رواية حب غير مقصود الفصل العاشر 10 - بقلم منة

 رواية حب غير مقصود كاملة بقلم منة عبر مدونة دليل الروايات 

 رواية حب غير مقصود الفصل العاشر 10

  

بسم الله….

دخلت اوضتي بعد ما شريف مشى ومسكت الفستان حطيته عليا وقعدة الف ف الاوضه وانا قلبي بيرقص من الفرحه حقيقي الفستان يجنن وقفت قدام المرايا ومستنيه اللحظه اللي هلبسه وامشي معاه وانا ايدي ف ايده..

عند شهد…..

شهد قعده ف الاوضه بتاعتها وبنات العيله والجيران قعدين معاها وشهد جواها احساس فرحه ممزوجه بكسوف ووشها منور من السعاده..

بره ف الصاله شباب عيلة شهد بيزينوا الصاله بالانوار والزينه وعملوا ديكور جامد ل الصاله كانها قاعة افراح..

ف المطبخ عند امنيه والدة شهد واقفه هي واخواتها و واحده جارتهم ف نفس العماره.. بيجهزوا الاكل والكل فرحان…

عند عمرو..

هدى جهزة لعمرو هدومه والعطر بتاعه وكل حاجه تمام.. وهدى فرحتها بابنها مش قدره توصفها لحد وماشيه ف الشقه تزغرد من الفرحه…

عند شريف…

شريف ف اوضته وقافل ع نفسه ومش بيخرج من الاوضه غير للضروره طول ما ياسر ف البيت..

ياسر قاعد ف الاوضه بتاعته وقافل ع نفسه الباب والشبابيك كلها مقفله والستاير عليهم قاعد ع كرسي هزاز ومرجع راسه لورا ومغمض عينه وف ايده السجاره وع ملامحه الصمت والبرود لكن ف جواه حرب قايمه..

فاق ياسر ع صوت فاتن وهي بتخبط ع الباب..

فاتن: ياسر.. تعالي كل لقمه ي حبيبي انت ماكلتش من امبارح ساعة الفطار.. وخبطت تاني.. طب ممكن افهم انت مالك وقافل ع نفسك ليه بقالك يومين.. ياسر رد عليا ومتوجعش قلبي عليك اكتر منك كده واتكلمت بعياط.. ياسر انا هونت عليك للدرجه دي هان عليك تسيبني قعده قلبي بيتحرق عليك…

قام ياسر فتح الباب وقرب منها وهي خدته ف حضنها وعيطت: ليه ي ياسر فيك اي مالك حابس نفسك ف اوضتك ده انت طول ما انت ف البيت كنت بتبقى زي ظلي اي اللي حصل واتغير..

ياسر طلع من حضنها ومسح ع وشه واتكلم بهدوء عكس اللي جواه : مفيش ي امي حاجه انا اهو تمام وكويس قدامك بس كنت حابب اقعد مع نفسي بس خلاص هقعد معاكي تاني وهبقا زي ظلك بس بالله مش عايز اشوف دموعك دي تاني ماشي..

فاتن ماشي ي حبيبي يلا اغسل وشك كده وانا هجهز الاكل علشان نتغدى اصل الوقت بيجري وهيجي وقت الخطوبه..

ياسر : ماشي ي امي اللي يريحك.

ياسر راح يغسل وشه وفاتن دخلت الاول فتحت الستاير والشبابيك واتصدمت من علب السجاير وكمية الدخان اللي ف الاوضه ودموعها نازله ع ابنها اللي حاسه انه بيروح منها..

ابتسام قعده ف اوضتها وفرحانه علشان راحه الخطوبه وجهزت لبسها علشان تلبس…

حازم رجع من شغله بدري وشريف اضطر يخرج ياكل معاهم علشان يبان ان كل حاجه طبيعيه.. والكل اتجمع وبداو ياكلوا مع بعض..

عدى الوقت والكل بدا يجهز.. ابتسام لبست فستان زهري وحجاب ابيض وكانت تشبه القمر وكانت فرحانه اوي شريف لابس بنطلون اسود وتشيرت نبيتي وكوتش ابيض وياسر بنطلون جينز كحلي وتشيرت ازرق.. وفاتن وحازم جهزوا واتحركوا ع بيت شهد..

عند عمرو…

عمرو لابس بنطلون اسود وقميص ابيض وكوتش ابيض وكان بكامل اناقته..

