رواية جواز صعيدي كاملة بقلم نادية محمود عبر مدونة دليل الروايات
رواية جواز صعيدي الفصل السابع 7
شـ.. ـوق
كانت أول كلمة تطلع من سليم بعد م بدأ يفوق
الكل اتلفوا حواليه
سليم بتعب: شـ.. ـوق أنـ.. ـتي زيـ.. ـنـة
شوق بدموع: اممم
سليم لف برأسه ناحية إيمان
سليم: إيمان يـ حبيبتي أنتي زينه
إيمان بدموع: زينه ي خوي طول م أنت في ضهري هفضل زينه بس إنت تچوم ليا
محسن بسره: يااااه يـ محسن علي اللي كنت هتسويه كنت هتظلم بتك و ابنك
سامحني ي بني سامحني
فتحية بدموع: كيفك ي ولدي… اكده تخضني عليك
سليم قام عشان يتعدل شوق قربت منه ومسكته عادلته
سليم: أنا عايز امشي من إهنه
مالك: مش هينفع أنت لسه طالع من العملية
سليم: أنا زين اهو… وانتوا عارفين زين إني مابحبش چاعده المستشفيات
وبدأ يفك الكانوله وبيحاول ينزل الكل بيحاول يحوشه وهو برضوا مصمم وقرروا ينادوا علي الدكتور
الدكتور: أنت بتعمل اي أقل حاجه تقعد معانا اسبوع
سليم: أسبوع أمـ ـك أنا هطلع النهارده چبل بكرا
مالك: خلاص يـ دكتور ممكن تعين لينا ممرضه تهتم بيه لحد م يتحسن… وهنوفر كل حاجه في البيت
الدكتور: براحتكم… بس مش هينفع يطلع قبل بكرا
مالك: خلاص بكرا تعمل لنا إذن الخروج
“” “” “” “” “” “” “” “”
في مصر
مروان: أنتي لازم تهربي من هنا النهارده قبل بكرا
رهف: أهرب؟! أنت بتقول أي يـ مروان
مروان: ادخلي اوضتك حطي مكانك مخدات وغطيها ولمي حاجاتك يلااا بسرعه
وفعلا رهف سمعت كلام مروان و وضعت المخدات بوضع النوم وجهزت شنطة الضهر بتاعتها ولقت الباب بيخبط
مروان: خدي النقاب ده البسيه عشان محدش يشوفك
رهف: وصلت لـ نقاب لا بقا انت لازم تفهمني
مروان حكي لـ رهف كل اللي سمعه وهي كدا فهمت مقصدها لما سمعتها بتقول”أهم حاجه المبلغ يكون حلو دي فلقة قمر”
رهف: طب يلا نمشي من هنا
مروان: مش هينفع أجي معاكي لازم أفضل عشان مش يشكوا وانتي تنزلي تركبي قطر…..
قطعهم خبط الباب
مروان: هشوف مين وانتي تلبسي وتنزلي من سلم المطبخ
مروان: ايوا يا بابا
أشرف: فين أختك
مروان: نايمه أصلها جت تعبانه من الدرس
أشرف: طب وسع أشوفها أنت واقف علي الباب كدا لي
مروان: لا يـ بابا بقولك تعبانه كدا ممكن تصحي وانت عارف لما بتصحي مش بتعرف تنام تاني
أشرف: طيب
——-
رهف ماشيه مش عارف راحه فين كل اللي تعرفه إن مروان قالها تركب القطر
وأخيرا وصلت علي المحطة وكان القطر بيتحرك جريت عشان تلحقه لقت شخص واقف نادت عشان يساعدها
الشخص أنتبه لها ومدلها أيده وسحبها لجوا
رهف: شكرا لحضرتك
الشخص: علي أي بس
راحت قاعدت جمب ناس وهي مرعوبه الدنيا كانت ليل والوقت متأخر
قررت تنام لحد م القطر يوصل
بعد 5ساعات
_چومي ي بتي… دي أخر وجهه للچطر
رهف بنوم: نعم
_دي أخر محطة أنزلي يلا
رهف نزلت ومش عارفه هي وصلت فين وكان الصباح بدأ في الظهور
طلعت الفون ترن علي مروان لقته فاصل… قررت تواجهه مصيرها بنفسها وبدأت تمشي في الشوارع لحد م لقت مكان في زحمه قعدت في جمب
“” “” “” “” “” “” “” “”
في الصعيد
الدكتور كتب لـ سليم علي خروج واتعين ليه ممرضه تهتم بيه وبعلاجه
في سرايا
مايا (الممرضة): علي مهلك يـ سليم بيه خليني اساعدك عشان تنام
شوق بصوت منخفض: اللهي تنام عليكي حيطه يـ بعيده
سليم سمعها وابتسم
مايا: بتقولي حاجه يـ مدام
شوق: بقول كتر ألف خيرك هنتعبك معانا
مايا بصت لـ سليم بهيام وإعجاب
مايا: سليم بيه فداه أي حاجه أهم حاجه صحته
شوق: اااه صحته برضوا
مايا بإستغراب: اومال اي يـ مدام
شوق: ولا حاجه يروح قلب المدام
(بهمس) انتي عايزه حد يأخدك علقه مظبوطه
سهي: أنت كويس يـ سليم… عامل اي دلوقت
شوق بهمس: ألعب… اهي كملت
شوق: أنا هخرج اشم هوا بدال م أجبهم من شعرهم يـ ماما
فتحية بضحك: طيب ي بتي خلي بالك من روحك
شوق: بس انتي خلي بالك من ابنك ليتشقط عيني عينك كده
فتحية بضحك: اهدي لتولعي
شوق: وانتي كمان ماشي…
“” “” “” “” “” “”
عند رهف في الليل
غلبها النوم ونامت علي الرصيف وبعد شوية قامت علي صوت حوليها… كانوا شوية شباب سكرانين
رهف بخوف: انتوا مين
واحد: تعالي وانا أقولك
رهف خافت ورجعت لورا
واحد تاني: مش تخافي ي قطه هنريحك في المبلغ
وجه يمسك ايدها قامت ضرباه بالكف وجريت
اتعصب عليها وجريوا وراها
وهي فضلت تجري بأقصي سرعه مش عارفه بتروح فين المهم انها تتخبا منهم و استخبت ورا شجرة بعد م تعبت من الجري
فجأه حد شدها من ايدها وكتم بقها بأيده
- يتبع الفصل التالي اضغط على ( رواية جواز صعيدي ) اسم الرواية