رواية معذبي كاملة بقلم مروان فرج عبر مدونة دليل الروايات
رواية معذبي الفصل الثاني عشر 12
محمد….كان يشوفلي ونا كنت نشوفله وكانو نظرات عناد بيناتنا وقعدنا لحظات هكي وهوا كل شوي ايزيد اقرب مني وانا معاش قدرت انقاوم نظراته وعطره بغض النظر عن كل العذاب يلي شفته منا
حسيت بشعور غريب تجاهه……🔥🔥🔥
محمد …كان اول مره ايشوف لعيوني عن قرب هكي اول مره ايحس بجمال عيوني ونظرة الوجع يلي فيهن …🔥
وعيوني بروحهم كانو يحكو ع الوجع يلي كنت عايشه معا محمد قعد محمد مركز ع عيوني وبس ويتخيل فياا في باله ف حاجات❤️
انا…بعد كل هالنظرات والقرب يلي صار بيناتنا قربت من وذنه وقلته مش قوتلي ع الشرط التاني يعني رح نقعدو متزوجين ع الورق وبس يعني قوتلي انك م متتقربش مني وانت اتجاوزته…وبعدت من عليه واخيرا قعدت نتنفس بس هوا قاعد يشوفلي وسرحان واني خبطت القزاز عشان يوعي
محمد…..معليشي ااااا اسف
انا…. ههههه محمد يتاسف هذا مش معقوله بكل هههه شن صايرلك متغيره شخصيتك هلبا راهو قريب معاش نعرفك انا😏
محمد….هع انتي شخصيتي الحقيقية متعرفيهاش عشان اتقولي متغير🔥
انا…ني نعرف شي واحد بس وهوا انك انسان حقير ومعندكش قلب ومهما نقولك عليك مستحيل نوصل للحقاره والخباته يلي راسك وتفكيرك يلي اليوم بس ركبته عليك مستحيل اتخليني انسامحك علي ا اي غلط درته معاي وكان شفتني انعامل فيك عادي فالسبب هوا…
محمد بوك صح
انا… كيف عرفت…؟
محمد… الشي الوحيد يلي نعرفه عليك هوا انك ادير المستحيل عشان بوك وسعادته
انااا..من امتي عرفت😳
محمد…عرفت من اول ناوافقتي انك تتزوجيني وعالرغم من انك لاتحبيني ولا حتي تفكيري فياا بكل بس كنت نشوفيلي لبوك وشن رح يصيرله لو يشوف صورك …🔥
وحاجه تانيه لما طحتي بين رجليا ووصيتيني عليه وانتي علي وشك الموت وقتها ….وفي نفس الوقت عرفت ان اني ارتكبت غلط لما خديت الصور متاعك وهددتك بيهم بس انتي تحديتيني ونا مانحبش حد يتحداني🔥
انا… خلاص توا معاش نقدرو نرجعو للوراء ولا انصلحو الغلط يعني
محمد….مش عارف هادي حاجه ترجعلك بس نقدرو انعيشو بتفاهم وراحه وبدون مشاكل وعراكات
محمد… تقوي وشد يدي المجروحه نوعدك واني عيوني في عيونك ويدي فوق يدك المجروحه اني مستحيل مره تانية انعذبك ولا نجرحك ولا انزل دمعة من عيونك وانعيشو مع بعض في حوش واحد ….اني خوك الكبير وانتي اختي الصغيرة كان تبي☺️❤️
انا….استغربت هلبا من كلام محمد معقوله هدا هوا التعديب بس يلي كان متعودين به بس قعدت نشوف لعيونه ومستغربه من طريقه كلامه معاي وقعدت ساكته
محمد….شن رايك ي تقوي في كلامي
انا… اوكي …ان شاء تقدر توفي بوعدك….وفجاة جرحي ناض اعليا وبدي يوجع فيا فكيت يدي من يد محمد وقعدت ماسك يدي ونتوجع
محمد…خيره جرحك وجعك
انا …اي شوي
محمد….باهي نحي الجاكه لان هيا يلي اضايق فيك
انا….ماعليك توا فالحوش نحولها 😊
محمد… بس احني مطولبن عشان نوصلو للحوش ورح توجعك هلباا
انا….لالا عادي نتحمل
محمد… خفي عنادك شوي راهو يضرك🔥
انا…مرتاحه هكي….بس خليني بحالي وماتقربنيش ممكن لو سمحت
محمد…..ووووككك منك طيرتيهلي راهو …خلاص اني وعدتك ومعاش بنكلمك باهي توا بصوت عالي 🔥
انا….ها شوف مستحيل انصدق واحد حقير زيك🙂
محمد هما كلمتين واحفظيهم زين لو كنتي امفكره اني ميت عليك ونتمني نلمس شعره منك اتكوني اكبر غالطة …تعرفي ليش لانك عمرك معجبتيني ولا تخيلت روحي معاك ….ووعدي هذا علي اول غلط منك بننقضه والنقض حيكون تمن حياتك فهمتي …..🔥
