رواية معذبي كاملة بقلم مروان فرج عبر مدونة دليل الروايات
رواية معذبي الفصل الرابع عشر 14
محمد…تمام ومشي خدي تلفونه وجاكيت وطلع وخلاني
في حيرة ليش يبيني معقولة يعرف ان اليوم عيد ميلادي لا مستحيل. .اووووف منحبش المفاجات انا
قعدت وافقه في مكاني ونفكر شن يبي مني محمد…..🔥
نزلت لوطا لحوش عمتي ولقيتها قاعده بروحها لانا نور كانت طالعه هيا وخواتها وماشين لاختهم اسراء خشيت قعمزت وهدرزت معا عمتي شوي وكان كل تفكيري في محمد وشن يبي مني🔥
لعند ماجت الساعه4 وقرب العصر استادنت من عمتي وطلعت لشقتي عشان نرتب روحي قبل لايجي محمد
خشيت للشقه ولبست سروال ازرق اكحل معا بلوزه بيضاء وفوقها كبوط احكل لعند الرقبه لانا الجو كان صقع شوي وقعدت قعدت نستني لعند جت الساعه 5العشيه جي محمد وخش طول قالي واتيه
انا…. اها واتيه وكنت نشوفه ونا مستغربه شن في بالضبظ
محمد…..خلاص امشي اركبي ف السياره وتوا جايك انا
انا…باهي وجيت بنطلع وقعدت نشوف لمحمد وين ماشي
خش محمد للدار ومش عارفه شن خدي ولقاني قدامه واقفه 😳🔥
محمد…تي هيا امشي ليش قاعده واقفه
انا….انتهبت لروحي هيا هيا وطلعت ركبنا ف السياره ومشينا كنت ساكته ومقعمزه ف الكرسي ومش عارفه لوين ماشين لعند ماوصلنا لمكان حلو زي المنتره درس محمد السياره وقالي انزلي
انا…باستغراب وين ننزل يعني
محمد…انزلي بس وجي نزل وخداني من يدي وقالي تعالي معاي معاي
انا…باهي نزلت ومشينا لمكان وكان مكان حلو منتره وفي شوي عائلات بس مش هلباا خدينا مكان ع جنب وكان في طاوله وكرسي حلوو وقعمزنا ومحمد كان يشوفيلي بنظرات غريبه 😳🔥
انا…قعدت ساكته ومش قادره نحكي وفي لحظه قوتلا ممكن نعرف ليش جينا هنا ي محمد😅
محمد….كان مركز لعيوني وانتبه ع روحه وقالي شوي بس ونجيك خليك في مكانك ❤️
انا…باهي حاضر مشي محمد للسياره وجاب منها الكيكه وعصاير وجي من وراي عشان تقعد مفاجاه لياا ومانشوفهاش😅❤️
لعند ماوصل غمضلي عيوني وحطهم قدامي وفتحلي عيوني❤️
انا….كنت مش مصدقه يلي نشوف فيه معقوله محمد يديرلي هكي في عيد ميلاد🔥
محمدد…حط الكيكه وفتحها لياا وقالي شن رايك ف المفاجاه حلوه ولالا
انا….يسلمو حلوه هلبااا ماكنتتش متوقعه انك اديرها لياا
محمد….بيش تعرفي بس انك عايشه معا راجل وهدا عشان يومها وقفتي معاي بس ماننسييش يلي بينانتا كل شي ع جنب فاهمه ي بنتي😏🔥
انا….تفووو عارفتك اصلا مايطلعش منك حاجه قنينيه ديما انتا بالعابك🔥
محمددد…هههه ماعلينا خودي كولي وخلي الجو يكون رومانسي شوي
انا…لا رومانسي ولا عادي اصلا انتا الرومانسيه ماتعرفهاش بكل😏
محمد…ساد عرفتك انتي ومانبيش نعرف شي تاني ها كولي وجابلي الكشيط وحطلي ف فمي
انا…حول نعرف ناكل بروحي مش مستحقالك
محمد…عصب كولي هي وتكلمي تلقيني ف السياره ونااض من جنبي معصب وقعمز ف سيارته
انا…حسيت بروحي قسيت عليه كملت وكال ولميت كل شي ومشيت لقيت محمد ف السياره ويدخن وكان جوه متلخبط واضح
انا…ركبت وقوتلا زعلت مني ي محمد ماباش يرد عليااا قعدت نحكي معاه لعند مامسكت يديه وقوتلا زعلت مني 🔥❤️
محمد…. لالا عليش بنزعل جوي تمام استني عندي ليك حاجه هديه ليك وفتح القرج وطلع سلسه دهب وقالي هادي ليك
