رواية شمس العاصي تشرق من جديد الجزء (2) الفصل الثاني عشر 12 - بقلم نورة عبد الرحمن

  رواية شمس العاصي تشرق من جديد كاملة بقلم نورة عبد الرحمن عبر مدونة دليل الروايات 

  رواية شمس العاصي تشرق من جديد الجزء (2) الفصل الثاني عشر 12

كانت تشعر بغصه بصدرها …بخذلان… بحرج ..تشعر بانها حقا مغفله..عندما ظنت بان عمران يحبها ..

مالذي حدث الان …هل حقا والدتها فعلت بها هكذا…

لم تستطيع تحمل ماسمعته ..

حتى انها لم تستمع لكلمات عمران ووالدتها فقط عيناها تذرفان الدموع لتهرب الى غرفتها وتغلق الباب بالمفتاح .تضم ساقيها الى صدرها وتبكي بحرقه ..كل شيء شعرت به من قبل كان وهم حب عمران اهتمامه.. .. .

حتى مع محاولات عمران الكثيره للتحدث معها .لم تستجيب له..فقط تنظر الى طفلتها وتفكر بفعل شيء ما…

وبعد فتره من محاولات عمران التحدث معها دون جدوى طلبت والدت هند من عمران ان يغادر ليدعها تتحدث مع ابنتها علها تهون عليها وتهدئ قليلا عندما يغادر ..وبالفعل غادر عمران وترك قلبه معها يفكر مالذي سيحدث بعد ذلك…

********

والد بهيه : اهلا يابني اتفضل..

حازم :معلش ياعمي انا مش جاي اقعد جاي اخد مرات وامشي.

لياتيه صوت اخ بهيه : مرات مين ياحازم مش طلقتها خلاص…

حازم نفخ بضيق ليقول بتجاهل وهو ينظر لوالدها : انا جاي عشان اخدها معايا ياعمي وياريت تبلغوها تجاهز روحها..عشان نروح..

اخ بهيه :تروح فين ياعم هو انت مش شايفني بكلمك..

حازم : عايز ايه انا مش فاهم راجل وعايز يرجع مراته وام ابنه..فيها ايه دي..

اخ بهيه :هو مش لعب عيال ياحازم بهيه خلاص مبقتش مراتك..

حازم :متنساش انها لسه بالعده يعني اقدر ارجعها بالوقت الي انا عايزه وانا دلوقتي عايز ارجعها..

اخ بهيه :واحنا خلاص مش موافقين.ترجعوا .

حازم بانفعال : مهو مش بمزاجك..

اخ بهيه ولا بمزاجك انت ياحازم..

ليقاطعهم والد بهيه بانفعال :كفايه انتو الاتنين مش شايفين حدا كبير قصادكم..

حازم…

اخ بهيه يابوي ..

والد بهيه :بلا ابوي بلا زفت اسكت وخلينا اتكلم..

نفخ الاخر بتذمر من والده وجلس بضيق ..

والد بهيه : قوم بلغ اختك تجهز عشان ترجع مع جووزها..

اخ بهيه :اي الكلام ده يابوي ..

والد بهيه بحده :اعمل زي مابقولك يلااا.

ليذهب بتذمر…

نظر والد بهيه الى حازم وقال :.تعالى يابني. قرب عشان عايز اقولك كلمتين..

تقدم نحوه حازم ..وجاس بجانبه..

والد بهيه:..بص ياحازم يابني..انا راجل رجلي والقبر..

حازم :بعد الشر عنك ياعمي..

والد بهيه :كلنا على الطريق ده يابني سيبني اكمل ربنا يهديك..

انا ظلمت بنتي وجيت عليها..قوي..حتى لما خواتها الشباب كانو بيجوا عليها مكنتش اقف بوشهم واحميها …بس دلوقتي انا ندمان..ندمان عشان مديتهاش حقها بالحنيه ومخدتش باللي منها..

بس انا عارف انك راجل ياحازم وعوضتها عن كل حاجه…

بس طلاقك ليها كسرها وانا شفت ده بعنيها..اصعب حاجه عالست لما جوزها يطلقها.وبالاخص لما بتحبه زي بهيه مابتحبك..

حازم بحرج :ياعمي انا..

