رواية حب غير مقصود كاملة بقلم منة عبر مدونة دليل الروايات
رواية حب غير مقصود الفصل الاول 1
كنت داخله البيت راجعه من الشغل وتعبانه ع اخري ومش طايقه حد ولا حتى نفسي دخلت وقولت السلام عليكم..
لقيت بابا و ماما بيردوا عليا من غير نفس: وعليكم السلام ورحمة الله وبركاته
حطيت الشنطه ع الكرسي و وقفت قدامهم خير ف حاجه..
ماما : احم.. ايوه ابن عمك شريف جاي انهارده يتقدملك و هتقعدي معاه..
اتكلمت بضيق : تاني ي ماما تاني؟!! هو انا مش قولت اني مش عايزه اتجوز..
بابا رد عليا بحده : انت بيجي ليكي الغريب مش عجبك ولا حتى القريب.. ادخلي غيري و ارتاحي علشان هما هيجيوا ع الساعه 7 تكوني جاهزه..
دخلت الاوضه بتاعتي وانا مدايقه بجد..
نسيت اعرفكم بنفسي انا نسمه عندي 24 سنه و بشتغل ممرضه و مش عايزه اخد خطوة الجواز دلوقتي خالص لاني مش مستعده..
نرجع تاني دخلت الاوضه و غيرت هدومي و صليت العصر و اخدت مصحفي و قعدة ع طرف السرير و بدات اقرا بعض الايات من القرآن الكريم.. لفت انتباهي صوت رسايل كتير واتس و ماسنجر حاولت كتير اني اتجاهل بس كان عدد الرسايل كتير جدا صدقت و قفلت المصحف و حطيته جنبي ع الكمود و مسكت الفون ولقيت كذا رساله من رغم غريب..
اي ي قمر..
مش هتردي..
ع العموم بكرا بالكتير هتكوني معايا ي قلبي و مش بعيد تكوني ف حضني كمان..
اه نسيت اقولك اوعي توافقي ع العريس اللي جايلك انهارده ده صدقيني لو وافقتي هتبقا نهايتكم ع ايدي..
بحبك 😉..
قرات الرسايل دي و بدا قلبي يدق جامد اووي وانا مش فاهمه حاجه.. وبصراحه اول حد جه ع بالي انه ممكن يبعت الرسايل دي هو شريف
بس شريف ليه يقول متوافقيش ع العريس اللي هو نفسه شريف ده من فتره كبيره بيتحايل عليا اني اوافق..
فتحت الفون تاني وبعت..
انت مين؟!! وجبت رقمي ازاي؟! هو انت تعرفني اصلا؟ و مين قالك اني جايلي عريس؟!!
لقيته شاف الرسايل ف نفس اللحظه اللي بعت فيها..
ولقيته بعتلي خمني انتي انا مين وانت هتعرفيني
انا : مش عايزه اعرف انت مين..
لقيته بعتلي : لو وافقتي ع شريف مش هيوصل البيت بتاعهم صدقيني هيوصل للقبر جث. ه
اول ماشوفت الرساله دي قلبي اتنفض و عملتله بلوك من خوفي..
وافتكرت ان كان ف رسايل ماسنجر فتحتها لقيت شريف بعتلي: ازيك ي نسمه عامله اي.. اكيد انتي عارفه اني جايلك انهارده علشان موضوع جوازنا.. علشان خاطري وافقي انا بحبك اوووي صدقيني والله بعشقك انا لو اطول اجبلك نجم من السما هجبلك علشان خاطري وافقي.. هكون عندك الساعه 7 بالدقيقه وبتمنى تفرحي قلبي بقا
سلام..
شوفت الرسايل و 100 فكره و فكره ف دماغي و مش فاهمه حاجه.. و خايفه بس ليه هل انا خايفه ع شريف انه يتاذى ولا انا خايفه ع نفسي والتهد. يدات دي.. قطع تفكيري خبط ايمن اخويا ع الباب..
اذنت ليه بالدخول وحاولت اتظاهر بالثبات..
(ايمن 32 سنه و متجوز وعنده بنت و ولد ريم و رحيم عندهم 5 سنين )
اتكلمت : تعالى ي ايمون..
ايمن دخل : اي ي نسوم عامله اي ي عروسه..