نسمه لابسه فستان نبيتي واسع وحجاب ابيض وراحت تشوف عمرو..

خبطت وعمرو سمحلي بالدخول..

: اممم الظاهر انك بقيت جاهز..

عمرو بابتسامه : ايوه ي حبيبتي اي رايك انفع عريس..

قربت ليه : ياااه ده انت احلى عريس شافته عيني ربنا يحميك والف مبارك وربنا يتمم فرحتك ع خير ويسعدك يارب.

عمرو بفرحه : يارب ي حبيبتي.. يلا نشوف ماما وبابا ي قمر

: يلا بينا..

ادهم و هدى خرجوا من الاوضه وكانوا جهزين عمرو اخد بوكيه الورد وكلهم راحوا عند شهد..

ايمن خلص وجهز وريم ورحيم كمان لكن عايده اخدت وقت طويل وهي بتلبس..

ايمن : يلا ي عايد ابوس ايدك..

عايده بزهق : حاضر ي ايمن ثواني بس.

ايمن : ي عايده ي حبيبتي انتي بقالك ساعه بتقوليلي ثواني.

عايده : انا غلطانه علشان بهتم بلبسي و مظهري علشان ابقا حلوه..

ايمن باس ع ايدها.. والله ي حبيبتي انتي جميله بس ليه انت مش مقتنعه.

عايد لبست الخاتم وقالت : خلاص ي سيدي اهو خلصت..

ايمن قرب منها قمر ي روحي و…

قطعت كلامه عايده واي ي ايمن احنا متاخرين..

ايمن بغيظ : يلا قدامي ي عايده..

خرجوا والضحكه ع ملامحهم وراحوا عند شهد..

عند شهد..

شهد كانت واقفه مع دعاء اختها ف الاوضه وكل حاجه تمام ومستنين وصول عمرو وبعد دقايق سمعت شهد صوت هيصه بتعلن عن وصول عمرو وعيلته وشهد قلبها بيدق من الفرحه.. دعاء كانت لابسه فستان بيبي بلو وكانت قمر بمعنى الكلمه الكل حضر وشريف راح مسك ايد نسمه ومقعدها جنبه طول الوقت وياسر واقف بعيد عند الباب.. خرجت شهد وعمرو استقبلها بابتسامه جميله ولبسوا لبعض الشبكه والكل بيهني ويبارك..

امنيه شايله صنية العصير و ندهت ع دعاء..

دعاء : ايوه ي ماما..

امنيه : خدي ي بت العصير ده وزعي ع الكل..

دعاء : حاضر ي ماما..

اتحركت دعاء بصنية العصير وندهت عليها امها تاني..

كانت دعاء وقفه قريب من ياسر.. وياسر لوحده قريب من الباب واللي رايح واللي جاي يسلم عليه وبس ف حاجه جواه بتقوله متدخلش جوه..

رجعت امنيه ندهت ع دعاء..

دعاء نفخت بضيق وقربت من ياسر حطت الصنيه ف ايده اتفضل ي اسمك اي انت وزع العصير ع المعازيم واعطي للكل متقصرش رقبتنا قدام الناس الغريبه… قالت دعاء جملتها بسرعه وسابته ومشيت..

اتكلم ياسر بصدمه : انا اوزع عصير ع المعازيم؟!!!!

ندهت عليه ست كبيره : خد ياولا انت يالي معاك العصير..

ياسر قرب منها : حضرتك عايزاني انا..

ردت عليه الست وانا هعوز منك اي.. انا عايزه عصير بدل ما انت واقف تتفرج ع الصنيه كده..

ياسر : احم.. اتفضلي عصير اهو..

الست : تسلم ي حبيبي.. يلا روح اعطي للناس الباقيه..

ياسر بنفاذ صبر : حاضر وراح بالفعل وزع عصير ع الكل.. والكل كان مبسوط وفرحان وبعد شوية وقت الكل بدا يمشي وكل واحد رجع ع بيته..

ياسر رجع البيت وبيغير هدومه وكل شويه يفتكر عايده وهي بتقوله وزع ع الكل متقصرش رقبتنا وابتسم ع الموقف اللي كان فيه..

والكل رجع بيته وهو جواه حاجات كتير اوي ومشاعر بتجدد وتتغير..

