رواية الورث الفصل السابع 7 - بقلم نورا سليمان

  رواية الورث كاملة بقلم نورا سليمان عبر مدونة دليل الروايات 

 رواية الورث الفصل السابع 7

 

سيف:بردو مش هتتكلمي وتقولي قتلتيه ليه

شيماء:والله العظيم ما قتلته…..انا معرفش ازاي دا حصل

سيف:يعني ايه متعرفيش ازاي دا حصل……السكينه عليها بصماتك وولاد عم المجني عليه قالوا انهم شافوكي وانتي ماسكه السكينه وواقفه جمبه

شيماء:بس دا مش معناه اني قتلته

سيف:اومال معناه ايه

شيماء:معرفش…..انا معرفش حاجة ولا فاهمه حاجة من اللي حصل……انا كنت برا البيت اصلا

سيف:اومال حضرتك كنتي فين

شيماء:كنت عند طارق اخويا في مكتبه ……اول ما روحت لقيت خالد مرمي علي الارض وغرقان في دمه

سيف:وبالنسبة لبصماتك اللي كانت علي السكينه اللي اتقتل بيها ……بصماتك اتحطت بالغلط هي كمان علي السكينه ولا ايه

شيماء:مكنتش في وعيي……انا اول ما شوفت خالد بالشكل ده مكنتش عارفه بعمل ايه ولا بتصرف ازاي……مسكت السكينه وانا مش في وعيي ولا كنت عارفه انا بعمل ايه

سيف:هو انتي مفكراني اهبل علشان اصدق الكلام اللي انتي بتقوليه دا…….احسنلك تعترفي عن نفسك وتقولي ايه اللي خلاكي تعملي كده

شيماء:قولتلك انا مقتلهوش……انا لا يمكن افكر اني اقتل جوزي لاني بحبه وهو كمان كان بيحبني……بس اعرف مين اللي ليه مصلحه في موت خالد واللي عمل كده

سيف:وحضرتك بقي شاكه في مين

مسحت دموعها بصتله وفضلت ساكته

مسكوا ايديها ونزولها من العربيه ……مشيوا جمبها وفضل مسندنها…….ساكته ومش بتتكلم……الدموع علي وشها……دخلوها القصر وقعدوا علي اقرب كرسي…….قعد قدامها علي الارض ومسك ايديها

فايز: فاطمه…..اللي انتي بتعمليه دا مش هيغير حاجة……اخوكي في مكان احسن من هنا بكتير

فاطمه:اخوك مات يا فايز……حذرته من مراته دي كتير بس مكنش بيسمع كلامي……لحد ما وصلت انه يبعنا احنا ويختارها هي…….وادي اخرتها……مات قبل حتي ما يودعنا يا فايز…….انا مش مصدقه اللي حصل

فايز:صدقيني يا فاطمه حق اخوكي هيرجع…..واللي اسمها شيماء هتدفع تمن اللي عملته دا غالي……بس علشان خاطري يا فاطمه بلاش تعملي في نفسك كده…….متوجعيش قلبي عليكي انتي كمان يا فاطمه

رحمه:انا مش عارفه ايه اللي بيحصلكم دا يا ابني……من يوم موت جدكم وانتو مش ملاحقين علي المصايب……في الاول الحادثه اللي حصلت مع نور واللي مخلياها في الغيبوبه دي لحد دلوقتي……ودلوقتي شيماء وقتلها ل خالد الله يرحمه

جمال:الله اعلم الدور الجاي علي مين يا داده……ربنا بيخلص حق كل واحد من اللي ظلمه

كريم:تعرف تسكت…….اللي انت بتقوله دا ولا وقته ولا مكانه يا جمال

جمال:عندك حق…..دا لا وقته ولا مكانه……انا هروح المستشفى ل نور اطمن عليها

زياد:استني انا هاجي معاك يا جمال…..وانت يا كريم خليك هنا مع فايز علشان العزا……داده خدي فاطمه وعلياء طلعيهم اواضهم يرتاحوا شويه

مشيوا من القصر…….راحوا علي المستشفى……شافوها من بعيد وهي نايمه علي السرير والممرضين بيزقوا السرير……الدكتور خرج ورا الممرضين……جروا وراه بخوف

جمال:في ايه يا دكتور……انتو واخدين نور ورايحين علي فين

اتكلم وعلي وشه ابتسامه

الدكتور:متقلقوش…..حاله الانسه نور بدات تستقر وبقيت احسن كتير عن الاول…..احنا خرجناها من العنايه وحطناها في اوضه تانيه……ان شاء الله تفوق في اقرب وقت…..عن اذنكم