انا اول ما سمعت كلمه عروسه قلبي اتقبض و الدموع اتجمعت ف عيني وبصتله بصمت…
لقيته اجي و حاوطني بدراعه: اي ي نسوم مش ناويه تفرحيني بيكي بقاا.. انا عارف انك مش مستعده بس دي سُنة الحياة.. وبعدين شريف كويس وانت عارفه ده
نسمه : بس انا مش مرتاحه صدقني..
ايمن : بصي انتِ اخرجي عادي واقعدي معاهم كانها زياره عاديه خالص واللي فيه الخير ان شاء الله ربنا يقدمه.
قومت وقفت وانا حاسه اني تايهه واجى ع بالي اني اقول لايمن ع الرسايل و كنت لسه هقولي لقيت عايده مراته بتنده عليه..
ايمن : هسيبك انا بقي ي قمر و طبطب ع كتفي وخرج..
كنت متلخبطه وراحه جايه ف الاوضه ومش عارفه اعمل اي واي الحل؟!! ارفضه.. طب ما ارفضه وخلاص ما هو ده اللي انا عايزاه اصلا و ده بردو اللي عايزه الشخص المجهول اللي بعت الرسايل يا ربي اعمل اي..
دخلت غسلت و شي و خرجت نمت ع السرير والنوم غلبني للساعه 6..
عند شريف ف بيته..
شريف باين عليه الفرحه بس خايف ان نسمه ترفضه زي مره اللي فاتت..
واقف قدام المرايا بيظبط شعره و ابتسامه قلق ع ملامحه..
دخلت عليه اخته ابتسام..
ابتسام بضحكه صافيه : امسك ي شريف دي الساعه بتاعتك انتَ كنت ناسيها ف اوضة ياسر..
شريف اخد من ابتسام الساعه : شكرا ي قلب اخوكي و البسي يلا معتش وقت..
ابتسام : ماشي ي حبيبي ربنا يفرحك.
شريف حدفلها بوسه ف الهوا و كمل تجهيز نفسه..
ابتسام راحة تجهز و ياسر اخوهم بردو.
ياسر اصغر من شريف بسنتين عنده 27 سنه
ف اوضة ام شريف..
كانت قعدة ع طرف السرير و زعلانه..
حازم ابو شريف دخل..
حازم : اي ي فاتن مالك زعلانه كده ليه..
فاتن : مش عارفه ي حازم ابنك شريف دماغه ناشفه ومش عايز بتجوز غير نسمه و بيحبها ومهوس بيها وهي مش بتحبه و مش عايزاه..
قرب حازم من فاتن وباس راسها : و ده بقا اللي مزعلك كده.. ي ستي اعتبري ان احنا رايحين زياره عاديه هو مش ادهم ده اخويا ولا لا..
فاتن : ايوه معاك حق ادهم اخوك و نسمه بنت اخوك..
حازم اخدها ف حضنه : متشليش الهم كل شئ قسمه و نصيب..
فاتن ابتسمت : طب يلا علشان نلبس اصل انا عارفه ابنك فاته رايح جاي ف الاوضه محسسني انها هتهرب..
اتكلم حازم بمرح : انه الحب ي ساده..
عند نسمه..
نسمه صحيت من النوم و صلت المغرب و لبست علشان فات الكل ع وصول و كانت حاسه انها مش مدايقه زي كل مره و عندها قبول و ف امل انها هتوافق..
لبست فستان كشمير و خمار باللون الابيض وكانت بتعدله قدام المرايه..
دخل ايمن : ها خلصتي ي عروسه.
بصتله بابتسامه خفيفه : ايوه ي حبيبي خلصت اهو..
ايمن ماشي انا هقول ل عايده تيجي تقعد معاكي هنا..
وكان باعت من رقم غريب تاني..
اي ي مزهه جهزتي علشان ترفضي شريف زي المره اللي قبلها..
ساعتها حسيت ان قلبي زعل..
ارفض؟!!
عايده دخلت وانا قفلت الفون بلخبطه و حطيته جنبي..
عايده : عروستنا اللي منوره بيتنا..
نسمه : اهدي ي بنتي بقاا..
عايده بتمثيل الصدمه : اهدى اعوذ بالله..
وبعدين سمعنا صوت جرس الباب..
- يتبع الفصل التالي اضغط على ( رواية حب غير مقصود ) اسم الرواية