رواية اميري المنقذ كاملة بقلم جهاد صلاح عبر مدونة دليل الروايات
رواية اميري المنقذ الفصل الخامس عشر 15
حور : اي هيا بقي
أمير : لو جات فرصة انك تكملي تعليمك هتكملي؟
حور : اكيد، بس هيا فين الفرصة بقي
أمير : انتي مش بتقولي اني مرات والدك هيا السبب في حرمانك من التعليم، انا ممكن اخليك تتعلمي من وراها ومن ورا والدك كمان، وانا واثق انك لما توصلي لمكانة كويسة اكيد هيفرح بيكي
حور : طب ازاي من وراها؟ وبعدين ازاي مقولش لبابا؟
أمير : بصي انتي هتيجي شركة عادي، بس في الفترة دي هتروحي المدرسه وترجعي على وقت انتهاء الشغل، ومينفعش تقولي لابوكي لانه ممكن يقول قدام مراته، أو أنه يرفض نهائي، فمقدمنش حل غير اني منقولوش.
حور : كلامك صح، بس ممكن تسيبي لبكره أفكر.
أمير : طبعا خدي راحتك وفكري بحكمة، ولو حابة تروحي روحي
حور : ماشي، هيا ملك هتيجي بكره؟
أمير : لا بس هتيجي بعده ان شاء الله
حور : ان شاء الله، يلا سلام
أمير : سلام
وذهبت حور إلى منزلها وهيا تفكر فيما قاله أمير لها.
حور لنفسها : انا لازم اشوف ملك واتكلم معاها واخد رأيها في الموضوع ده، انا هقوله بكره اني لسه مفكرتش، واستني ملك لما ترجع بقي.
وعلى الجانب الاخر، ذهب أمير الي منزله، ليقضي وقت مع أخيه الذي كان بعيدا عنه لمده عامين.
حسام : انت جيت يا أمير؟
أمير بفكاهة : لا لسه
حسام : لسه ظريف زي ما انت.
أمير : بقولك ايه خف صداع انا هموت وانام
حسام : بدل ما تقعد مع اخوك هتروح تنام.
أمير : والله يابني من الصبح شغل وتعب
حسام : طيب روح اتخمد.
أمير : شكرا يا محترم.
في صباح اليوم التالي استيقظت حور وذهبت الي عملها دون أن تفطر لأنها كانت متحمسة للغاية،…….. وبعد ربع ساعة وصلت حور الي الشركة.
أمير : صباح الخير يا حور
حور : صباح النور
أمير : اي النشاط والحيوية اللي على الصبح دي، بس كويس لاني في شغل كتير عايز يكمل وكمان عازمك على الغدا النهاردة، لو ممكن.
حور : ماشي ،ان شاء الله هخلص كل الشغل.
أمير : يلا على خير.
ودخل أمير مكتبه، وظلت حور تعمل وتعمل ونسيت تماما انها لم تتناول شي منذ الصباح. وبعد فترة شعرت بدوخة شديدة من كثرة العمل، وما ادي بها إلى الإغماء،
سمع أمير صوت شي وقع، فخرج سريعا وإذ به يجد حور ملاقاه على الأرض.
أمير : ها يا دكتور هيا مالها؟
الدكتور : هبوط وارهاق بس علشان ماكلتش حاجة من الصبح.
أمير : شكرا يا دكتور، اتفضل.
أمير : كده يا أستاذة حور متكليش حاجة من الصبح ومقولتليش.
حور : والله نسيت لاني كنت مشغولة في الشغل.
أمير : طيب مفيش شغل بعد كده من غير اكل، وكمان تعالي اوصلك علشان مينفعش تكملي شغل لازم ترتاحي
حور : ما انا بقيت كويسة خالص، ملهوش لازمه هكمل عادي.
أمير بعصبية : انا قولت كلمتي. وانتهينا
حور : حاضر
- يتبع الفصل التالي اضغط على ( رواية اميري المنقذ ) اسم الرواية