تاني يوم نزلت المستشفى وشريف هو اللي وصلني ف طريقه كالعاده.. وقبل ما انزل من العربيه لقيته مسك ايدي.

شريف : نسمه..

: ها..

شريف : اعملي حسابك اننا هنحدد معاد الفرح علشان اخدك لعالمي..

: شريف.. بس هو.

شريف : مفيش بس ي نسمه.. كده كده طنط هدى عامله حسابها اننا هنتعشا معاكم بكرا يبقا خلاص واحنا قعدين نتفق ع ميعاد الفرح واهو الشقه جهزه وكل حاجه تمام ومستنيه اي تاني بقاا..

مكنتش عارفه اقول اي هزيت راسي بالموافقه وشيلت ايدي من ايده وهربت من قدامه.. شريف راح ع شغله…

دخلت المستشفى وروحت ع مكتب د/كريم وشوفت الحالات الجديده وبدات اتابع معاهم.

عدى اليوم من غير اي احداث تاني يوم نزلت المستشفى كالعاده ورجعت نمت شويه….

هدى : نسمه.. قومي ي نسمه فات الكل ع وصول..

: امممم. حاضر ياماما هقوم اهو..

هدى : ي بت قومي معتش وقت اخوكي اجى هو وعايده و اولاده..

قومت واتكلمت بزهق : اهو ي ماما قومت..

هدى : ماشي يلا قومي اجهزي والبسي حجاب علشان ياسر جاي معاهم..

بلعت ريقي واتكلمت بصعوبه : ه. هو جاي معاهم.. م. مين قالك..

هدى : والله طنطك فاتن قالت انه مش هيجي بس انا حلفت انه يجي ابدا مينعش الكل يجي وهو لا..

: احم.. تمام يا ماما نص ساعه وهكون جهزه..

هدى : ماشي ي حبيبتي..

خرجت هدى وانا بدات اجهز..

بعد حوالي ساعه شريف وصل وعيلته وايمن كان موجود وعيلته.. وكده الكل متجمع..

ياسر قاعد وبيحاول يهرب من نظرات الكل..

كنت قعده جنت ماما..

شريف : تعالي ي نسمه هنا..

فاتن : قومي ي بت اقعدي جنب جوزك ما تتكسفيش..

قومت بصمت وقعدة جنبه.. والكل بدا ياكل وياسر مرفعش عينه من طبقه.

هدى بفرحه ان الكل متجمع : اتفضلوا كلوا البيت بيتكم.. دايما يارب متجمعين ف الفرح..

حازم : اللهم امين يارب العالمين.

الكل خلص اكل وقومت شيلت الاطباق مع ماما وعملت الشاي وقعدنا…

شريف بصوت واطي : اي رايك تفتحي انتي الموضوع وتقولي انك عايزه تتجوزي بقا..

فتحت عيني من الصدمه.. انا اقول كده؟!

شريف : خلاص خلاص انا هقول..

شريف لسه هيتكلم بس سبقه ياسر وقال: معلش استاذنكم اقف ف البلكونه دقيقتين.

هدى : اتفضل ي بني البيت بيتك.

ياسر : شكراا..

ياسر دخل البلكونه ولع سيجاره وكلم عادل صحبه..

ياسر : الوو..

عادل : ايوه ي عم فينك فونك مقفول ليه..

ياسر : مفيش كنت عامله وضع طيران وناسيه.. المهم انت عامل اي..

عادل : انا تمام قولي روحت مع اخوك عند عمك اوعى تقول انك بوظت الدنيا.. احنا اتفقنا انك تتصرف بعقل..

ياسر بعصبيه : خلاص ي عم انت هتقرفني قولت مش هتزفت اقرب منها خلصنا..

عادل : تمام تمام انا اسف اهدى بقا ي عم و روق..

ياسر : ماشي ي عادل سلام..

ياسر قفل مع عادل وواقف ف البلكونه..

جوه عند باقي العيله..

ريم : ماما.. ماما انا ورحيم هننزل نلعب مع العيال تحت..

عايده : لا ادخلوا العبوا ف الاوضه مع بعض..

رحيم : يا مامي بليزززز هنلعب شوية صغيرين بس..

عايده : مليش دعوه قولوا لبابا.

ريم ورحيم راحوا عند ايمن..

رحيم : بابي ممكن انزل العب شويه انا وريم..

ريم : بليز بابي والله مش هروح بعيد..

