‏حبيبه: أيوة صح ازاى تاهت عن بالي انت في الحالة دي من يوم ما كانت عمتك سعاد هنا وبابا وعمي متجمعين ايه اللي حصل ؟؟

-‏محمد: أنا هحكيلك عشان أنا هطج من جنابي لو متكلمتش ومش عارف اتكلم مع مين وعشان عارف انك معتحبنيش فمش هيفرج معاكي..

-‏حبيبه: ياااه هو الموضوع كبير كدة

-‏محمد: عمتي سعاد لما كانت هنا كانت بتجول إن في كذا عريس اتجدموا لنوارة وكلهم مفيش فيهم حاجه عفشة بس نوارة هي اللي مش رايدة وبترفض..

-‏حبيبه: وانت إيه اللي مدايقك إن نوارة هتتجوز وهتنساك طيب ما ده حقها م انت بعتها ومدافعتش عن حبك ليها ولا عن حقك فيها

-‏محمد: حجي؟؟!!!

-‏حبيبه: طبعاً حقك مش انت وهي عندكوا نفس المشاعر بس الفرق أنها حافظت على مشاعرها تجاهك لكن انت دوست عليها للاسف تحت مسمى وصية طيب بالله عليك ده كلام يعقل؟؟!!

-‏محمد: انا خايف أنا كنت في لاول مطمن قولت هي عتحبني أنا وهي مش كبيرة اوي فمحدش هيتجدم او حتي لو حد اتجدم كنت برفضه من بره بره ولو راح لعمتي أو جوزها كت بجولهم انا هسأل عليه وكنت بطلعه عفش وبطلع فيه الجطط الفطسانة عشان يترفض وكان بيترفض لكن دلوجتي مش عارف اعمل ايه..

-‏حبيبه: علي فكرة لسة فيه وقت دافع عنها وعن حبك ليها انت المفروض راجل وقادر تعتمد على نفسك ومش محتاج ورث ولا حاجه اظن كده فكر في كلامي كويس يا ابن عمي عن أذنك..

تحت بتكون العيلة متجمعة وسعاد قاعدة بتحاول تقنع في نوارة لحد ما بتتعصب..

-سعاد: يا بتي اسمعي كلامي تكسبي الراجل زين ومفيهوش حاجه عفشة واصل..

-‏نوارة: مارايداهوش ياما مش عايزاه ومش موافجة عليه ومش عايزة اتجوز من أصله..

-‏محمد بينزل على الصوت بيلاقي سعاد ضربت نوارة بالقلم..

-‏سعاد: انتي بت جليلة الحياا بت أنا عمالة اسايس فيكي بجالي كتير عنك ما وافجتي هتتجوزيه يعني هتتجوزيه حتى لو غصب عنك ومش برضاكي..

-‏محمد: لاه يا عمتي اني مش موافج..

-‏سعاد: جراا إيه يا عين عمتك وانت الموضوع يخصك في إيه من اساسه..

-‏محمد بقوة: لا يخصني ويخصني اوي كمان نوارة مهتكونش لغيري واااصل

-‏سعاد بصدمة: انت بتجول إيه عااد انت واحد متجوز..

-‏محمد: كفاية بجاا كفاية دوس عليا وعلى جلبي أنا استحملت كتيير عشان وصية ملهاش لازمة اني خلاص جررت اطلج حبيبه واكتب على نوارة..

• يتبع الفصل التالي اضغط على ( رواية وصية ) اسم الرواية