وعلي طول فتح محمد باب السياره وانزل جاب امعاه قهوة وكيك لروحه وقعدت ياكل فيهم وحتي بالكذب ماقالش تفضلي او جابلي حتي معاه 😒
وبعد ما شبع سم كان مدرس للسياره تحت شجره والمكان ظل والجو صبح تكي كرسيه الوراء شوي وجي بولع سبي
انا….شن ادير انتا ممكن تروح بياا لاني تعبانه ونعسانه نبي نرقد خلاص
محمد….بندخن سبسي بس ونطلعوو مانطولش
انا ..تقدر ادخن حتي ف الطريق مش ضروري نخسرو وقت ع خاطري سبسيك هياا اطلع ي محمد
محمد…مباش يسمع مني وولع السبسي متاعه وقعد يدخن ونا كنت مضايقه من الريحه متاع الدخان هلبااا ةقعدت نكح هلباا لعند مامحمد انتبه ليااا ولوح السبسي وولع السياره وطلع علي اخر سرعة وطول الطريق وهوا معصب ميشوف لحد يحساب روحه هوا بس في الطريق ….🔥🙂
اما انا …قعدت انفكر في كلامه القاسي وعرفت ان طريق العذاب مزال ماتمش بعد ماكنت امفكره ان ندم وبصلح غلطه طلع قاعد كيف ماهوا ….وزاد اكثر واكثر
ووصلنا للحوش وخشيت قعمزت احدا عمتي ام محمد شوية اما محمد ركب للشقه فوق من غير مايسلم حتي علي اهله
ام محمدمد: الحمدلله علي سلامتك نورتي …طهورا ان شاء الله❤️
انا: الله يسلمك عمتي
نور سلامتك ….اكيده هادي عين الناس يلي تقتل قتل لانهم انعجبو بيك هلبا يوم الزفة ولتوا يحكو عليك😅
انا….سلمك …..كل شي امقدر من ربي مهما البشر عملولك
نور.. صح ….ماشية اندير قهوه كيف تحبي قهوتك تكون
انااا ….وسط
نور… اوكي
ام محمد: شن اخبار اهلك حتي هما
انا.. الحمدلله كوسين
ام محمد: الحمدلله جاتك خفيفة بس انتي ديري بالك علي روحك شوي واهتمي باكلك مش معقوله موليه رقيقه وزيدك توا اكيد خسرتي هلباا دم وضروري تعوضيه بالماكله
انا حاضر عمتي😊❤️
ام محمد: اهلك مش جايين توا
انا لا في العشية بيجوني
ام محمد: اها ….والله كان نلقي انشوفهم بس عندي طلعة في العشية اليوم ….سلميلي عليهم
انا:لا خودي راحتك …يوصل سلامك
وجابت نور القهوه قعمزت جنبي وعطيتني شربنا القهوه وهدرزنا شوي وبعدها طلعت فوق لشقتي وخشيت لداري لقيت محمد راقد فيها خديت دبشي وطلعت غيرت في الدار التانية لبست كت وشورت ازرق لعند الركبة وكنت نبي نرقد بس ماباش النوم ايجيني 🔥
لعند الساعة 1الظهر ناض محمد وطلع من الدار القاني امقعمزة في الصاله
محمد… الساعة كم توا
انا… الواحد
محمد…كويس درتي غدي
انا…لا يدي خاتره منقدرش انحركها☺️
محمد…يدك التانية سائله تقدري اديري بيها
انا…منقدرش نتحرك بيد وحده
محمد…: عندي حل انخليها سائله
انا محمد قتلك منقدرش نتحرك افهم وفوتني بالله عليك
محمد جربي الحل بعدها قرري
انا…شنو🔥
محمد ..ان نقرصلك يدك في حال انك منضتيش في خلال خمس دقايق
انا…مش وعدتني انك تخليني مرتاحه
محمد… ههههههه شكلك فهمتي الوعد غلط يلي كنت نقصدها انك بطيعيني تعيشي مرتاحة كان هذا نرجع محمد الاول يلي تعرفيه
انا..يعني كلامك ليا امبدري ولما نضت من التخدير كان كله وهم صح
محمد…ايوااا بالضبط بس خففت الجرعة شوية
انا…والله كلمة حقير شوية فيك انتااا🔥
محمد……ههههههههههههههه مسكينه وجعتيني علي ثقتك يلي دامت ساعات فيا وراحت هههههه
انا..حسيبك ربي بس …وطلعت وامشيت نجري نبكي في المطبخ وانسب في روحي وانقول ليش غلطت مره تانية ليش للحظة صدقت كلامه ليش اني طيبه هلبا ليش الناس يلعبو بيا كيف مايبو ليش ……..وامسحت دموعي
وبالسيف فتحت الثلاجة وطلعت اللحم والخضرة وبديت انطيب بيد وحدة وزياده يدي اليسار ….بعد ساعة طاب الغدي وحطيتا ع الطاوله ومشيت لعنده لقيته حاط في ودانه سماعات وقاعد في عالم اخر …..