انا…ماحلاها تهبل شكرا محمد🙈❤️
محمد…نحي الجاكيت نبي نلبسلك هيا بدون حشم انا راجلك راهو
انا…. باهي وكنت متحشمه هلبااا ونحيت الجاكيت وكنت منزله عيوني لوطا محمد حط السلسله ع رقبتي وكان يدير ف روحه مايعرفش يركبها بس كانت لعبه منه عشان كان يشوف لرقبتي وكنت نحس بانفسانه عليها ساخنه تحشمت هلباا وقرب عليا اكثر وحط يديه ع وجهه وقرب وكان يبي يبوسيلي من فمي 🙈❤️
نا غمضت عيوني لعند ماحسيت خلاص قرب فتحت عيوني ولفيت وجهي ع الجهه التانيه وقعدت ساكته❤️
محمد…حسيتا زعل وولع سيارته وطلع طول لعند ماقالي شن رايك نحط ف حوش اهلك لانا مشغول هلباا توا ومش رح نفضي وبكره توا نجي
انا…فرحت عشان نبات معاهم وافقت علي طول وصلنا لحوش اهلي حضني محمد قدامهم وطلع ع طول ❤️
طبعا محمد زي ماقوتلكم قبل متخرجه من كليه الهندسه بس محلصش خدمه بشهاده فقعد يخدم في شركه عطور بس كانت شركه كبيره وعلي مستوي🔥
طلع محمد ونا خشيت للحوش وتلاقيت معا امي حضنتها وعلي طول سالت ع بابا بس قولي طالع توا ولقيت بنات اختي سناء الزوز ريان ولين يلي كانو اندادي😅🔥سلمت عليهم وقعمزنا لين جي بابا واول ماخش حضنته وهدرزت معاه وتعشيناا وبعدها خشينا ف دارنا انا وريان ولين وقعدنا نهدرزو معا بعض
انا …تعالي ريان انديرو فشار ونحضرو فيلم وهادي الدجاجة ما عليك منها خليها ترقد علي لين
لين…اي امشو وخليني نتريح نبي نرقد
ومشينا درنا فشار وحضرنا فلم ولين يلي عابية عليه بتسهر رقدت من اول ساعة😂 واني قعدت ابروحي نحضر وفجاة جت لقطة رومانسية كانت في بنت اتبوس في شاب علي لحيته وطول عاد اني ادكرت لقطتي الغبية ومعاش جاني النوم بعدها لعند الفجر صليت ورقد❤️
عند محمد ❤روح الساعة واحد الليل وخش للشقة وامشيت للدار فتحتها لقي ريحتها كلها فراولة و ورد مقدش يتحمل الريحة لان كل ما انشمها يتدكر في تقوي وعدابها ليها طلع ورقد في الصالة والنوم هارب مني الليله وماباش ايجي🔥عشان كان مش متعود يرقد وتقوي ماتكونش ف الحوش❤️
_______________________
#عند عبير
عبير وصلت عامر للمستشفي واول ماوصلت بيه دخلو ع طول للعينايه لانا كان تعبان وأجد وحالته خطيره كان محصل ضرب هلباا في كل مكان
قعدت عبير تستني وخايفه في نفس الدكتور لين طلع الدكتور وجت عبير عشان تعرف شن صاير لعامر
عبير…طمني ي دكتور شن صار لزوجي
الدكتور… للاسف الراجل حالته تعبانه هلباا وحاليا ف العيانه بس مش عارفه كيف بنقولها لك
عبير…قولي شن في ي دكتور 😱
الدكتور…. الراجل حصل ضربات قويه ع راسه وعنده فقدان في الداكره بنسبه كبيره وللاسف محصل ضربات علي ظهره وعالعمود الفقري رح ياخد فتره علاج طويله عشان يرقد يرجع يمشي ع رجليه
عبير….لا ماتقولهاش ي دكتور
الدكتور …لاسف هدا يلي خلاني صااار وطلع وخله عبير بروحها قاعده وعبير علي طول طلعت من المستشفى ونست حد اسمه عامر بكل تخلت عليه ع طول
وطبعا عامر….من بعد مارجع فتح عيونه ماكانش عنده حد بكل فالمسشفي حولوه الي دار الرعايه والمسنين لعند مايسال عليه حد وطبعا عامر كان فاقد جزي للداكره قعدوفي دار للمسنين عشان ياخد علاجه
لانا…عامر قعد ع كرسي ومعاش قدر يمشي للاسف💔🔥
