رواية هداية البدر كاملة بقلم رنوشة عبر مدونة دليل الروايات
رواية هداية البدر الفصل الرابع عشر 14
هدي عقدت حواجبها:عريس!! عريس مين
كريم :صاحبي محسن اللي وصلنا من كام يوم
هدي سكتت شويه بتفكر:تمام موافقه
كريم قام وقف باس راسها وقالها لما تنزل شغلها تخلي بالها من نفسها ولو حصل حاجه ترن عليه ومشي برا البيت راح المكان المفضل بتاعه من وقت وفاه والدته قدام البحر في مكان زي الجنينه من كل حته خضار وفي النص البحر ….كريم قعد وحضن رجله وفضل يعيط:وحشتيني يا أمي انتِ وبابا وحشتوني اوي كان نفسي اقعد معاكم واحكيلكم اللي مزعل ابنكم مهموم يا أمي شايل فوق طاقتي ياابويا … كريم اخد باله انه قال شايل فوق طاقتي وربنا مش بيدي حد فوق طاقته استغفرالله العظيم يا رب سامحني
نزل راسه علي رجله وهو بيعيط :يااااااااااااارب ياااارب ريح قلبي… شوفتِ يا ماما ناهد اللي حبيتها اتخطبت فضلتي تقولي ناهد مش هتكون غير ليك اهي بقت لغيري جوايا نار محدش حاسس بيها غيرك يا رب
بدر بعد ما سافر اسكندريه كان قاعد علي البحر وهو بيرمي طوب في المايه وسرحان:ازاي قلبك جابك تعمل معايا كده يا بابا….ضحك بسخريه وهو بيقوم :ههههههه من امتي وهو قلبه كان عليا يعني!
بدر راح الجامع وقرر يعمل زي ما صلي اول مره واتعلم من فيديو علي اليوتيوب دخل الجامع وحس بقشعريره في جسمه حس الأجواء دي لأول مره كان في فرحه في عينه وهو شايف المصليين والانوار حواليه دخل في الصف عشان يصلي زيهم ولما جيه عند السجود كان سامع اللي حواليه بيدعوا صوت دعاء برجاء استغرب هو لما صلي مدعاش قبل كده جيه عند السجده التانيه وسمع الناس بردو بتدعي وبعد ما خلص صلاه خالص راح للأمام :احم السلام عليكم ورحمة الله وبركاته
الامام:وعليكم السلام ورحمة الله وبركاته…اتفضل اقعد
قعد بدر وسأل الامام:انا دلوقتي لسه داخل الإسلام جديد وسمعت الناس بيدعوا في السجود بيعملوا كده ليه
الامام ابتسم :ماشاءالله ربنا يبارك فيك ويثبتك …اول حاجه لازم تكون مركز في صلاتك ومتسمعش صوت اي حد جمبك متنتبهش تكون صلاه بخشوع والسجود العبد بيدعي ربه في الوقت ده لأن العبد بيكون أقرب لربه في السجود ف لو عايز تدعي اي حاجه ادعي وانت ساجد ده بنسبه للصلاه إنما باقي الأوقات ادعي براحتك في اي وقت
بدر اتحمس لكلام الامام بس بصله بخيبه امل:بس انا مش عارف ادعي ازاي
الامام:الدعاء بتقول كل اللي في قلبك وبتدعي برجاء وتهذب لأنك تخاطب الرحمن ويكون عندك يقين ان دعوتك مستجابه ومش لازم تستجاب في يوم ولا اتنين “الله يمهل ولا يهمل”
بدر شكر الامام وقام قعد اخر الجامع ومسك مصحف وفضل يقرأ وكل ما يفهم معني ايه يعيط
عادل رن علي شيري :عامله ايه
شيري ببرود:كويسه
عادل:اتمني متكونيش اضايقتي من اخر مره انا مكنتش اعرف انك مرتبطه حبيت بس ارن اعتذر وهقفل علي طول
شيري بنفس البرود:لا مش زعلانه
عادل:تمام كويس هقفل انا باي
محمد كان مركز مع المحاضره وبقي مهتم بالكليه واهتم بتعليمه اكتر
سلمي كانت قاعده بعيد بتكتب ورا الدكتور وبين الوقت والتاني بتبص علي محمد لكن محمد باصص قدامه ومن وقت آخر مره عرف انه غلط وهو مبصلهاش تاني
بعد المحاضره ما خلصت جات واحده اسمها نور وراحت لمحمد
سلمي ركزت معاهم وضيقت عينيها
نور بإبتسامه:سمعت انك بتحضر علي طول وبتكتب كل المحاضرات
محمد عقد حواجبه واتكلم بقلق:اه وبعدين
نور:كنت محتاجه منك كل المحاضرات اللي سجلتها وانا مكنتش موجوده
محمد شاور علي سلمي وبص لنور:شايفه البنوته اللي هناك دي اسمها سلمي وهي بردو بتحضر علي طول ممكن تروحي وتطلبي منها المحاضرات اللي مكنتيش موجوده فيها…عن اذنك
سلمي استغربت انهم بيتكلموا وبيشاوروا عليها
كريم رن علي بدر
بدر بفرحه:ياااه لسه كنت في بالي…عامل ايه واحشني
كريم :بخير الحمدلله ….كنت عايز اقولك تنزل علي خطوبه هدي
بدر بإستغراب:هدي! هدي مين
كريم بلع ريقه:هدي اختي هتتخطب لمحسن
بدر…..
- يتبع الفصل التالي اضغط على (رواية هداية البدر) اسم الرواية