رواية وصية الفصل الخامس و الاخير 5 - بقلم ايمان السيد

 رواية وصية كامله بقلم ايمان السيد عبر مدونة دليل الروايات 

 رواية وصية الفصل الخامس 5

 

-مصطفي: انت اتخبلت ايااك ولا ايه؟؟!!

-‏محمد: لاااه يا بوي متخبلتش ولا حاجه أنا رجعت لعجلي بس وبعدين أنا ليييه اجبل بحاجة زي ديه ليه ادوس على جلبي وجلب نوارة عشان ايه عشان وصية ملهاش لازمة؟؟!!

-‏نادر: ملهاش لازمة انت بتسمي وصية ابوي حاجه ملهاش لازمة كيف ديه عااد دَ انا غصبت على بتي عشان وصية ابوي وتيجي انت بكل بساطة تجول ملهاش لازمة..

-‏محمد: أنا آسف يا عمي بس حضرتك اللي غصبت على بتك يعني محدش فينا ليه صالح حضرتك اللي مشيت ورا كلام جدي وخلاص ولا راعيت شعور بتك ولا حتي شعوري أنا مش لايم عليك من نحيتي عشان محدش فيكوا كان يعرف اني عحب نوارة وإن هي كمان بتحبني بس لايم عليك من ناحية بتك وانت عارف انها عاشجه ابن خالتها وانه كان متكلم عليها وكت مديه كلمة اني عايز اسألك سؤال معلش حضرتك زمان وجفت قصاد الكل واولهم جدي وركبت دماغك واتجوزت مرت عمي ياسمين وحتي لما حنيت وجيت بعد كام سنة يمكن جدي يرضى عنك وبرضك كان مرايدش يسامحك وجالك اعتبر ابوك مات وحتي في الوجت ديه خدت مرتك وبتك ومشيت ومرجعتش تاني غير يوم موتة جدي ولما جال الكلام ديه انت نفسك معترضتش وابوي طبعا الكلام عاجبه عشان الورث ميعروحش لحد غريب..

-‏نادر: طيب ما انت نفسك معترضتش ولا حتى دافعت عن حبك لايم عليا ليه دلوقتي..

-‏محمد: كت غلطان وغلطان جوي جوي كمان كت مفكر اني بعمل الصح وإن لازم وصية جدي ومن بعديها كلام ابوي يمشي بس للاسف طلعت غلطان ودوست على نفسي مش لوحدي لاه دَ أنا وحبيبه ونوارة كمان ومحدش جدر يفتح بوقه بنص كلمة طي طيب معلش جولى حاجه ليه نوافج ونفذ وصية اتجالت من واحد جبل ما يموت وهو نفسه مفكرش فينا شوية ليه كلكوا ظلمتونا كده نهاية الكلام أنا هتجوز نوارة أجده ولا اجده..

-‏نادر كلام محمد فوقه وخلاه يعرف قد ايه هو غلطان ومازال مستمر في غلطه وقال لنفسه أنه لازم يصلح الغلط ده..

-‏نادر: معاك حج يا ولدي انا فعلاً كت غلطان وحجك عليا يا بتي اني ظلمتك وغصبتك على حاجه أنا عارف إن دي أول مرة اغصبك على حاجه بس صدقيني هتبقي آخر مرة انا معاك يا محمد في اللي انت هتعمله وموافج انك تتطلج بتي وتتجوز نوارة هي برضه بتي واتمنالها الخير ومرضلهاش كسرة الجلب أنا معاك يا ولدي في اللي انت رايده..

-‏سعاد: جراا إيه من ليه هو اني بتي لعبة ولا ايه شوية تحبها على مزاجك وشوية تسيبها ودلوجتي جاي عايز تتجوزها؟؟!!..

-‏محمد: أنا عارف اني غلطان يا عمتي بس صدجيني انا فوجت والله وبطلب يدها منك..

-‏حبيبه: وافقي يا عمتي محمد بجد بيحب نوارة من قلبه وهي كمان برضه والله

-‏سعاد: وانتي يا بت اخوي موافجة على الكلام ديه موافجة أنه يطلجك ويتجوز بتي!!

-‏حبيبه: كلنا عارفين هنا ظروف جوازي من محمد يعنى من الأساس مكنش في بينا حاجه أصلا بل بالعكس انا بتمنالهم هما الاتنين كل الخير.. ده كله ونوارة مصدومة ومش عارفه تتكلم ولا تقول حاجه..

-‏مصطفي: خلاص كل واحد فيكوا جرر خلاص كلمتي مبجاش ليها لازمة خلاص مبجاليش عوزة..

-‏محمد: العفو يا بوي انت الخير والبركة وكلنا تحت طوعك وأكيد كلمتك مسموعة وليها لازمة وتمشي علينا كلنا بس اني عارف انك مترضاش كسرة جلبي أو كسرتنا كلنا..

