رواية الورث كاملة بقلم نورا سليمان عبر مدونة دليل الروايات
رواية الورث الفصل الثامن 8
زياد:اللي قتل خالد مكنش شيماء……اللي قتل خالد واحد مننا وعايش هنا بينا……والدليل علي كلامي الصور والرسالة دول
جمال:ويمكن شيماء هي اللي خططت ل دا وطارق هو اللي نفذ
زياد:طارق معندهوش الشجاعة انه يدخل البيت ويقتل والكل موجود ويخطف علياء وقبلها يقتل خالد
جمال:هو انت شاكك في حد معين يا زياد؟!
هز راسه ب لا…..اتنهد بعصبيه…….بدا يتكلم وهو خايف عليها
زياد:انا مش قادر افكر في حاجة……انا كل اللي عايزه اني ارجع علياء قبل ما يحصلها حاجه…….بعدها ابقي اشوف الموضوع دا……اهم حاجة انك تروح دلوقتي وتكون جمب نور……ولازم فايز وكريم يكونوا هنا في البيت وياخدوا بالهم من كل اللي هنا……حياه الكل في خطر دلوقتي ولازم ناخد بالنا كويس اوي لحد ما نلاقي الشخص اللي بيعمل كده ونسلمه للبوليس
جمال:طيب وداليدا وحاتم…..مش هتتصل بيهم يجوا هنا ……اكيد في خطر علي حياتهم هما كمان
زياد:ابن عمك يعرف كويس اوي يحمي نفسه ويحمي اخته ومش محتاجين لحمايتنا زي ما كانت اخته مكنتش محتاجه ليه الشهر اللي فات دا
جمال:طيب انت هتعمل ايه دلوقتي
زياد:هروح بكره للمكان اللي بعته الشخص دا في الرساله واشوف هو مين وعايز ايه
جمال:انا بس عايز اعرف مين دا وعايز ايه مننا……طالما مش شيماء ورا اللي حصل دا…..هيكون مين غيرها وايه مصلحته في انه يدمرنا بالشكل دا
زياد:انا مبقتش فاهم حاجه
مسح علي وشه بعصبيه……قام من مكانه……سابه ومشي وهو متعصب
قاعد حاطط رجل علي رجل……قاعد قدامه مستغرب من هدوئه……بدا يتكلم بعصبيه
طارق:انت مش حاسس بالمصيبة اللي احنا فيها……بقولك شيماء حامل
حاتم:طب ما تبقي حامل……فيها ايه يعني…..هي مش كانت متجوزه خالد الله يرحمه ولا انا بيتهيئلي؟!
طارق:انت عارف كويس ان شيماء مش حامل في ابن خالد…..لان خالد مش بيخلف يا حاتم وانت عارف كده كويس……شيماء حامل في ابنك انت يا حاتم
حاتم:المفروض اني اصدقك يا طارق صح؟!…….هو انت فاكر اني عبيط يا طارق علشان اصدق الهبل اللي انت بتقوله دا
طارق:وانا هكدب عليك ليه يا حاتم
حاتم:يمكن علشان انت واختك عارفين كويس اوي اني فاضل تكه صغيره وكل حاجه كانت ب اسم عبد الرحيم الهواري ونور الهواري هتتنقل ب اسمي ومصلحتكم انتو الاتنين معايا انا وبس…..ف علشان كده جيتلي دلوقتي وبتقول ان اختك حامل
علشان اعترف ب ابنها دا واكتبه ب اسمي ويكون كل حاجه ليه هو لو حصلي حاجه…..بس انا عايز اوضحلك حاجه صغيره……هو انت شايف ان واحد زيي قتل امه واتهم جده بقتلها ودبر حادثه ل جده علشان يموت ولما عرفت اني مليش نصيب من الورث دا وان اختي هي اللي هتورث كل حاجة بعد ما كتبلها كل حاجة ب اسمها حاولت اقتلها……تفتكر ممكن بعد كل دا انت واختك تضحكوا عليا وتقولولي ان اختك حامل في ابني علشان تاخدوا كل فلوسي اني هسكت واسيبكم تضحكوا عليا……الشخص اللي قتل مره يا طارق عقابه نفس عقاب الشخص اللي قتل ١٠ يا طارق……اعتقد انك فهمت انا اقصد ايه…….بعد اذنك يا طروقه
سابه ومشي
قاعده علي الكرسي…..ايديها ورجلها مربوطين……محطوط حاجه علي عنيها مخليها مش شايفه اي حاجه……جسمها كله بيترعش…..بتعيط وخايفه……سمعت صوت الباب بيتفتح وحد داخل الاوضه…..بدات تتكلم وهي خايفه