____________&&&&_________
في الصبح الساعة 8ناض محمد ولبس قميص ابيض مع سروال اسود وجاكيت وطلع للشركة طول من غير مايفطر
وانا كنت كيف راقده ولين نايضه من النوم لقتني قاعده قعدت تنوض فياا انا وريان 😂❤️
لين.. يلا يلا سادكم نوم نوضي انتي وياها
انا… سيبيني للصبح مرقدتش
لين: يا قلبي انتي ….وبخت عليا عطر ونضت نجري وراها بس هيا عقلت ورا امي
انا…ماما عطيني انشدها انعلمها الادب واحترام الكبير كيف
ماما.. خيرها شن دارت
اني: ماما مرقدتش للصبح جت اتنوض فيا وزيادة اتبخ في عطر ….حتي في حوشي منوضش توا
لين: ماما كدابة كانت تحلم😂❤️
اني: وامعاها اتكدبي …باهي اليوم يومك
لين: ماما قوليلها اتهدد فيا
(طبعا لين وريان يقولو لسعاد امي لانا كانت زي امهم حنونه عليهم هلباا وتحبهن من ريحه بنتها❤️)
ماما: خلاص انتي وياها … تقوي وليتي مراه وعقلك عقل اعويله وانتي امشي قدامي اعتدري من تقوي
لين: لا ماما منيش
انا باهي…مشيت لداري وسيبتهم وقعدت نطلع ف دبشي ولبست قفطان كل ورود بالوان هادية وحلوة كان ربع وخليت شعري مفتوح وحطيتله ربطة حتي هيا ورود ونزلت وفطرت وبابا قرر ان يعزم محمد عندنا عالغدي فرحت هلباا عشان كنت نبي نشوفا قاعد زعلان مني ولالا💔🥺
اتصل بابا بي محمد وزعمه علي الغدي ومحمد وافق انا يجي فرحت هلباا❤️
عند الساعة 12 الظهر ماما كانت حايرة شن ادير الوجبة اما اني كنت ناكل في فراولة في الصاله ولين كل مره تقفص مني وحدة ..😅
ماما: تعالي هنا يا بنت راجلك اول مرة نعزموه وانتي ولا علي بالك الموضوع طبعا لان الحوش هذا وله مش حوشك
انا… ماما خودي فراوله تو تنسي كل شي
ماما :ياربي هالبنت مستحيل تعقل
انا…ماما علاش مكبرة القصة محمد ميدورش في اكل هلبا متحرقيش روحك …مزال 5فراولات كان تبي
ماما: الصبر وخلاص ….ما هادي المشكله لان مياكلش هلبا معناها مش اي شي يعجبه …قوليلي وجبة يحبها وريحيني
انا.. اممممم …ااا رشده ماما يحبها هلبا بس عمري مدرتها في حوشي😅💔
ماما: كيف عرفتي امالا
انا…ماما احني نتغدو مع بعض وامه ادير فيها
ماما: تمام …الحقيني ديري شي معجنات وعجة وسادك اهبال
انا ..باهي ماما جيت
وتينا العزومة وكانت رشدة وسمبوسه وامبطن درتهم اني ولحم امتبل وقعدنا نستو ف حضرت جناب محمد امتا يوصل 🙂🔥
عند الساعة 2 الظهر جي محمد ومشيت فتحت
انا: اهلين تفضل
محمد: اهلين بيك …هادم عطور بسيطة لاهلك ان شاء الله تعجبهم
انا سلمك ليش امتعب روحك
محمد.. لا عادي
وخش للمربوعة واستقبل بابا وخوي اكرم كان مش قاعد كان صارت مشكله تانيه بيناتهم 😅 وطلعتله ماما اتسلم عليه لان اول مره يسلمو علي بعض
محمد: اهلين خالتي كيف الحال شن اخبار ان شاء الله اصحيحين كلكم
ماما…اهلين بيك نورت وانست بيتك التاني
محمد: بيتكم منور باهله ربي يخليك ويحفظك ويطول في عمرك
ماما: تسلم
وطلعت ماما وجت للمطبخ جايبه معاها ظرف
اني: ماما شن هذا من وين
ماما: من محمد شوفيه ….وشفته والقيته فلوس تقريبا 1000😳
انا..: ماما علاش هادم لازم اترديهم
ماما: هذا سبر ماشيين عليها لما ام العروس اتسلم علي العريس لازم ايجبلها فلوس ولا هدية بس محمد جايب صدقة شكله