-‏مصطفي: عتحبها جووي يعني

-‏محمد: جوي جوي يا بوي

-‏مصطفي: انا عايز اجولك اني بجالي شوية بفكر اني ظلمتك ولا لاه وكلامك لعمك نادر فوجني جبله والله يا بني حجكوا عليا وانتي يا حبيبه حجك عليا يا بتي اني مش وحش وااصل اني عارف إن اكيد وصلك فكرة عفشه عني وانك مش طايجاني حجك عليا اني ظلمتك وانتي يا مرت اخوي حجك عليا اني مشوفتش منك حاجه عفشة وكت ظالمك برضك حجكوا عليا كلكوا اما انتي يا نوارة فـ انا مظلمتكيش يا بتي اني مكتش أعرف من أصله بس ملحوجة تجدر تطلج حبيبه يا بني وتتجوز نوارة وكل واحد ينام على الجنب اللي يريحه ويكون مع اللي عيحبه..

-‏كلهم بيفرحوا جدا بالكلام ده ومحمد بيقول لحبيبه..

-‏محمد: اني عايز اجولك حاجه حجك عليا متزعليش انا مكنش جصدي ارخم عليكي واطهجك في عيشتك بس اني مكتش طايجك الصراحة بس والله دلوجتي بجيتي ليكي معزة عندي كيف خيتي بالظبط واني من اهنه ورايح اخوكي الكبير من لحظة م اطلجك ولا كأن حصل حاجه..

-‏حبيبه: استبيا يا كبير..

-‏محمد بياخد نفس: حبيبه انتي طالج..

-‏حبيبه: روح يا شيخ الله يسترها عليك 😂 وبتقولهم حبيبه..

-‏حبيبه: يا ماما انتي وبابا يلا عشان نجهز الشنط ونرجع بيتنا..

-‏هدي: مستعجلة ليه يا بتي بس منتوا جاعدين شوية..

-‏حبيبه: الفرح زارنا هنا عايزة اخليه يزونا هناك برضه عشان ميبقاش حراام علياا وبعدين متقلقيش هاجي علي طول بس المرة دي مش هبقي لوحدى هبقي ماسكة ايد زوجي قرة عيني وبيضحكوا كلهم وبيطلعوا يجهزوا الشنط وبيسافروا وأول م بيوصلوا حبيبه بتروح على خالتها على طول بتخبط وخالتها بتفتحلها..

-‏حبيبه بفرح: رورو يا رورو باركيلي يا خالتو..

-‏راوية: مبارك يا حبيبتي بس على إيه؟

-‏حبيبه: انا اتطلقت يا خالتو اتطلقت خلاص الحمد لله..

-‏راوية: انتي فيكي حاجه يا بنتي هى في واحدة تبقي فرحانة كدة لما تطلق؟؟!!

-‏حبيبه: استني انا هحكيلك وبحكيلها حبيبه كل حاجه وبتفرح راوية جدا وحبيبه بتقولها..

-‏حبيبه: خالد موجود يا خالتو؟

-‏حبيبه: لا خلاص مبقاش في حزن تاني كل اللي جاي فرح وبس وبتقوم حبيبه وبتروح على اوضة خالد وبتقعد تخبط لحد م بيفتح..

-‏خالد بصدمة: حبيبه انتي هناا بجد ؟!

-‏حبيبه: أيوة يا خالد أنا هنا وهفضل هنا ومش همشي من هنا تاني تسمحلي اخطفك واتجوزك..

-‏خالد: انتي مجنونه ولا في حاجه في دماغك..

-‏حبيبه : اصبر بس قبل م تكمل انا هحكيلك وبتحكيله حبيبه كل حاجه وبيفرح خالد جدا..

-‏خالد: بجد يا حبيبه بجد انا مش مصدق يعني أنا مش بحلم يعني خلاص هنعرف نتجوز انا مبسوط اوي اوي اوي والفرحة مش سايعاني أنا من كتر فرحتي مش عارف اعبر عنها ازاي يلا نتجوز دلوقتي..

-‏حبيبه: ايه حيلك حيلك مش كده اصبر بس شوية..

-‏خالد: لا بقولك ايه خلاص أنا صبرت بما فيه الكفاية خلاص يا حبيبتي أنا قتيل انهارده مليش فيه..

-‏حبيبه: خلاص اتكلم مع بابا وحدد معاه ميعاد

-‏خالد: من غير ما تقولي أنا هعمل كدة

-‏حبيبه: انا بجد مبسوطة اوي يا خالد الحمد لله حقيقي ربنا كريم عوضنا وعوض صبرنا خير.. أنا بحبك يا خالد..

-‏خالد: وخالد بيموت فيكي وبيعشقك والله العظيم..

-‏دق قلب عاشق فلا مفر ❤️

• يتبع الفصل التالي اضغط على ( رواية وصية ) اسم الرواية