علياء:انا والله معملتش حاجة…….رجعوني ل اهلي و والله زياد اخويا هيديكم اللي انتو عايزينه…….ارجوكم بلاش تأذوني……طيب…..طيب قولولي انتو عايزين مني ايه وبتعملوا كده ليه……انا هعملكم اللي انتو عايزينه
بدا يفك ايدها ورجلها……قامت من مكانها بخوف بعد ما شالت اللي علي وشها…….كانت هتبعد عنها بس اول ما شافته كويس وقفت مصدومه ومكانتش فاهمه حاجة
علياء:نور؟!……انتي…..انتي بتعملي ايه هنا……وبعدين انتي فوقتي امتي وازاي
واقفه قدامها……ساكته وحاطه ايديها في جيب الجاكيت……مسكت ايديها وادتها ورقه
نور:اول ما تدخلي البيت ادي دي ل داده رحمه……قوليلها القرار في ايديها هي وبس……واوعي تقولي لحد انك شوفتيني ولا تجيبي سيره ل اي مخلوق ايا كان مين…….حتي داده رحمه
سابتها واقفه مصدومه……لفيت وشها ومشيت بخطوات بطيئه وهي بتحاول تمنع نفسها انها تعيط
نايمه علي السرير……قاعد علي الكرسي وباصص عليها بخوف وقلق عليها…..الباب خبط…..قام من جمبها……قرب من الباب…….فتح الباب وخرج من الاوضه
كريم:فاطمه عامله ايه دلوقتي
فايز:نايمه من الصبح…….مفيش اخبار عن علياء لحد دلوقتي
كريم:من ساعه ما اللي خاطفها بعت صورها والرساله دول ومبعتش اي حاجه تانيه
فايز:هو مين ورا كل دا وعايز ايه مننا
كريم:انا مبقتش فاهم حاجة……انا خايف ليكون اللي ورا كل دا حد عارف كل حاجة وبينتقم مننا واحد واحد…..الاول خالد وبعدين علياء والله اعلم الدور علي مين بعد كده
فايز:معتقدش……لو في حد شاف او سمع اي حاجة كان هيجي ويهددنا انه يتكلم او يطلب مننا فلوس علشان يسكت……مش يخلص علينا واحد ورا التاني
كريم:انا بدات اقلق……فاطمه ونور لو عرفوا حاجه بالذات يبقي احنا روحنا في داهيه وخسرنا كل حاجه…….حتي هما كمان هنخسرهم……نور لما عرفت اننا كنا سبب في موت جدك كانت هتموت فيها……ولو عرفت حاجة عن الموضوع دا ممكن تموت فيها بجد
فايز:انا مش هسمح بحاجة زي دي تحصل يا كريم……كل حاجة هتبقي كويسه والبنات مش هيعرفوا حاجه والسر اللي بينا دا هنتخلص منه ومحدش هيعرف عنه حاجه……وهنعيش حياتنا ونحاول نكفر عن ذنبنا دا يا كريم
رحمه:ذنب ايه اللي بتتكلم عنه دا يا فايز؟!
بصوا عليها بخوف ورجعوا بصوا لبعض وفضلوا ساكتين
قاعده في اوضتها…….باصه علي صورتهم اللي في البرواز وبتعيط……رميت البرواز علي اخر ايديها وعياطها زاد
داليدا:ليه يا حاتم عملت كده……لسه مصمم انك تكرهني فيك اكتر……كل ما احاول انسي اللي عملته وابدا احبك من تاني تكرهني فيك……بعدتني عن كل اللي بحبهم وكرهتني فيهم وخلتني أذي اقرب الناس ليه…….حتي نور مقدرتش تسيبها في حالها وترحمها واذيتها…….حرام عليك دمرت حياتي وكرهت الكل فيا وخلتني مجرمه في نظر الكل…….بس لا
مسحت دموعها
داليدا:زي ما دمرت حياتي وحياه اختي انا كمان هدمر حياتك ومش هسيبك تتهني بيوم واحد يا حاتم
قامت من مكانها……اخدت شنطتها وخرجت من الاوضه بعصبيه
ماشي في المستشفى……قرب من اوضتها……فتح الباب ملقهاش في السرير……فضل واقف مكانه بصدمه وخوف عليها…..حط ايده الاتنين علي راسه بخوف…….مكانش عارف يعمل ايه او يتصرف ازاي
- يتبع الفصل التالي اضغط على ( رواية الورث ) اسم الرواية