والد بهيه : سيبني اكمل …

حازم…

والد بهيه :النهارده هسيبها ترجع معاك عشان عارف بنتي..مش هتقدر على بعدك وبعد ابنها..بس عايزك توعدني ياحازم متعملش كده تاني متكسرهاش ياحازم…انا جوزتهالك وكنت عارف انك راجل وهتقدر تحميها وتعوضها عم كل حاجه…

حازم بحرج من كلماته ذلك العجوز : اوعدك ياعمي بهيه مش رخيصه عندي دي مراتي وام ابني وست الستات وانا عملت كده عشان بس اديها درس بس والله ياعمي انا مش ممكن اتخلى عنها ابدا..ولا هسيبها ولا هضيعها من يدي

والد بهيه :ربنا يطمنك يابني ويخليكوا لبعض…

حازم بامتنان :يارب..ويخليك لينا ياعمي ..

ليقاطعهم دخول بهيه عيناها تلمعان بسعاده تنظر الى حازم بحب وشوق كبيران ودت لو ترتمي بين احضانه وتبكي وتضحك بنفس الوقت ..اتسعت ابتسامتها عند نظر اليها وابتسم..ليقول بهدوء..يلاا ياام محمد خلينا نمشي..لتسرع خلفه وتتنهد براحه ها هي ستعود لأحضان حبيبها وزوجها حازم…وكم افتقدته بالأيام القليله الماضيه….شعرت بانها اعوام …

********

عاد عزت مع بزوغ الفجر وهو منهك من التفكير ليجد غزلان نائمه بثيابها وقد جفت دموعها على وجنتيها راقبها بحب وابتسم على مظهرها الطفولي وبداخله غصه فهي الى الان ترفضه… استلقى بجانبها واخذ يتأملها مطولا ..اقترب منها وهمس لها بحبك ..ليقبل جبينها ويحتضنها وينام..بعمق يستنشق عبيرها لاول مرة تكون بين احضانه هكذا دون ان يشعر بالذنب فهي الان زوجته..

اما هي فقد شعرت به لكنها لم تبدي اي ردة فعل ..لتغرق الاخرى بالنوم بهدوء فقد شعرت بالامان والراحه في احضانه

**********

جسد وهن وينزف غارقا بدمائه…انفاس متقطعه…ياخذها بصعوبه..كان هذا حال خالد النجوى..

وعاصي يجلس على كرسيه ياخذ انفاسه بسرعه بعد ان افرغ جام غضبه على المقيد امامه ..يحاول اخراج كل ذلك الغضب عليه..

صمت خيم عليهما للحظات لا يسمع سوى صوت الانفاس..

ليقطع هذا الصمت صوت عاصي الغاضب ..

عاصي : تميم هات الورق ..

دخل تميم بهدوء فهو معتاد على رؤيت اعداء عاصي هكذا ..ممن يتعرضون له او لاحد من عائلته…ومعه الاوراق المطلوبه..

عاصي: خليهم يفكوه ياتميم وهاتوه هنا..

وبالفعل امر تميم رجاله بفك قيود خالد ليقوموا برميه امام اقدام عاصي وهو يهدده ويتوعد له…

اما عاصي فقد كست ملامحه البرود ليقول : قولتلك مليون مره ياخالد بلاش تقرب لي او لحد من عيلتي ..قولتلك جناني صعب قوي ومش هتتحمله..

خالد بتعب : صدقني هندمك ياعاصي..

عاصي بسخريه:..وماله لحد مايجي اليوم اللي تقدر تندمني فيه..هتتنازل عن كل حاجه خدتها من عمي احمد بالنصب والاحتيال بتاعك..

خالد :مش هيحصل ياعاصي..

شمر عن ذراعيه عاصي وقد داس على يد خالد المرمي عند اقدامه ليتأللم الاخر ..

ليقول عاصي : وماله ياخالد منا فاضيلك النهارده وهعيد اللي عملته من شويه وبرضه هتتنازل عشان كده بلاش تتعبني وتتعب روحك..

تميم ده حق عمي وانت اللي نصبت عليه رجعلنا حقه ..وكل حي يروح لحاله..

اخذ خالد الاوراق ووقعها بخوف وهو يتوعد لعاصي بالانتقام…

********

مساءً..