سابهم ومشي…..حضنوا بعض من الفرحه

زياد:مش قولتلكم ان نور عمرها ما هتستسلم للموت ابدا…….الحمدلله انها خرجت منها بالسلامة

جمال:الحمد لله يا زياد…..انا مفقدتش الثقه للحظه ان ربنا هيشفيها ويرجعها لينا من تاني……انا هتصل بيهم واقولهم علي الخبر دا

زياد:وانا هروح اشوفها

سابه ومشي……دخل الاوضه وقف قدام الممرضين واستني لما يخرجوا…..خرجوا وقفلوا الباب…..قعد جمبها ……مسك ايديها وبدا يتكلم

زياد:كنت واثق انك هتخرجي منها يا نور……مينفعش اصلا انك متقوميش تاني……انا واثق ان اللي حصل دا مش حادثه عاديه وان وراها حد عمل كده……وانا مش هسكت غير لما اعرف مين دا…….عايزك تقومي في اقرب وقت علشان احنا كلنا خايفين عليكي يا نور……مش عايزين نخسرك زي ما خسرنا خالد انهارده…….كلام جدو عن شيماء طلع صح……طلعت اسوء انسانه ممكن حد يقابلها…….لما ملاقيتش فايده من جوازها من خالد ولا عرفت توصل ل فلوسه قتلته يا نور…….انا عمري ما كنت اتخيل اني ازعل لو حد فيكم حصله حاجه بس اللي حصل عكس كده…….انا من يوم الحادثة بتاعتك دي وانا كل يوم بدعي ربنا انك ترجعلنا بسلامه وميحصلكيش حاجه وحشه……كنت اكتر واحد خايف عليكي وكنت حاسس ب احساس اول مره احسه تجاه حد……انا مش عارف ايه الاحساس دا وليه انا كنت خايف عليكي اوي كده مع انك اكتر واحده كنت بتمني ان يحصلها حاجه او تمشي من حياتي نهائي…..بس اول ما الحادثه دي حصلت وحسيت اني ممكن اخسرك كنت هموت من خوفي عليكي…….فوقي يا نور علشان انا عندي كلام كتير لازم اقولهولك

فتح الباب بسرعه وبص عليه…….ساب ايديها وقام من مكانه بقلق

زياد:مالك يا جمال في ايه

جمال:زياد احنا لازم نمشي من هنا بسرعه……في مصيبه

زياد:مصيبه ايه……وهنروح فين ونسيب نور لوحدها

ماسكه شنطتها ونازله علي السلم وهي لابسه اسود……اتكلم وهو قاعد علي الكرسي وحاطط رجل علي رجل

حاتم:علي فين؟!

داليدا:رايحه علي عزا ابن عمك…….ولا حتي دي كمان متنفعش

حاتم:انتي مش هتخرجي من هنا ولا هتروحي البيت دا نهائيا

داليدا:دا كان زمان يا حاتم…..قبل ما تكون السبب في اللي حصل مع نور دا كنت اي حاجة بتقولها كنت بسمعلك وبقولك حاضر من غير نقاش……لكن انها توصل انك تأذي اختنا يا حاتم ف لا انا مش هسكت بعد كده

حاتم:انتي جايه تفتكري اني حاولت اقتل اختك بعدها ب شهر وجايه تخالفي اوامري دلوقتي ولا حبيب القلب هو اللي قالك تعملي كده

داليدا:اتكلم معايا ب ادب يا حاتم……انا مفيش حد يقدر يمشيني علي مزاجه وانت عارف كده كويس

حاتم:داليدا……..انا قولت اللي عندي انتي لا هتروحي العزا ولا هتروحي البيت دا تاني ولو فكرتي انك تروحي علي هناك اتاكدي ان هيحصل معاكي زي اللي حصل لنور بس المره دي هتكون مفيهاش امل نهائي

داليدا:لا انت اكيد مش بني ادم……انت شيطان……انت مش هامك اخواتك ولا اي حد……كل اللي همك نفسك وبس …….انت ممكن تضحي بينا عادي……انا بجد مش مصدقه ان انت اخويا……انا بكرهك يا حاتم

سابته وطلعت علي اوضتها…….بص عليها بحزن واتنهد……وجع قعد مكانه وحط ايده الاتنين علي وشه…….تلفونه رن……مسكه ورد

حاتم:عايز ايه يا طارق

طارق:في مصيبه يا حاتم……شيماء حامل

وقف مصدمه وهو مش مصدق اللي سمعه

• يتبع الفصل التالي اضغط على ( رواية الورث ) اسم الرواية