ومعرفتش شن اندير عشان يسمعني وفكرت شوية وقلت خليني نخبطه علي يده بالك يفهم ….وخبطه علي يده ولما خبطه شد يدي وسبحني وحطني في حضنه🤤🔥
انا.. محمد سيبني …خليني نمشي
محمد: منسمعش فيك
انا.. بصوت عالي وخوف: حول ايديك وخليني نمشي قتلك
محمد…. شنو شن اتقولي انتي
وقعدت انعاود كم من مره بس في الاخير عرفت ان لعبة وهوا كان يسمع فيا وميبيش يطلقني وقعدت انفك في روحي بكل قوة بس هوا كان اقوي مني وطيحني علي الصالون وهوا حابسني بيديه ومستمتع بدموعي وخوفي منه🔥🤤
انا محمد حرام عليك يلي ادير فيه والله حرام …خليني نمشي …نوعدك اني انفذ كل طلباتك وعد كل شي تبيه نعطيهولك بس خليني نمشي والنبي
محمد :كل شي
انا..: اي وعد
محمد….حاليا نبي منك بس بوسه
انا لا مستحيل …الا الشي هذا لا لا محمد لا
محمد..هذا طلبي وكان تبي تمشي نفذيه
انا… تقتلني ولا تخليني اندير هكي
محمد… مستحيل نقتلك قبل مانستمتع بيك……وقرب مني اكثر وقريب بيوصل لشفايفي اني قعدت انفكر شن اندير ياربي ساعدني ….وخليته اقرب اكثر لعند ماخلاص وصل دفلت علي فمه💦 ودفيته وامشيت نجري للدار سكرتها عليا واني خايفة ونرعش هلبا ….🔥🔥
محمد… جي لعند الباب وقال شكلك موضوع الصور نسيتيهم ……حبيت اندكرك بس …….حركتك هادي فتحتي بيها باب عذاب جديد علي روحك …..استني بس وكل شي بوقته حلو🔥
انا …ماقدرتش انقول ولا كلمة بدا جسمي كله يرعش وجرحي ناض وجعني وقعدت نبكي وانقول شن درت اني ياربي هذا مجنون ومرات اديرها وكان دارها بابا شن بيصير فيه …..ياربي موتني وريحني وخليت الدار مسكره عليا
___________________________
#عند عماد وخوته
عماد وخوته كانو في طرابلس ليهم اسبوعين وكانو يدورو علي عامر بس بدون اي فايده لعند مافقدو الامل وقروو انهم يروحو وخلاص بالك يجي يوم ويسمعو خبر ع عامر
مشو للمحطه وركبو خوت عماد الزوز خالد في السياره وعماد كان مقعمز براا وجي بيدخن بس كمل دخانه كان ف محل قريب ومشي عماد عشان بياخد دخان وهوا خش للمحل تلاقاا معا عامر راجل اخته يلي كان كيف بيطلع من المحل وجت عيونهم في عيون بعض 😳❤️
عامر…قعد واقف في مكان وهوا مستغرب ومعاش عرف شن يدير بكل
عماد….توين ي عامر عاااش من شافك وين مغيب وين وين
عامر…قاعد والله وقعد مرتبك ومعاش عرف شن يحكي
عماد….تعرف قديش لينا ندور عليك ولالا وين مهي وين تقوي
عامر…قاعدين اهو ف الحوش وقعد يرعش وخايف من عماد
عماد… قاعدين قوتلي باهي هيا نمشولهم توا وطلع عماد تلفونه ورن علي خوته وجو
عماد….طلع من المحل وقاله هي وريني مهي وتقوي نبي نشوفهم قديش ليا معاش ريتهم
عامر…هيا تعالو معااااي
عماد….مشي وكان قلبه خايف ومش عارف مرات يكون صاحب رياض غالط واخته قاعده حيه ومافيش منها الدوه هادي بكل
عامر…مشو لعند ماوصلو باب الشقه متاعه فتح الباب وخشوو وانصدمو……🔥😳
_______&&&&_________
#عند تقوي
جت الساعة 4سمعت الجرس رن لبست عالسريع قفطان ازرق ملكي ومشطت شعري عالسريع وخليته مفتوح ودرت مسكره خفيفة مع روج احمر خفيف وامشيت نجري فتح الباب فتحت❤️
ماما….وينك لينا ساعة اندقو عليك
انا …اهلين ماما …كنت في االحمام حاصله شوي😅
ماما ….شن حالك ي بنتي اليوم ليك وحشه
اني: الحمد لله ي ماما ….وحتي انتي والله وحضنتها وقوتلها هيا نخشوو خشت ماما وقعمزنا وبعد شوي رن الجرس واستغربت من يلي جاي 😳
نضت فتخت الباب لقيت صاحبتي اماني ومرام وجايين ومدايرلي مفاجاه
انا…. تفضلو يااهلين انستوني❤️
اماني… حبيبتي الف سلامة عليك
انا الله يسلمك منوووله
مرام… يا عمري انتي والله خوفتيني باهي …تعالي نحضنك
وحضنا بعض وابكيت في حضنها لان هيا الوحيدة يلي تعرف عليا كل شي ….