انا:ليش مرديتيهم حتي شوي خودي منهم والباقي اعطيهولا
ماما: دويتله قدام حتي بوك بس هوا راسه يابس وقال خلاص هادم ليك مكتوبين
اناا اووووف منه عنايدي نعرف انا ومايديرش الا يلي ف راسه🔥
وتغدينا ومحمد قبل مايطلع اتصلت بيه
انا… محمد شني طالع ؟
محمد… ايه
انا … ليش ماقلت عشان انجهز روحي
محمد… قلت يمكن مزال بتقعدي عند اهلك لليل
انا ..خيرك انت مش فاضي والل مانبينيش نروح🙂
محمد..مشغول اني كان تبي تروحي اطلعي معنديش وقت اكثر
انا…باهي نلبس البالطو ونطلع
محمد … بسرعه نستني فيك ف السياره ماطوليش
ولبست عالسريع وطلعت نجري والواضح ان البرنس محمد معصب واول ماركبت للسيارة مشي طول حتي الباب يا دوب سكرته
انا.. كان مشغول للدرجة هادي ليش جيت واتغديت اصلا
محمد… لو انتي كلمتيني مكنتش جيت ولا عبرتك اصلا بس بوك جي اتصل بيا وعزمني ومش حلوة اني انرده
انا..ماشاء الله عالمحترم😏
محمد…مش فاضي نتعارك معاك توا اسكتي خيرلك
انا…منيش ساكته ويلي بديره ديره
محمد بتعصيب… تقوي
انا مرديتش عليه وطول الطريق منشبحلاشي وهوا يحاول ان يكلمني ويغير الموضوع واني زي الحيط كان مفيش حد يدوي …ووصلنا للحوش وكنت نفتح السيارة بس متبيش تنفتح
انا محمدبلا جو افتح بننزل
محمد… مستحيل نفتح لحتي ترضي
انا: مش علي اساس انك مستعجل وعندك اجتماع ولا هذا كله جو منك
محمد: لا بس اجلت الاجتماع نص ساعه اخري ومش حنمشي لحتي ترضي
اني: اوووف بتفتح ولا انكسر القزاز توا
محمد: كسري عادي واني معاك
انا..:افتحلي هيا خلاص راني نتصل بعمي توا
محمد: شن بيديرلك اني مستحيل حد اعارضني حطيها براسك هادي
انا.. صح لانهم عاذرينك عندك مرض نفسي🙂🔥
وفجاة محمد سكت وقعد مصدوم لحظات واني باللحظة هادي قعدت انشوف فيه بس مفهمتش شي ليش جمد وقعد هكي ليش …وبعدها فتحلي الباب وقالي انزلي…
انا… نزلت من غير منكلمه وقعدت نسال في روحي ليش زعل ليش مدواش شي يا تري ذكرته باختي لا معتقدش ودخلت للحوش وتلاقيت مع نوركانت في الحوش
نور هلين تقوي كيف حالك وحال اهلك امس سالت عليك محمد قالي ف حوش اهلك
انا…الحمدلله تمام اي كنت غادي وين عمتي☺️❤️
نور..ماما ماشية لفضانية صحبتها جابت بنت
انا: اها …معناها قعدة بروحك توا
نور..: اي قعدة مكسدة نحضر في افلام وخلاص
انا.. معناها انغير دبشي وننزل نهدرزو شوية
نور… اي ياريت
ومشيت للشقة وغيرت ولبست سروال. فضي مع بلوزة كريمية لعند الركبة وكندرة كريمية مع وشاح فضي وطلعت كيكه ا ونزلت
نور…اشيييه شن هالاناقة
انا…هههه تسلمي من ذوقك ياذوق
نور…: شن جايبة امعاك
انا كيك
نور..: واااااو معناها يبي طاسه نسكافيه علي كيف كيفك
انا: ههه اي ….ومشت للمطبخ اتجهز فيها واني قعدت انشوف للحوش فجاة لفتت انتباهي صورة كبيرة مصورين فيها كلهم كانت حتي مرح قعدة بصراحة الصورة عجبتني لان التمست ليها حبهم واخلاصهم لبعض❤️☺️
نور…تقوي جيت تعالي شن اديري
انا: لا شي.. وجيت قعمزت
نور…كنتي اتشوفي للصورة صح
انا ..اي عجبتني
نور: الصورة حلوة لاكن احني منقدروش نشبحولها لان كل ماشفناها ندكرو مرح والايام الحلوة يلي عشناهم معاها لاكن محولنهاش لان نبو انكونو عيله وحدة حتي لو نقص منا فرد …لو تعرفي شن صارلنا لما ماتت اشوي مهبلنا وخصوصا محمد جاته حتي حاله نفسية وقتها وبالسيف رجع لحالته الطبيعية🔥🔥
