رواية احبه و لكن كاملة بقلم مروان فرج عبر مدونة دليل الروايات
رواية احبه و لكن الفصل الحادي عشر و الاخير 11
اتصلت مرت عمي بي خالد قتله ضروري اتجيب حياة توا وتجي للحوش لازم نديرو محظر قبل ماتسافرو
قاله خالد محضر شنو هادا وامتاا طلعتي بيه قتله صحبتي جابتلها الجلوه هديه ونبي انصدرها و نبيها تفرح زي باقيت البنات
قالها شويه نشوف حياة ونرد عليك
جي قالي فرحت اني طبعاا لاناا كان خاطري نلبسها قتله تمام قالي ضروري حياة مش خاطري نطلع اني قتله اي ضروري باش غدوه بنسافرو قالي تمام البسي
لبست ودرت مكياج بسيط و مشيناا وصلنا لحوش عمي لقيت صحبات مرت عمي مجهزين كل شي تقول سحر امتاا لحقو مش عارفه
رفعتني مرت عمي للمزين مكيجت وروحت لبست الصدره و دارولي احلاا محضر و كانو معاي خوتي البنات وفرحانين هلباا و اني زادت فرحتي بيهم اكتر والحق والله حوش عمي ماقصرو معاي عمري ماحسيت معاها بنضام الكنه والعزوز
حسيت بنضام البنت وامها
كان المحضر في الحوش لاناا جردينتهم حلوه دارو فيها تخت وطاولات و لبس خالد العربي وطالع زي الخليج بالعربي يهبل يقتل مقدرتش انقاوم اني منشبحلاش عيوني كانو عليه طول ماهو جنبي واضح حتي في الصور اناا احني نشبحو لبعض بس
بعد ماكمل المحضر روحناا لفندق وكنااا مرهيقن وتاعبين غيرت ملابسي و جيت امتديت علي السرير جي خالد جنبي قتله خالد تاعبه بنموت خداني في حضنه ورقدناا لصبح نضنا لاناا كانت الطياره الساعه 2 جهزنا نفسناا ومشينا لي حوش عمي سلمناا عليهم وخدينااا بوي وخوتي و طلعنا علي المطار كان معي مرت عمي و عمي ومروي سقدوناا و كان مش هاين علياا لاني فعلا خديت عليهم وصعب عليهم فراقهم الفتره هادي
ركبنا الطياره وكانت رحلة طويله لاناا بننزلو في دوله تانيه وبركبو طياره تانيه قعدنا ترنزيت في مطار القاهرة شبه 6ساعات بعدها تغديناا في القاهره و قعدنا نراجو في الطياره التانيه الي بتوصلنا ايطاليا
وكانت رحله متعبه بجد اغلب الوقت واقفين في المطارات بعدها جت الطائره وركبنا فيها وصلناا لي ايطاليا في اليل كانت الساعه متأخر كانت امي مجهزه غرفه ليا اني وخالد وصلناا لي حوش امي وكان احلاا استقبال لاني كنت مستاحشتها هلباا وهيا نفس الشي
قعدت في حضنها اكتر من ساعتين بعدين قتلي خلاص بري استريحي انتي و زوجك وغدوه الصبح وراناا يوم طويل
خشيت دوشت وغيرت ملابسي
وخالد نفس الشي قالي ضروري اندوش
خش دار دوش و رقدنااا وكناا مستاحشين بعض هلباا لكن من كترة التعب من غير مانحسو بي روحناا رقدنااا
نضت الصبح لقيت امي مجهزه ليناا احلا فطور وكانا في الطبيعه برا فطرنا وقتلي حياة عندي ليك مفجاء قتله شن هياا شبحت لي خالد و ضحكت وخالد غمزلهاا
استغربت اني قتله شن في قتلي عندنا عرس اليوم قتلها عرس مني 🤔🤔🤔
قتلي عرس بنتي حيوته قتلها كيف 🤔
قتلي تواا من غير كلام اصبري لي بعدين 😑😑😑
واني مش فاهمه شي وخالد كل شويه يمشي من جنبي هوا وامي واني نسأل مافيش حد يجاوبني 🤔🤔🤔
بعدها قريب الساعه 3قتلي نوضي حياة بري مع خالد قتلها وين قالي ضروري تسألي انتي 🤔🤔
اس اركبي السياره 😑
طلعت ركبت ومشي رفعني للمزين وكان مزيناتهم غير عندناا تمامأ احتي يقعدو حاصلين فيها من الصبح وستين وحده واقفه عليك
لكن هماا لا في خلال ساعه كنت جاهزه وطلعت بلمستهم الخفيفه ولا في الخيال
ومافيش لا نضام خمار لا شي المزين بابه مرش والاي برا كلهم تشبحيهم وخالد كان واقف يشبح فيا كملت وطلعت حطيت وشاح علي شعري وركبت السيارة
حطني في حوش امي لقيتها مجهزتلي فيلو بس كان موديل قفضان ابيض للبساطه٢الي هماا عندهم غادي 🤔🤔
امي هادا شني
قتلي البسي هياا وراناا يوم طويل
لبست وساعدتني وحده مصريه صاحبت ماما
مشيناا لي زي القاعه صغيره كان فيها ناس منعرفهمش اني لكن كانو مخلطين وهما معارف ماما بس نساء فقظ لاناا هادا كان شرط بابا وخالد ميكونش عرس مختلط
وكانت في فرقه وعزف وكان الجو يهبل وكانت امي معاي وعوضتني علي يوم حفلتي
و كل شي كان تقول مجهزين من قبل وامي مقصرتش معاي لاكن كان كله بتخطيط منها ومن خالد