وخشينا وقعمزنا بحدا ماما وبدينا عاد في الهدرزة واني مش معاهم في عالم اخر كل شوي نسرح ونذكر في كلام محمد وتنزل مني دمعة ونمسح فيها من غير ما يشوفها ..💔🥺
وبعد نص ساعة نضت مشيت للمطبخ من تقعميزنا نضت عشتن نوتيلهم ضيافه خشيت المطبخ ولحقتني مرام
مرام…كيف حال جرحك توا ي تقوي
انا… باهي
مرام…خيرك ي تقوي ليش حاسه انك مضايقة وتبي تبكي ليش حاسه ان في عيونك دمعة ليش💔
انا…خلاص يامرام معاش اتزيديني والله بنموت خلاص معاش نتحمل العذاب هذا والله ….وجيت لعندها وابكيت في حضنها لعند ماشبعت ابكي وخبرتها كل شي صار امعاي
مرام….:خلاص امسحي دموعك وامشي واسي مكياجك وخلي محمد علي ربي ….يلا
مشيت وساويت مكياجي يلي امتسح كله وارجعت للمطبخ لقيت السفرة واتية كانت مرام امجهزتها وتبيني اني انقدمها ….*ااااه يا مرام لو مكنتيش جنبي شن صار فيا *وقدمتهالهم وكملنا هدرزة وروحو صحباتي وبعد جت سناء وبناتها وجي اكرم وقعمزو هدرزو بحداي
لعند ماروحو وياريتني روحت امعاهم
عند الساعة 10الليل محمد قاعد ماروحش بس انا وتيت العشي وحطيته عالطاولة ومشيت للدار سكرت الباب عليا …بعد نص ساعة جي وخبط الباب بكل قوة وخش وجي قدام الباب
محمد… مزال خايفه مني ؟
انا…شن تبي مني …عشاك وتيته عالطاوله وحتي القهوه واتيه والحمام يلي جنب المربوعة واتي ….شن تبي تاني
محمد…باهي اطلعي نبيك شويه
انا: لا
محمد…: تسمعي في صوت التلفون يرن صح …قاعد نتصل ب بوك توا وكان مطلعتيش نهايه بوك بعد لحظات
اني من خوفي علي بابا معاش قدرت نتحمل طلعت نجري ولقيته يستني فيا ويشبحلي بنظرات حقيره🔥
انا…طلعت خلاص سكر التلفون ي محمد
محمد… مش قبل ما اتجي في حضني
وجيت في حضنه وبالسيف قعدت فيه وفجاة بابا فتح الخط🔥
محمد: اهلين عمي شنو الجو كيف الحال
بابا: تمام وانتا
محمد…الحمدلله …اتصلت بيك عشان نطمن عليك عشان بومها حسيتك تعبان لانا تقوي كانت مريضه إنشاء الله تكون بخير
بابا….الحمد لله وبارك الله فيك ي محمد شن حال تقوي توا
محمد….تقوي كويسه وكان يشوفيلي بنظراته يلي كانو قريب ياكلني بيعيونه وتسلمي عليك
بابا: سلمي عليها بنتي
محمد يوصل انشاء الله
بابا…انشوفوك علي خير إنشاء الله
محمد… إنشاء الله هي سلام تصبح علي خير
وسكر الخط واني مزال في حضنه وهوا قاعد يشوفلي ويمرر في يديه علي شعري واني نبكي ونفسي بصعوبة يطلع مني🔥
احمد: اوووووس معاش تبكي الليله هادي نبيك اتكوني اسعد انسانه …..🔥🙂
انا…..🔥
- يتبع الفصل التالي اضغط على ( رواية معذبي ) اسم الرواية