اتصلت شمس بعمران بقلق بعد ان اخبرتها والدة هند بما حدث..ليجيبها عمران بتعب..

شمس : عمران ازيك عامل ايه

عمران تعبان ياشمس صاحبتك تعباني قوي..

شمس :ياحبيبي مهو انت كمان غلطت ..

عمران انا انا عملت ايه ياشمس ..منا عملت كل حاجه عشان ارضيه هي اللي عنديه وراكبه دماغها …وكلمت الحكايه مرات عمك لما قالت اللي قالته..

شمس :طب ياعمران انا هرجع واشوف هعمل ايه..

عمران :ياريت ياشمس عشان خلاص انا مش عارف اتصرف معاها..

شمس خلاص ياحبيبي انا هخلي رؤوف يحجزلي وان شاء الله من بكرى هكون عندكم….بس مش عايزه حد يعرف عشان عاصي وميعملش مشاكل

عمران :ان شاء الله..

*******

امام منزل عاصي…

تميم ببرود عايزه ايه ياسهى..

سهى بضيق للدرجادي مش طايقني ياتميم..

تميم بانفعال انا مش طايقك..والا انتي بعمايلك بتبعديني عنك..

سهى باختناق: غصب عني والله ياتميم..

تميم عايزه ايه ياسهى ..

سهى عايزاك ترجع زي الاول..

تميم مش لازم انتي ترجعي زي الاول ياسهى بصي لروحك بالمرايه…لابسه اسود باسود وشك بهتان وكأن عندك مية سنه ..مش طايقه كلمه مني ولاحتى اني اقرب منك ومش عايزاني جنبك..

سهى انا ياتميم..

تميم بانفعال امال انا..ليكمل بسخريه دنتي مهانش عليكي تسألي عن جوزك بقالي عشر تيام بالبيت لوحدي..مسالتيش فيا انا اكل ازاي انام ازاي ..محتاج حاجه او لا. انتي طلعتي انانيه قوي ياسهى مش زي ماكنت فاكرك..

تميم انتي ايه ..انتي لو حاسه بيه مسبتنيش كل الفتره اللي فاتت لو بتحبيني ماتباتيش بمكان انا مش فيه ..عارفه ان كنت اسهر طول اللي بقول اكيد هتجي اكيد هوحشها وترجع بيتنا …بس لا ياسهى لا انتي مش البنت اللي انا حبيته وعقتشها انتي بقيتي وحده تانيه خالص..

سهى رايح فين..

تميم :هروح بيتي ياسهى عارفه…

سهى تميم..

تميم والنبي سبيني فحالي خلاص انا جبت اخري منك مش عايز اقول حاجه اندم عليها ليبعد يدها عنه ويغادر والاخرى مسحت دموعها بقهر ودخلت الى المنزل ..تفكر مالذي ستفعله وكيف ستعيد زوجها من جديد..حتى صدمت بي……

********

استيقظت غزلان بتعب بعد ليلة البارحه ولم تجد عزت بجانبها نهضت بوهن واتجه الى الحمام ليخرج عزت عاري الصدر يجفف شعره لتشهق برؤيته بهذه الهيئة..وتعود الى الخلف بسرعه ..لكنه ابتسم.و تقدم نحوها..ليقول بهدوء صباح الخير..

غزلان وهي تنظر حولها بتوتر.صصبااح النور..

عزت مشى نحوها والاخرى تتراجع حتى اصطدمت بالسرير وسقطت ليقترب منها وانفاسه الساخنه تلفح وجهها..لياخذ هاتفه من خلفه ويبتسم بهدوء وقال اجهزي عشان داده حليمه مستنيانا تحت..اخذت انفاسها بسرعه واتجهت الى الحمام بخجل لتغلقه وتضع يديها على صدرها من هول المشاعر التي اجتاحتها..لتتذكر قبلته امس وتضع يدها على شفتيها دون اراده..لتستيقظ من شرودها وتأنب نفسها…انتي بتفكري بايه ياهبله…

*********

كان عاصي يجلس بمكتبه يمسك هاتفه ويتأمل صور شمس وهي نائمه فهو كان ياخذ لها صور دون ان تدري ليقطع شروده صراخ سهى ….ووووو

• يتبع الفصل التالي اضغط على ( رواية شمس العاصي تشرق من جديد ) اسم الرواية