واني مروحه قالي خالد اجرت شقه وحطيت فيها حاجاتك وتوا بنمشو غادي
قتله تمام
روحناا وكان اليوم هادا من ضمن الايمات الحلوه في حياتي
وعشت اني وخالد ليله من احلاا اليالي في حياتنا وكنت فرحانه بيه هلباا لاناا يفكر فيا ويفكر كيف يخليني فرحانه
وقعدناا كل يوم طلوع ودهواري والجو فوق الوصف
وخديت هدايه لي مرت عمي وعمي ومروي
وكانو كل يوم يتصلو بينا ويقولو هيا امتاا بتروحو اشتاحشناكم راه
وخالد مخلاش حاجه في خاطري وكان اي حاجه نقوله خاطري بنديروها مع بعض يديرهالي ويعامل فيا زي البيبي
وفات الشهر كل يوم طلوع في النهار و في اليل في حضن بعض وكل ليله احلاا من ليله❤️
وجي اليوم الي بنروحو فيه وصلناا لي ليبيا وكانت نفس الشي رحلة طويله لاناا مرينا علي اكتر من دوله و كنا ترانزيت في اكتر من مطار
بعدها كان استقبال عمي ومرت عمي لينا احلا استقبال كانو مجهزين عشي و حاجات حلوه وكانو فرحانين بينا هلباا
اعطيتهم الهدايات امتعهم وتعشينا وسرهناا شويه مع بعض بعدها ركبنا في غرقتناا ورقدنا نفس الشي من التعب طول اليوم
وبعد ما نضت الصبح كان عمي مجهزلنا مفجاء
وقالي هيا تفضرو بسرعه باش نطلعو
وين ياعمي قالي بعدين تعرفو
فطرناا وكان طول الوقت خالد يشبحلي ويضحك وفي نفس الوقت مستغرب من مفاجأت بوه لياا شن بتكون
طلعناا وكانت المفاجأة ولا في الاحلام
😍😍😍😍
احلااا فيلااا ومجهزه بالكامل وكانت قريبا منهم وقال هادي هدية ولدي الوحيد من حقه يكون ليه حوش بروحه
وكان خالد فرحان هلباا واني نفس الشي بيكون لياا حوش بروحي بعدها قالي خالد هيا بنعزموهم علي الغدي
طلعنا مشينا لي مطعم وكان من افخم المطاعم عندناا وطلبناا الغدي تغدينا وكان يوم حلو
بعدها روحنا و كانت مروي مجهزتلي حوايجي في داري في الفيلا الجديده يعني ماكانش عندي اندير شي كل شي في مكانه
وقعدناا كل يوم احلاا من يوم وقصة حبنا كل يوم تزيد علي اليوم الي قبله وكان خالد احلاا واطيب زوج في العالم
وفي يوم عزمتناا مرت عمي لي عندها علي الغدي كنت اني مريضه وحاسه روحي دايخه ومش تمام وكان واضح علياا
شافني خالد قالي نوضي بسرعه مابين ماجهزت امي الغدي نمشي نعاينك
وصلناا المصحه خشيت عاينت
قتلي الدكتور هادي بداية حمل
و كانت فرحة خالد بالديناااا فرحان وطول الطريق وهوا يضحك ويحمد في ربي 😎
و يقولي
حياة ردبالك تتحركي هلباا راه
حياة ردبالك تقيمي حاجه رزيناا راه
قتله باهي حاضر
ونزل خدي حاجات حلوه و معاهم تورته و مشيناا لي حوش عمي وقتلهم وكانت فرحتهم مامنقدرش نوصفهاا لاناا خالد ولدهم الوحيد مافيش ولاد غيره و راسه بنوته وكانو فرحانين اناا بيكون عنده صغار
وفرحو بيااا 😍😍😍
…
…
..
وفاتو الايام وكانت فتره الحمل صعبه مع الدراسه لاني رجعت للجامعه كان صعب علياا
وكان خالد واقف معاي ويساعد فياا ومش مخليني اندير شي نهأى…
…
..
..
.
واخيراا جبت وليد وكانت فرحت خالد وعمي بيه بالديناا كلها وسميته عمي قرر يسميه يزن
وكان فرحان بيه هلبا واحلاا حاجه كانت امي معاي لاناا وقتها فاتت السنه وقدرت امي تأخد اجازه شهر دبح عمي وعزم هلباا ناس وكانت فرحتهم لا توصف بي يزن ودارتلي مرت عمي احلا اسبوع و عشت معاهم احلاا حياة بجد وكانو هماا عيلتي التانيه 😊😊😊
وكان خالد احلاا واحن واطيب اب في الدنيا كلها وكان ديمااا جنبه و ديمه هواا الي بيديرله كل شي وفرحان بيه بزياده لين اني حسيت الغيره مناا 🙄🙄
….
و بعدها جتني فترة امتحانات وكنت مش لاهياا الاا بدارستي وكان خالد الأب والأم في نفس الوقت.
و فعلا كل كلمه قالهالي اناا بيكون قد المسؤليه كانت صح وربي مايحرمني مناا
وان شاء الله دوم حياتي معاه فرح ومن غير زعل
وان شاء الله كل بنوته تعيش قصة حبناا وتكون احلااا قصة حب في حياتها وتختمهاا بي بيبي راقد علي صدرها من احلاا واطيب زوج في الديناا
…
#احبه ولكن
…
..
.
وان شاء الله عجبتكم الرواية وكلمه ليا باش نتحمس ونكتب راوية جديده وبتكون زيها واحلاا منهاا🔥
- يتبع الفصل التالي اضغط على ( رواية احبه و لكن ) اسم الرواية