ايمن : ماشي بس خلوا بالكم من بعض ومش تروحوا بعيد..

ريم ورحيم : حاضر… ونزلوا جري..

شريف : معلش ي جماعه انا عايز احدد ميعاد فرحي ده عمرو هيتجوز وانا لسه كاتب كتاب بس..

عمرو ضرب كف ع كف: استغفر الله العظيم.. شوفوا الجدع كاتب كتابه وباصص للغلبان اللي يدوب لبس دبل بس..

الكل ضحك..

شريف : اركن انت بس ع جنب.

ادهم : طب ما تستنى لقدام شويه وتعمل فرحك مع فرح عمرو…

عمرو حرك حواجبه بيغيظ شريف : ايوه كده استناني..

شريف : لا مستحيل.. احم قصدي انا هتجوز اول وهو يتجوز بعدين براحتوا وفرح لوحدوا..

ادهم : خلاص زي ما تحب بما ان كل حاجه جهزه يبقا تمام..

حازم : خلاص الفرح يبقا الجمعه دي لا الجمعه اللي بعدها.. اي رايكم.

عمرو عدل ياقة القميص بغرور : تمام تمام الميعاد كويس انا فاضي فيه مفيش عندي حاجه..

ايمن : هو انت مفكر انك هتحضر؟!!

الكل ضحك..

عمرو اتكلم باحراج : هي دي واقفت الرجوله واقف ضد اخوك..

ايمن بهزار : حبيت اخليك ترجع لارض الواقع بس..

عمرو بضحكه : ي عم حد كان قالك اني بحلم.. وفاجاه اتخضوا من ياسر وهو بيجري ع باب الشقه ونزل جري الرجاله اتخضوا ونزلوا وراه وعايده ونسمه وقفوا ف البلكونه يشوفوا ف اي وعايده صرخت لما شافت 3 رجاله كبار وكانوا مغطين وشهم ومش باين وكانوا شايلين ريم ورحيم وهنا الطفله اللي كانت بتلعب معاهم وبيجروا…

ياسر جرى وراهم ضرب واحد بوكس وضربه برجله ف بطنه وشد منه رحيم.. رحيم طلع يجري ع ابوه وقبل ما الاتنين التانين يجروا كان ياسر ضرب واحد برجله ف ضهره وقع ع وشه واخد منه هنا وطلعت تجري ع ايمن مع رحيم والتالت ياسر مسكه من ياقة قميص وضربه بالبوكس ف وشه كذا مره وخبط راسه ف الحيطه واخد منه ريم.. والتلاته مرمين جنب بعض ف الارض وكانت الناس كلها واقفه تتفرج.. عايده نزلت جري وهي بتصرخ من خوفها ع ريم ورحيم وجريت قعدة ع الارض واخدتهم ف حضنها وعيطت.. ياسر بلغ عن التلاته.. واخدوا اقوال الناس اللي شهدوا انهم كانوا بيخطفوا العيال وتم القبض عليهم..

الكل مشى وياسر لسه هيطلع وقفه ايمن وضربه بوكس ف وشه بدون مقدمات..

الكل كان مصدوم ومش فاهمين هو عمل كده ليه..

ايمن بصوت عالي : لا انت كده تخطيت حدودك بقا انت تفكر تخطف عيالي..

شريف مسك ياسر من ياقة قميصه وضربه كذا مره : انت وصلت بيك الحقاره انك تخطف اطفال بريئه ملهاش ذنب..

ياسر : ا. نتم بتقولوا اي انا مستحيل اعمل كده…

لسه شريف هيضربه تاني صرخة فاتن : ف ايييييي من امتى وانتم بتضربوا بعض.. وقربت من شريف: من امتى وانت بتضرب اخوك ي ابن بطني..

شريف اتعصب وسابهم ومشى..

جريت عليه: شريف استنى ي شريف…

شريف زقني وركب عربيته ومشى…

حسيت ان الدنيا بتلف بيا سبت الكل وطلعت فوق وقعدت اعيط..

عيلة شريف رجعت بيتها وعيلة نسمه طلعت بيتها وايمن اخد عيلته ومشى..

_________..

-بص انا هقف معاك بس توعدني انك تتغير للاحسن..

ياسر : اوعدك…

• يتبع الفصل التالي اضغط على ( رواية حب غير مقصود ) اسم الرواية