انت *ياربي شن درت اني معقوله اندكره بالماضي ياربي شن مندير توا *:اااا احكيلي شن صارله
نور: قعد هلبا مسكر عليه الدار لا ياكل لا يشرب كل فتره انديروله ابرة تغدية وبالسيف يقبل بيها كان لا يتكلم ولا يبي من اكلمه قاعد في داره ومرات نسمعو فيه يبكي ويخبط قعد شهرين هكي لعند مقدرناش نتحملو ان يموت بين ايدينا ومنديرو شي فقرر بابا ان نرفعوه للعمره مشي للعمره ورجع كويس زي توا بس قاعد يتالم
انا.. امتي توفت
نور…توا ليها سنه
انا بصدمة: قصدك ليها سنه بس😳
نور..: اي
انا: ربي يرحمها واتشوفوها في الجنة ان شاء الله
وكملنا هدرزة واتعشينا كلنا بس محمد مجاش ونتصل بيه ميردش
عند الساعة 11في اليل جي محمد وخش للدار التانيهزكان حاط فيها طاوله ضغيرونه وكرسي انا شفته وامشيت لعنده صبيت ع الباب وقوتلا عادي نفوت
محمد: عادي
وخشيت ولقيته ايدير في عطر
انا اووووه ريحته اتهبل
محمد ..مزال متمش لما اتم تو اتشوفيه كيف ريحته وتفهمي معناها
انا: ليش العطور عندهم معني
محمد: كل شي في عنده معني وكل عطر انديره في ليه معني في قلبي وفي حياتي❤️
انا :اها باهي هذا شن معناه
محمد: مزال معناه متمش عندي وكون جمله مفيده وهدف
اني: اها وهادم العطور يلي بجنب بعض شنو
كحمد: كل عطر فيهن تحكي فتره او قصة عشتها مع مرح العطور 5اولي حياتي معاها وهيا عايشه و5التانية الفترة يلي عشتها بغيابها وقاعد انعيش فيها
انا: معناها العطر هوا بيت اسزارك
محمد: اي
وجيت بنمشي قعمزت جنبه
انا: عادي اندير عطر بس خفيف وتوا عالسريع
محمد: لو تعرفي عادي
وبديت انلخبط وانحط في المواد علي بعض وكونت عطر بلا اسم😅
اني: محمد شوف يا الله ريحته تجنن
محمد: عطيني انشمه ..واعطتهله وشمه وجيت بناخده منا تبزع علي قميصة
محمد: كله منك معقوله هكي مرعوشه شن بنظفهلي هدا توا🔥
انا..انتا مستحبل تتنازل واتقول اني المرعوش انتا كله منك
محمد..
انا: انت
محمد: انتي
انا.. انت متنكرش
محمد: انتي اعترفي .. وقعدنا زي المهبله انت انتي والشي الوحيد يلي وقفنا هوا صوت تلفون محمد ….خداه و رد عليه وكمل اتصاله
محمد…هيا اعترفي
اني: اوووووف خلاص اني الغالطة تريحت توا
محمد: هكي تمام بس معتدرتيش
اني: اسفة
محمد: بس اسفة هكي
انا…شن تبيني انديرلك😳
محمد: امممم اديريلي مكرونة نسامحك
انا…مكرونة في الليل
محمد: اي غير هكي مش حنرضي
انا: اوكي….وامشيت للمطبخ وبديت اندير فيها وحطيتها عالنار وبديت انقطع في الجبنة البيضا وخش محمد وخدي قطعة
انا…اني مرخية
محمد: اي وهلبا حتي
واني جن جنوني عالكلمة هادي وخديت كاس العصير يلي جنبي وبزعته عليه لو اتشوفو وجهه ومنظره اتموتو من الضحك،😂
انا:هادي المرخية يا مهرج ههههههه
محمد: مهرج صار اوكي …وخدي زبادي من التلاجة وحطة في كاس وبدا يجري وراي زي المهبول هوا يجري واني نجري لعند ماوصلنا للدارنا واتعترت بالسرير وجيت طايحة ومحمد استغل الفرصة
محمد… معندك وين تمشي مني توا🤤💋
انا…..
- يتبع الفصل التالي اضغط على ( رواية معذبي ) اسم الرواية